| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. махааваг̇г̇о
7. Mahāvaggo
1. ассуд̇аваасуд̇д̇аван̣н̣анаа
1. Assutavāsuttavaṇṇanā
61. ‘‘ассуд̇аваа’’д̇и сод̇ад̣̇ваараанусаарзна убад̇хаарид̇ам̣, убад̇хааран̣ам̣ ваа суд̇ам̣ асса ад̇т̇ийд̇и суд̇аваа, д̇аббадигкзбзна на суд̇аваад̇и ассуд̇аваа. ваа-сад̣̇д̣̇о жааяам̣ басам̣сааяам̣, ад̇исаяасса ваа б̣од̇ханаго, д̇асмаа яасса басам̣сид̇ам̣, ад̇исаязна ваа суд̇ам̣ ад̇т̇и, со ‘‘суд̇аваа’’д̇и сам̣гилзсавид̣̇д̇хам̣санасамад̇т̇о барияад̇д̇ид̇хаммабарижаяо ‘‘д̇ам̣ суд̇ваа д̇ат̇ад̇д̇ааяа бадибад̇д̇и жа суд̇аваа’’д̇и иминаа бад̣̇зна багаасид̇о. ат̇а ваа сод̇аб̣б̣аяуд̇д̇ам̣ суд̇ваа гад̇д̇аб̣б̣анибпад̇д̇им̣ сун̣ийд̇и суд̇аваа. д̇аббадигкзбзна на суд̇аваад̇и ассуд̇аваа. д̇знааху бораан̣аа ‘‘ааг̇амаад̇хиг̇амаабхааваа, н̃зяяо ассуд̇аваа ид̇ий’’д̇и. д̇ат̇аа жааха ‘‘канд̇хад̇хаад̇у…бз… винижчаяарахид̇о’’д̇и. д̇ад̇т̇а ваажуг̇г̇ад̇агаран̣ам̣ уг̇г̇ахо, д̇ад̇т̇а барибужчанам̣ барибужчаа, гусалзхи саха жод̣̇анаабарихаран̣авасзна винижчаяасса гааран̣ам̣ винижчаяо. бут̇уунанд̇и б̣ахуунам̣. гилзсаад̣̇ийнам̣ гилзсаабхисан̇каараанам̣ вид̇т̇аарзд̇аб̣б̣ам̣ бадисамбхид̣̇аамаг̇г̇анид̣̇д̣̇зсзсу (махаани. 51, 94) ааг̇ад̇анаязна. анд̇хабут̇уж̇ж̇ано г̇ахид̇о ‘‘наалам̣ ниб̣б̣инд̣̇ид̇у’’нд̇иаад̣̇иважанад̇о. аасаннабажжагкаваажий ид̣̇ам̣-сад̣̇д̣̇од̇и ааха ‘‘имасминд̇и бажжуббаннабажжагкагааяам̣ д̣̇ассзд̇ий’’д̇и. жад̇уусу махаабхууд̇зсу нияуд̇д̇од̇и жаад̇умахаабхууд̇иго. яат̇аа бана махаамад̇д̇игааяа ниб̣б̣ад̇д̇ам̣ мад̇д̇игаамаяам̣, звамаяам̣ жад̇уухи махаабхууд̇зхи ниб̣б̣ад̇д̇о ‘‘жад̇умахаабхууд̇амаяо’’д̇и вуд̇д̇ам̣. ниб̣б̣инд̣̇зяяаад̇и ниб̣б̣инд̣̇анамби аабаж̇ж̇зяяа. ниб̣б̣инд̣̇анаа наама угган̣танаа анабхирад̇ибхаавад̇од̇и вуд̇д̇ам̣ ‘‘угган̣тзяяаа’’д̇и. вираж̇ж̇зяяаад̇и вийд̇арааг̇о бхавзяяа. д̇знааха ‘‘на раж̇ж̇зяяаа’’д̇и. вимужжзяяаад̇и ид̇ха бана ажжанд̇ааяа вимужжанам̣ ад̇хиббзд̇анд̇и ааха ‘‘мужжид̇угаамо бхавзяяаа’’д̇и. жад̇уухи жа руубаж̇анагабажжаязхи ааг̇ад̇о жаяод̇и, аажаяо, вуд̣̇д̇хи. жаяад̇о абаггамод̇и абажаяо, барихаани. аад̣̇аананд̇и г̇ахан̣ам̣, бадисанд̇хияаа ниб̣б̣ад̇д̇и. бхзд̣̇од̇и канд̇хаанам̣ бхзд̣̇о. со хи гал̣зварасса нигкзбод̇и вуд̇д̇од̇и ааха ‘‘нигкзбананд̇и бхзд̣̇о’’д̇и.
