| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕਪਾਲ਼ਿ • Itivuttakapāḷi |
੬. ਅਸੁਭਾਨੁਪਸ੍ਸੀਸੁਤ੍ਤਂ
6. Asubhānupassīsuttaṃ
੮੫. વੁਤ੍ਤਞ੍ਹੇਤਂ ਭਗવਤਾ, વੁਤ੍ਤਮਰਹਤਾਤਿ ਮੇ ਸੁਤਂ –
85. Vuttañhetaṃ bhagavatā, vuttamarahatāti me sutaṃ –
‘‘ਅਸੁਭਾਨੁਪਸ੍ਸੀ, ਭਿਕ੍ਖવੇ, ਕਾਯਸ੍ਮਿਂ વਿਹਰਥ; ਆਨਾਪਾਨਸ੍ਸਤਿ ਚ વੋ ਅਜ੍ਝਤ੍ਤਂ ਪਰਿਮੁਖਂ ਸੂਪਟ੍ਠਿਤਾ ਹੋਤੁ; ਸਬ੍ਬਸਙ੍ਖਾਰੇਸੁ ਅਨਿਚ੍ਚਾਨੁਪਸ੍ਸਿਨੋ વਿਹਰਥ। ਅਸੁਭਾਨੁਪਸ੍ਸੀਨਂ, ਭਿਕ੍ਖવੇ, ਕਾਯਸ੍ਮਿਂ વਿਹਰਤਂ ਯੋ ਸੁਭਾਯ ਧਾਤੁਯਾ ਰਾਗਾਨੁਸਯੋ ਸੋ ਪਹੀਯਤਿ 1। ਆਨਾਪਾਨਸ੍ਸਤਿਯਾ ਅਜ੍ਝਤ੍ਤਂ ਪਰਿਮੁਖਂ ਸੂਪਟ੍ਠਿਤਿਤਾਯ ਯੇ ਬਾਹਿਰਾ વਿਤਕ੍ਕਾਸਯਾ વਿਘਾਤਪਕ੍ਖਿਕਾ, ਤੇ ਨ ਹੋਨ੍ਤਿ। ਸਬ੍ਬਸਙ੍ਖਾਰੇਸੁ ਅਨਿਚ੍ਚਾਨੁਪਸ੍ਸੀਨਂ વਿਹਰਤਂ ਯਾ ਅવਿਜ੍ਜਾ ਸਾ ਪਹੀਯਤਿ, ਯਾ વਿਜ੍ਜਾ ਸਾ ਉਪ੍ਪਜ੍ਜਤੀ’’ਤਿ। ਏਤਮਤ੍ਥਂ ਭਗવਾ ਅવੋਚ। ਤਤ੍ਥੇਤਂ ਇਤਿ વੁਚ੍ਚਤਿ –
‘‘Asubhānupassī, bhikkhave, kāyasmiṃ viharatha; ānāpānassati ca vo ajjhattaṃ parimukhaṃ sūpaṭṭhitā hotu; sabbasaṅkhāresu aniccānupassino viharatha. Asubhānupassīnaṃ, bhikkhave, kāyasmiṃ viharataṃ yo subhāya dhātuyā rāgānusayo so pahīyati 2. Ānāpānassatiyā ajjhattaṃ parimukhaṃ sūpaṭṭhititāya ye bāhirā vitakkāsayā vighātapakkhikā, te na honti. Sabbasaṅkhāresu aniccānupassīnaṃ viharataṃ yā avijjā sā pahīyati, yā vijjā sā uppajjatī’’ti. Etamatthaṃ bhagavā avoca. Tatthetaṃ iti vuccati –
‘‘ਅਸੁਭਾਨੁਪਸ੍ਸੀ ਕਾਯਸ੍ਮਿਂ, ਆਨਾਪਾਨੇ ਪਟਿਸ੍ਸਤੋ।
‘‘Asubhānupassī kāyasmiṃ, ānāpāne paṭissato;
ਸਬ੍ਬਸਙ੍ਖਾਰਸਮਥਂ, ਪਸ੍ਸਂ ਆਤਾਪਿ ਸਬ੍ਬਦਾ॥
Sabbasaṅkhārasamathaṃ, passaṃ ātāpi sabbadā.
‘‘ਸ વੇ ਸਮ੍ਮਦ੍ਦਸੋ ਭਿਕ੍ਖੁ, ਯਤੋ ਤਤ੍ਥ વਿਮੁਚ੍ਚਤਿ।
‘‘Sa ve sammaddaso bhikkhu, yato tattha vimuccati;
ਅਭਿਞ੍ਞਾવੋਸਿਤੋ ਸਨ੍ਤੋ, ਸ વੇ ਯੋਗਾਤਿਗੋ ਮੁਨੀ’’ਤਿ॥
Abhiññāvosito santo, sa ve yogātigo munī’’ti.
ਅਯਮ੍ਪਿ ਅਤ੍ਥੋ વੁਤ੍ਤੋ ਭਗવਤਾ, ਇਤਿ ਮੇ ਸੁਤਨ੍ਤਿ। ਛਟ੍ਠਂ।
Ayampi attho vutto bhagavatā, iti me sutanti. Chaṭṭhaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā / ੬. ਅਸੁਭਾਨੁਪਸ੍ਸੀਸੁਤ੍ਤવਣ੍ਣਨਾ • 6. Asubhānupassīsuttavaṇṇanā
