| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. асубхасуд̇д̇ам̣
3. Asubhasuttaṃ
163. ‘‘жад̇ассо имаа, бхигкавз, бадибад̣̇аа. гад̇амаа жад̇ассо? д̣̇угкаа бадибад̣̇аа д̣̇анд̇хаабхин̃н̃аа, д̣̇угкаа бадибад̣̇аа киббаабхин̃н̃аа, сукаа бадибад̣̇аа д̣̇анд̇хаабхин̃н̃аа, сукаа бадибад̣̇аа киббаабхин̃н̃аа.
163. ‘‘Catasso imā, bhikkhave, paṭipadā. Katamā catasso? Dukkhā paṭipadā dandhābhiññā, dukkhā paṭipadā khippābhiññā, sukhā paṭipadā dandhābhiññā, sukhā paṭipadā khippābhiññā.
‘‘гад̇амаа жа, бхигкавз, д̣̇угкаа бадибад̣̇аа д̣̇анд̇хаабхин̃н̃аа? ид̇ха, бхигкавз, бхигку асубхаанубассий гааяз вихарад̇и, аахаарз бадигууласан̃н̃ий 1, саб̣б̣алогз анабхирад̇исан̃н̃ий 2, саб̣б̣асан̇каарзсу анижжаанубассий; маран̣асан̃н̃аа ко банасса аж̇жхад̇д̇ам̣ суубадтид̇аа ход̇и. со имаани бан̃жа сзкаб̣алаани 3 убаниссааяа вихарад̇и – сад̣̇д̇хааб̣алам̣, хириб̣алам̣, од̇д̇аббаб̣алам̣, вийрияаб̣алам̣ , бан̃н̃ааб̣алам̣. д̇ассимаани бан̃жинд̣̇рияаани муд̣̇ууни баад̇убхаванд̇и – сад̣̇д̇хинд̣̇рияам̣, вийрияинд̣̇рияам̣, сад̇инд̣̇рияам̣, самаад̇хинд̣̇рияам̣, бан̃н̃инд̣̇рияам̣. со имзсам̣ бан̃жаннам̣ инд̣̇рияаанам̣ муд̣̇уд̇д̇аа д̣̇анд̇хам̣ аананд̇арияам̣ баабун̣аад̇и аасаваанам̣ каяааяа. аяам̣ вужжад̇и, бхигкавз, д̣̇угкаа бадибад̣̇аа д̣̇анд̇хаабхин̃н̃аа.
‘‘Katamā ca, bhikkhave, dukkhā paṭipadā dandhābhiññā? Idha, bhikkhave, bhikkhu asubhānupassī kāye viharati, āhāre paṭikūlasaññī 4, sabbaloke anabhiratisaññī 5, sabbasaṅkhāresu aniccānupassī; maraṇasaññā kho panassa ajjhattaṃ sūpaṭṭhitā hoti. So imāni pañca sekhabalāni 6 upanissāya viharati – saddhābalaṃ, hiribalaṃ, ottappabalaṃ, vīriyabalaṃ , paññābalaṃ. Tassimāni pañcindriyāni mudūni pātubhavanti – saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ. So imesaṃ pañcannaṃ indriyānaṃ muduttā dandhaṃ ānantariyaṃ pāpuṇāti āsavānaṃ khayāya. Ayaṃ vuccati, bhikkhave, dukkhā paṭipadā dandhābhiññā.
‘‘гад̇амаа жа, бхигкавз, д̣̇угкаа бадибад̣̇аа киббаабхин̃н̃аа? ид̇ха, бхигкавз, бхигку асубхаанубассий гааяз вихарад̇и, аахаарз бадигууласан̃н̃ий, саб̣б̣алогз анабхирад̇исан̃н̃ий, саб̣б̣асан̇каарзсу анижжаанубассий; маран̣асан̃н̃аа ко банасса аж̇жхад̇д̇ам̣ суубадтид̇аа ход̇и. со имаани бан̃жа сзкаб̣алаани убаниссааяа вихарад̇и – сад̣̇д̇хааб̣алам̣…бз… бан̃н̃ааб̣алам̣. д̇ассимаани бан̃жинд̣̇рияаани ад̇химад̇д̇аани баад̇убхаванд̇и – сад̣̇д̇хинд̣̇рияам̣…бз… бан̃н̃инд̣̇рияам̣. со имзсам̣ бан̃жаннам̣ инд̣̇рияаанам̣ ад̇химад̇д̇ад̇д̇аа киббам̣ аананд̇арияам̣ баабун̣аад̇и аасаваанам̣ каяааяа. аяам̣ вужжад̇и, бхигкавз, д̣̇угкаа бадибад̣̇аа киббаабхин̃н̃аа.
