| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. махааваг̇г̇о
7. Mahāvaggo
1. ассуд̇аваасуд̇д̇аван̣н̣анаа
1. Assutavāsuttavaṇṇanā
61. махааваг̇г̇асса батамз ассуд̇аваад̇и канд̇хад̇хаад̇уааяад̇анабажжаяаагаарасад̇ибадтаанаад̣̇ийсу уг̇г̇ахабарибужчаавинижчаяарахид̇о. бут̇уж̇ж̇анод̇и бут̇уунам̣ наанаббагаараанам̣ гилзсаад̣̇ийнам̣ ж̇ананаад̣̇игааран̣зхи бут̇уж̇ж̇ано. вуд̇д̇ан̃хзд̇ам̣ – ‘‘бут̇у гилзсз ж̇анзнд̇ийд̇и бут̇уж̇ж̇анаа’’д̇и саб̣б̣ам̣ вид̇т̇аарзд̇аб̣б̣ам̣. абижа бут̇уунам̣ г̇ан̣анабат̇амад̇ийд̇аанам̣ арияад̇хаммабараммукаанам̣ нийжад̇хаммасамаажаараанам̣ ж̇анаанам̣ анд̇ог̇ад̇хад̇д̇ааби бут̇уж̇ж̇ано, бут̇у ваа аяам̣ висум̣язва сан̇кам̣ г̇ад̇о, висам̣садто сийласуд̇аад̣̇иг̇ун̣аяуд̇д̇зхи ариязхи ж̇анод̇и бут̇уж̇ж̇ано. звамзд̇зхи ‘‘ассуд̇аваа бут̇уж̇ж̇ано’’д̇и д̣̇вийхиби бад̣̇зхи яз д̇з –
61. Mahāvaggassa paṭhame assutavāti khandhadhātuāyatanapaccayākārasatipaṭṭhānādīsu uggahaparipucchāvinicchayarahito. Puthujjanoti puthūnaṃ nānappakārānaṃ kilesādīnaṃ jananādikāraṇehi puthujjano. Vuttañhetaṃ – ‘‘puthu kilese janentīti puthujjanā’’ti sabbaṃ vitthāretabbaṃ. Apica puthūnaṃ gaṇanapathamatītānaṃ ariyadhammaparammukhānaṃ nīcadhammasamācārānaṃ janānaṃ antogadhattāpi puthujjano, puthu vā ayaṃ visuṃyeva saṅkhaṃ gato, visaṃsaṭṭho sīlasutādiguṇayuttehi ariyehi janoti puthujjano. Evametehi ‘‘assutavā puthujjano’’ti dvīhipi padehi ye te –
‘‘д̣̇увз бут̇уж̇ж̇анаа вуд̇д̇аа, б̣уд̣̇д̇хзнаад̣̇ижжаб̣анд̇хунаа;
‘‘Duve puthujjanā vuttā, buddhenādiccabandhunā;
анд̇хо бут̇уж̇ж̇ано зго, галяаан̣зго бут̇уж̇ж̇ано’’д̇и. (махаани. 94); –
Andho puthujjano eko, kalyāṇeko puthujjano’’ti. (mahāni. 94); –
д̣̇вз бут̇уж̇ж̇анаа вуд̇д̇аа, д̇зсу анд̇хабут̇уж̇ж̇ано г̇ахид̇о. имасминд̇и бажжуббаннабажжагкагааяам̣ д̣̇ассзд̇и. жаад̇умахаабхууд̇игасминд̇и жад̇умахаабхууд̇агааяз жад̇умахаабхууд̇зхи ниб̣б̣ад̇д̇з жад̇умахаабхууд̇амаязд̇и ад̇т̇о. ниб̣б̣инд̣̇зяяаад̇и угган̣тзяяа. вираж̇ж̇зяяаад̇и на раж̇ж̇зяяа. вимужжзяяаад̇и мужжид̇угаамо бхавзяяа. аажаяод̇и вуд̣дхи. абажаяод̇и барихаани. аад̣̇аананд̇и ниб̣б̣ад̇д̇и. нигкзбананд̇и бхзд̣̇о.
