| Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya |
9. аадаанаадияасуд̇д̇ам̣
9. Āṭānāṭiyasuttaṃ
батамабхаан̣авааро
Paṭhamabhāṇavāro
275. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. ат̇а ко жад̇д̇ааро махаарааж̇аа 1 махад̇ияаа жа яагкасзнааяа махад̇ияаа жа г̇анд̇хаб̣б̣асзнааяа махад̇ияаа жа гумбхан̣д̣асзнааяа махад̇ияаа жа нааг̇асзнааяа жад̇уд̣̇д̣̇исам̣ рагкам̣ табзд̇ваа жад̇уд̣̇д̣̇исам̣ г̇умб̣ам̣ табзд̇ваа жад̇уд̣̇д̣̇исам̣ оваран̣ам̣ табзд̇ваа абхигганд̇ааяа рад̇д̇ияаа абхигганд̇аван̣н̣аа гзвалагаббам̣ г̇иж̇жхагуудам̣ баб̣б̣ад̇ам̣ обхаасзд̇ваа 2 язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. д̇зби ко яагкаа аббзгажжз бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су, аббзгажжз бхаг̇авад̇аа сад̣̇д̇хим̣ саммод̣̇им̣су, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су, аббзгажжз язна бхаг̇аваа д̇знан̃ж̇алим̣ бан̣аамзд̇ваа згаманд̇ам̣ нисийд̣̇им̣су, аббзгажжз наамаг̇од̇д̇ам̣ саавзд̇ваа згаманд̇ам̣ нисийд̣̇им̣су, аббзгажжз д̇ун̣хийбхууд̇аа згаманд̇ам̣ нисийд̣̇им̣су.
275. Evaṃ me sutaṃ – ekaṃ samayaṃ bhagavā rājagahe viharati gijjhakūṭe pabbate. Atha kho cattāro mahārājā 3 mahatiyā ca yakkhasenāya mahatiyā ca gandhabbasenāya mahatiyā ca kumbhaṇḍasenāya mahatiyā ca nāgasenāya catuddisaṃ rakkhaṃ ṭhapetvā catuddisaṃ gumbaṃ ṭhapetvā catuddisaṃ ovaraṇaṃ ṭhapetvā abhikkantāya rattiyā abhikkantavaṇṇā kevalakappaṃ gijjhakūṭaṃ pabbataṃ obhāsetvā 4 yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Tepi kho yakkhā appekacce bhagavantaṃ abhivādetvā ekamantaṃ nisīdiṃsu, appekacce bhagavatā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu, appekacce yena bhagavā tenañjaliṃ paṇāmetvā ekamantaṃ nisīdiṃsu, appekacce nāmagottaṃ sāvetvā ekamantaṃ nisīdiṃsu, appekacce tuṇhībhūtā ekamantaṃ nisīdiṃsu.
276. згаманд̇ам̣ нисинно ко взссаван̣о махаарааж̇аа бхаг̇аванд̇ам̣ зд̇ад̣̇авожа – ‘‘санд̇и хи, бханд̇з, ул̣аараа яагкаа бхаг̇авад̇о аббасаннаа. санд̇и хи, бханд̇з, ул̣аараа яагкаа бхаг̇авад̇о басаннаа. санд̇и хи , бханд̇з, маж̇жхимаа яагкаа бхаг̇авад̇о аббасаннаа. санд̇и хи, бханд̇з, маж̇жхимаа яагкаа бхаг̇авад̇о басаннаа. санд̇и хи, бханд̇з, нийжаа яагкаа бхаг̇авад̇о аббасаннаа. санд̇и хи, бханд̇з, нийжаа яагкаа бхаг̇авад̇о басаннаа. язбхуяязна ко бана, бханд̇з, яагкаа аббасаннааязва бхаг̇авад̇о. д̇ам̣ гисса хзд̇у? бхаг̇аваа хи, бханд̇з, баан̣аад̇ибаад̇аа взраман̣ияаа д̇хаммам̣ д̣̇зсзд̇и, ад̣̇иннаад̣̇аанаа взраман̣ияаа д̇хаммам̣ д̣̇зсзд̇и, гаамзсумижчаажаараа взраман̣ияаа д̇хаммам̣ д̣̇зсзд̇и, мусааваад̣̇аа взраман̣ияаа д̇хаммам̣ д̣̇зсзд̇и, сураамзраяамаж̇ж̇аббамаад̣̇адтаанаа взраман̣ияаа д̇хаммам̣ д̣̇зсзд̇и. язбхуяязна ко бана, бханд̇з, яагкаа аббадивирад̇ааязва баан̣аад̇ибаад̇аа, аббадивирад̇аа ад̣̇иннаад̣̇аанаа, аббадивирад̇аа гаамзсумижчаажаараа, аббадивирад̇аа мусааваад̣̇аа, аббадивирад̇аа сураамзраяамаж̇ж̇аббамаад̣̇адтаанаа . д̇зсам̣ д̇ам̣ ход̇и аббияам̣ аманаабам̣. санд̇и хи, бханд̇з, бхаг̇авад̇о саавагаа аран̃н̃аванабад̇т̇аани банд̇аани сзнаасанаани бадисзванд̇и аббасад̣̇д̣̇аани аббаниг̇гхосаани виж̇анаваад̇аани мануссараахассзяяагаани 5 бадисаллаанасааруббаани. д̇ад̇т̇а санд̇и ул̣аараа яагкаа ниваасино, яз имасмим̣ бхаг̇авад̇о бааважанз аббасаннаа. д̇зсам̣ басаад̣̇ааяа уг̇г̇ан̣хаад̇у, бханд̇з, бхаг̇аваа аадаанаадияам̣ рагкам̣ бхигкуунам̣ бхигкунийнам̣ убаасагаанам̣ убаасигаанам̣ г̇уд̇д̇ияаа рагкааяа авихим̣сааяа паасувихаарааяаа’’д̇и. ад̇хиваасзси бхаг̇аваа д̇ун̣хийбхаавзна.
