| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā |
੬. ਅਸੁਭਾਨੁਪਸ੍ਸੀਸੁਤ੍ਤવਣ੍ਣਨਾ
6. Asubhānupassīsuttavaṇṇanā
੮੫. ਛਟ੍ਠੇ ਅਸੁਭਾਨੁਪਸ੍ਸੀਤਿ ਅਸੁਭਂ ਅਨੁਪਸ੍ਸਨ੍ਤਾ ਦ੍વਤ੍ਤਿਂਸਾਕਾਰવਸੇਨ ਚੇવ ਉਦ੍ਧੁਮਾਤਕਾਦੀਸੁ ਗਹਿਤਨਿਮਿਤ੍ਤਸ੍ਸ ਉਪਸਂਹਰਣવਸੇਨ ਚ ਕਾਯਸ੍ਮਿਂ ਅਸੁਭਂ ਅਸੁਭਾਕਾਰਂ ਅਨੁਪਸ੍ਸਕਾ ਹੁਤ੍વਾ વਿਹਰਥ। ਆਨਾਪਾਨਸ੍ਸਤੀਤਿ ਆਨਾਪਾਨੇ ਸਤਿ, ਤਂ ਆਰਬ੍ਭ ਪવਤ੍ਤਾ ਸਤਿ, ਅਸ੍ਸਾਸਪਸ੍ਸਾਸਪਰਿਗ੍ਗਾਹਿਕਾ ਸਤੀਤਿ ਅਤ੍ਥੋ। વੁਤ੍ਤਞ੍ਹੇਤਂ ‘‘ਆਨਨ੍ਤਿ ਅਸ੍ਸਾਸੋ, ਨੋ ਪਸ੍ਸਾਸੋ। ਪਾਨਨ੍ਤਿ ਪਸ੍ਸਾਸੋ, ਨੋ ਅਸ੍ਸਾਸੋ’’ਤਿਆਦਿ (ਪਟਿ॰ ਮ॰ ੧.੧੬੦)।
85. Chaṭṭhe asubhānupassīti asubhaṃ anupassantā dvattiṃsākāravasena ceva uddhumātakādīsu gahitanimittassa upasaṃharaṇavasena ca kāyasmiṃ asubhaṃ asubhākāraṃ anupassakā hutvā viharatha. Ānāpānassatīti ānāpāne sati, taṃ ārabbha pavattā sati, assāsapassāsapariggāhikā satīti attho. Vuttañhetaṃ ‘‘ānanti assāso, no passāso. Pānanti passāso, no assāso’’tiādi (paṭi. ma. 1.160).
વੋਤਿ ਤੁਮ੍ਹਾਕਂ। ਅਜ੍ਝਤ੍ਤਨ੍ਤਿ ਇਧ ਗੋਚਰਜ੍ਝਤ੍ਤਂ ਅਧਿਪ੍ਪੇਤਂ। ਪਰਿਮੁਖਨ੍ਤਿ ਅਭਿਮੁਖਂ। ਸੂਪਟ੍ਠਿਤਾਤਿ ਸੁਟ੍ਠੁ ਉਪਟ੍ਠਿਤਾ। ਇਦਂ વੁਤ੍ਤਂ ਹੋਤਿ – ਆਨਾਪਾਨਸ੍ਸਤਿ ਚ ਤੁਮ੍ਹਾਕਂ ਕਮ੍ਮਟ੍ਠਾਨਾਭਿਮੁਖਂ ਸੁਟ੍ਠੁ ਉਪਟ੍ਠਿਤਾ ਹੋਤੂਤਿ। ਅਥ વਾ ਪਰਿਮੁਖਨ੍ਤਿ ਪਰਿਗ੍ਗਹਿਤਨਿਯ੍ਯਾਨਂ। વੁਤ੍ਤਞ੍ਹੇਤਂ ਪਟਿਸਮ੍ਭਿਦਾਯਂ – ‘‘ਪਰੀਤਿ ਪਰਿਗ੍ਗਹਟ੍ਠੋ, ਮੁਖਨ੍ਤਿ ਨਿਯ੍ਯਾਨਟ੍ਠੋ , ਸਤੀਤਿ ਉਪਟ੍ਠਾਨਟ੍ਠੋ, ਤੇਨ વੁਚ੍ਚਤਿ ਪਰਿਮੁਖਂ ਸਤਿ’’ਨ੍ਤਿ (ਪਟਿ॰ ਮ॰ ੧.੧੬੪)। ਇਮਿਨਾ ਚਤੁਸਤਿਪਟ੍ਠਾਨਸੋਲ਼ਸਪ੍ਪਭੇਦਾ ਆਨਾਪਾਨਸ੍ਸਤਿਕਮ੍ਮਟ੍ਠਾਨਭਾવਨਾ ਦਸ੍ਸਿਤਾਤਿ ਦਟ੍ਠਬ੍ਬਾ।