Dve puthujjanā vuttā, tesu andhaputhujjano gahito. Imasminti paccuppannapaccakkhakāyaṃ dasseti. Cātumahābhūtikasminti catumahābhūtakāye catumahābhūtehi nibbatte catumahābhūtamayeti attho. Nibbindeyyāti ukkaṇṭheyya. Virajjeyyāti na rajjeyya. Vimucceyyāti muccitukāmo bhaveyya. Ācayoti vuḍḍhi. Apacayoti parihāni. Ādānanti nibbatti. Nikkhepananti bhedo.
д̇асмаад̇и яасмаа имз жад̇д̇ааро вуд̣дхихааниниб̣б̣ад̇д̇ибхзд̣̇аа бан̃н̃ааяанд̇и, д̇асмаа д̇ам̣гааран̣аад̇и ад̇т̇о. ид̇и бхаг̇аваа жаад̇умахаабхууд̇игз гааяз руубам̣ бариг̇г̇ахзд̇ум̣ аяуд̇д̇аруубам̣ гад̇ваа аруубам̣ бариг̇г̇ахзд̇ум̣ яуд̇д̇аруубам̣ гарод̇и. гасмаа? д̇зсан̃хи бхигкуунам̣ руубасмим̣ г̇аахо б̣алаваа ад̇химад̇д̇о, д̇зна д̇зсам̣ руубз г̇аахасса бариг̇г̇ахзд̇аб̣б̣аруубад̇ам̣ д̣̇ассзд̇ваа ниггад̣дханд̇о аруубз бад̇идтаабанад̇т̇ам̣ звамааха.
Tasmāti yasmā ime cattāro vuḍḍhihāninibbattibhedā paññāyanti, tasmā taṃkāraṇāti attho. Iti bhagavā cātumahābhūtike kāye rūpaṃ pariggahetuṃ ayuttarūpaṃ katvā arūpaṃ pariggahetuṃ yuttarūpaṃ karoti. Kasmā? Tesañhi bhikkhūnaṃ rūpasmiṃ gāho balavā adhimatto, tena tesaṃ rūpe gāhassa pariggahetabbarūpataṃ dassetvā nikkaḍḍhanto arūpe patiṭṭhāpanatthaṃ evamāha.
жид̇д̇анд̇иаад̣̇и саб̣б̣ам̣ манааяад̇анассзва наамам̣. д̇ан̃хи жид̇д̇авад̇т̇уд̇ааяа жид̇д̇аг̇ожарад̇ааяа самбаяуд̇д̇ад̇хаммажид̇д̇ад̇ааяа жа жид̇д̇ам̣, мананадтзна мано, виж̇аананадтзна вин̃н̃аан̣анд̇и вужжад̇и. нааланд̇и на самад̇т̇о. аж̇жхосид̇анд̇и д̇ан̣хааяа г̇илид̇ваа баринидтабзд̇ваа г̇ахид̇ам̣. мамааяид̇анд̇и д̇ан̣хаамамад̇д̇зна мама ид̣̇анд̇и г̇ахид̇ам̣. бараамадтанд̇и д̣̇идтияаа бараамасид̇ваа г̇ахид̇ам̣. зд̇ам̣ мамаад̇и д̇ан̣хааг̇аахо, д̇зна адтасад̇ад̇ан̣хаавижарид̇ам̣ г̇ахид̇ам̣ ход̇и. зсохамасмийд̇и маанаг̇аахо, д̇зна нава маанаа г̇ахид̇аа хонд̇и. зсо мз ад̇д̇аад̇и д̣̇идтиг̇аахо, д̇зна д̣̇ваасадти д̣̇идтияо г̇ахид̇аа хонд̇и. д̇асмаад̇и яасмаа звам̣ д̣̇ийгхарад̇д̇ам̣ г̇ахид̇ам̣, д̇асмаа ниб̣б̣инд̣̇ид̇ум̣ на самад̇т̇о.
