| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൯. അതമ്മയസുത്തം
9. Atammayasuttaṃ
൧൦൪. ‘‘ഛ, ഭിക്ഖവേ, ആനിസംസേ സമ്പസ്സമാനേന അലമേവ ഭിക്ഖുനാ സബ്ബധമ്മേസു അനോധിം കരിത്വാ അനത്തസഞ്ഞം ഉപട്ഠാപേതും. കതമേ ഛ? സബ്ബലോകേ ച അതമ്മയോ ഭവിസ്സാമി, അഹങ്കാരാ ച മേ ഉപരുജ്ഝിസ്സന്തി, മമങ്കാരാ ച മേ ഉപരുജ്ഝിസ്സന്തി, അസാധാരണേന ച ഞാണേന സമന്നാഗതോ ഭവിസ്സാമി, ഹേതു ച മേ സുദിട്ഠോ ഭവിസ്സതി, ഹേതുസമുപ്പന്നാ ച ധമ്മാ. ഇമേ ഖോ, ഭിക്ഖവേ, ഛ ആനിസംസേ സമ്പസ്സമാനേന അലമേവ ഭിക്ഖുനാ സബ്ബധമ്മേസു അനോധിം കരിത്വാ അനത്തസഞ്ഞം ഉപട്ഠാപേതു’’ന്തി. നവമം.
104. ‘‘Cha, bhikkhave, ānisaṃse sampassamānena alameva bhikkhunā sabbadhammesu anodhiṃ karitvā anattasaññaṃ upaṭṭhāpetuṃ. Katame cha? Sabbaloke ca atammayo bhavissāmi, ahaṅkārā ca me uparujjhissanti, mamaṅkārā ca me uparujjhissanti, asādhāraṇena ca ñāṇena samannāgato bhavissāmi, hetu ca me sudiṭṭho bhavissati, hetusamuppannā ca dhammā. Ime kho, bhikkhave, cha ānisaṃse sampassamānena alameva bhikkhunā sabbadhammesu anodhiṃ karitvā anattasaññaṃ upaṭṭhāpetu’’nti. Navamaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൯. അതമ്മയസുത്തവണ്ണനാ • 9. Atammayasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൧൧. പാതുഭാവസുത്താദിവണ്ണനാ • 1-11. Pātubhāvasuttādivaṇṇanā