276. Ekamantaṃ nisinno kho vessavaṇo mahārājā bhagavantaṃ etadavoca – ‘‘santi hi, bhante, uḷārā yakkhā bhagavato appasannā. Santi hi, bhante, uḷārā yakkhā bhagavato pasannā. Santi hi , bhante, majjhimā yakkhā bhagavato appasannā. Santi hi, bhante, majjhimā yakkhā bhagavato pasannā. Santi hi, bhante, nīcā yakkhā bhagavato appasannā. Santi hi, bhante, nīcā yakkhā bhagavato pasannā. Yebhuyyena kho pana, bhante, yakkhā appasannāyeva bhagavato. Taṃ kissa hetu? Bhagavā hi, bhante, pāṇātipātā veramaṇiyā dhammaṃ deseti, adinnādānā veramaṇiyā dhammaṃ deseti, kāmesumicchācārā veramaṇiyā dhammaṃ deseti, musāvādā veramaṇiyā dhammaṃ deseti, surāmerayamajjappamādaṭṭhānā veramaṇiyā dhammaṃ deseti. Yebhuyyena kho pana, bhante, yakkhā appaṭiviratāyeva pāṇātipātā, appaṭiviratā adinnādānā, appaṭiviratā kāmesumicchācārā, appaṭiviratā musāvādā, appaṭiviratā surāmerayamajjappamādaṭṭhānā . Tesaṃ taṃ hoti appiyaṃ amanāpaṃ. Santi hi, bhante, bhagavato sāvakā araññavanapatthāni pantāni senāsanāni paṭisevanti appasaddāni appanigghosāni vijanavātāni manussarāhasseyyakāni 6 paṭisallānasāruppāni. Tattha santi uḷārā yakkhā nivāsino, ye imasmiṃ bhagavato pāvacane appasannā. Tesaṃ pasādāya uggaṇhātu, bhante, bhagavā āṭānāṭiyaṃ rakkhaṃ bhikkhūnaṃ bhikkhunīnaṃ upāsakānaṃ upāsikānaṃ guttiyā rakkhāya avihiṃsāya phāsuvihārāyā’’ti. Adhivāsesi bhagavā tuṇhībhāvena.
ат̇а ко взссаван̣о махаарааж̇аа бхаг̇авад̇о ад̇хиваасанам̣ вид̣̇ид̇ваа д̇ааяам̣ взлааяам̣ имам̣ аадаанаадияам̣ рагкам̣ абхааси –
Atha kho vessavaṇo mahārājā bhagavato adhivāsanaṃ viditvā tāyaṃ velāyaṃ imaṃ āṭānāṭiyaṃ rakkhaṃ abhāsi –
277. ‘‘вибассисса жа 7 намад̇т̇у, жагкуманд̇асса сириймад̇о.
277. ‘‘Vipassissa ca 8 namatthu, cakkhumantassa sirīmato.
‘‘взссабхусса жа 11 намад̇т̇у, нхаад̇агасса д̇абассино;
‘‘Vessabhussa ca 12 namatthu, nhātakassa tapassino;
намад̇т̇у гагусанд̇хасса, маарасзнаабамад̣̇д̣̇ино.
Namatthu kakusandhassa, mārasenāpamaddino.
‘‘гон̣ааг̇аманасса намад̇т̇у, б̣раахман̣асса вусиймад̇о;
‘‘Koṇāgamanassa namatthu, brāhmaṇassa vusīmato;
гассабасса жа 13 намад̇т̇у, виббамуд̇д̇асса саб̣б̣ад̇хи.
Kassapassa ca 14 namatthu, vippamuttassa sabbadhi.
‘‘ан̇г̇ийрасасса намад̇т̇у, сагяабуд̇д̇асса сириймад̇о;
‘‘Aṅgīrasassa namatthu, sakyaputtassa sirīmato;
яо имам̣ д̇хаммам̣ д̣̇зсзси 15, саб̣б̣ад̣̇угкаабанууд̣̇анам̣.
Yo imaṃ dhammaṃ desesi 16, sabbadukkhāpanūdanaṃ.
‘‘яз жааби ниб̣б̣уд̇аа логз, яат̇аабхууд̇ам̣ вибассисум̣;
‘‘Ye cāpi nibbutā loke, yathābhūtaṃ vipassisuṃ;
‘‘хид̇ам̣ д̣̇звамануссаанам̣, яам̣ намассанд̇и г̇од̇амам̣;
‘‘Hitaṃ devamanussānaṃ, yaṃ namassanti gotamaṃ;
виж̇ж̇аажаран̣асамбаннам̣, маханд̇ам̣ вийд̇асаарад̣̇ам̣.
Vijjācaraṇasampannaṃ, mahantaṃ vītasāradaṃ.
278. ‘‘яад̇о уг̇г̇ажчад̇и суурияо 19, аад̣̇ижжо ман̣д̣алий махаа.
278. ‘‘Yato uggacchati sūriyo 20, ādicco maṇḍalī mahā.