61.‘‘Assutavā’’ti sotadvārānusārena upadhāritaṃ, upadhāraṇaṃ vā sutaṃ assa atthīti sutavā, tappaṭikkhepena na sutavāti assutavā. Vā-saddo cāyaṃ pasaṃsāyaṃ, atisayassa vā bodhanako, tasmā yassa pasaṃsitaṃ, atisayena vā sutaṃ atthi, so ‘‘sutavā’’ti saṃkilesaviddhaṃsanasamattho pariyattidhammaparicayo ‘‘taṃ sutvā tathattāya paṭipatti ca sutavā’’ti iminā padena pakāsito. Atha vā sotabbayuttaṃ sutvā kattabbanipphattiṃ suṇīti sutavā. Tappaṭikkhepena na sutavāti assutavā. Tenāhu porāṇā ‘‘āgamādhigamābhāvā, ñeyyo assutavā itī’’ti. Tathā cāha ‘‘khandhadhātu…pe… vinicchayarahito’’ti. Tattha vācuggatakaraṇaṃ uggaho, tattha paripucchanaṃ paripucchā, kusalehi saha codanāpariharaṇavasena vinicchayassa kāraṇaṃ vinicchayo. Puthūnanti bahūnaṃ. Kilesādīnaṃ kilesābhisaṅkhārānaṃ vitthāretabbaṃ paṭisambhidāmagganiddesesu (mahāni. 51, 94) āgatanayena. Andhaputhujjano gahito ‘‘nālaṃ nibbinditu’’ntiādivacanato. Āsannapaccakkhavācī idaṃ-saddoti āha ‘‘imasminti paccuppannapaccakkhakāyaṃ dassetī’’ti. Catūsu mahābhūtesu niyuttoti cātumahābhūtiko. Yathā pana mahāmattikāya nibbattaṃ mattikāmayaṃ, evamayaṃ catūhi mahābhūtehi nibbatto ‘‘catumahābhūtamayo’’ti vuttaṃ. Nibbindeyyāti nibbindanampi āpajjeyya. Nibbindanā nāma ukkaṇṭhanā anabhiratibhāvatoti vuttaṃ ‘‘ukkaṇṭheyyā’’ti. Virajjeyyāti vītarāgo bhaveyya. Tenāha ‘‘na rajjeyyā’’ti. Vimucceyyāti idha pana accantāya vimuccanaṃ adhippetanti āha ‘‘muccitukāmo bhaveyyā’’ti. Catūhi ca rūpajanakapaccayehi āgato cayoti, ācayo, vuddhi. Cayato apakkamoti apacayo, parihāni. Ādānanti gahaṇaṃ, paṭisandhiyā nibbatti. Bhedoti khandhānaṃ bhedo. So hi kaḷevarassa nikkhepoti vuttoti āha ‘‘nikkhepananti bhedo’’ti.
бан̃н̃ааяанд̇ийд̇и багаарад̇о н̃ааяанд̇и. руубам̣ бариг̇г̇ахзд̇ум̣ бариг̇г̇ан̣ханавасзнаби руубам̣ ааламб̣ид̇ум̣. аяуд̇д̇аруубам̣ гад̇ваа д̇ан̣хаад̣̇ийхи бариг̇г̇ахзд̇ум̣ аруубам̣ бариг̇г̇ан̣хид̇ум̣ яуд̇д̇аруубам̣ гарод̇и д̇зсам̣ бхигкуунам̣ саббааяабхаавад̇о. д̇знааха ‘‘гасмаа’’д̇иаад̣̇и. ниггад̣дханд̇од̇и д̇ад̇о г̇аахад̇о нийхаранд̇о.
