១-១០. អសុភសុត្តាទិវណ្ណនា

1-10. Asubhasuttādivaṇṇanā

២៤៨-២៥៧. អនភិរតិន្តិ អនភិរមណំ អនបេក្ខិតំ។ អច្ចន្តនិរោធភូតេ និព្ពានេ បវត្តសញ្ញា និរោធសញ្ញា។ តត្ថ សា មគ្គសហគតា លោកុត្តរា , យា បន និព្ពានេ និន្នភាវេន បវត្តា, ឧបសមានុស្សតិសហគតា ច, សា លោកិយាតិ អាហ – ‘‘និរោធសញ្ញា មិស្សកា’’តិ។ ‘‘តេសំ នវសូ’’តិអាទិ បមាទបាឋោ។ ‘‘ឯកាទសសុ អប្បនា ហោតិ, នវ ឧបចារជ្ឈានិកា’’តិ បាឋោ គហេតព្ពោ។ វីសតិ កម្មដ្ឋានានីតិ ឥទម្បិ ឥធាគតនយោ, ន វិសុទ្ធិមគ្គាទីសុ អាគតនយោ ។ ឯត្ថ ច អារម្មណាទីសុ យថាយោគំ អប្បនំ ឧបចារំ វា បាបុណិត្វា អរហត្តប្បត្តស្ស បុព្ពភាគភូតា វិបស្សនាមគ្គពោជ្ឈង្គា កថិតា។

248-257.Anabhiratinti anabhiramaṇaṃ anapekkhitaṃ. Accantanirodhabhūte nibbāne pavattasaññā nirodhasaññā. Tattha sā maggasahagatā lokuttarā , yā pana nibbāne ninnabhāvena pavattā, upasamānussatisahagatā ca, sā lokiyāti āha – ‘‘nirodhasaññā missakā’’ti. ‘‘Tesaṃ navasū’’tiādi pamādapāṭho. ‘‘Ekādasasu appanā hoti, nava upacārajjhānikā’’ti pāṭho gahetabbo. Vīsati kammaṭṭhānānīti idampi idhāgatanayo, na visuddhimaggādīsu āgatanayo . Ettha ca ārammaṇādīsu yathāyogaṃ appanaṃ upacāraṃ vā pāpuṇitvā arahattappattassa pubbabhāgabhūtā vipassanāmaggabojjhaṅgā kathitā.

និរោធវគ្គវណ្ណនា និដ្ឋិតា។

Nirodhavaggavaṇṇanā niṭṭhitā.

ពោជ្ឈង្គសំយុត្តវណ្ណនា និដ្ឋិតា។

Bojjhaṅgasaṃyuttavaṇṇanā niṭṭhitā.

Next: ៣. សតិបដ្ឋានសំយុត្តំ • 3. Satipaṭṭhānasaṃyuttaṃ

អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១-១០. អសុភសុត្តាទិវណ្ណនា • 1-10. Asubhasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact