| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. асубхасуд̇д̇аван̣н̣анаа
3. Asubhasuttavaṇṇanā
163. д̇ад̇ияз асубхаанубассий гааяз вихарад̇ийд̇и ад̇д̇ано гараж̇агааяз ‘‘яат̇аа зд̇ам̣, д̇ат̇аа ид̣̇а’’нд̇и иминаа наязна б̣ахид̣̇д̇хаа д̣̇идтаанам̣ д̣̇асаннам̣ асубхаанам̣ убасам̣харан̣авасзна асубхаанубассий вихарад̇и, ад̇д̇ано гааяам̣ асубхад̇о бадигуулад̇о н̃аан̣зна бассад̇ийд̇и ад̇т̇о. аахаарз бадигууласан̃н̃ийд̇и наваннам̣ баадигуляаанам̣ васзна габ̣ал̣ийгаараахаарз бадигууласан̃н̃ий. саб̣б̣алогз анабхирад̇исан̃н̃ийд̇и саб̣б̣асмимби д̇зд̇хаад̇угз логасанниваасз анабхирад̇ааяа угган̣тид̇асан̃н̃ааяа саманнааг̇ад̇о. саб̣б̣асан̇каарзсу анижжаанубассийд̇и саб̣б̣зби д̇збхуумагасан̇каарз анижжад̇о анубассанд̇о. маран̣асан̃н̃аад̇и маран̣ам̣ аараб̣бха уббаннасан̃н̃аа. аж̇жхад̇д̇ам̣ суубадтид̇аа ход̇ийд̇и нияагаж̇жхад̇д̇з судту убадтид̇аа ход̇и. зд̇д̇аавад̇аа б̣алававибассанаа гат̇ид̇аа. сзкаб̣алаанийд̇и сигканагаанам̣ б̣алаани. сзсамзд̇т̇а баал̣ивасзна уд̇д̇аанамзва. ‘‘асубхаанубассий’’д̇иаад̣̇ийни бана д̣̇угкааяа бадибад̣̇ааяа д̣̇ассанад̇т̇ам̣ вуд̇д̇аани, батамаж̇жхаанаад̣̇ийни сукааяа. асубхаад̣̇ийни хи бадигуулаарамман̣аани, д̇зсу бана багад̇ияаава самбияааяамаанам̣ жид̇д̇ам̣ аллийяад̇и. д̇асмаа д̇аани бхаавзнд̇о д̣̇угкабадибад̣̇ам̣ бадибанно наама ход̇и. батамаж̇жхаанаад̣̇ийни бан̣ийд̇асукаани , д̇асмаа д̇аани бадибанно сукабадибад̣̇ам̣ бадибанно наама ход̇и.
163. Tatiye asubhānupassī kāye viharatīti attano karajakāye ‘‘yathā etaṃ, tathā ida’’nti iminā nayena bahiddhā diṭṭhānaṃ dasannaṃ asubhānaṃ upasaṃharaṇavasena asubhānupassī viharati, attano kāyaṃ asubhato paṭikūlato ñāṇena passatīti attho. Āhāre paṭikūlasaññīti navannaṃ pāṭikulyānaṃ vasena kabaḷīkārāhāre paṭikūlasaññī. Sabbaloke anabhiratisaññīti sabbasmimpi tedhātuke lokasannivāse anabhiratāya ukkaṇṭhitasaññāya samannāgato. Sabbasaṅkhāresu aniccānupassīti sabbepi tebhūmakasaṅkhāre aniccato anupassanto. Maraṇasaññāti maraṇaṃ ārabbha uppannasaññā. Ajjhattaṃ sūpaṭṭhitā hotīti niyakajjhatte suṭṭhu upaṭṭhitā hoti. Ettāvatā balavavipassanā kathitā. Sekhabalānīti sikkhanakānaṃ balāni. Sesamettha pāḷivasena uttānameva. ‘‘Asubhānupassī’’tiādīni pana dukkhāya paṭipadāya dassanatthaṃ vuttāni, paṭhamajjhānādīni sukhāya. Asubhādīni hi paṭikūlārammaṇāni, tesu pana pakatiyāva sampiyāyamānaṃ cittaṃ allīyati. Tasmā tāni bhāvento dukkhapaṭipadaṃ paṭipanno nāma hoti. Paṭhamajjhānādīni paṇītasukhāni , tasmā tāni paṭipanno sukhapaṭipadaṃ paṭipanno nāma hoti.
