| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. махааваг̇г̇о
7. Mahāvaggo
1. ассуд̇аваасуд̇д̇ам̣
1. Assutavāsuttaṃ
61. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз…бз… ‘‘ассуд̇аваа, бхигкавз, бут̇уж̇ж̇ано имасмим̣ жаад̇умахаабхууд̇игасмим̣ гааяасмим̣ ниб̣б̣инд̣̇зяяаби вираж̇ж̇зяяаби вимужжзяяаби. д̇ам̣ гисса хзд̇у? 1 д̣̇иссад̇и, бхигкавз 2, имасса жаад̇умахаабхууд̇игасса гааяасса аажаяоби абажаяоби аад̣̇аанамби нигкзбанамби. д̇асмаа д̇ад̇раассуд̇аваа бут̇уж̇ж̇ано ниб̣б̣инд̣̇зяяаби вираж̇ж̇зяяаби вимужжзяяаби’’.
61. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme…pe… ‘‘assutavā, bhikkhave, puthujjano imasmiṃ cātumahābhūtikasmiṃ kāyasmiṃ nibbindeyyapi virajjeyyapi vimucceyyapi. Taṃ kissa hetu? 3 Dissati, bhikkhave 4, imassa cātumahābhūtikassa kāyassa ācayopi apacayopi ādānampi nikkhepanampi. Tasmā tatrāssutavā puthujjano nibbindeyyapi virajjeyyapi vimucceyyapi’’.
‘‘яан̃жа ко зд̇ам̣, бхигкавз, вужжад̇и жид̇д̇ам̣ ид̇иби, мано ид̇иби, вин̃н̃аан̣ам̣ ид̇иби, д̇ад̇раассуд̇аваа бут̇уж̇ж̇ано наалам̣ ниб̣б̣инд̣̇ид̇ум̣ наалам̣ вираж̇ж̇ид̇ум̣ наалам̣ вимужжид̇ум̣. д̇ам̣ гисса хзд̇у? д̣̇ийгхарад̇д̇ан̃хзд̇ам̣, бхигкавз, ассуд̇авад̇о бут̇уж̇ж̇анасса аж̇жхосид̇ам̣ мамааяид̇ам̣ бараамадтам̣ – ‘зд̇ам̣ мама, зсохамасми, зсо мз ад̇д̇аа’д̇и. д̇асмаа д̇ад̇раассуд̇аваа бут̇уж̇ж̇ано наалам̣ ниб̣б̣инд̣̇ид̇ум̣ наалам̣ вираж̇ж̇ид̇ум̣ наалам̣ вимужжид̇ум̣.
‘‘Yañca kho etaṃ, bhikkhave, vuccati cittaṃ itipi, mano itipi, viññāṇaṃ itipi, tatrāssutavā puthujjano nālaṃ nibbindituṃ nālaṃ virajjituṃ nālaṃ vimuccituṃ. Taṃ kissa hetu? Dīgharattañhetaṃ, bhikkhave, assutavato puthujjanassa ajjhositaṃ mamāyitaṃ parāmaṭṭhaṃ – ‘etaṃ mama, esohamasmi, eso me attā’ti. Tasmā tatrāssutavā puthujjano nālaṃ nibbindituṃ nālaṃ virajjituṃ nālaṃ vimuccituṃ.
‘‘варам̣ , бхигкавз, ассуд̇аваа бут̇уж̇ж̇ано имам̣ жаад̇умахаабхууд̇игам̣ гааяам̣ ад̇д̇ад̇о убаг̇ажчзяяа, на д̇взва жид̇д̇ам̣. д̇ам̣ гисса хзд̇у? д̣̇иссад̇ааяам̣, бхигкавз, жаад̇умахаабхууд̇иго гааяо згамби вассам̣ д̇идтамаано д̣̇взби вассаани д̇идтамаано д̇ийн̣иби вассаани д̇идтамаано жад̇д̇аариби вассаани д̇идтамаано бан̃жаби вассаани д̇идтамаано д̣̇асаби вассаани д̇идтамаано вийсад̇иби вассаани д̇идтамаано д̇им̣самби вассаани д̇идтамаано жад̇д̇аарийсамби вассаани д̇идтамаано бан̃н̃аасамби вассаани д̇идтамаано вассасад̇амби д̇идтамаано, бхияяоби д̇идтамаано.
‘‘Varaṃ , bhikkhave, assutavā puthujjano imaṃ cātumahābhūtikaṃ kāyaṃ attato upagaccheyya, na tveva cittaṃ. Taṃ kissa hetu? Dissatāyaṃ, bhikkhave, cātumahābhūtiko kāyo ekampi vassaṃ tiṭṭhamāno dvepi vassāni tiṭṭhamāno tīṇipi vassāni tiṭṭhamāno cattāripi vassāni tiṭṭhamāno pañcapi vassāni tiṭṭhamāno dasapi vassāni tiṭṭhamāno vīsatipi vassāni tiṭṭhamāno tiṃsampi vassāni tiṭṭhamāno cattārīsampi vassāni tiṭṭhamāno paññāsampi vassāni tiṭṭhamāno vassasatampi tiṭṭhamāno, bhiyyopi tiṭṭhamāno.