Cittantiādi sabbaṃ manāyatanasseva nāmaṃ. Tañhi cittavatthutāya cittagocaratāya sampayuttadhammacittatāya ca cittaṃ, mananaṭṭhena mano, vijānanaṭṭhena viññāṇanti vuccati. Nālanti na samattho. Ajjhositanti taṇhāya gilitvā pariniṭṭhapetvā gahitaṃ. Mamāyitanti taṇhāmamattena mama idanti gahitaṃ. Parāmaṭṭhanti diṭṭhiyā parāmasitvā gahitaṃ. Etaṃ mamāti taṇhāgāho, tena aṭṭhasatataṇhāvicaritaṃ gahitaṃ hoti. Esohamasmīti mānagāho, tena nava mānā gahitā honti. Eso me attāti diṭṭhigāho, tena dvāsaṭṭhi diṭṭhiyo gahitā honti. Tasmāti yasmā evaṃ dīgharattaṃ gahitaṃ, tasmā nibbindituṃ na samattho.
варам̣, бхигкавзд̇и ид̣̇ам̣ гасмаа ааха? батаман̃хи д̇зна руубам̣ бариг̇г̇ахзд̇ум̣ аяуд̇д̇аруубам̣ гад̇ам̣, аруубам̣ яуд̇д̇аруубам̣, ат̇а ‘‘д̇зсам̣ бхигкуунам̣ руубад̇о г̇аахо нигкамид̇ваа аруубам̣ г̇ад̇о’’д̇и н̃ад̇ваа д̇ам̣ ниггад̣дхид̇ум̣ имам̣ д̣̇зсанам̣ аарабхи. д̇ад̇т̇а ад̇д̇ад̇о убаг̇ажчзяяаад̇и ад̇д̇аад̇и г̇ан̣хзяяа. бхияяобийд̇и вассасад̇ад̇о уд̣̇д̇хамби. гасмаа бана бхаг̇аваа звамааха? гим̣ ад̇ирзгавассасад̇ам̣ д̇идтамаанам̣ руубам̣ наама ад̇т̇и? нану батамаваяз бавад̇д̇ам̣ руубам̣ маж̇жхимаваяам̣ на баабун̣аад̇и, маж̇жхимаваяз бавад̇д̇ам̣ бажчимаваяам̣, бурзбхад̇д̇з бавад̇д̇ам̣ бажчаабхад̇д̇ам̣, бажчаабхад̇д̇з бавад̇д̇ам̣ батамаяаамам̣, батамаяаамз бавад̇д̇ам̣ маж̇жхимаяаамам̣, маж̇жхимаяаамз бавад̇д̇ам̣ бажчимаяаамам̣ на баабун̣аад̇и? д̇ат̇аа г̇аманз бавад̇д̇ам̣ таанам̣, таанз бавад̇д̇ам̣ нисаж̇ж̇ам̣, нисаж̇ж̇ааяа бавад̇д̇ам̣ саяанам̣ на баабун̣аад̇и. згаирияаабат̇зби баад̣̇асса уд̣̇д̇харан̣з бавад̇д̇ам̣ ад̇ихаран̣ам̣, ад̇ихаран̣з бавад̇д̇ам̣ вийд̇ихаран̣ам̣, вийд̇ихаран̣з бавад̇д̇ам̣ воссаж̇ж̇анам̣, воссаж̇ж̇анз бавад̇д̇ам̣ саннигкзбанам̣, саннигкзбанз бавад̇д̇ам̣ саннируж̇жханам̣ на баабун̣аад̇и, д̇ад̇т̇а д̇ад̇т̇зва од̇хи од̇хи баб̣б̣ам̣ баб̣б̣ам̣ худ̇ваа д̇ад̇д̇агабаалз багкид̇д̇ад̇илаа вияа бадабадааяанд̇аа сан̇каараа бхиж̇ж̇анд̇ийд̇и? сажжамзд̇ам̣. яат̇аа бана бад̣̇ийбасса ж̇алад̇о ж̇аад̇аа д̇ам̣ д̇ам̣ ваддиббад̣̇зсам̣ анад̇иггамид̇ваа д̇ад̇т̇а д̇ад̇т̇зва бхиж̇ж̇ад̇и, ат̇а жа бана бавзн̣исамб̣анд̇хавасзна саб̣б̣арад̇д̇им̣ ж̇алид̇о бад̣̇ийбод̇и вужжад̇и, звамид̇хааби бавзн̣ивасзна аяамби гааяо звам̣ жирадтид̇иго вияа гад̇ваа д̣̇ассид̇о.