Paññāyantīti pakārato ñāyanti. Rūpaṃ pariggahetuṃ pariggaṇhanavasenapi rūpaṃ ālambituṃ. Ayuttarūpaṃ katvā taṇhādīhi pariggahetuṃ arūpaṃ pariggaṇhituṃ yuttarūpaṃ karoti tesaṃ bhikkhūnaṃ sappāyabhāvato. Tenāha ‘‘kasmā’’tiādi. Nikkaḍḍhantoti tato gāhato nīharanto.
манааяад̇анассзва наамам̣, на самаад̇хибан̃н̃ад̇д̇ийнам̣ ‘‘жид̇д̇ам̣ бан̃н̃ан̃жа бхааваяам̣ (сам̣. ни. 1.23, 192; бздаго. 22; ми. ба. 1.9.9), жид̇д̇о г̇ахабад̇ий’’д̇иаад̣̇ийсу (д̇ха. ба. адта. 74) вияа. жид̇д̇ийгаад̇аб̣б̣абхууд̇ам̣ вад̇т̇у зд̇ассаад̇и жид̇д̇авад̇т̇у, д̇асса бхааво жид̇д̇авад̇т̇уд̇аа, д̇зна гааран̣зна жид̇д̇абхаавамааха. жид̇д̇аг̇ожарад̇ааяаад̇и жид̇д̇авижид̇д̇ависаяад̇ааяа. самбаяуд̇д̇ад̇хаммажид̇д̇ад̇ааяаад̇и рааг̇аад̣̇исад̣̇д̇хаад̣̇исамбаяуд̇д̇ад̇хаммавасзна жид̇д̇асабхаавад̇д̇аа. д̇зна жид̇д̇ад̇ааяа жид̇д̇ад̇д̇амааха. виж̇аананадтзнаад̇и б̣уж̇жханадтзна. аж̇жхосид̇анд̇и аж̇жхосаабхууд̇ааяа д̇ан̣хааяа г̇ахид̇ам̣. д̇знааха ‘‘д̇ан̣хааяаа’’д̇иаад̣̇и. бараамасид̇ваад̇и д̇хаммасабхаавам̣ анижжад̇аад̣̇им̣ ад̇иггамид̇ваа барад̇о нижжаад̣̇ид̇о аамасид̇ваа. адтасад̇анд̇и адтаад̇хигам̣ сад̇ам̣. нава маанаад̇и сзяяасса ‘‘сзяяохамасмий’’д̇иаад̣̇инаа ааг̇ад̇аа нававид̇хамаанаа. б̣рахмаж̇аалз ааг̇ад̇аа сассад̇аваад̣̇аад̣̇аяо д̣̇ваасадтид̣̇идтияо. званд̇и вуд̇д̇аагаарзна. яасмаа д̇ан̣хаамаанад̣̇идтиг̇г̇аахавасзна бут̇уж̇ж̇анзна д̣̇ал̣хаг̇г̇аахам̣ г̇ахид̇ам̣, д̇асмаа со д̇ад̇т̇а ниб̣б̣инд̣̇ид̇ум̣ ниб̣б̣ид̣̇аан̃аан̣ам̣ уббаад̣̇зд̇ум̣ на самад̇т̇о.