Voti tumhākaṃ. Ajjhattanti idha gocarajjhattaṃ adhippetaṃ. Parimukhanti abhimukhaṃ. Sūpaṭṭhitāti suṭṭhu upaṭṭhitā. Idaṃ vuttaṃ hoti – ānāpānassati ca tumhākaṃ kammaṭṭhānābhimukhaṃ suṭṭhu upaṭṭhitā hotūti. Atha vā parimukhanti pariggahitaniyyānaṃ. Vuttañhetaṃ paṭisambhidāyaṃ – ‘‘parīti pariggahaṭṭho, mukhanti niyyānaṭṭho , satīti upaṭṭhānaṭṭho, tena vuccati parimukhaṃ sati’’nti (paṭi. ma. 1.164). Iminā catusatipaṭṭhānasoḷasappabhedā ānāpānassatikammaṭṭhānabhāvanā dassitāti daṭṭhabbā.
ਏવਂ ਸਙ੍ਖੇਪੇਨੇવ ਰਾਗਚਰਿਤવਿਤਕ੍ਕਚਰਿਤਾਨਂ ਸਪ੍ਪਾਯਂ ਪਟਿਕੂਲਮਨਸਿਕਾਰਕਾਯਾਨੁਪਸ੍ਸਨਾવਸੇਨ ਸਮਥਕਮ੍ਮਟ੍ਠਾਨਂ વਿਪਸ੍ਸਨਾਕਮ੍ਮਟ੍ਠਾਨਞ੍ਚ ਉਪਦਿਸਿਤ੍વਾ ਇਦਾਨਿ ਸੁਦ੍ਧવਿਪਸ੍ਸਨਾਕਮ੍ਮਟ੍ਠਾਨਮੇવ ਦਸ੍ਸੇਨ੍ਤੋ ‘‘ਸਬ੍ਬਸਙ੍ਖਾਰੇਸੁ ਅਨਿਚ੍ਚਾਨੁਪਸ੍ਸਿਨੋ વਿਹਰਥਾ’’ਤਿ ਆਹ। ਤਤ੍ਥ ਅਨਿਚ੍ਚਂ, ਅਨਿਚ੍ਚਲਕ੍ਖਣਂ, ਅਨਿਚ੍ਚਾਨੁਪਸ੍ਸਨਾ, ਅਨਿਚ੍ਚਾਨੁਪਸ੍ਸੀਤਿ ਇਦਂ ਚਤੁਕ੍ਕਂ વੇਦਿਤਬ੍ਬਂ। ਹੁਤ੍વਾ, ਅਭਾવਤੋ, ਉਦਯਬ੍ਬਯਯੋਗਤੋ, ਤਾવਕਾਲਿਕਤੋ, ਨਿਚ੍ਚਪਟਿਕ੍ਖੇਪਤੋ ਚ ਖਨ੍ਧਪਞ੍ਚਕਂ ਅਨਿਚ੍ਚਂ ਨਾਮ। ਤਸ੍ਸ ਯੋ ਹੁਤ੍વਾ ਅਭਾવਾਕਾਰੋ, ਤਂ ਅਨਿਚ੍ਚਲਕ੍ਖਣਂ ਨਾਮ। ਤਂ ਆਰਬ੍ਭ ਪવਤ੍ਤਾ વਿਪਸ੍ਸਨਾ ਅਨਿਚ੍ਚਾਨੁਪਸ੍ਸਨਾ। ਤਂ ਅਨਿਚ੍ਚਨ੍ਤਿ વਿਪਸ੍ਸਕੋ ਅਨਿਚ੍ਚਾਨੁਪਸ੍ਸੀ। ਏਤ੍ਥ ਚ ਏਕਾਦਸવਿਧਾ ਅਸੁਭਕਥਾ ਪਠਮਜ੍ਝਾਨਂ ਪਾਪੇਤ੍વਾ, ਸੋਲ਼ਸવਤ੍ਥੁਕਾ ਚ ਆਨਾਪਾਨਕਥਾ ਚਤੁਤ੍ਥਜ੍ਝਾਨਂ ਪਾਪੇਤ੍વਾ, વਿਪਸ੍ਸਨਾਕਥਾ ਚ વਿਤ੍ਥਾਰਤੋ વਤ੍ਤਬ੍ਬਾ, ਸਾ ਪਨ ਸਬ੍ਬਾਕਾਰਤੋ વਿਸੁਦ੍ਧਿਮਗ੍ਗੇ (વਿਸੁਦ੍ਧਿ॰ ੨.੭੩੭-੭੪੦) ਕਥਿਤਾਤਿ ਤਤ੍ਥ વੁਤ੍ਤਨਯੇਨੇવ વੇਦਿਤਬ੍ਬਾ।
Evaṃ saṅkhepeneva rāgacaritavitakkacaritānaṃ sappāyaṃ paṭikūlamanasikārakāyānupassanāvasena samathakammaṭṭhānaṃ vipassanākammaṭṭhānañca upadisitvā idāni suddhavipassanākammaṭṭhānameva dassento ‘‘sabbasaṅkhāresu aniccānupassino viharathā’’ti āha. Tattha aniccaṃ, aniccalakkhaṇaṃ, aniccānupassanā, aniccānupassīti idaṃ catukkaṃ veditabbaṃ. Hutvā, abhāvato, udayabbayayogato, tāvakālikato, niccapaṭikkhepato ca khandhapañcakaṃ aniccaṃ nāma. Tassa yo hutvā abhāvākāro, taṃ aniccalakkhaṇaṃ nāma. Taṃ ārabbha pavattā vipassanā aniccānupassanā. Taṃ aniccanti vipassako aniccānupassī. Ettha ca ekādasavidhā asubhakathā paṭhamajjhānaṃ pāpetvā, soḷasavatthukā ca ānāpānakathā catutthajjhānaṃ pāpetvā, vipassanākathā ca vitthārato vattabbā, sā pana sabbākārato visuddhimagge (visuddhi. 2.737-740) kathitāti tattha vuttanayeneva veditabbā.