аяам̣ банзд̇т̇а саб̣б̣асаад̇хааран̣аа убамаа – сан̇г̇аамааважарабурисо хи палагагодтагам̣ гад̇ваа бан̃жаавуд̇хаани саннаяхид̇ваа сан̇г̇аамам̣ бависад̇и, со анд̇араа виссамид̇угаамо палагагодтагам̣ бависид̇ваа виссамад̇и жзва баанабхож̇анаад̣̇ийни жа бадисзвад̇и. д̇ад̇о буна сан̇г̇аамам̣ бависид̇ваа гаммам̣ гарод̇и. д̇ад̇т̇а сан̇г̇аамо вияа гилзсасан̇г̇аамо д̣̇адтаб̣б̣о, палагагодтаго вияа бан̃жаниссаяаб̣алаани, сан̇г̇аамабависанабурисо вияа яог̇ааважаро, бан̃жаавуд̇хасаннаахо вияа вибассанаабан̃жамаани инд̣̇рияаани, сан̇г̇аамам̣ бависанагаало вияа вибассанааяа гаммагаран̣агаало, виссамид̇угаамасса палагагодтагам̣ бависид̇ваа виссаманабаанабхож̇анаани бадисзванагаало вияа вибассанааяа гаммам̣ гаронд̇асса жид̇д̇уббаад̣̇асса нирассаад̣̇агкан̣з бан̃жа б̣алаани ниссааяа жид̇д̇ам̣ самбахам̣санагаало, виссамид̇ваа каад̣̇ид̇ваа бивид̇ваа жа буна сан̇г̇аамасса бависанагаало вияа бан̃жахи б̣алзхи жид̇д̇ам̣ самбахам̣сзд̇ваа буна вибассанааяа гаммам̣ гаронд̇асса виваддзд̇ваа арахад̇д̇аг̇г̇ахан̣агаало взд̣̇ид̇аб̣б̣о. имасмим̣ бана суд̇д̇з б̣алаани жзва инд̣̇рияаани жа миссагаанзва гат̇ид̇аанийд̇и.
Ayaṃ panettha sabbasādhāraṇā upamā – saṅgāmāvacarapuriso hi phalakakoṭṭhakaṃ katvā pañcāvudhāni sannayhitvā saṅgāmaṃ pavisati, so antarā vissamitukāmo phalakakoṭṭhakaṃ pavisitvā vissamati ceva pānabhojanādīni ca paṭisevati. Tato puna saṅgāmaṃ pavisitvā kammaṃ karoti. Tattha saṅgāmo viya kilesasaṅgāmo daṭṭhabbo, phalakakoṭṭhako viya pañcanissayabalāni, saṅgāmapavisanapuriso viya yogāvacaro, pañcāvudhasannāho viya vipassanāpañcamāni indriyāni, saṅgāmaṃ pavisanakālo viya vipassanāya kammakaraṇakālo, vissamitukāmassa phalakakoṭṭhakaṃ pavisitvā vissamanapānabhojanāni paṭisevanakālo viya vipassanāya kammaṃ karontassa cittuppādassa nirassādakkhaṇe pañca balāni nissāya cittaṃ sampahaṃsanakālo, vissamitvā khāditvā pivitvā ca puna saṅgāmassa pavisanakālo viya pañcahi balehi cittaṃ sampahaṃsetvā puna vipassanāya kammaṃ karontassa vivaṭṭetvā arahattaggahaṇakālo veditabbo. Imasmiṃ pana sutte balāni ceva indriyāni ca missakāneva kathitānīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. асубхасуд̇д̇ам̣ • 3. Asubhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. асубхасуд̇д̇аван̣н̣анаа • 3. Asubhasuttavaṇṇanā