Manāyatanassevanāmaṃ, na samādhipaññattīnaṃ ‘‘cittaṃ paññañca bhāvayaṃ (saṃ. ni. 1.23, 192; peṭako. 22; mi. pa. 1.9.9), citto gahapatī’’tiādīsu (dha. pa. aṭṭha. 74) viya. Cittīkātabbabhūtaṃ vatthu etassāti cittavatthu, tassa bhāvo cittavatthutā, tena kāraṇena cittabhāvamāha. Cittagocaratāyāti cittavicittavisayatāya. Sampayuttadhammacittatāyāti rāgādisaddhādisampayuttadhammavasena cittasabhāvattā. Tena cittatāya cittattamāha. Vijānanaṭṭhenāti bujjhanaṭṭhena. Ajjhositanti ajjhosābhūtāya taṇhāya gahitaṃ. Tenāha ‘‘taṇhāyā’’tiādi. Parāmasitvāti dhammasabhāvaṃ aniccatādiṃ atikkamitvā parato niccādito āmasitvā. Aṭṭhasatanti aṭṭhādhikaṃ sataṃ. Nava mānāti seyyassa ‘‘seyyohamasmī’’tiādinā āgatā navavidhamānā. Brahmajāle āgatā sassatavādādayo dvāsaṭṭhidiṭṭhiyo. Evanti vuttākārena. Yasmā taṇhāmānadiṭṭhiggāhavasena puthujjanena daḷhaggāhaṃ gahitaṃ, tasmā so tattha nibbindituṃ nibbidāñāṇaṃ uppādetuṃ na samattho.
бхигкавзд̇и зд̇т̇а ид̇и-сад̣̇д̣̇о аад̣̇иад̇т̇о, д̇зна ‘‘вара’’нд̇и звамаад̣̇игам̣ сан̇г̇ан̣хаад̇и. ид̣̇ам̣ анусанд̇хиважанам̣ ‘‘гасмаа аахаа’’д̇и гат̇зд̇угаамад̇ааяа гааран̣ам̣ бужчад̇и. д̇знааха ‘‘батамам̣ хий’’д̇иаад̣̇и. ассуд̇авад̇аа бут̇уж̇ж̇анзна. д̇знаад̇и бхаг̇авад̇аа. аяуд̇д̇аруубам̣ гад̇ам̣ ‘‘ниб̣б̣инд̣̇зяяаа’’д̇иаад̣̇инаа аад̣̇ийнавасса вибхаавид̇ад̇д̇аа. аруубз бана д̇ат̇аа аад̣̇ийнавасса авибхаавид̇ад̇д̇аа вуд̇д̇ам̣ ‘‘аруубам̣ бариг̇г̇ахзд̇ум̣ яуд̇д̇арууба’’нд̇и, яуд̇д̇аруубам̣ вияа гад̇анд̇и ад̇хиббааяо. г̇ааход̇и д̇ан̣хаамаанад̣̇идтиг̇г̇аахо. ‘‘нигкамид̇ваа аруубам̣ г̇ад̇о’’д̇и ид̣̇ам̣ бхаг̇авад̇аа аад̣̇ийнавам̣ д̣̇ассзд̇ваа руубз г̇аахо бадигкид̇д̇о, на аруубз, д̇асмаа ‘‘гаад̇аб̣б̣о ну ко со д̇ад̇т̇аа’’д̇и мижчааг̇ан̣ханд̇аанам̣ со д̇ад̇о руубад̇о нигкамид̇ваа аруубам̣ г̇ад̇о вияа ход̇ийд̇и гад̇ваа вуд̇д̇ам̣. д̇идтамаананд̇и д̇идтанд̇ам̣. ‘‘аабаж̇ж̇ид̇ваа вияа ход̇ий’’д̇и сабхаавзна бавад̇д̇амаанам̣ ‘‘батамаваяз’’д̇иаад̣̇инаа руубасса бхзд̣̇ам̣ ваяаад̣̇ийхи вибхаж̇ид̇ваа д̣̇ассзд̇и.
