၁-၁၀. အသုဘသုတ္တာဒိဝဏ္ဏနာ

1-10. Asubhasuttādivaṇṇanā

၂၄၈-၂၅၇. အနဘိရတိန္တိ အနဘိရမဏံ အနပေက္ခိတံ။ အစ္စန္တနိရောဓဘူတေ နိဗ္ဗာနေ ပဝတ္တသညာ နိရောဓသညာ။ တတ္ထ သာ မဂ္ဂသဟဂတာ လောကုတ္တရာ , ယာ ပန နိဗ္ဗာနေ နိန္နဘာဝေန ပဝတ္တာ, ဥပသမာနုသ္သတိသဟဂတာ စ, သာ လောကိယာတိ အာဟ – ‘‘နိရောဓသညာ မိသ္သကာ’’တိ။ ‘‘တေသံ နဝသူ’’တိအာဒိ ပမာဒပာဌော။ ‘‘ဧကာဒသသု အပ္ပနာ ဟောတိ, နဝ ဥပစာရဇ္ဈာနိကာ’’တိ ပာဌော ဂဟေတဗ္ဗော။ ဝီသတိ ကမ္မဋ္ဌာနာနီတိ ဣဒမ္ပိ ဣဓာဂတနယော, န ဝိသုဒ္ဓိမဂ္ဂာဒီသု အာဂတနယော ။ ဧတ္ထ စ အာရမ္မဏာဒီသု ယထာယောဂံ အပ္ပနံ ဥပစာရံ ဝာ ပာပုဏိတ္ဝာ အရဟတ္တပ္ပတ္တသ္သ ပုဗ္ဗဘာဂဘူတာ ဝိပသ္သနာမဂ္ဂဗောဇ္ဈင္ဂာ ကထိတာ။

248-257.Anabhiratinti anabhiramaṇaṃ anapekkhitaṃ. Accantanirodhabhūte nibbāne pavattasaññā nirodhasaññā. Tattha sā maggasahagatā lokuttarā , yā pana nibbāne ninnabhāvena pavattā, upasamānussatisahagatā ca, sā lokiyāti āha – ‘‘nirodhasaññā missakā’’ti. ‘‘Tesaṃ navasū’’tiādi pamādapāṭho. ‘‘Ekādasasu appanā hoti, nava upacārajjhānikā’’ti pāṭho gahetabbo. Vīsati kammaṭṭhānānīti idampi idhāgatanayo, na visuddhimaggādīsu āgatanayo . Ettha ca ārammaṇādīsu yathāyogaṃ appanaṃ upacāraṃ vā pāpuṇitvā arahattappattassa pubbabhāgabhūtā vipassanāmaggabojjhaṅgā kathitā.

နိရောဓဝဂ္ဂဝဏ္ဏနာ နိဋ္ဌိတာ။

Nirodhavaggavaṇṇanā niṭṭhitā.

ဗောဇ္ဈင္ဂသံယုတ္တဝဏ္ဏနာ နိဋ္ဌိတာ။

Bojjhaṅgasaṃyuttavaṇṇanā niṭṭhitā.

Next: ၃. သတိပဋ္ဌာနသံယုတ္တံ • 3. Satipaṭṭhānasaṃyuttaṃ

အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁-၁၀. အသုဘသုတ္တာဒိဝဏ္ဏနာ • 1-10. Asubhasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact