១-១០. អសុភសុត្តាទិវណ្ណនា

1-10. Asubhasuttādivaṇṇanā

២៤៨-២៥៧. អសុភសញ្ញាតិ អសុភេ បឋមជ្ឈានសញ្ញា។ មរណសញ្ញាតិ ‘‘អវស្សំ មរិតព្ពំ, មរណបដិពទ្ធំ មេ ជីវិត’’ន្តិ អភិណ្ហំ បច្ចវេក្ខន្តស្ស ឧប្បន្នសញ្ញា ។ អាហារេ បដិកូលសញ្ញាតិ ឱទនកុម្មាសាទិម្ហិ អជ្ឈោហរណីយេ បដិកូលសញ្ញា។ សព្ពលោកេ អនភិរតិសញ្ញាតិ សកលលោកស្មិំ អនភិរតិំ ឧប្បាទេន្តស្ស ឧប្បន្នសញ្ញា។ បហានសញ្ញាវិរាគសញ្ញាតិ ទ្វេ បុព្ពភាគា។ និរោធសញ្ញា មិស្សកា។ ឯវមេតានិ អដ្ឋិកសញ្ញាទីនិ វីសតិ កម្មដ្ឋានានិ និទ្ទិដ្ឋានិ។ តេសំ នវសុ អប្បនា ហោន្តិ, ឯកាទស ឧបចារជ្ឈានិកា។ សេសា បនេត្ថ វិនិច្ឆយកថា វិសុទ្ធិមគ្គេ (វិសុទ្ធិ. ១.២៩៤) អាគតាវ។ គង្គាបេយ្យាលាទយោ មគ្គសំយុត្តេ វុត្តនយេនេវ វេទិតព្ពា។

248-257.Asubhasaññāti asubhe paṭhamajjhānasaññā. Maraṇasaññāti ‘‘avassaṃ maritabbaṃ, maraṇapaṭibaddhaṃ me jīvita’’nti abhiṇhaṃ paccavekkhantassa uppannasaññā . Āhāre paṭikūlasaññāti odanakummāsādimhi ajjhoharaṇīye paṭikūlasaññā. Sabbaloke anabhiratisaññāti sakalalokasmiṃ anabhiratiṃ uppādentassa uppannasaññā. Pahānasaññāvirāgasaññāti dve pubbabhāgā. Nirodhasaññā missakā. Evametāni aṭṭhikasaññādīni vīsati kammaṭṭhānāni niddiṭṭhāni. Tesaṃ navasu appanā honti, ekādasa upacārajjhānikā. Sesā panettha vinicchayakathā visuddhimagge (visuddhi. 1.294) āgatāva. Gaṅgāpeyyālādayo maggasaṃyutte vuttanayeneva veditabbā.

ពោជ្ឈង្គសំយុត្តវណ្ណនា និដ្ឋិតា។

Bojjhaṅgasaṃyuttavaṇṇanā niṭṭhitā.

Next: ៣. សតិបដ្ឋានសំយុត្តំ • 3. Satipaṭṭhānasaṃyuttaṃ

ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១-១០. អសុភសុត្តាទិវណ្ណនា • 1-10. Asubhasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact