| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
3. අසුරින්‌දකසුත්‌තවණ්‌ණනා
3. Asurindakasuttavaṇṇanā
189. තෙනෙවාති භාතුපබ්‌බජිතෙනෙව. අස්‌සෙවාති තිතික්‌ඛස්‌ස. ‘‘තං ජයං හොතී’’ති ලිඞ්‌ගවිපල්‌ලාසවසෙන වුත්‌තන්‌ති ආහ ‘‘සො ජයො හොතී’’ති, දුජ්‌ජයං කොධං තිතික්‌ඛාය ජිනන්‌තස්‌සාති අධිප්‌පායො. යස්‌මා තිතික්‌ඛාදයො න කොධවසිකං ධුරං, තං පන බාලානං මඤ්‌ඤනාමත්‌තන්‌ති ඉධ ඉමමත්‌ථං විභාවෙතුං ‘‘කතමස්‌සා’’තිආදි වුත්‌තං. විජානතොව ජයො න අවිජානතො තිතික්‌ඛාය අභාවතො. න හි අවිජානන්‌තො අන්‌ධබාලො කොධං විජෙතුං සක්‌කොති. කෙවලං ජයං මඤ්‌ඤති කිලෙසෙහි පරාජිතො සමානොපීති අධිප්‌පායො.
189.Tenevāti bhātupabbajiteneva. Assevāti titikkhassa. ‘‘Taṃ jayaṃ hotī’’ti liṅgavipallāsavasena vuttanti āha ‘‘so jayo hotī’’ti, dujjayaṃ kodhaṃ titikkhāya jinantassāti adhippāyo. Yasmā titikkhādayo na kodhavasikaṃ dhuraṃ, taṃ pana bālānaṃ maññanāmattanti idha imamatthaṃ vibhāvetuṃ ‘‘katamassā’’tiādi vuttaṃ. Vijānatova jayo na avijānato titikkhāya abhāvato. Na hi avijānanto andhabālo kodhaṃ vijetuṃ sakkoti. Kevalaṃ jayaṃ maññati kilesehi parājito samānopīti adhippāyo.
අසුරින්‌දකසුත්‌තවණ්‌ණනා නිට්‌ඨිතා.
Asurindakasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 3. අසුරින්‌දකසුත්‌තං • 3. Asurindakasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3. අසුරින්‌දකසුත්‌තවණ්‌ණනා • 3. Asurindakasuttavaṇṇanā