яасса жуг̇г̇ажчамаанасса, сам̣варийби нируж̇жхад̇и;
Yassa cuggacchamānassa, saṃvarīpi nirujjhati;
яасса жуг̇г̇ад̇з суурияз, ‘д̣̇ивасо’д̇и бавужжад̇и.
Yassa cuggate sūriye, ‘divaso’ti pavuccati.
‘‘рахад̣̇оби д̇ад̇т̇а г̇амбхийро, самуд̣̇д̣̇о сарид̇од̣̇аго;
‘‘Rahadopi tattha gambhīro, samuddo saritodako;
звам̣ д̇ам̣ д̇ад̇т̇а ж̇аананд̇и, ‘самуд̣̇д̣̇о сарид̇од̣̇аго’.
Evaṃ taṃ tattha jānanti, ‘samuddo saritodako’.
‘‘ид̇о ‘саа буримаа д̣̇исаа’, ид̇и нам̣ аажигкад̇ий ж̇ано;
‘‘Ito ‘sā purimā disā’, iti naṃ ācikkhatī jano;
яам̣ д̣̇исам̣ абхибаалзд̇и, махаарааж̇аа яасасси со.
Yaṃ disaṃ abhipāleti, mahārājā yasassi so.
‘‘г̇анд̇хаб̣б̣аанам̣ ад̇хибад̇и 21, ‘д̇хад̇арадто’д̇и наамасо;
‘‘Gandhabbānaṃ adhipati 22, ‘dhataraṭṭho’ti nāmaso;
рамад̇ий нажжаг̇ийд̇зхи, г̇анд̇хаб̣б̣зхи бурагкад̇о.
Ramatī naccagītehi, gandhabbehi purakkhato.
‘‘буд̇д̇ааби д̇асса б̣ахаво, зганаамаад̇и мз суд̇ам̣;
‘‘Puttāpi tassa bahavo, ekanāmāti me sutaṃ;
асийд̇и д̣̇аса зго жа, инд̣̇анаамаа махаб̣б̣алаа.
Asīti dasa eko ca, indanāmā mahabbalā.
д̇з жааби б̣уд̣̇д̇хам̣ д̣̇исваана, б̣уд̣̇д̇хам̣ аад̣̇ижжаб̣анд̇хунам̣;
Te cāpi buddhaṃ disvāna, buddhaṃ ādiccabandhunaṃ;
д̣̇уурад̇ова намассанд̇и, маханд̇ам̣ вийд̇асаарад̣̇ам̣.
Dūratova namassanti, mahantaṃ vītasāradaṃ.
‘‘намо д̇з бурисааж̇ан̃н̃а, намо д̇з бурисуд̇д̇ама;
‘‘Namo te purisājañña, namo te purisuttama;
гусалзна самзгкаси, амануссааби д̇ам̣ ванд̣̇анд̇и;
Kusalena samekkhasi, amanussāpi taṃ vandanti;
суд̇ам̣ нзд̇ам̣ абхин̣хасо, д̇асмаа звам̣ вад̣̇змасз.
Sutaṃ netaṃ abhiṇhaso, tasmā evaṃ vademase.
‘‘‘ж̇инам̣ ванд̣̇ат̇а г̇од̇амам̣, ж̇инам̣ ванд̣̇аама г̇од̇амам̣;
‘‘‘Jinaṃ vandatha gotamaṃ, jinaṃ vandāma gotamaṃ;
виж̇ж̇аажаран̣асамбаннам̣, б̣уд̣̇д̇хам̣ ванд̣̇аама г̇од̇амам̣’.
Vijjācaraṇasampannaṃ, buddhaṃ vandāma gotamaṃ’.
279. ‘‘язна бзд̇аа бавужжанд̇и, бисун̣аа бидтимам̣сигаа.
279. ‘‘Yena petā pavuccanti, pisuṇā piṭṭhimaṃsikā.
баан̣аад̇ибаад̇ино луд̣̇д̣̇аа 23, жораа нзгад̇игаа ж̇анаа.
Pāṇātipātino luddā 24, corā nekatikā janā.
‘‘ид̇о ‘саа д̣̇агкин̣аа д̣̇исаа’, ид̇и нам̣ аажигкад̇ий ж̇ано;
‘‘Ito ‘sā dakkhiṇā disā’, iti naṃ ācikkhatī jano;
яам̣ д̣̇исам̣ абхибаалзд̇и, махаарааж̇аа яасасси со.
Yaṃ disaṃ abhipāleti, mahārājā yasassi so.
‘‘гумбхан̣д̣аанам̣ ад̇хибад̇и, ‘вируул̣хо’ ид̇и наамасо;
‘‘Kumbhaṇḍānaṃ adhipati, ‘virūḷho’ iti nāmaso;
рамад̇ий нажжаг̇ийд̇зхи, гумбхан̣д̣зхи бурагкад̇о.
Ramatī naccagītehi, kumbhaṇḍehi purakkhato.
‘‘буд̇д̇ааби д̇асса б̣ахаво, зганаамаад̇и мз суд̇ам̣;
‘‘Puttāpi tassa bahavo, ekanāmāti me sutaṃ;
асийд̇и д̣̇аса зго жа, инд̣̇анаамаа махаб̣б̣алаа.
Asīti dasa eko ca, indanāmā mahabbalā.
д̇з жааби б̣уд̣̇д̇хам̣ д̣̇исваана, б̣уд̣̇д̇хам̣ аад̣̇ижжаб̣анд̇хунам̣;
Te cāpi buddhaṃ disvāna, buddhaṃ ādiccabandhunaṃ;
д̣̇уурад̇ова намассанд̇и, маханд̇ам̣ вийд̇асаарад̣̇ам̣.
