| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
асубхагат̇аа
Asubhakathā
263. ид̣̇аани рааг̇ажарид̇асад̇д̇аанам̣ зганд̇ахид̇ам̣ наанаарамман̣зсу згзгаж̇жхаанавасзнзва бавад̇д̇амаанам̣ руубааважарагусалам̣ д̣̇ассзд̇ум̣ буна гад̇амз д̇хаммаа гусалаад̇иаад̣̇и аарад̣̇д̇хам̣.
263. Idāni rāgacaritasattānaṃ ekantahitaṃ nānārammaṇesu ekekajjhānavaseneva pavattamānaṃ rūpāvacarakusalaṃ dassetuṃ puna katame dhammā kusalātiādi āraddhaṃ.
д̇ад̇т̇а уд̣̇д̇хумаад̇агасан̃н̃аасахаг̇ад̇анд̇иаад̣̇ийсу, бхасд̇аа вияа вааяунаа, уд̣̇д̇хам̣ ж̇ийвид̇абарияаад̣̇аанаа яат̇аануггамам̣ самуг̇г̇ад̇зна суунабхаавзна д̇хумаад̇ад̇д̇аа уд̣̇д̇хумаад̇ам̣. уд̣̇д̇хумаад̇амзва уд̣̇д̇хумаад̇агам̣. бадигуулад̇д̇аа ваа гужчид̇ам̣ уд̣̇д̇хумаад̇анд̇и уд̣̇д̇хумаад̇агам̣. д̇ат̇ааруубасса чавасарийрассзд̇ам̣ ад̇хиважанам̣. винийлам̣ вужжад̇и вибарибхиннанийлаван̣н̣ам̣. винийламзва винийлагам̣. бадигуулад̇д̇аа ваа гужчид̇ам̣ винийланд̇и винийлагам̣. мам̣суссад̣̇адтаанзсу рад̇д̇аван̣н̣асса, буб̣б̣асаннижаяадтаанзсу сзд̇аван̣н̣асса, язбхуяязна жа нийлаван̣н̣асса , нийладтаанз нийласаадагабааруд̇ассзва чавасарийрассзд̇ам̣ ад̇хиважанам̣. барибхиннадтаанзсу виссанд̣̇амаанам̣ буб̣б̣ам̣ вибуб̣б̣ам̣. вибуб̣б̣амзва вибуб̣б̣агам̣. бадигуулад̇д̇аа ваа гужчид̇ам̣ вибуб̣б̣анд̇и вибуб̣б̣агам̣. д̇ат̇ааруубасса чавасарийрассзд̇ам̣ ад̇хиважанам̣. вижчид̣̇д̣̇ам̣ вужжад̇и д̣̇вид̇хаа чинд̣̇анзна абад̇хаарид̇ам̣, вижчид̣̇д̣̇амзва вижчид̣̇д̣̇агам̣. бадигуулад̇д̇аа ваа гужчид̇ам̣ вижчид̣̇д̣̇анд̇и вижчид̣̇д̣̇агам̣. взмаж̇жхз чиннасса чавасарийрассзд̇ам̣ ад̇хиважанам̣. ид̇о жа зд̇д̇о жа вивид̇хаагаарзна сон̣асин̇г̇аалаад̣̇ийхи кааяид̇ам̣ вигкааяид̇ам̣. вигкааяид̇амзва вигкааяид̇агам̣. бадигуулад̇д̇аа ваа гужчид̇ам̣ вигкааяид̇анд̇и вигкааяид̇агам̣. д̇ат̇ааруубасса чавасарийрассзд̇ам̣ ад̇хиважанам̣. вивид̇хаа кид̇д̇ам̣ вигкид̇д̇ам̣. вигкид̇д̇амзва вигкид̇д̇агам̣. бадигуулад̇д̇аа ваа гужчид̇ам̣ вигкид̇д̇анд̇и вигкид̇д̇агам̣. ‘ан̃н̃зна хад̇т̇ам̣ ан̃н̃зна баад̣̇ам̣ ан̃н̃зна сийса’нд̇и звам̣ д̇ад̇о д̇ад̇о кид̇д̇асса чавасарийрассзд̇ам̣ ад̇хиважанам̣. хад̇ан̃жа д̇ам̣ буриманаязнзва вигкид̇д̇аган̃жаад̇и хад̇авигкид̇д̇агам̣. гаагабад̣̇аагаарзна ан̇г̇абажжан̇г̇зсу сад̇т̇зна ханид̇ваа вуд̇д̇анаязна вигкид̇д̇агасса чавасарийрассзд̇ам̣ ад̇хиважанам̣. лохид̇ам̣ гирад̇и, вигкибад̇и, ид̇о жид̇о жа баг̇гхарад̇ийд̇и лохид̇агам̣. баг̇гхарид̇алохид̇амагкид̇асса чавасарийрассзд̇ам̣ ад̇хиважанам̣. бул̣аваа вужжанд̇и гимаяо. бул̣авз вигирад̇ийд̇и бул̣авагам̣. гимибарибун̣н̣асса чавасарийрассзд̇ам̣ ад̇хиважанам̣. адтиязва адтигам̣. бадигуулад̇д̇аа ваа гужчид̇ам̣ адтийд̇и адтигам̣. адтисан̇калигааяаби згадтигассаби зд̇ам̣ ад̇хиважанам̣. имаани жа бана уд̣̇д̇хумаад̇агаад̣̇ийни ниссааяа уббаннанимид̇д̇аанамби нимид̇д̇зсу бадилад̣̇д̇хаж̇жхаанаанамби зд̇аанзва наамаани.
Tattha uddhumātakasaññāsahagatantiādīsu, bhastā viya vāyunā, uddhaṃ jīvitapariyādānā yathānukkamaṃ samuggatena sūnabhāvena dhumātattā uddhumātaṃ. Uddhumātameva uddhumātakaṃ. Paṭikūlattā vā kucchitaṃ uddhumātanti uddhumātakaṃ. Tathārūpassa chavasarīrassetaṃ adhivacanaṃ. Vinīlaṃ vuccati viparibhinnanīlavaṇṇaṃ. Vinīlameva vinīlakaṃ. Paṭikūlattā vā kucchitaṃ vinīlanti vinīlakaṃ. Maṃsussadaṭṭhānesu rattavaṇṇassa, pubbasannicayaṭṭhānesu setavaṇṇassa, yebhuyyena ca nīlavaṇṇassa , nīlaṭṭhāne nīlasāṭakapārutasseva chavasarīrassetaṃ adhivacanaṃ. Paribhinnaṭṭhānesu vissandamānaṃ pubbaṃ vipubbaṃ. Vipubbameva vipubbakaṃ. Paṭikūlattā vā kucchitaṃ vipubbanti vipubbakaṃ. Tathārūpassa chavasarīrassetaṃ adhivacanaṃ. Vicchiddaṃ vuccati dvidhā chindanena apadhāritaṃ, vicchiddameva vicchiddakaṃ. Paṭikūlattā vā kucchitaṃ vicchiddanti vicchiddakaṃ. Vemajjhe chinnassa chavasarīrassetaṃ adhivacanaṃ. Ito ca etto ca vividhākārena soṇasiṅgālādīhi khāyitaṃ vikkhāyitaṃ. Vikkhāyitameva vikkhāyitakaṃ. Paṭikūlattā vā kucchitaṃ vikkhāyitanti vikkhāyitakaṃ. Tathārūpassa chavasarīrassetaṃ adhivacanaṃ. Vividhā khittaṃ vikkhittaṃ. Vikkhittameva vikkhittakaṃ. Paṭikūlattā vā kucchitaṃ vikkhittanti vikkhittakaṃ. ‘Aññena hatthaṃ aññena pādaṃ aññena sīsa’nti evaṃ tato tato khittassa chavasarīrassetaṃ adhivacanaṃ. Hatañca taṃ purimanayeneva vikkhittakañcāti hatavikkhittakaṃ. Kākapadākārena aṅgapaccaṅgesu satthena hanitvā vuttanayena vikkhittakassa chavasarīrassetaṃ adhivacanaṃ. Lohitaṃ kirati, vikkhipati, ito cito ca paggharatīti lohitakaṃ. Paggharitalohitamakkhitassa chavasarīrassetaṃ adhivacanaṃ. Puḷavā vuccanti kimayo. Puḷave vikiratīti puḷavakaṃ. Kimiparipuṇṇassa chavasarīrassetaṃ adhivacanaṃ. Aṭṭhiyeva aṭṭhikaṃ. Paṭikūlattā vā kucchitaṃ aṭṭhīti aṭṭhikaṃ. Aṭṭhisaṅkhalikāyapi ekaṭṭhikassapi etaṃ adhivacanaṃ. Imāni ca pana uddhumātakādīni nissāya uppannanimittānampi nimittesu paṭiladdhajjhānānampi etāneva nāmāni.