ਇਦਾਨਿ ਅਸੁਭਾਨੁਪਸ੍ਸਨਾਦੀਹਿ ਨਿਪ੍ਫਾਦੇਤਬ੍ਬਂ ਫਲવਿਸੇਸਂ ਦਸ੍ਸੇਤੁਂ ‘‘ਅਸੁਭਾਨੁਪਸ੍ਸੀਨ’’ਨ੍ਤਿਆਦਿਮਾਹ। ਤਤ੍ਥ ਸੁਭਾਯ ਧਾਤੁਯਾਤਿ ਸੁਭਭਾવੇ, ਸੁਭਨਿਮਿਤ੍ਤੇਤਿ ਅਤ੍ਥੋ। ਰਾਗਾਨੁਸਯੋਤਿ ਸੁਭਾਰਮ੍ਮਣੇ ਉਪ੍ਪਜ੍ਜਨਾਰਹੋ ਕਾਮਰਾਗਾਨੁਸਯੋ। ਸੋ ਕੇਸਾਦੀਸੁ ਉਦ੍ਧੁਮਾਤਕਾਦੀਸੁ વਾ ਅਸੁਭਾਨੁਪਸ੍ਸੀਨਂ ਅਸੁਭਨਿਮਿਤ੍ਤਂ ਗਹੇਤ੍વਾ ਤਤ੍ਥ ਪਠਮਜ੍ਝਾਨਂ ਨਿਬ੍ਬਤ੍ਤੇਤ੍વਾ ਤਂ ਪਾਦਕਂ ਕਤ੍વਾ વਿਪਸ੍ਸਨਂ ਪਟ੍ਠਪੇਤ੍વਾ ਅਧਿਗਤੇਨ ਅਨਾਗਾਮਿਮਗ੍ਗੇਨ ਪਹੀਯਤਿ, ਸਬ੍ਬਸੋ ਸਮੁਚ੍ਛਿਨ੍ਦੀਯਤੀਤਿ ਅਤ੍ਥੋ। વੁਤ੍ਤਞ੍ਹੇਤਂ ‘‘ਅਸੁਭਾ ਭਾવੇਤਬ੍ਬਾ ਕਾਮਰਾਗਸ੍ਸ ਪਹਾਨਾਯਾ’’ਤਿ (ਅ॰ ਨਿ॰ ੯.੩; ਉਦਾ॰ ੩੧)। ਬਾਹਿਰਾਤਿ ਬਹਿਦ੍ਧਾવਤ੍ਥੁਕਤ੍ਤਾ ਅਨਤ੍ਥਾવਹਤ੍ਤਾ ਚ ਬਾਹਿਰਾ ਬਹਿਭੂਤਾ। વਿਤਕ੍ਕਾਸਯਾਤਿ ਕਾਮਸਙ੍ਕਪ੍ਪਾਦਿਮਿਚ੍ਛਾવਿਤਕ੍ਕਾ। ਤੇ ਹਿ ਅਪ੍ਪਹੀਨਾ ਆਸਯਾਨੁਗਤਾ ਸਤਿ ਪਚ੍ਚਯਸਮવਾਯੇ ਉਪ੍ਪਜ੍ਜਨਤੋ વਿਤਕ੍ਕਾਸਯਾਤਿ વੁਤ੍ਤਾ। ਕਾਮવਿਤਕ੍ਕੋ ਚੇਤ੍ਥ ਕਾਮਰਾਗਗ੍ਗਹਣੇਨ ਗਹਿਤੋ ਏવਾਤਿ ਤਦવਸੇਸਾ વਿਤਕ੍ਕਾ ਏવ વੁਤ੍ਤਾਤਿ વੇਦਿਤਬ੍ਬਾ। વਿਘਾਤਪਕ੍ਖਿਕਾਤਿ ਦੁਕ੍ਖਭਾਗਿਯਾ, ਇਚ੍ਛਾવਿਘਾਤਨਿਬ੍ਬਤ੍ਤਨਕਾ વਾ। ਤੇ ਨ ਹੋਨ੍ਤੀਤਿ ਤੇ ਪਹੀਯਨ੍ਤਿ। ਬ੍ਯਾਪਾਦવਿਤਕ੍ਕੋ, વਿਹਿਂਸਾવਿਤਕ੍ਕੋ, ਞਾਤਿવਿਤਕ੍ਕੋ, ਜਨਪਦવਿਤਕ੍ਕੋ, ਅਮਰਾવਿਤਕ੍ਕੋ, ਅਨવਞ੍ਞਤ੍ਤਿਪਟਿਸਂਯੁਤ੍ਤੋ વਿਤਕ੍ਕੋ, ਲਾਭਸਕ੍ਕਾਰਸਿਲੋਕਪਟਿਸਂਯੁਤ੍ਤੋ વਿਤਕ੍ਕੋ, ਪਰਾਨੁਦ੍ਦਯਤਾਪਟਿਸਂਯੁਤ੍ਤੋ વਿਤਕ੍ਕੋਤਿ ਅਟ੍ਠ, ਕਾਮવਿਤਕ੍ਕੇਨ ਸਦ੍ਧਿਂ ਨવવਿਧਾ ਮਹਾવਿਤਕ੍ਕਾ ਆਨਾਪਾਨਸ੍ਸਤਿਸਮਾਧਿਨਾ ਤਨ੍ਨਿਸ੍ਸਿਤਾਯ ਚ વਿਪਸ੍ਸਨਾਯ ਪੁਬ੍ਬਭਾਗੇ વਿਕ੍ਖਮ੍ਭਿਤਾ। ਤਂ ਪਾਦਕਂ ਕਤ੍વਾ ਅਧਿਗਤੇਨ ਅਰਿਯਮਗ੍ਗੇਨ ਯਥਾਰਹਂ ਅਨવਸੇਸਤੋ ਪਹੀਯਨ੍ਤਿ। વੁਤ੍ਤਮ੍ਪਿ ਚੇਤਂ ‘‘ਆਨਾਪਾਨਸ੍ਸਤਿ ਭਾવੇਤਬ੍ਬਾ વਿਤਕ੍ਕੁਪਚ੍ਛੇਦਾਯਾ’’ਤਿ (ਅ॰ ਨਿ॰ ੯.੩; ਉਦਾ॰ ੩੧)।