Dūratova namassanti, mahantaṃ vītasāradaṃ.
‘‘намо д̇з бурисааж̇ан̃н̃а, намо д̇з бурисуд̇д̇ама;
‘‘Namo te purisājañña, namo te purisuttama;
гусалзна самзгкаси, амануссааби д̇ам̣ ванд̣̇анд̇и;
Kusalena samekkhasi, amanussāpi taṃ vandanti;
суд̇ам̣ нзд̇ам̣ абхин̣хасо, д̇асмаа звам̣ вад̣̇змасз.
Sutaṃ netaṃ abhiṇhaso, tasmā evaṃ vademase.
‘‘‘ж̇инам̣ ванд̣̇ат̇а г̇од̇амам̣, ж̇инам̣ ванд̣̇аама г̇од̇амам̣;
‘‘‘Jinaṃ vandatha gotamaṃ, jinaṃ vandāma gotamaṃ;
виж̇ж̇аажаран̣асамбаннам̣, б̣уд̣̇д̇хам̣ ванд̣̇аама г̇од̇амам̣’.
Vijjācaraṇasampannaṃ, buddhaṃ vandāma gotamaṃ’.
280. ‘‘яад̇т̇а жог̇г̇ажчад̇и суурияо, аад̣̇ижжо ман̣д̣алий махаа.
280. ‘‘Yattha coggacchati sūriyo, ādicco maṇḍalī mahā.
яасса жог̇г̇ажчамаанасса, д̣̇ивасоби нируж̇жхад̇и;
Yassa coggacchamānassa, divasopi nirujjhati;
яасса жог̇г̇ад̇з суурияз, ‘сам̣варий’д̇и бавужжад̇и.
Yassa coggate sūriye, ‘saṃvarī’ti pavuccati.
‘‘рахад̣̇оби д̇ад̇т̇а г̇амбхийро, самуд̣̇д̣̇о сарид̇од̣̇аго;
‘‘Rahadopi tattha gambhīro, samuddo saritodako;
звам̣ д̇ам̣ д̇ад̇т̇а ж̇аананд̇и, ‘самуд̣̇д̣̇о сарид̇од̣̇аго’.
Evaṃ taṃ tattha jānanti, ‘samuddo saritodako’.
‘‘ид̇о ‘саа бажчимаа д̣̇исаа’, ид̇и нам̣ аажигкад̇ий ж̇ано;
‘‘Ito ‘sā pacchimā disā’, iti naṃ ācikkhatī jano;
яам̣ д̣̇исам̣ абхибаалзд̇и, махаарааж̇аа яасасси со.
Yaṃ disaṃ abhipāleti, mahārājā yasassi so.
‘‘нааг̇аанан̃жа ад̇хибад̇и, ‘вируубагко’д̇и наамасо;
‘‘Nāgānañca adhipati, ‘virūpakkho’ti nāmaso;
рамад̇ий нажжаг̇ийд̇зхи, нааг̇зхзва бурагкад̇о.
Ramatī naccagītehi, nāgeheva purakkhato.
‘‘буд̇д̇ааби д̇асса б̣ахаво, зганаамаад̇и мз суд̇ам̣;
‘‘Puttāpi tassa bahavo, ekanāmāti me sutaṃ;
асийд̇и д̣̇аса зго жа, инд̣̇анаамаа махаб̣б̣алаа.
Asīti dasa eko ca, indanāmā mahabbalā.
д̇з жааби б̣уд̣̇д̇хам̣ д̣̇исваана, б̣уд̣̇д̇хам̣ аад̣̇ижжаб̣анд̇хунам̣;
Te cāpi buddhaṃ disvāna, buddhaṃ ādiccabandhunaṃ;
д̣̇уурад̇ова намассанд̇и, маханд̇ам̣ вийд̇асаарад̣̇ам̣.
Dūratova namassanti, mahantaṃ vītasāradaṃ.
‘‘намо д̇з бурисааж̇ан̃н̃а, намо д̇з бурисуд̇д̇ама;
‘‘Namo te purisājañña, namo te purisuttama;
гусалзна самзгкаси, амануссааби д̇ам̣ ванд̣̇анд̇и;
Kusalena samekkhasi, amanussāpi taṃ vandanti;
суд̇ам̣ нзд̇ам̣ абхин̣хасо, д̇асмаа звам̣ вад̣̇змасз.
Sutaṃ netaṃ abhiṇhaso, tasmā evaṃ vademase.
‘‘‘ж̇инам̣ ванд̣̇ат̇а г̇од̇амам̣, ж̇инам̣ ванд̣̇аама г̇од̇амам̣;
‘‘‘Jinaṃ vandatha gotamaṃ, jinaṃ vandāma gotamaṃ;
виж̇ж̇аажаран̣асамбаннам̣, б̣уд̣̇д̇хам̣ ванд̣̇аама г̇од̇амам̣’.
Vijjācaraṇasampannaṃ, buddhaṃ vandāma gotamaṃ’.
281. ‘‘язна уд̇д̇арагурувхо 25, махаанзру суд̣̇ассано.
281. ‘‘Yena uttarakuruvho 26, mahāneru sudassano.
мануссаа д̇ад̇т̇а ж̇ааяанд̇и, амамаа абариг̇г̇ахаа.
Manussā tattha jāyanti, amamā apariggahā.
‘‘на д̇з б̣ийж̇ам̣ бавабанд̇и, наби нийяанд̇и нан̇г̇алаа;
‘‘Na te bījaṃ pavapanti, napi nīyanti naṅgalā;
агадтабаагимам̣ саалим̣, барибхун̃ж̇анд̇и маанусаа.
