| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౩. అసురిన్దకసుత్తవణ్ణనా
3. Asurindakasuttavaṇṇanā
౧౮౯. తతియే అసురిన్దకభారద్వాజోతి అక్కోసకభారద్వాజస్స కనిట్ఠో. కుపితోతి తేనేవ కారణేన కుద్ధో. జయఞ్చేవస్స తం హోతీతి అస్సేవ తం జయం హోతి, సో జయో హోతీతి అత్థో . కతమస్సాతి? యా తితిక్ఖా విజానతో అధివాసనాయ గుణం విజానన్తస్స తితిక్ఖా అధివాసనా, అయం తస్స విజానతోవ జయో. బాలో పన ఫరుసం భణన్తో ‘‘మయ్హం జయో’’తి కేవలం జయం మఞ్ఞతి. తతియం.
189. Tatiye asurindakabhāradvājoti akkosakabhāradvājassa kaniṭṭho. Kupitoti teneva kāraṇena kuddho. Jayañcevassa taṃ hotīti asseva taṃ jayaṃ hoti, so jayo hotīti attho . Katamassāti? Yā titikkhā vijānato adhivāsanāya guṇaṃ vijānantassa titikkhā adhivāsanā, ayaṃ tassa vijānatova jayo. Bālo pana pharusaṃ bhaṇanto ‘‘mayhaṃ jayo’’ti kevalaṃ jayaṃ maññati. Tatiyaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౩. అసురిన్దకసుత్తం • 3. Asurindakasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౩. అసురిన్దకసుత్తవణ్ణనా • 3. Asurindakasuttavaṇṇanā