‘‘яан̃жа ко зд̇ам̣, бхигкавз, вужжад̇и жид̇д̇ам̣ ид̇иби, мано ид̇иби, вин̃н̃аан̣ам̣ ид̇иби, д̇ам̣ рад̇д̇ияаа жа д̣̇ивасасса жа ан̃н̃ад̣̇зва уббаж̇ж̇ад̇и ан̃н̃ам̣ нируж̇жхад̇и. сзяяат̇ааби, бхигкавз, маггадо аран̃н̃з баванз жарамаано саакам̣ г̇ан̣хад̇и, д̇ам̣ мун̃жид̇ваа ан̃н̃ам̣ г̇ан̣хад̇и, д̇ам̣ мун̃жид̇ваа ан̃н̃ам̣ г̇ан̣хад̇и; звамзва ко, бхигкавз, яамид̣̇ам̣ вужжад̇и жид̇д̇ам̣ ид̇иби, мано ид̇иби, вин̃н̃аан̣ам̣ ид̇иби, д̇ам̣ рад̇д̇ияаа жа д̣̇ивасасса жа ан̃н̃ад̣̇зва уббаж̇ж̇ад̇и ан̃н̃ам̣ нируж̇жхад̇и.
‘‘Yañca kho etaṃ, bhikkhave, vuccati cittaṃ itipi, mano itipi, viññāṇaṃ itipi, taṃ rattiyā ca divasassa ca aññadeva uppajjati aññaṃ nirujjhati. Seyyathāpi, bhikkhave, makkaṭo araññe pavane caramāno sākhaṃ gaṇhati, taṃ muñcitvā aññaṃ gaṇhati, taṃ muñcitvā aññaṃ gaṇhati; evameva kho, bhikkhave, yamidaṃ vuccati cittaṃ itipi, mano itipi, viññāṇaṃ itipi, taṃ rattiyā ca divasassa ca aññadeva uppajjati aññaṃ nirujjhati.
‘‘д̇ад̇ра, бхигкавз, суд̇аваа арияасааваго бадижжасамуббаад̣̇ам̣язва саад̇хугам̣ яонисо манаси гарод̇и – ‘ид̇и имасмим̣ сад̇и ид̣̇ам̣ ход̇и, имассуббаад̣̇аа ид̣̇ам̣ уббаж̇ж̇ад̇и; имасмим̣ асад̇и ид̣̇ам̣ на ход̇и, имасса нирод̇хаа ид̣̇ам̣ нируж̇жхад̇и – яад̣̇ид̣̇ам̣ авиж̇ж̇аабажжаяаа сан̇каараа; сан̇каарабажжаяаа вин̃н̃аан̣ам̣…бз… звамзд̇асса гзваласса д̣̇угкагканд̇хасса самуд̣̇аяо ход̇и. авиж̇ж̇ааяа д̇взва асзсавирааг̇анирод̇хаа сан̇кааранирод̇хо; сан̇кааранирод̇хаа вин̃н̃аан̣анирод̇хо…бз… звамзд̇асса гзваласса д̣̇угкагканд̇хасса нирод̇хо ход̇ий’’’д̇и.
‘‘Tatra, bhikkhave, sutavā ariyasāvako paṭiccasamuppādaṃyeva sādhukaṃ yoniso manasi karoti – ‘iti imasmiṃ sati idaṃ hoti, imassuppādā idaṃ uppajjati; imasmiṃ asati idaṃ na hoti, imassa nirodhā idaṃ nirujjhati – yadidaṃ avijjāpaccayā saṅkhārā; saṅkhārapaccayā viññāṇaṃ…pe… evametassa kevalassa dukkhakkhandhassa samudayo hoti. Avijjāya tveva asesavirāganirodhā saṅkhāranirodho; saṅkhāranirodhā viññāṇanirodho…pe… evametassa kevalassa dukkhakkhandhassa nirodho hotī’’’ti.
‘‘звам̣ бассам̣, бхигкавз, суд̇аваа арияасааваго руубасмимби ниб̣б̣инд̣̇ад̇и, взд̣̇анааяаби ниб̣б̣инд̣̇ад̇и, сан̃н̃ааяаби ниб̣б̣инд̣̇ад̇и, сан̇каарзсуби ниб̣б̣инд̣̇ад̇и, вин̃н̃аан̣асмимби ниб̣б̣инд̣̇ад̇и; ниб̣б̣инд̣̇ам̣ вираж̇ж̇ад̇и, вирааг̇аа вимужжад̇и, вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и. батамам̣.
‘‘Evaṃ passaṃ, bhikkhave, sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati; nibbindaṃ virajjati, virāgā vimuccati, vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. ассуд̇аваасуд̇д̇аван̣н̣анаа • 1. Assutavāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. ассуд̇аваасуд̇д̇аван̣н̣анаа • 1. Assutavāsuttavaṇṇanā