Akaṭṭhapākimaṃ sāliṃ, paribhuñjanti mānusā.
‘‘аган̣ам̣ ат̇усам̣ суд̣̇д̇хам̣, суг̇анд̇хам̣ д̇ан̣д̣улабпалам̣;
‘‘Akaṇaṃ athusaṃ suddhaṃ, sugandhaṃ taṇḍulapphalaṃ;
д̇ун̣д̣игийрз бажид̇ваана, д̇ад̇о бхун̃ж̇анд̇и бхож̇анам̣.
Tuṇḍikīre pacitvāna, tato bhuñjanti bhojanaṃ.
‘‘г̇аавим̣ згакурам̣ гад̇ваа, ануяанд̇и д̣̇исод̣̇исам̣;
‘‘Gāviṃ ekakhuraṃ katvā, anuyanti disodisaṃ;
басум̣ згакурам̣ гад̇ваа, ануяанд̇и д̣̇исод̣̇исам̣.
Pasuṃ ekakhuraṃ katvā, anuyanti disodisaṃ.
‘‘ид̇т̇им̣ ваа вааханам̣ 27 гад̇ваа, ануяанд̇и д̣̇исод̣̇исам̣;
‘‘Itthiṃ vā vāhanaṃ 28 katvā, anuyanti disodisaṃ;
бурисам̣ вааханам̣ гад̇ваа, ануяанд̇и д̣̇исод̣̇исам̣.
Purisaṃ vāhanaṃ katvā, anuyanti disodisaṃ.
‘‘гумаарим̣ вааханам̣ гад̇ваа, ануяанд̇и д̣̇исод̣̇исам̣;
‘‘Kumāriṃ vāhanaṃ katvā, anuyanti disodisaṃ;
гумаарам̣ вааханам̣ гад̇ваа, ануяанд̇и д̣̇исод̣̇исам̣.
Kumāraṃ vāhanaṃ katvā, anuyanti disodisaṃ.
‘‘д̇з яаанз абхирухид̇ваа,
‘‘Te yāne abhiruhitvā,
бажаараа д̇асса рааж̇ино.
Pacārā tassa rājino.
‘‘хад̇т̇ияаанам̣ ассаяаанам̣, д̣̇иб̣б̣ам̣ яаанам̣ убадтид̇ам̣;
‘‘Hatthiyānaṃ assayānaṃ, dibbaṃ yānaṃ upaṭṭhitaṃ;
баасаад̣̇аа сивигаа жзва, махаарааж̇асса яасассино.
Pāsādā sivikā ceva, mahārājassa yasassino.
‘‘д̇асса жа наг̇араа аху,
‘‘Tassa ca nagarā ahu,
анд̇алигкз сумаабид̇аа;
Antalikkhe sumāpitā;
аадаанаадаа гусинаадаа барагусинаадаа,
Āṭānāṭā kusināṭā parakusināṭā,
ж̇аногхамабарзна жа;
Janoghamaparena ca;
наванавуд̇ияо амб̣араамб̣аравад̇ияо,
Navanavutiyo ambaraambaravatiyo,
аал̣агаманд̣̇аа наама рааж̇ад̇хааний.
Āḷakamandā nāma rājadhānī.
‘‘гувзрасса ко бана, маариса, махаарааж̇асса висаан̣аа наама рааж̇ад̇хааний;
‘‘Kuverassa kho pana, mārisa, mahārājassa visāṇā nāma rājadhānī;
д̇асмаа гувзро махаарааж̇аа, ‘взссаван̣о’д̇и бавужжад̇и.
Tasmā kuvero mahārājā, ‘vessavaṇo’ti pavuccati.
‘‘бажжзсанд̇о багаасзнд̇и, д̇ад̇олаа д̇ад̇д̇алаа д̇ад̇од̇алаа;
‘‘Paccesanto pakāsenti, tatolā tattalā tatotalā;
ож̇аси д̇зж̇аси д̇ад̇ож̇асий, сууро рааж̇аа аридто нзми.
Ojasi tejasi tatojasī, sūro rājā ariṭṭho nemi.
‘‘рахад̣̇оби д̇ад̇т̇а д̇харан̣ий наама, яад̇о мзгхаа бавассанд̇и;
‘‘Rahadopi tattha dharaṇī nāma, yato meghā pavassanti;
вассаа яад̇о бад̇ааяанд̇и, сабхааби д̇ад̇т̇а саалавад̇ий 35 наама.
Vassā yato patāyanti, sabhāpi tattha sālavatī 36 nāma.
‘‘яад̇т̇а яагкаа баяирубаасанд̇и, д̇ад̇т̇а нижжапалаа ругкаа;
‘‘Yattha yakkhā payirupāsanti, tattha niccaphalā rukkhā;
наанаа д̣̇иж̇аг̇ан̣аа яуд̇аа, маяуурагон̃жаабхируд̣̇аа;
Nānā dijagaṇā yutā, mayūrakoñcābhirudā;
гогилаад̣̇ийхи ваг̇г̇ухи.
Kokilādīhi vagguhi.
‘‘ж̇ийван̃ж̇ийвагасад̣̇д̣̇зд̇т̇а, ат̇о одтаважид̇д̇агаа;
‘‘Jīvañjīvakasaddettha, atho oṭṭhavacittakā;
‘‘сугасаал̣игасад̣̇д̣̇зд̇т̇а, д̣̇ан̣д̣амаан̣авагаани жа;
‘‘Sukasāḷikasaddettha, daṇḍamāṇavakāni ca;
собхад̇и саб̣б̣агаалам̣ саа, гувзранал̣иний сад̣̇аа.