Idāni asubhānupassanādīhi nipphādetabbaṃ phalavisesaṃ dassetuṃ ‘‘asubhānupassīna’’ntiādimāha. Tattha subhāya dhātuyāti subhabhāve, subhanimitteti attho. Rāgānusayoti subhārammaṇe uppajjanāraho kāmarāgānusayo. So kesādīsu uddhumātakādīsu vā asubhānupassīnaṃ asubhanimittaṃ gahetvā tattha paṭhamajjhānaṃ nibbattetvā taṃ pādakaṃ katvā vipassanaṃ paṭṭhapetvā adhigatena anāgāmimaggena pahīyati, sabbaso samucchindīyatīti attho. Vuttañhetaṃ ‘‘asubhā bhāvetabbā kāmarāgassa pahānāyā’’ti (a. ni. 9.3; udā. 31). Bāhirāti bahiddhāvatthukattā anatthāvahattā ca bāhirā bahibhūtā. Vitakkāsayāti kāmasaṅkappādimicchāvitakkā. Te hi appahīnā āsayānugatā sati paccayasamavāye uppajjanato vitakkāsayāti vuttā. Kāmavitakko cettha kāmarāgaggahaṇena gahito evāti tadavasesā vitakkā eva vuttāti veditabbā. Vighātapakkhikāti dukkhabhāgiyā, icchāvighātanibbattanakā vā. Te na hontīti te pahīyanti. Byāpādavitakko, vihiṃsāvitakko, ñātivitakko, janapadavitakko, amarāvitakko, anavaññattipaṭisaṃyutto vitakko, lābhasakkārasilokapaṭisaṃyutto vitakko, parānuddayatāpaṭisaṃyutto vitakkoti aṭṭha, kāmavitakkena saddhiṃ navavidhā mahāvitakkā ānāpānassatisamādhinā tannissitāya ca vipassanāya pubbabhāge vikkhambhitā. Taṃ pādakaṃ katvā adhigatena ariyamaggena yathārahaṃ anavasesato pahīyanti. Vuttampi cetaṃ ‘‘ānāpānassati bhāvetabbā vitakkupacchedāyā’’ti (a. ni. 9.3; udā. 31).