д̇ад̇т̇а уд̣̇д̇хумаад̇аганимид̇д̇з аббанаавасзна уббаннаа сан̃н̃аа уд̣̇д̇хумаад̇агасан̃н̃аа. д̇ааяа уд̣̇д̇хумаад̇агасан̃н̃ааяа самбаяог̇адтзна сахаг̇ад̇ам̣ уд̣̇д̇хумаад̇агасан̃н̃аасахаг̇ад̇ам̣. винийлагасан̃н̃аасахаг̇ад̇аад̣̇ийсуби зсзва наяо. яам̣ банзд̇т̇а бхааванаавид̇хаанам̣ вад̇д̇аб̣б̣ам̣ бхавзяяа, д̇ам̣ саб̣б̣аагаарзна висуд̣̇д̇химаг̇г̇з (висуд̣̇д̇хи. 1.103 аад̣̇аяо) вуд̇д̇амзва. авасзсаа баал̣иван̣н̣анаа хздтаа вуд̇д̇анаязнзва взд̣̇ид̇аб̣б̣аа. гзвалан̃хи ид̇ха, жад̇уд̇т̇аж̇жхаанавасзна убзгкааб̣рахмавихаарз вияа, батамаж̇жхаанавасзна згзгасмим̣ бан̃жавийсад̇и згагаа хонд̇и. асубхаарамман̣асса жа авад̣дханийяад̇д̇аа, барид̇д̇з уд̣̇д̇хумаад̇агадтаанз уббаннанимид̇д̇аарамман̣ам̣ барид̇д̇аарамман̣ам̣, маханд̇з аббамаан̣аарамман̣ам̣ взд̣̇ид̇аб̣б̣ам̣. сзсзсуби зсзва наяод̇и.
Tattha uddhumātakanimitte appanāvasena uppannā saññā uddhumātakasaññā. Tāya uddhumātakasaññāya sampayogaṭṭhena sahagataṃ uddhumātakasaññāsahagataṃ. Vinīlakasaññāsahagatādīsupi eseva nayo. Yaṃ panettha bhāvanāvidhānaṃ vattabbaṃ bhaveyya, taṃ sabbākārena visuddhimagge (visuddhi. 1.103 ādayo) vuttameva. Avasesā pāḷivaṇṇanā heṭṭhā vuttanayeneva veditabbā. Kevalañhi idha, catutthajjhānavasena upekkhābrahmavihāre viya, paṭhamajjhānavasena ekekasmiṃ pañcavīsati ekakā honti. Asubhārammaṇassa ca avaḍḍhanīyattā, paritte uddhumātakaṭṭhāne uppannanimittārammaṇaṃ parittārammaṇaṃ, mahante appamāṇārammaṇaṃ veditabbaṃ. Sesesupi eseva nayoti.
ид̇и асубхаани субхаг̇ун̣о,
Iti asubhāni subhaguṇo,
д̣̇асасад̇аложанзна т̇уд̇агид̇д̇и;
Dasasatalocanena thutakitti;
яаани авожа д̣̇асаб̣ало,
Yāni avoca dasabalo,
згзгаж̇жхаанахзд̇ууни.
Ekekajjhānahetūni.
звам̣ баал̣инаязнзва, д̇аава саб̣б̣аани д̇аани ж̇аанид̇ваа;
Evaṃ pāḷinayeneva, tāva sabbāni tāni jānitvā;
д̇зсвзва аяам̣ бхияяо, багин̣н̣агагат̇ааби вин̃н̃зяяаа. (висуд̣̇д̇хи. 1.120);
Tesveva ayaṃ bhiyyo, pakiṇṇakakathāpi viññeyyā. (visuddhi. 1.120);
зд̇зсу хи яад̇т̇а гад̇т̇ажи ад̇хиг̇ад̇аж̇жхаано сувигкамбхид̇арааг̇ад̇д̇аа вийд̇арааг̇о вияа ниллолуббажааро ход̇и. звам̣ санд̇зби явааяам̣ асубхабхзд̣̇о вуд̇д̇о, со сарийрасабхааваббад̇д̇ивасзна жа рааг̇ажарид̇абхзд̣̇авасзна жаад̇и взд̣̇ид̇аб̣б̣о.