Sobhati sabbakālaṃ sā, kuveranaḷinī sadā.
‘‘ид̇о ‘саа уд̇д̇араа д̣̇исаа’, ид̇и нам̣ аажигкад̇ий ж̇ано;
‘‘Ito ‘sā uttarā disā’, iti naṃ ācikkhatī jano;
яам̣ д̣̇исам̣ абхибаалзд̇и, махаарааж̇аа яасасси со.
Yaṃ disaṃ abhipāleti, mahārājā yasassi so.
‘‘яагкаанан̃жа ад̇хибад̇и, ‘гувзро’ ид̇и наамасо;
‘‘Yakkhānañca adhipati, ‘kuvero’ iti nāmaso;
рамад̇ий нажжаг̇ийд̇зхи, яагкзхзва бурагкад̇о.
Ramatī naccagītehi, yakkheheva purakkhato.
‘‘буд̇д̇ааби д̇асса б̣ахаво, зганаамаад̇и мз суд̇ам̣;
‘‘Puttāpi tassa bahavo, ekanāmāti me sutaṃ;
асийд̇и д̣̇аса зго жа, инд̣̇анаамаа махаб̣б̣алаа.
Asīti dasa eko ca, indanāmā mahabbalā.
‘‘д̇з жааби б̣уд̣̇д̇хам̣ д̣̇исваана, б̣уд̣̇д̇хам̣ аад̣̇ижжаб̣анд̇хунам̣;
‘‘Te cāpi buddhaṃ disvāna, buddhaṃ ādiccabandhunaṃ;
д̣̇уурад̇ова намассанд̇и, маханд̇ам̣ вийд̇асаарад̣̇ам̣.
Dūratova namassanti, mahantaṃ vītasāradaṃ.
‘‘намо д̇з бурисааж̇ан̃н̃а, намо д̇з бурисуд̇д̇ама;
‘‘Namo te purisājañña, namo te purisuttama;
гусалзна самзгкаси, амануссааби д̇ам̣ ванд̣̇анд̇и;
Kusalena samekkhasi, amanussāpi taṃ vandanti;
суд̇ам̣ нзд̇ам̣ абхин̣хасо, д̇асмаа звам̣ вад̣̇змасз.
Sutaṃ netaṃ abhiṇhaso, tasmā evaṃ vademase.
‘‘‘ж̇инам̣ ванд̣̇ат̇а г̇од̇амам̣, ж̇инам̣ ванд̣̇аама г̇од̇амам̣;
‘‘‘Jinaṃ vandatha gotamaṃ, jinaṃ vandāma gotamaṃ;
виж̇ж̇аажаран̣асамбаннам̣, б̣уд̣̇д̇хам̣ ванд̣̇аама г̇од̇ама’’’нд̇и.
Vijjācaraṇasampannaṃ, buddhaṃ vandāma gotama’’’nti.
‘‘аяам̣ ко саа, маариса, аадаанаадияаа рагкаа бхигкуунам̣ бхигкунийнам̣ убаасагаанам̣ убаасигаанам̣ г̇уд̇д̇ияаа рагкааяа авихим̣сааяа паасувихаарааяа.
‘‘Ayaṃ kho sā, mārisa, āṭānāṭiyā rakkhā bhikkhūnaṃ bhikkhunīnaṃ upāsakānaṃ upāsikānaṃ guttiyā rakkhāya avihiṃsāya phāsuvihārāya.
282. ‘‘яасса гассажи, маариса, бхигкусса ваа бхигкунияаа ваа убаасагасса ваа убаасигааяа ваа аяам̣ аадаанаадияаа рагкаа суг̇г̇ахид̇аа бхависсад̇и самад̇д̇аа барияаабуд̇аа 39. д̇ам̣ жз амануссо яагко ваа яагкиний ваа яагкабод̇аго ваа яагкабод̇игаа ваа яагкамахаамад̇д̇о ваа яагкабаарисаж̇ж̇о ваа яагкабажааро ваа, г̇анд̇хаб̣б̣о ваа г̇анд̇хаб̣б̣ий ваа г̇анд̇хаб̣б̣абод̇аго ваа г̇анд̇хаб̣б̣абод̇игаа ваа г̇анд̇хаб̣б̣амахаамад̇д̇о ваа г̇анд̇хаб̣б̣абаарисаж̇ж̇о ваа г̇анд̇хаб̣б̣абажааро ваа, гумбхан̣д̣о ваа гумбхан̣д̣ий ваа гумбхан̣д̣абод̇аго ваа гумбхан̣д̣абод̇игаа ваа гумбхан̣д̣амахаамад̇д̇о ваа гумбхан̣д̣абаарисаж̇ж̇о ваа гумбхан̣д̣абажааро ваа, нааг̇о ваа нааг̇ий ваа нааг̇абод̇аго ваа нааг̇абод̇игаа ваа нааг̇амахаамад̇д̇о ваа нааг̇абаарисаж̇ж̇о ваа нааг̇абажааро ваа, бад̣̇удтажид̇д̇о бхигкум̣ ваа бхигкуним̣ ваа убаасагам̣ ваа убаасигам̣ ваа г̇ажчанд̇ам̣ ваа ануг̇ажчзяяа, тид̇ам̣ ваа убад̇идтзяяа, нисиннам̣ ваа убанисийд̣̇зяяа, нибаннам̣ ваа убанибаж̇ж̇зяяа. на мз со, маариса, амануссо лабхзяяа г̇аамзсу ваа ниг̇амзсу ваа саггаарам̣ ваа г̇аругаарам̣ ваа. на мз со, маариса, амануссо лабхзяяа аал̣агаманд̣̇ааяа наама рааж̇ад̇хаанияаа вад̇т̇ум̣ ваа ваасам̣ ваа. на мз со, маариса, амануссо лабхзяяа яагкаанам̣ самид̇им̣ г̇анд̇ум̣. абиссу нам̣, маариса, амануссаа анааваяхамби нам̣ гарзяяум̣ авиваяхам̣. абиссу нам̣, маариса, амануссаа ад̇д̇аахиби барибун̣н̣аахи барибхаасаахи барибхаасзяяум̣. абиссу нам̣, маариса, амануссаа рид̇д̇ам̣бисса бад̇д̇ам̣ сийсз ниггуж̇ж̇зяяум̣. абиссу нам̣, маариса, амануссаа сад̇д̇ад̇хаабисса муд̣̇д̇хам̣ паалзяяум̣.