ਯਾ ਅવਿਜ੍ਜਾ, ਸਾ ਪਹੀਯਤੀਤਿ ਯਾ ਸਚ੍ਚਸਭਾવਪਟਿਚ੍ਛਾਦਿਨੀ ਸਬ੍ਬਾਨਤ੍ਥਕਾਰੀ ਸਕਲਸ੍ਸ વਟ੍ਟਦੁਕ੍ਖਸ੍ਸ ਮੂਲਭੂਤਾ ਅવਿਜ੍ਜਾ, ਸਾ ਅਨਿਚ੍ਚਾਨੁਪਸ੍ਸੀਨਂ વਿਹਰਤਂ ਸਮੁਚ੍ਛਿਜ੍ਜਤਿ। ਇਦਂ ਕਿਰ ਭਗવਤਾ ਅਨਿਚ੍ਚਾਕਾਰਤੋ વੁਟ੍ਠਿਤਸ੍ਸ ਸੁਕ੍ਖવਿਪਸ੍ਸਕਖੀਣਾਸવਸ੍ਸ વਸੇਨ વੁਤ੍ਤਂ। ਤਸ੍ਸਾਯਂ ਸਙ੍ਖੇਪਤ੍ਥੋ – ਤੇਭੂਮਕੇਸੁ ਸਬ੍ਬਸਙ੍ਖਾਰੇਸੁ ਅਨਿਚ੍ਚਾਦਿਤੋ ਸਮ੍ਮਸਨਂ ਪਟ੍ਠਪੇਤ੍વਾ વਿਪਸ੍ਸਨ੍ਤਾਨਂ ਯਦਾ ਅਨਿਚ੍ਚਨ੍ਤਿ ਪવਤ੍ਤਮਾਨਾ વੁਟ੍ਠਾਨਗਾਮਿਨੀવਿਪਸ੍ਸਨਾ ਮਗ੍ਗੇਨ ਘਟੀਯਤਿ, ਅਨੁਕ੍ਕਮੇਨ ਅਰਹਤ੍ਤਮਗ੍ਗੋ ਉਪ੍ਪਜ੍ਜਤਿ, ਤੇਸਂ ਅਨਿਚ੍ਚਾਨੁਪਸ੍ਸੀਨਂ વਿਹਰਤਂ ਅવਿਜ੍ਜਾ ਅਨવਸੇਸਤੋ ਪਹੀਯਤਿ, ਅਰਹਤ੍ਤਮਗ੍ਗવਿਜ੍ਜਾ ਉਪ੍ਪਜ੍ਜਤੀਤਿ। ਅਨਿਚ੍ਚਾਨੁਪਸ੍ਸੀਨਂ વਿਹਰਤਨ੍ਤਿ ਇਦਂ ਅਨਿਚ੍ਚਲਕ੍ਖਣਸ੍ਸ ਤੇਸਂ ਪਾਕਟਭਾવਤੋ ਇਤਰਸ੍ਸ ਲਕ੍ਖਣਦ੍વਯਸ੍ਸ ਗਹਣੇ ਉਪਾਯਭਾવਤੋ વਾ વੁਤ੍ਤਂ, ਨ ਪਨ ਏਕਸ੍ਸੇવ ਲਕ੍ਖਣਸ੍ਸ ਅਨੁਪਸ੍ਸਿਤਬ੍ਬਤੋ। વੁਤ੍ਤਞ੍ਹੇਤਂ ‘‘ਯਦਨਿਚ੍ਚਂ ਤਂ ਦੁਕ੍ਖਂ, ਯਂ ਦੁਕ੍ਖਂ ਤਦਨਤ੍ਤਾ’’ਤਿ (ਸਂ॰ ਨਿ॰ ੩.੧੫)। ਅਪਰਮ੍ਪਿ વੁਤ੍ਤਂ ‘‘ਅਨਿਚ੍ਚਸਞ੍ਞਿਨੋ ਹਿ, ਮੇਘਿਯ, ਅਨਤ੍ਤਸਞ੍ਞਾ ਸਣ੍ਠਾਤਿ, ਅਨਤ੍ਤਸਞ੍ਞੀ ਅਸ੍ਮਿਮਾਨਸਮੁਗ੍ਘਾਤਂ ਪਾਪੁਣਾਤੀ’’ਤਿ।
Yā avijjā, sā pahīyatīti yā saccasabhāvapaṭicchādinī sabbānatthakārī sakalassa vaṭṭadukkhassa mūlabhūtā avijjā, sā aniccānupassīnaṃ viharataṃ samucchijjati. Idaṃ kira bhagavatā aniccākārato vuṭṭhitassa sukkhavipassakakhīṇāsavassa vasena vuttaṃ. Tassāyaṃ saṅkhepattho – tebhūmakesu sabbasaṅkhāresu aniccādito sammasanaṃ paṭṭhapetvā vipassantānaṃ yadā aniccanti pavattamānā vuṭṭhānagāminīvipassanā maggena ghaṭīyati, anukkamena arahattamaggo uppajjati, tesaṃ aniccānupassīnaṃ viharataṃ avijjā anavasesato pahīyati, arahattamaggavijjā uppajjatīti. Aniccānupassīnaṃ viharatanti idaṃ aniccalakkhaṇassa tesaṃ pākaṭabhāvato itarassa lakkhaṇadvayassa gahaṇe upāyabhāvato vā vuttaṃ, na pana ekasseva lakkhaṇassa anupassitabbato. Vuttañhetaṃ ‘‘yadaniccaṃ taṃ dukkhaṃ, yaṃ dukkhaṃ tadanattā’’ti (saṃ. ni. 3.15). Aparampi vuttaṃ ‘‘aniccasaññino hi, meghiya, anattasaññā saṇṭhāti, anattasaññī asmimānasamugghātaṃ pāpuṇātī’’ti.