‘‘Katamā ca, bhikkhave, dukkhā paṭipadā khippābhiññā? Idha, bhikkhave, bhikkhu asubhānupassī kāye viharati, āhāre paṭikūlasaññī, sabbaloke anabhiratisaññī, sabbasaṅkhāresu aniccānupassī; maraṇasaññā kho panassa ajjhattaṃ sūpaṭṭhitā hoti. So imāni pañca sekhabalāni upanissāya viharati – saddhābalaṃ…pe… paññābalaṃ. Tassimāni pañcindriyāni adhimattāni pātubhavanti – saddhindriyaṃ…pe… paññindriyaṃ. So imesaṃ pañcannaṃ indriyānaṃ adhimattattā khippaṃ ānantariyaṃ pāpuṇāti āsavānaṃ khayāya. Ayaṃ vuccati, bhikkhave, dukkhā paṭipadā khippābhiññā.
‘‘гад̇амаа жа, бхигкавз, сукаа бадибад̣̇аа д̣̇анд̇хаабхин̃н̃аа? ид̇ха бхигкавз, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и; вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и; бийд̇ияаа жа вирааг̇аа убзгкаго жа вихарад̇и сад̇о жа самбаж̇аано сукан̃жа гааязна бадисам̣взд̣̇зд̇и яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и; сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. со имаани бан̃жа сзкаб̣алаани убаниссааяа вихарад̇и – сад̣̇д̇хааб̣алам̣…бз… бан̃н̃ааб̣алам̣. д̇ассимаани бан̃жинд̣̇рияаани муд̣̇ууни баад̇убхаванд̇и – сад̣̇д̇хинд̣̇рияам̣…бз… бан̃н̃инд̣̇рияам̣. со имзсам̣ бан̃жаннам̣ инд̣̇рияаанам̣ муд̣̇уд̇д̇аа д̣̇анд̇хам̣ аананд̇арияам̣ баабун̣аад̇и аасаваанам̣ каяааяа. аяам̣ вужжад̇и, бхигкавз, сукаа бадибад̣̇аа д̣̇анд̇хаабхин̃н̃аа.
‘‘Katamā ca, bhikkhave, sukhā paṭipadā dandhābhiññā? Idha bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati; vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati; pītiyā ca virāgā upekkhako ca viharati sato ca sampajāno sukhañca kāyena paṭisaṃvedeti yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharati; sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. So imāni pañca sekhabalāni upanissāya viharati – saddhābalaṃ…pe… paññābalaṃ. Tassimāni pañcindriyāni mudūni pātubhavanti – saddhindriyaṃ…pe… paññindriyaṃ. So imesaṃ pañcannaṃ indriyānaṃ muduttā dandhaṃ ānantariyaṃ pāpuṇāti āsavānaṃ khayāya. Ayaṃ vuccati, bhikkhave, sukhā paṭipadā dandhābhiññā.
‘‘гад̇амаа жа, бхигкавз, сукаа бадибад̣̇аа киббаабхин̃н̃аа? 7 ид̇ха, бхигкавз, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и…бз… д̣̇уд̇ияам̣ жхаанам̣…бз… д̇ад̇ияам̣ жхаанам̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и. со имаани бан̃жа сзкаб̣алаани убаниссааяа вихарад̇и – сад̣̇д̇хааб̣алам̣, хириб̣алам̣, од̇д̇аббаб̣алам̣, вийрияаб̣алам̣, бан̃н̃ааб̣алам̣. д̇ассимаани бан̃жинд̣̇рияаани ад̇химад̇д̇аани баад̇убхаванд̇и – сад̣̇д̇хинд̣̇рияам̣, вийрияинд̣̇рияам̣, сад̇инд̣̇рияам̣, самаад̇хинд̣̇рияам̣, бан̃н̃инд̣̇рияам̣. со имзсам̣ бан̃жаннам̣ инд̣̇рияаанам̣ ад̇химад̇д̇ад̇д̇аа киббам̣ аананд̇арияам̣ баабун̣аад̇и аасаваанам̣ каяааяа. аяам̣ вужжад̇и, бхигкавз, сукаа бадибад̣̇аа киббаабхин̃н̃аа. имаа ко, бхигкавз, жад̇ассо бадибад̣̇аа’’д̇и. д̇ад̇ияам̣.
‘‘Katamā ca, bhikkhave, sukhā paṭipadā khippābhiññā? 8 Idha, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati…pe… dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ upasampajja viharati. So imāni pañca sekhabalāni upanissāya viharati – saddhābalaṃ, hiribalaṃ, ottappabalaṃ, vīriyabalaṃ, paññābalaṃ. Tassimāni pañcindriyāni adhimattāni pātubhavanti – saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ. So imesaṃ pañcannaṃ indriyānaṃ adhimattattā khippaṃ ānantariyaṃ pāpuṇāti āsavānaṃ khayāya. Ayaṃ vuccati, bhikkhave, sukhā paṭipadā khippābhiññā. Imā kho, bhikkhave, catasso paṭipadā’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. асубхасуд̇д̇аван̣н̣анаа • 3. Asubhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. асубхасуд̇д̇аван̣н̣анаа • 3. Asubhasuttavaṇṇanā