282. ‘‘Yassa kassaci, mārisa, bhikkhussa vā bhikkhuniyā vā upāsakassa vā upāsikāya vā ayaṃ āṭānāṭiyā rakkhā suggahitā bhavissati samattā pariyāputā 40. Taṃ ce amanusso yakkho vā yakkhinī vā yakkhapotako vā yakkhapotikā vā yakkhamahāmatto vā yakkhapārisajjo vā yakkhapacāro vā, gandhabbo vā gandhabbī vā gandhabbapotako vā gandhabbapotikā vā gandhabbamahāmatto vā gandhabbapārisajjo vā gandhabbapacāro vā, kumbhaṇḍo vā kumbhaṇḍī vā kumbhaṇḍapotako vā kumbhaṇḍapotikā vā kumbhaṇḍamahāmatto vā kumbhaṇḍapārisajjo vā kumbhaṇḍapacāro vā, nāgo vā nāgī vā nāgapotako vā nāgapotikā vā nāgamahāmatto vā nāgapārisajjo vā nāgapacāro vā, paduṭṭhacitto bhikkhuṃ vā bhikkhuniṃ vā upāsakaṃ vā upāsikaṃ vā gacchantaṃ vā anugaccheyya, ṭhitaṃ vā upatiṭṭheyya, nisinnaṃ vā upanisīdeyya, nipannaṃ vā upanipajjeyya. Na me so, mārisa, amanusso labheyya gāmesu vā nigamesu vā sakkāraṃ vā garukāraṃ vā. Na me so, mārisa, amanusso labheyya āḷakamandāya nāma rājadhāniyā vatthuṃ vā vāsaṃ vā. Na me so, mārisa, amanusso labheyya yakkhānaṃ samitiṃ gantuṃ. Apissu naṃ, mārisa, amanussā anāvayhampi naṃ kareyyuṃ avivayhaṃ. Apissu naṃ, mārisa, amanussā attāhipi paripuṇṇāhi paribhāsāhi paribhāseyyuṃ. Apissu naṃ, mārisa, amanussā rittaṃpissa pattaṃ sīse nikkujjeyyuṃ. Apissu naṃ, mārisa, amanussā sattadhāpissa muddhaṃ phāleyyuṃ.
‘‘санд̇и хи, маариса, амануссаа жан̣д̣аа руд̣̇д̇хаа 41 рабхасаа, д̇з нзва махаарааж̇аанам̣ аад̣̇ияанд̇и, на махаарааж̇аанам̣ бурисагаанам̣ аад̣̇ияанд̇и, на махаарааж̇аанам̣ бурисагаанам̣ бурисагаанам̣ аад̣̇ияанд̇и. д̇з ко д̇з, маариса, амануссаа махаарааж̇аанам̣ аваруд̣̇д̇хаа наама вужжанд̇и. сзяяат̇ааби, маариса, ран̃н̃о мааг̇ад̇хасса виж̇ид̇з махаажораа. д̇з нзва ран̃н̃о мааг̇ад̇хасса аад̣̇ияанд̇и, на ран̃н̃о мааг̇ад̇хасса бурисагаанам̣ аад̣̇ияанд̇и, на ран̃н̃о мааг̇ад̇хасса бурисагаанам̣ бурисагаанам̣ аад̣̇ияанд̇и. д̇з ко д̇з, маариса, махаажораа ран̃н̃о мааг̇ад̇хасса аваруд̣̇д̇хаа наама вужжанд̇и. звамзва ко, маариса, санд̇и амануссаа жан̣д̣аа руд̣̇д̇хаа рабхасаа, д̇з нзва махаарааж̇аанам̣ аад̣̇ияанд̇и, на махаарааж̇аанам̣ бурисагаанам̣ аад̣̇ияанд̇и, на махаарааж̇аанам̣ бурисагаанам̣ бурисагаанам̣ аад̣̇ияанд̇и. д̇з ко д̇з, маариса, амануссаа махаарааж̇аанам̣ аваруд̣̇д̇хаа наама вужжанд̇и. яо хи гожи, маариса, амануссо яагко ваа яагкиний ваа…бз… г̇анд̇хаб̣б̣о ваа г̇анд̇хаб̣б̣ий ваа … гумбхан̣д̣о ваа гумбхан̣д̣ий ваа… нааг̇о ваа нааг̇ий ваа нааг̇абод̇аго ваа нааг̇абод̇игаа ваа нааг̇амахаамад̇д̇о ваа нааг̇абаарисаж̇ж̇о ваа нааг̇абажааро ваа бад̣̇удтажид̇д̇о бхигкум̣ ваа бхигкуним̣ ваа убаасагам̣ ваа убаасигам̣ ваа г̇ажчанд̇ам̣ ваа ануг̇ажчзяяа, тид̇ам̣ ваа убад̇идтзяяа, нисиннам̣ ваа убанисийд̣̇зяяа, нибаннам̣ ваа убанибаж̇ж̇зяяа. имзсам̣ яагкаанам̣ махааяагкаанам̣ сзнаабад̇ийнам̣ махаасзнаабад̇ийнам̣ уж̇жхаабзд̇аб̣б̣ам̣ вигганд̣̇ид̇аб̣б̣ам̣ виравид̇аб̣б̣ам̣ – ‘аяам̣ яагко г̇ан̣хаад̇и, аяам̣ яагко аависад̇и, аяам̣ яагко хзтзд̇и, аяам̣ яагко вихзтзд̇и, аяам̣ яагко хим̣сад̇и, аяам̣ яагко вихим̣сад̇и, аяам̣ яагко на мун̃жад̇ий’д̇и.