Varaṃ, bhikkhaveti idaṃ kasmā āha? Paṭhamañhi tena rūpaṃ pariggahetuṃ ayuttarūpaṃ kataṃ, arūpaṃ yuttarūpaṃ, atha ‘‘tesaṃ bhikkhūnaṃ rūpato gāho nikkhamitvā arūpaṃ gato’’ti ñatvā taṃ nikkaḍḍhituṃ imaṃ desanaṃ ārabhi. Tattha attato upagaccheyyāti attāti gaṇheyya. Bhiyyopīti vassasatato uddhampi. Kasmā pana bhagavā evamāha? Kiṃ atirekavassasataṃ tiṭṭhamānaṃ rūpaṃ nāma atthi? Nanu paṭhamavaye pavattaṃ rūpaṃ majjhimavayaṃ na pāpuṇāti, majjhimavaye pavattaṃ pacchimavayaṃ, purebhatte pavattaṃ pacchābhattaṃ, pacchābhatte pavattaṃ paṭhamayāmaṃ, paṭhamayāme pavattaṃ majjhimayāmaṃ, majjhimayāme pavattaṃ pacchimayāmaṃ na pāpuṇāti? Tathā gamane pavattaṃ ṭhānaṃ, ṭhāne pavattaṃ nisajjaṃ, nisajjāya pavattaṃ sayanaṃ na pāpuṇāti. Ekairiyāpathepi pādassa uddharaṇe pavattaṃ atiharaṇaṃ, atiharaṇe pavattaṃ vītiharaṇaṃ, vītiharaṇe pavattaṃ vossajjanaṃ, vossajjane pavattaṃ sannikkhepanaṃ, sannikkhepane pavattaṃ sannirujjhanaṃ na pāpuṇāti, tattha tattheva odhi odhi pabbaṃ pabbaṃ hutvā tattakapāle pakkhittatilā viya paṭapaṭāyantā saṅkhārā bhijjantīti? Saccametaṃ. Yathā pana padīpassa jalato jātā taṃ taṃ vaṭṭippadesaṃ anatikkamitvā tattha tattheva bhijjati, atha ca pana paveṇisambandhavasena sabbarattiṃ jalito padīpoti vuccati, evamidhāpi paveṇivasena ayampi kāyo evaṃ ciraṭṭhitiko viya katvā dassito.
рад̇д̇ияаа жа д̣̇ивасасса жаад̇и рад̇д̇имхи жа д̣̇ивасз жа. бхуммад̇т̇з хзд̇ам̣ саамиважанам̣. ан̃н̃ад̣̇зва уббаж̇ж̇ад̇и, ан̃н̃ам̣ нируж̇жхад̇ийд̇и яам̣ рад̇д̇им̣ уббаж̇ж̇ад̇и жа нируж̇жхад̇и жа, д̇ад̇о ан̃н̃ад̣̇зва д̣̇иваа уббаж̇ж̇ад̇и жа нируж̇жхад̇и жаад̇и ад̇т̇о. ан̃н̃ам̣ уббаж̇ж̇ад̇и, ануббаннамзва ан̃н̃ам̣ нируж̇жхад̇ийд̇и звам̣ бана ад̇т̇о на г̇ахзд̇аб̣б̣о. ‘‘рад̇д̇ияаа жа д̣̇ивасасса жаа’’д̇и ид̣̇ам̣ буримабавзн̣ид̇о барид̇д̇агам̣ бавзн̣им̣ г̇ахзд̇ваа бавзн̣ивасзнзва вуд̇д̇ам̣, згарад̇д̇им̣ бана згад̣̇ивасам̣ ваа згамзва жид̇д̇ам̣ таад̇ум̣ самад̇т̇ам̣ наама над̇т̇и. згасмин̃хи ажчараагкан̣з анзгаани жид̇д̇агодисад̇асахассаани уббаж̇ж̇анд̇и. вуд̇д̇амби жзд̇ам̣ милинд̣̇абан̃хз –
Rattiyā ca divasassa cāti rattimhi ca divase ca. Bhummatthe hetaṃ sāmivacanaṃ. Aññadeva uppajjati, aññaṃ nirujjhatīti yaṃ rattiṃ uppajjati ca nirujjhati ca, tato aññadeva divā uppajjati ca nirujjhati cāti attho. Aññaṃ uppajjati, anuppannameva aññaṃ nirujjhatīti evaṃ pana attho na gahetabbo. ‘‘Rattiyā ca divasassa cā’’ti idaṃ purimapaveṇito parittakaṃ paveṇiṃ gahetvā paveṇivaseneva vuttaṃ, ekarattiṃ pana ekadivasaṃ vā ekameva cittaṃ ṭhātuṃ samatthaṃ nāma natthi. Ekasmiñhi accharākkhaṇe anekāni cittakoṭisatasahassāni uppajjanti. Vuttampi cetaṃ milindapañhe –
‘‘ваахасад̇ам̣ ко, махаарааж̇а , вийхийнам̣, ад̣дхажуул̣ан̃жа ваахаа, вийхисад̇д̇амб̣ан̣аани, д̣̇вз жа д̇умб̣аа, згажчараагкан̣з бавад̇д̇асса жид̇д̇асса зд̇д̇агаа вийхий лагкам̣ табийяамаанаа баригкаяам̣ барияаад̣̇аанам̣ г̇ажчзяяу’’нд̇и.
‘‘Vāhasataṃ kho, mahārāja , vīhīnaṃ, aḍḍhacūḷañca vāhā, vīhisattambaṇāni, dve ca tumbā, ekaccharākkhaṇe pavattassa cittassa ettakā vīhī lakkhaṃ ṭhapīyamānā parikkhayaṃ pariyādānaṃ gaccheyyu’’nti.
баванзд̇и махааванз. д̇ам̣ мун̃жид̇ваа ан̃н̃ам̣ г̇ан̣хаад̇и, д̇ам̣ мун̃жид̇ваа ан̃н̃ам̣ г̇ан̣хаад̇ийд̇и иминаа на со г̇ан̣хид̇аб̣б̣асаакам̣ алабхид̇ваа бхуумим̣ од̇арад̇и. ат̇а ко д̇асмим̣ махааванз вижаранд̇о д̇ам̣ д̇ам̣ саакам̣ г̇ан̣ханд̇оязва жарад̇ийд̇и аяамад̇т̇о д̣̇ассид̇о.
Pavaneti mahāvane. Taṃ muñcitvā aññaṃ gaṇhāti, taṃ muñcitvā aññaṃ gaṇhātīti iminā na so gaṇhitabbasākhaṃ alabhitvā bhūmiṃ otarati. Atha kho tasmiṃ mahāvane vicaranto taṃ taṃ sākhaṃ gaṇhantoyeva caratīti ayamattho dassito.
звамзва код̇и зд̇т̇а ид̣̇ам̣ обаммасам̣санд̣̇анам̣ – аран̃н̃амахааванам̣ вияа хи аарамман̣аванам̣ взд̣̇ид̇аб̣б̣ам̣. д̇асмим̣ ванз вижаран̣амаггадо вияа аарамман̣аванз уббаж̇ж̇анагажид̇д̇ам̣. саакааг̇ахан̣ам̣ вияа аарамман̣з луб̣бханам̣. яат̇аа со аран̃н̃з вижаранд̇о маггадо д̇ам̣ д̇ам̣ саакам̣ бахааяа д̇ам̣ д̇ам̣ саакам̣ г̇ан̣хаад̇и, звамид̣̇ам̣ аарамман̣аванз вижаранд̇ам̣ жид̇д̇амби гад̣̇аажи руубаарамман̣ам̣ г̇ахзд̇ваа уббаж̇ж̇ад̇и, гад̣̇аажи сад̣̇д̣̇аад̣̇ийсу ан̃н̃ад̇арам̣, гад̣̇аажи ад̇ийд̇ам̣, гад̣̇аажи анааг̇ад̇ам̣ ваа бажжуббаннам̣ ваа, д̇ат̇аа гад̣̇аажи аж̇жхад̇д̇ам̣, гад̣̇аажи б̣аахирам̣. яат̇аа жа со аран̃н̃з вижаранд̇о маггадо саакам̣ алабхид̇ваа оруяха бхуумияам̣ нисиннод̇и на вад̇д̇аб̣б̣о, згам̣ бана бан̣н̣асаакам̣ г̇ахзд̇ваава нисийд̣̇ад̇и, звамзва аарамман̣аванз вижаранд̇ам̣ жид̇д̇амби згам̣ олуб̣бхаарамман̣ам̣ алабхид̇ваа уббаннанд̇и на вад̇д̇аб̣б̣ам̣, згаж̇аад̇ияам̣ бана аарамман̣ам̣ г̇ахзд̇ваава уббаж̇ж̇ад̇ийд̇и взд̣̇ид̇аб̣б̣ам̣. зд̇д̇аавад̇аа жа бана бхаг̇авад̇аа руубад̇о нийхарид̇ваа аруубз г̇аахо бад̇идтаабид̇о, аруубад̇о нийхарид̇ваа руубз.