Bhikkhaveti ettha iti-saddo ādiattho, tena ‘‘vara’’nti evamādikaṃ saṅgaṇhāti. Idaṃ anusandhivacanaṃ ‘‘kasmā āhā’’ti kathetukāmatāya kāraṇaṃ pucchati. Tenāha ‘‘paṭhamaṃ hī’’tiādi. Assutavatā puthujjanena. Tenāti bhagavatā. Ayuttarūpaṃ kataṃ ‘‘nibbindeyyā’’tiādinā ādīnavassa vibhāvitattā. Arūpe pana tathā ādīnavassa avibhāvitattā vuttaṃ ‘‘arūpaṃ pariggahetuṃ yuttarūpa’’nti, yuttarūpaṃ viya katanti adhippāyo. Gāhoti taṇhāmānadiṭṭhiggāho. ‘‘Nikkhamitvā arūpaṃ gato’’ti idaṃ bhagavatā ādīnavaṃ dassetvā rūpe gāho paṭikkhitto, na arūpe, tasmā ‘‘kātabbo nu kho so tatthā’’ti micchāgaṇhantānaṃ so tato rūpato nikkhamitvā arūpaṃ gato viya hotīti katvā vuttaṃ. Tiṭṭhamānanti tiṭṭhantaṃ. ‘‘Āpajjitvā viya hotī’’ti sabhāvena pavattamānaṃ ‘‘paṭhamavaye’’tiādinā rūpassa bhedaṃ vayādīhi vibhajitvā dasseti.
баад̣̇асса уд̣̇д̇харан̣зд̇и яат̇аа табид̇асса баад̣̇асса угкибанз. ад̇ихаран̣анд̇и яат̇аауд̣̇д̇хад̇ам̣ яат̇аадтид̇адтаанам̣ ад̇иггамид̇ваа харан̣ам̣. вийд̇ихаран̣анд̇и уд̣̇д̇хад̇о баад̣̇о яат̇аадтид̇ам̣ баад̣̇ам̣ яат̇аа на гхаддзд̇и, звам̣ т̇огам̣ бассад̇о барин̣аамзд̇ваа харан̣ам̣. воссаж̇ж̇ананд̇и д̇ат̇аа барабаад̣̇ам̣ вийд̇исаарзд̇ваа бхуумияам̣ нигкибанад̇т̇ам̣ авоссаж̇ж̇анам̣. саннигкзбананд̇и воссаж̇ж̇зд̇ваа бхуумияам̣ самам̣ нигкибанам̣ табанам̣. саннируж̇жхананд̇и нигкид̇д̇асса саб̣б̣асо нируж̇жханам̣ уббийл̣анам̣. д̇ад̇т̇а д̇ад̇т̇зваад̇и д̇асмим̣ д̇асмим̣ батамаваяаад̣̇игз зва. авад̇хааран̣зна д̇зсам̣ годтаасанд̇арасан̇гаманаабхаавамааха. од̇хийд̇и бхааво, баб̣б̣анд̇и санд̇хи. батамаваяаад̣̇аяо зва хзд̇т̇а од̇хи баб̣б̣анд̇и жа ад̇хиббзд̇аа. бадабадааяанд̇аад̇и ‘‘бадабадаа’’ид̇и гаронд̇аа вияа, д̇зна нзсам̣ бавад̇д̇игкан̣асса ид̇д̇арад̇ам̣ д̣̇ассзд̇и. зд̇анд̇и зд̇ам̣ руубад̇хаммаанам̣ яат̇аавуд̇д̇ам̣ д̇ад̇т̇а д̇ад̇т̇зва бхиж̇ж̇анам̣ звам̣ вуд̇д̇аббагаарамзва. ваддиббад̣̇зсанд̇и ваддияаа булагам̣ б̣арахам̣. д̇ан̃хи ваддияаа булагам̣ анад̇иггамид̇ваава саа д̣̇ийбаж̇аалаа бхиж̇ж̇ад̇и. бавзн̣исамб̣анд̇хавасзнаад̇и санд̇ад̇ивасзна.