Etesu hi yattha katthaci adhigatajjhāno suvikkhambhitarāgattā vītarāgo viya nilloluppacāro hoti. Evaṃ santepi yvāyaṃ asubhabhedo vutto, so sarīrasabhāvappattivasena ca rāgacaritabhedavasena cāti veditabbo.
чавасарийран̃хи бадигуулабхаавам̣ аабаж̇ж̇амаанам̣ уд̣̇д̇хумаад̇агасабхааваббад̇д̇ам̣ ваа сияаа, винийлагаад̣̇ийнам̣ ваа ан̃н̃ад̇арасабхааваббад̇д̇ам̣. ид̇и яаад̣̇исам̣ яаад̣̇исам̣ саггаа ход̇и лад̣̇д̇хум̣ д̇аад̣̇исз д̇аад̣̇исз уд̣̇д̇хумаад̇агабадигуулам̣ винийлагабадигууланд̇и звам̣ нимид̇д̇ам̣ г̇ан̣хид̇аб̣б̣амзваад̇и сарийрасабхааваббад̇д̇ивасзна д̣̇асад̇хаа асубхаббабхзд̣̇о вуд̇д̇од̇и взд̣̇ид̇аб̣б̣о.
Chavasarīrañhi paṭikūlabhāvaṃ āpajjamānaṃ uddhumātakasabhāvappattaṃ vā siyā, vinīlakādīnaṃ vā aññatarasabhāvappattaṃ. Iti yādisaṃ yādisaṃ sakkā hoti laddhuṃ tādise tādise uddhumātakapaṭikūlaṃ vinīlakapaṭikūlanti evaṃ nimittaṃ gaṇhitabbamevāti sarīrasabhāvappattivasena dasadhā asubhappabhedo vuttoti veditabbo.
висзсад̇о жзд̇т̇а уд̣̇д̇хумаад̇агам̣ сарийрасан̣таанавибад̇д̇иббагаасанад̇о сарийрасан̣таанарааг̇ино саббааяам̣. винийлагам̣ чавирааг̇авибад̇д̇иббагаасанад̇о сарийраван̣н̣арааг̇ино саббааяам̣. вибуб̣б̣агам̣ гааяаван̣абадиб̣ад̣̇д̇хасса д̣̇уг̇г̇анд̇хабхаавасса багаасанад̇о маалааг̇анд̇хаад̣̇ивасзна самудтаабид̇асарийраг̇анд̇харааг̇ино саббааяам̣. вижчид̣̇д̣̇агам̣ анд̇осусирабхааваббагаасанад̇о сарийрз гханабхааварааг̇ино саббааяам̣. вигкааяид̇агам̣ мам̣суубажаяасамбад̇д̇ивинаасаббагаасанад̇о т̇анаад̣̇ийсу сарийраббад̣̇зсзсу мам̣суубажаяарааг̇ино саббааяам̣. вигкид̇д̇агам̣ ан̇г̇абажжан̇г̇аанам̣ вигкзбаббагаасанад̇о ан̇г̇абажжан̇г̇алийлаарааг̇ино саббааяам̣. хад̇авигкид̇д̇агам̣ сарийрасан̇гхаадабхзд̣̇авигаараббагаасанад̇о сарийрасан̇гхаадасамбад̇д̇ирааг̇ино саббааяам̣. лохид̇агам̣ лохид̇амагкид̇абадигуулабхааваббагаасанад̇о алан̇гаараж̇анид̇асобхарааг̇ино саббааяам̣. бул̣авагам̣ гааяасса анзгагимигуласаад̇хааран̣абхааваббагаасанад̇о гааяз мамад̇д̇арааг̇ино саббааяам̣. адтигам̣ сарийрадтийнам̣ бадигуулабхааваббагаасанад̇о д̣̇анд̇асамбад̇д̇ирааг̇ино саббааяанд̇и. звам̣ рааг̇ажарид̇авасзнааби д̣̇асад̇хаа асубхаббабхзд̣̇о вуд̇д̇од̇и взд̣̇ид̇аб̣б̣о.