Evameva khoti ettha idaṃ opammasaṃsandanaṃ – araññamahāvanaṃ viya hi ārammaṇavanaṃ veditabbaṃ. Tasmiṃ vane vicaraṇamakkaṭo viya ārammaṇavane uppajjanakacittaṃ. Sākhāgahaṇaṃ viya ārammaṇe lubbhanaṃ. Yathā so araññe vicaranto makkaṭo taṃ taṃ sākhaṃ pahāya taṃ taṃ sākhaṃ gaṇhāti, evamidaṃ ārammaṇavane vicarantaṃ cittampi kadāci rūpārammaṇaṃ gahetvā uppajjati, kadāci saddādīsu aññataraṃ, kadāci atītaṃ, kadāci anāgataṃ vā paccuppannaṃ vā, tathā kadāci ajjhattaṃ, kadāci bāhiraṃ. Yathā ca so araññe vicaranto makkaṭo sākhaṃ alabhitvā oruyha bhūmiyaṃ nisinnoti na vattabbo, ekaṃ pana paṇṇasākhaṃ gahetvāva nisīdati, evameva ārammaṇavane vicarantaṃ cittampi ekaṃ olubbhārammaṇaṃ alabhitvā uppannanti na vattabbaṃ, ekajātiyaṃ pana ārammaṇaṃ gahetvāva uppajjatīti veditabbaṃ. Ettāvatā ca pana bhagavatā rūpato nīharitvā arūpe gāho patiṭṭhāpito, arūpato nīharitvā rūpe.
ид̣̇аани д̇ам̣ убхаяад̇о ниггад̣дхид̇угаамо д̇ад̇ра, бхигкавз, суд̇аваа арияасаавагод̇и д̣̇зсанам̣ аарабхи. аяам̣ банад̇т̇о аасийвисад̣̇адтуубамааяа д̣̇ийбзд̇аб̣б̣о – зго гира бурисо аасийвисзна д̣̇адто, ат̇асса висам̣ хариссаамийд̇и чзго бхисагго ааг̇анд̇ваа ваманам̣ гаарзд̇ваа хздтаа г̇арул̣о, убари нааг̇од̇и манд̇ам̣ баривад̇д̇зд̇ваа висам̣ убари ааробзси. со яаава агкиббад̣̇зсаа аарул̣хабхаавам̣ н̃ад̇ваа ‘‘ид̇о барам̣ абхирухид̇ум̣ на д̣̇ассаами, д̣̇адтадтаанзязва табзссаамий’’д̇и убари г̇арул̣о, хздтаа нааг̇од̇и манд̇ам̣ баривад̇д̇зд̇ваа ган̣н̣з д̇хумзд̇ваа д̣̇ан̣д̣агзна бахарид̇ваа висам̣ од̇аарзд̇ваа д̣̇адтадтаанзязва табзси. д̇ад̇расса тид̇абхаавам̣ н̃ад̇ваа аг̇ад̣̇алзбзна висам̣ ниммат̇зд̇ваа нхаабзд̇ваа ‘‘сукий хохий’’д̇и вад̇ваа язнагаамам̣ баггаами.
