| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৩. অসুরিন্দকসুত্তৰণ্ণনা
3. Asurindakasuttavaṇṇanā
১৮৯. তেনেৰাতি ভাতুপব্বজিতেনেৰ। অস্সেৰাতি তিতিক্খস্স। ‘‘তং জযং হোতী’’তি লিঙ্গৰিপল্লাসৰসেন ৰুত্তন্তি আহ ‘‘সো জযো হোতী’’তি, দুজ্জযং কোধং তিতিক্খায জিনন্তস্সাতি অধিপ্পাযো। যস্মা তিতিক্খাদযো ন কোধৰসিকং ধুরং, তং পন বালানং মঞ্ঞনামত্তন্তি ইধ ইমমত্থং ৰিভাৰেতুং ‘‘কতমস্সা’’তিআদি ৰুত্তং। ৰিজানতোৰ জযো ন অৰিজানতো তিতিক্খায অভাৰতো। ন হি অৰিজানন্তো অন্ধবালো কোধং ৰিজেতুং সক্কোতি। কেৰলং জযং মঞ্ঞতি কিলেসেহি পরাজিতো সমানোপীতি অধিপ্পাযো।
189.Tenevāti bhātupabbajiteneva. Assevāti titikkhassa. ‘‘Taṃ jayaṃ hotī’’ti liṅgavipallāsavasena vuttanti āha ‘‘so jayo hotī’’ti, dujjayaṃ kodhaṃ titikkhāya jinantassāti adhippāyo. Yasmā titikkhādayo na kodhavasikaṃ dhuraṃ, taṃ pana bālānaṃ maññanāmattanti idha imamatthaṃ vibhāvetuṃ ‘‘katamassā’’tiādi vuttaṃ. Vijānatova jayo na avijānato titikkhāya abhāvato. Na hi avijānanto andhabālo kodhaṃ vijetuṃ sakkoti. Kevalaṃ jayaṃ maññati kilesehi parājito samānopīti adhippāyo.
অসুরিন্দকসুত্তৰণ্ণনা নিট্ঠিতা।
Asurindakasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৩. অসুরিন্দকসুত্তং • 3. Asurindakasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩. অসুরিন্দকসুত্তৰণ্ণনা • 3. Asurindakasuttavaṇṇanā
