| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៣. អសុរិន្ទកសុត្តវណ្ណនា
3. Asurindakasuttavaṇṇanā
១៨៩. តេនេវាតិ ភាតុបព្ពជិតេនេវ។ អស្សេវាតិ តិតិក្ខស្ស។ ‘‘តំ ជយំ ហោតី’’តិ លិង្គវិបល្លាសវសេន វុត្តន្តិ អាហ ‘‘សោ ជយោ ហោតី’’តិ, ទុជ្ជយំ កោធំ តិតិក្ខាយ ជិនន្តស្សាតិ អធិប្បាយោ។ យស្មា តិតិក្ខាទយោ ន កោធវសិកំ ធុរំ, តំ បន ពាលានំ មញ្ញនាមត្តន្តិ ឥធ ឥមមត្ថំ វិភាវេតុំ ‘‘កតមស្សា’’តិអាទិ វុត្តំ។ វិជានតោវ ជយោ ន អវិជានតោ តិតិក្ខាយ អភាវតោ។ ន ហិ អវិជានន្តោ អន្ធពាលោ កោធំ វិជេតុំ សក្កោតិ។ កេវលំ ជយំ មញ្ញតិ កិលេសេហិ បរាជិតោ សមានោបីតិ អធិប្បាយោ។
189.Tenevāti bhātupabbajiteneva. Assevāti titikkhassa. ‘‘Taṃ jayaṃ hotī’’ti liṅgavipallāsavasena vuttanti āha ‘‘so jayo hotī’’ti, dujjayaṃ kodhaṃ titikkhāya jinantassāti adhippāyo. Yasmā titikkhādayo na kodhavasikaṃ dhuraṃ, taṃ pana bālānaṃ maññanāmattanti idha imamatthaṃ vibhāvetuṃ ‘‘katamassā’’tiādi vuttaṃ. Vijānatova jayo na avijānato titikkhāya abhāvato. Na hi avijānanto andhabālo kodhaṃ vijetuṃ sakkoti. Kevalaṃ jayaṃ maññati kilesehi parājito samānopīti adhippāyo.
អសុរិន្ទកសុត្តវណ្ណនា និដ្ឋិតា។
Asurindakasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៣. អសុរិន្ទកសុត្តំ • 3. Asurindakasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៣. អសុរិន្ទកសុត្តវណ្ណនា • 3. Asurindakasuttavaṇṇanā