ਗਾਥਾਸੁ ਆਨਾਪਾਨੇ ਪਟਿਸ੍ਸਤੋਤਿ ਆਨਾਪਾਨਨਿਮਿਤ੍ਤਸ੍ਮਿਂ ਪਟਿ ਪਟਿ ਸਤੋ, ਉਪਟ੍ਠਿਤਸ੍ਸਤੀਤਿ ਅਤ੍ਥੋ। ਪਸ੍ਸਨ੍ਤਿ ਆਸવਕ੍ਖਯਞਾਣਚਕ੍ਖੁਨਾ ਸਙ੍ਖਾਰੂਪਸਮਂ ਨਿਬ੍ਬਾਨਂ ਪਸ੍ਸਨ੍ਤੋ। ਆਤਾਪੀ ਸਬ੍ਬਦਾਤਿ ਅਨ੍ਤਰਾવੋਸਾਨਂ ਅਨਾਪਜ੍ਜਿਤ੍વਾ ਅਸੁਭਾਨੁਪਸ੍ਸਨਾਦੀਸੁ ਸਤਤਂ ਆਤਾਪੀ ਯੁਤ੍ਤਪ੍ਪਯੁਤ੍ਤੋ, ਤਤੋ ਏવ ਯਤੋ વਾਯਮਮਾਨੋ, ਨਿਯਤੋ વਾ ਸਮ੍ਮਤ੍ਤਨਿਯਾਮੇਨ ਤਤ੍ਥ ਸਬ੍ਬਸਙ੍ਖਾਰਸਮਥੇ ਨਿਬ੍ਬਾਨੇ ਅਰਹਤ੍ਤਫਲવਿਮੁਤ੍ਤਿਯਾ વਿਮੁਚ੍ਚਤਿ। ਸੇਸਂ વੁਤ੍ਤਨਯਮੇવ।
Gāthāsu ānāpāne paṭissatoti ānāpānanimittasmiṃ paṭi paṭi sato, upaṭṭhitassatīti attho. Passanti āsavakkhayañāṇacakkhunā saṅkhārūpasamaṃ nibbānaṃ passanto. Ātāpī sabbadāti antarāvosānaṃ anāpajjitvā asubhānupassanādīsu satataṃ ātāpī yuttappayutto, tato eva yato vāyamamāno, niyato vā sammattaniyāmena tattha sabbasaṅkhārasamathe nibbāne arahattaphalavimuttiyā vimuccati. Sesaṃ vuttanayameva.
ਛਟ੍ਠਸੁਤ੍ਤવਣ੍ਣਨਾ ਨਿਟ੍ਠਿਤਾ।
Chaṭṭhasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਇਤਿવੁਤ੍ਤਕਪਾਲ਼ਿ • Itivuttakapāḷi / ੬. ਅਸੁਭਾਨੁਪਸ੍ਸੀਸੁਤ੍ਤਂ • 6. Asubhānupassīsuttaṃ