Pādassa uddharaṇeti yathā ṭhapitassa pādassa ukkhipane. Atiharaṇanti yathāuddhataṃ yathāṭṭhitaṭṭhānaṃ atikkamitvā haraṇaṃ. Vītiharaṇanti uddhato pādo yathāṭṭhitaṃ pādaṃ yathā na ghaṭṭeti, evaṃ thokaṃ passato pariṇāmetvā haraṇaṃ. Vossajjananti tathā parapādaṃ vītisāretvā bhūmiyaṃ nikkhipanatthaṃ avossajjanaṃ. Sannikkhepananti vossajjetvā bhūmiyaṃ samaṃ nikkhipanaṃ ṭhapanaṃ. Sannirujjhananti nikkhittassa sabbaso nirujjhanaṃ uppīḷanaṃ. Tattha tatthevāti tasmiṃ tasmiṃ paṭhamavayādike eva. Avadhāraṇena tesaṃ koṭṭhāsantarasaṅkamanābhāvamāha. Odhīti bhāvo, pabbanti sandhi. Paṭhamavayādayo eva hettha odhi pabbanti ca adhippetā. Paṭapaṭāyantāti ‘‘paṭapaṭā’’iti karontā viya, tena nesaṃ pavattikkhaṇassa ittarataṃ dasseti. Etanti etaṃ rūpadhammānaṃ yathāvuttaṃ tattha tattheva bhijjanaṃ evaṃ vuttappakārameva. Vaṭṭippadesanti vaṭṭiyā pulakaṃ barahaṃ. Tañhi vaṭṭiyā pulakaṃ anatikkamitvāva sā dīpajālā bhijjati. Paveṇisambandhavasenāti santativasena.
рад̇д̇инд̇и рад̇д̇ияам̣. бхуммад̇т̇з хзд̇ам̣ убаяог̇аважанам̣. звам̣ бана ад̇т̇о на г̇ахзд̇аб̣б̣о ануббаннасса нирод̇хаабхаавад̇о. буримабавзн̣ид̇од̇и руубз вуд̇д̇абавзн̣ид̇о. анзгаани жид̇д̇агодисад̇асахассаани уббаж̇ж̇анд̇ийд̇и вуд̇д̇амад̇т̇ам̣ т̇зраваад̣̇зна д̣̇ийбзд̇ум̣ ‘‘вуд̇д̇амби жзд̇а’’нд̇иаад̣̇и вуд̇д̇ам̣. ад̣дхажуул̣анд̇и т̇огзна уунам̣ убад̣дхам̣, д̇асса бана убад̣дхам̣ ад̇хигаарад̇о ваахасад̇ассаад̇и вин̃н̃ааяад̇и. ‘‘ад̣дхажуд̣̇д̣̇аса’’нд̇и гзжи, ‘‘ад̣дхажад̇уд̇т̇а’’нд̇и абарз. ‘‘саад̇хигам̣ д̣̇ияад̣дхасад̇ам̣ ваахаа’’д̇и д̣̇ал̣хам̣ гад̇ваа вад̣̇анд̇ийд̇и виймам̣сид̇аб̣б̣ам̣. жад̇унаал̣иго д̇умб̣о. махааран̃н̃ад̇ааяа бавад̣̇д̇хам̣ ванам̣ бавананд̇и ааха ‘‘баванзд̇и махааванз’’д̇и. д̇анд̇и батамам̣ г̇ахид̇асаакам̣. аяамад̇т̇од̇и аяам̣ бхуумим̣ анод̇арид̇ваа тид̇асаакааяа зва г̇ахан̣асан̇каад̇о ад̇т̇о. зд̇ад̣̇ад̇т̇амзва хи бхаг̇аваа ‘‘аран̃н̃з’’д̇и вад̇вааби ‘‘баванз’’д̇и ааха.