Visesato cettha uddhumātakaṃ sarīrasaṇṭhānavipattippakāsanato sarīrasaṇṭhānarāgino sappāyaṃ. Vinīlakaṃ chavirāgavipattippakāsanato sarīravaṇṇarāgino sappāyaṃ. Vipubbakaṃ kāyavaṇapaṭibaddhassa duggandhabhāvassa pakāsanato mālāgandhādivasena samuṭṭhāpitasarīragandharāgino sappāyaṃ. Vicchiddakaṃ antosusirabhāvappakāsanato sarīre ghanabhāvarāgino sappāyaṃ. Vikkhāyitakaṃ maṃsūpacayasampattivināsappakāsanato thanādīsu sarīrappadesesu maṃsūpacayarāgino sappāyaṃ. Vikkhittakaṃ aṅgapaccaṅgānaṃ vikkhepappakāsanato aṅgapaccaṅgalīlārāgino sappāyaṃ. Hatavikkhittakaṃ sarīrasaṅghāṭabhedavikārappakāsanato sarīrasaṅghāṭasampattirāgino sappāyaṃ. Lohitakaṃ lohitamakkhitapaṭikūlabhāvappakāsanato alaṅkārajanitasobharāgino sappāyaṃ. Puḷavakaṃ kāyassa anekakimikulasādhāraṇabhāvappakāsanato kāye mamattarāgino sappāyaṃ. Aṭṭhikaṃ sarīraṭṭhīnaṃ paṭikūlabhāvappakāsanato dantasampattirāgino sappāyanti. Evaṃ rāgacaritavasenāpi dasadhā asubhappabhedo vuttoti veditabbo.
яасмаа бана д̣̇асавид̇хзби зд̇асмим̣ асубхз сзяяат̇ааби наама абарисан̣тид̇аж̇алааяа сийгхасод̇ааяа над̣̇ияаа арид̇д̇аб̣алзнзва нааваа д̇идтад̇и, винаа арид̇д̇зна на саггаа табзд̇ум̣, звамзва д̣̇уб̣б̣алад̇д̇аа аарамман̣асса вид̇аггаб̣алзнзва жид̇д̇ам̣ згаг̇г̇ам̣ худ̇ваа д̇идтад̇и, винаа вид̇аггзна на саггаа табзд̇ум̣, д̇асмаа батамаж̇жхаанамзвзд̇т̇а ход̇и, на д̣̇уд̇ияаад̣̇ийни. бадигуулзби жзд̇асмим̣ аарамман̣з ‘ад̣̇д̇хаа имааяа бадибад̣̇ааяа ж̇араамаран̣амхаа баримужжиссаамий’д̇и звам̣ аанисам̣сад̣̇ассаавид̇ааяа жзва нийваран̣асанд̇аабаббахаанзна жа бийд̇исоманассам̣ уббаж̇ж̇ад̇и, ‘б̣ахум̣ д̣̇аани взд̇анам̣ лабхиссаамий’д̇и аанисам̣сад̣̇ассаавино бубпачад̣д̣агасса г̇уут̇араасимхи вияа, уссаннаб̣яаад̇хид̣̇угкасса рог̇ино ваманавирзжанаббавад̇д̇ияам̣ вияа жа.
Yasmā pana dasavidhepi etasmiṃ asubhe seyyathāpi nāma aparisaṇṭhitajalāya sīghasotāya nadiyā arittabaleneva nāvā tiṭṭhati, vinā arittena na sakkā ṭhapetuṃ, evameva dubbalattā ārammaṇassa vitakkabaleneva cittaṃ ekaggaṃ hutvā tiṭṭhati, vinā vitakkena na sakkā ṭhapetuṃ, tasmā paṭhamajjhānamevettha hoti, na dutiyādīni. Paṭikūlepi cetasmiṃ ārammaṇe ‘addhā imāya paṭipadāya jarāmaraṇamhā parimuccissāmī’ti evaṃ ānisaṃsadassāvitāya ceva nīvaraṇasantāpappahānena ca pītisomanassaṃ uppajjati, ‘bahuṃ dāni vetanaṃ labhissāmī’ti ānisaṃsadassāvino pupphachaḍḍakassa gūtharāsimhi viya, ussannabyādhidukkhassa rogino vamanavirecanappavattiyaṃ viya ca.
