| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
9. අතම්‌මයසුත්‌තං
9. Atammayasuttaṃ
104. ‘‘ඡ, භික්‌ඛවෙ, ආනිසංසෙ සම්‌පස්‌සමානෙන අලමෙව භික්‌ඛුනා සබ්‌බධම්‌මෙසු අනොධිං කරිත්‌වා අනත්‌තසඤ්‌ඤං උපට්‌ඨාපෙතුං. කතමෙ ඡ? සබ්‌බලොකෙ ච අතම්‌මයො භවිස්‌සාමි, අහඞ්‌කාරා ච මෙ උපරුජ්‌ඣිස්‌සන්‌ති, මමඞ්‌කාරා ච මෙ උපරුජ්‌ඣිස්‌සන්‌ති, අසාධාරණෙන ච ඤාණෙන සමන්‌නාගතො භවිස්‌සාමි, හෙතු ච මෙ සුදිට්‌ඨො භවිස්‌සති, හෙතුසමුප්‌පන්‌නා ච ධම්‌මා. ඉමෙ ඛො, භික්‌ඛවෙ, ඡ ආනිසංසෙ සම්‌පස්‌සමානෙන අලමෙව භික්‌ඛුනා සබ්‌බධම්‌මෙසු අනොධිං කරිත්‌වා අනත්‌තසඤ්‌ඤං උපට්‌ඨාපෙතු’’න්‌ති. නවමං.
104. ‘‘Cha, bhikkhave, ānisaṃse sampassamānena alameva bhikkhunā sabbadhammesu anodhiṃ karitvā anattasaññaṃ upaṭṭhāpetuṃ. Katame cha? Sabbaloke ca atammayo bhavissāmi, ahaṅkārā ca me uparujjhissanti, mamaṅkārā ca me uparujjhissanti, asādhāraṇena ca ñāṇena samannāgato bhavissāmi, hetu ca me sudiṭṭho bhavissati, hetusamuppannā ca dhammā. Ime kho, bhikkhave, cha ānisaṃse sampassamānena alameva bhikkhunā sabbadhammesu anodhiṃ karitvā anattasaññaṃ upaṭṭhāpetu’’nti. Navamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 9. අතම්‌මයසුත්‌තවණ්‌ණනා • 9. Atammayasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-11. පාතුභාවසුත්‌තාදිවණ්‌ණනා • 1-11. Pātubhāvasuttādivaṇṇanā