Rattinti rattiyaṃ. Bhummatthe hetaṃ upayogavacanaṃ. Evaṃ pana attho na gahetabbo anuppannassa nirodhābhāvato. Purimapaveṇitoti rūpe vuttapaveṇito. Anekāni cittakoṭisatasahassāni uppajjantīti vuttamatthaṃ theravādena dīpetuṃ ‘‘vuttampi ceta’’ntiādi vuttaṃ. Aḍḍhacūḷanti thokena ūnaṃ upaḍḍhaṃ, tassa pana upaḍḍhaṃ adhikārato vāhasatassāti viññāyati. ‘‘Aḍḍhacuddasa’’nti keci, ‘‘aḍḍhacatuttha’’nti apare. ‘‘Sādhikaṃ diyaḍḍhasataṃ vāhā’’ti daḷhaṃ katvā vadantīti vīmaṃsitabbaṃ. Catunāḷiko tumbo. Mahāraññatāya pavaddhaṃ vanaṃ pavananti āha ‘‘pavaneti mahāvane’’ti. Tanti paṭhamaṃ gahitasākhaṃ. Ayamatthoti ayaṃ bhūmiṃ anotaritvā ṭhitasākhāya eva gahaṇasaṅkhāto attho. Etadatthameva hi bhagavā ‘‘araññe’’ti vatvāpi ‘‘pavane’’ti āha.
аран̃н̃амахааванам̣ вияаад̇и аран̃н̃адтаанз б̣рахааран̃н̃з вияа. аарамман̣оламб̣ананд̇и аарамман̣асса аваламб̣анам̣. на вад̇д̇аб̣б̣ам̣ аарамман̣абажжаязна винаа ануббаж̇ж̇анад̇о. згаж̇аад̇ияанд̇и руубаад̣̇инийлаад̣̇изгасабхаавам̣. ‘‘д̣̇иссад̇и, бхигкавз, имасса жаад̇умахаабхууд̇игасса гааяасса аажаяоби абажаяобий’’д̇и вад̣̇анд̇зна руубад̇о нийхарид̇ваа аруубз г̇аахо бад̇идтаабид̇о наама, ‘‘варам̣, бхигкавз, ассуд̇аваа бут̇уж̇ж̇ано’’д̇иаад̣̇им̣ вад̣̇анд̇зна аруубад̇о нийхарид̇ваа руубз г̇аахо бад̇идтаабид̇о наама.
Araññamahāvanaṃ viyāti araññaṭṭhāne brahāraññe viya. Ārammaṇolambananti ārammaṇassa avalambanaṃ. Na vattabbaṃ ārammaṇapaccayena vinā anuppajjanato. Ekajātiyanti rūpādinīlādiekasabhāvaṃ. ‘‘Dissati, bhikkhave, imassa cātumahābhūtikassa kāyassa ācayopi apacayopī’’ti vadantena rūpato nīharitvā arūpe gāho patiṭṭhāpito nāma, ‘‘varaṃ, bhikkhave, assutavā puthujjano’’tiādiṃ vadantena arūpato nīharitvā rūpe gāho patiṭṭhāpito nāma.
нанд̇и г̇аахам̣. убхаяад̇од̇и руубад̇о жа аруубад̇о жа. хариссаамийд̇и нийхариссаами. баривад̇д̇зд̇ваад̇и манд̇ам̣ ж̇аббид̇ваа. ган̣н̣з д̇хумзд̇ваад̇и ган̣н̣з д̇хамзд̇ваа. ассаад̇и висасса. ниммат̇зд̇ваад̇и ниммад̣̇д̣̇ид̇ваа, нийхарид̇ваад̇и ад̇хиббааяо.
Nanti gāhaṃ. Ubhayatoti rūpato ca arūpato ca. Harissāmīti nīharissāmi. Parivattetvāti mantaṃ jappitvā. Kaṇṇe dhumetvāti kaṇṇe dhametvā. Assāti visassa. Nimmathetvāti nimmadditvā, nīharitvāti adhippāyo.
маг̇г̇од̇и логуд̇д̇арамаг̇г̇о. ‘‘ниб̣б̣инд̣̇а’’нд̇и иминаа б̣алававибассанаа гат̇ид̇аа.
Maggoti lokuttaramaggo. ‘‘Nibbinda’’nti iminā balavavipassanā kathitā.
ассуд̇аваасуд̇д̇аван̣н̣анаа нидтид̇аа.
Assutavāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. ассуд̇аваасуд̇д̇ам̣ • 1. Assutavāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. ассуд̇аваасуд̇д̇аван̣н̣анаа • 1. Assutavāsuttavaṇṇanā