д̣̇асавид̇хамби жзд̇ам̣ асубхам̣ лагкан̣ад̇о згамзва ход̇и. д̣̇асавид̇хассаби хи зд̇асса асужид̣̇уг̇г̇анд̇хаж̇зг̇ужчабадигуулабхааво зва лагкан̣ам̣. д̇ад̣̇зд̇ам̣ иминаа лагкан̣зна на гзвалам̣ мад̇асарийрзязва д̣̇анд̇адтигад̣̇ассаавино бана жзд̇ияабаб̣б̣ад̇аваасино махаад̇иссад̇т̇зрасса вияа, хад̇т̇игканд̇хаг̇ад̇ам̣ рааж̇аанам̣ уллогзнд̇асса сан̇гхарагкид̇ад̇т̇зрубадтаагасааман̣зрасса вияа жа, ж̇ийвамаанагасарийрзби убадтаад̇и. яат̇зва хи мад̇асарийрам̣ звам̣ ж̇ийвамаанагамби асубхамзва. асубхалагкан̣ам̣ банзд̇т̇а ааг̇анд̇угзна алан̇гаарзна бадижчаннад̇д̇аа на бан̃н̃ааяад̇ийд̇и.
Dasavidhampi cetaṃ asubhaṃ lakkhaṇato ekameva hoti. Dasavidhassapi hi etassa asuciduggandhajegucchapaṭikūlabhāvo eva lakkhaṇaṃ. Tadetaṃ iminā lakkhaṇena na kevalaṃ matasarīreyeva dantaṭṭhikadassāvino pana cetiyapabbatavāsino mahātissattherassa viya, hatthikkhandhagataṃ rājānaṃ ullokentassa saṅgharakkhitattherupaṭṭhākasāmaṇerassa viya ca, jīvamānakasarīrepi upaṭṭhāti. Yatheva hi matasarīraṃ evaṃ jīvamānakampi asubhameva. Asubhalakkhaṇaṃ panettha āgantukena alaṅkārena paṭicchannattā na paññāyatīti.
асубхагат̇аа.
Asubhakathā.
гим̣ бана бат̇авийгасин̣ам̣ аад̣̇им̣ гад̇ваа адтигасан̃н̃аабарияосаанаавзсаа руубааважараббанаа, уд̣̇ааху ан̃н̃ааби ад̇т̇ийд̇и? ад̇т̇и; аанаабаанаж̇жхаанан̃хи гааяаг̇ад̇аасад̇ибхааванаа жа ид̇ха на гат̇ид̇аа. гин̃жааби на гат̇ид̇аа вааяогасин̣з бана г̇ахид̇з аанаабаанаж̇жхаанам̣ г̇ахид̇амзва; ван̣н̣агасин̣зсу жа г̇ахид̇зсу гзсаад̣̇ийсу жад̇уггабан̃жагаж̇жхаанавасзна уббаннаа гааяаг̇ад̇аасад̇и, д̣̇асасу асубхзсу г̇ахид̇зсу д̣̇вад̇д̇им̣саагаарз бадигууламанасигаараж̇жхаанавасзна жзва навасиват̇игааван̣н̣аж̇жхаанавасзна жа бавад̇д̇аа гааяаг̇ад̇аасад̇и г̇ахид̇ааваад̇и. саб̣б̣ааби руубааважараббанаа ид̇ха гат̇ид̇аава ход̇ийд̇и.
Kiṃ pana pathavīkasiṇaṃ ādiṃ katvā aṭṭhikasaññāpariyosānāvesā rūpāvacarappanā, udāhu aññāpi atthīti? Atthi; ānāpānajjhānañhi kāyagatāsatibhāvanā ca idha na kathitā. Kiñcāpi na kathitā vāyokasiṇe pana gahite ānāpānajjhānaṃ gahitameva; vaṇṇakasiṇesu ca gahitesu kesādīsu catukkapañcakajjhānavasena uppannā kāyagatāsati, dasasu asubhesu gahitesu dvattiṃsākāre paṭikūlamanasikārajjhānavasena ceva navasivathikāvaṇṇajjhānavasena ca pavattā kāyagatāsati gahitāvāti. Sabbāpi rūpāvacarappanā idha kathitāva hotīti.
руубааважарагусалагат̇аа нидтид̇аа.
Rūpāvacarakusalakathā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубааважарагусалам̣ • Rūpāvacarakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / асубхагат̇ааван̣н̣анаа • Asubhakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / асубхагат̇ааван̣н̣анаа • Asubhakathāvaṇṇanā