Idāni taṃ ubhayato nikkaḍḍhitukāmo tatra, bhikkhave, sutavā ariyasāvakoti desanaṃ ārabhi. Ayaṃ panattho āsīvisadaṭṭhūpamāya dīpetabbo – eko kira puriso āsīvisena daṭṭho, athassa visaṃ harissāmīti cheko bhisakko āgantvā vamanaṃ kāretvā heṭṭhā garuḷo, upari nāgoti mantaṃ parivattetvā visaṃ upari āropesi. So yāva akkhippadesā āruḷhabhāvaṃ ñatvā ‘‘ito paraṃ abhiruhituṃ na dassāmi, daṭṭhaṭṭhāneyeva ṭhapessāmī’’ti upari garuḷo, heṭṭhā nāgoti mantaṃ parivattetvā kaṇṇe dhumetvā daṇḍakena paharitvā visaṃ otāretvā daṭṭhaṭṭhāneyeva ṭhapesi. Tatrassa ṭhitabhāvaṃ ñatvā agadalepena visaṃ nimmathetvā nhāpetvā ‘‘sukhī hohī’’ti vatvā yenakāmaṃ pakkāmi.
д̇ад̇т̇а аасийвисзна д̣̇адтасса гааяз висабад̇идтаанам̣ вияа имзсам̣ бхигкуунам̣ руубз ад̇химад̇д̇аг̇аахагаало, чзго бхисагго вияа д̇ат̇ааг̇ад̇о, манд̇ам̣ баривад̇д̇зд̇ваа убари висасса ааробид̇агаало вияа д̇ат̇ааг̇ад̇зна д̇зсам̣ бхигкуунам̣ руубад̇о г̇аахам̣ нийхарид̇ваа аруубз бад̇идтаабид̇агаало, яаава агкиббад̣̇зсаа аарул̣хависасса убари абхирухид̇ум̣ ад̣̇ад̇ваа буна манд̇аб̣алзна од̇аарзд̇ваа д̣̇адтадтаанзязва табанам̣ вияа сад̇т̇аараа д̇зсам̣ бхигкуунам̣ аруубад̇о г̇аахам̣ нийхарид̇ваа руубз бад̇идтаабид̇агаало. д̣̇адтадтаанз тид̇асса висасса аг̇ад̣̇алзбзна ниммат̇анам̣ вияа убхаяад̇о г̇аахам̣ нийхаран̣ад̇т̇ааяа имиссаа д̣̇зсанааяа аарад̣̇д̇хагаало взд̣̇ид̇аб̣б̣о. д̇ад̇т̇а ниб̣б̣инд̣̇ам̣ вираж̇ж̇ад̇ийд̇и иминаа маг̇г̇о гат̇ид̇о, вирааг̇аа вимужжад̇ийд̇и палам̣, вимуд̇д̇асминд̇иаад̣̇инаа бажжавзгкан̣аа. батамам̣.
Tattha āsīvisena daṭṭhassa kāye visapatiṭṭhānaṃ viya imesaṃ bhikkhūnaṃ rūpe adhimattagāhakālo, cheko bhisakko viya tathāgato, mantaṃ parivattetvā upari visassa āropitakālo viya tathāgatena tesaṃ bhikkhūnaṃ rūpato gāhaṃ nīharitvā arūpe patiṭṭhāpitakālo, yāva akkhippadesā āruḷhavisassa upari abhiruhituṃ adatvā puna mantabalena otāretvā daṭṭhaṭṭhāneyeva ṭhapanaṃ viya satthārā tesaṃ bhikkhūnaṃ arūpato gāhaṃ nīharitvā rūpe patiṭṭhāpitakālo. Daṭṭhaṭṭhāne ṭhitassa visassa agadalepena nimmathanaṃ viya ubhayato gāhaṃ nīharaṇatthāya imissā desanāya āraddhakālo veditabbo. Tattha nibbindaṃ virajjatīti iminā maggo kathito, virāgā vimuccatīti phalaṃ, vimuttasmintiādinā paccavekkhaṇā. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. ассуд̇аваасуд̇д̇ам̣ • 1. Assutavāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. ассуд̇аваасуд̇д̇аван̣н̣анаа • 1. Assutavāsuttavaṇṇanā