‘‘Santi hi, mārisa, amanussā caṇḍā ruddhā 42 rabhasā, te neva mahārājānaṃ ādiyanti, na mahārājānaṃ purisakānaṃ ādiyanti, na mahārājānaṃ purisakānaṃ purisakānaṃ ādiyanti. Te kho te, mārisa, amanussā mahārājānaṃ avaruddhā nāma vuccanti. Seyyathāpi, mārisa, rañño māgadhassa vijite mahācorā. Te neva rañño māgadhassa ādiyanti, na rañño māgadhassa purisakānaṃ ādiyanti, na rañño māgadhassa purisakānaṃ purisakānaṃ ādiyanti. Te kho te, mārisa, mahācorā rañño māgadhassa avaruddhā nāma vuccanti. Evameva kho, mārisa, santi amanussā caṇḍā ruddhā rabhasā, te neva mahārājānaṃ ādiyanti, na mahārājānaṃ purisakānaṃ ādiyanti, na mahārājānaṃ purisakānaṃ purisakānaṃ ādiyanti. Te kho te, mārisa, amanussā mahārājānaṃ avaruddhā nāma vuccanti. Yo hi koci, mārisa, amanusso yakkho vā yakkhinī vā…pe… gandhabbo vā gandhabbī vā … kumbhaṇḍo vā kumbhaṇḍī vā… nāgo vā nāgī vā nāgapotako vā nāgapotikā vā nāgamahāmatto vā nāgapārisajjo vā nāgapacāro vā paduṭṭhacitto bhikkhuṃ vā bhikkhuniṃ vā upāsakaṃ vā upāsikaṃ vā gacchantaṃ vā anugaccheyya, ṭhitaṃ vā upatiṭṭheyya, nisinnaṃ vā upanisīdeyya, nipannaṃ vā upanipajjeyya. Imesaṃ yakkhānaṃ mahāyakkhānaṃ senāpatīnaṃ mahāsenāpatīnaṃ ujjhāpetabbaṃ vikkanditabbaṃ viravitabbaṃ – ‘ayaṃ yakkho gaṇhāti, ayaṃ yakkho āvisati, ayaṃ yakkho heṭheti, ayaṃ yakkho viheṭheti, ayaṃ yakkho hiṃsati, ayaṃ yakkho vihiṃsati, ayaṃ yakkho na muñcatī’ti.
283. ‘‘гад̇амзсам̣ яагкаанам̣ махааяагкаанам̣ сзнаабад̇ийнам̣ махаасзнаабад̇ийнам̣?
283. ‘‘Katamesaṃ yakkhānaṃ mahāyakkhānaṃ senāpatīnaṃ mahāsenāpatīnaṃ?
‘‘инд̣̇о сомо варун̣о жа, бхаарад̣̇вааж̇о баж̇аабад̇и;
‘‘Indo somo varuṇo ca, bhāradvājo pajāpati;
жанд̣̇ано гаамасздто жа, гиннугхан̣д̣у нигхан̣д̣у жа.
Candano kāmaseṭṭho ca, kinnughaṇḍu nighaṇḍu ca.
‘‘банаад̣̇о обаман̃н̃о жа, д̣̇звасууд̇о жа маад̇али;
‘‘Panādo opamañño ca, devasūto ca mātali;
жид̇д̇асзно жа г̇анд̇хаб̣б̣о, нал̣о рааж̇аа ж̇анзсабхо 43.
Cittaseno ca gandhabbo, naḷo rājā janesabho 44.
‘‘саад̇ааг̇иро хзмавад̇о, бун̣н̣аго гарад̇ияо г̇ул̣о;
‘‘Sātāgiro hemavato, puṇṇako karatiyo guḷo;
сиваго мужалинд̣̇о жа, взссаамид̇д̇о яуг̇анд̇харо.
Sivako mucalindo ca, vessāmitto yugandharo.
бан̃жаалажан̣д̣о аал̣аваго, баж̇ж̇унно сумано сумуко;
Pañcālacaṇḍo āḷavako, pajjunno sumano sumukho;
д̣̇ад̇химуко ман̣и маан̣иваро 49 д̣̇ийгхо, ат̇о сзрийсаго саха.
Dadhimukho maṇi māṇivaro 50 dīgho, atho serīsako saha.
‘‘имзсам̣ яагкаанам̣ махааяагкаанам̣ сзнаабад̇ийнам̣ махаасзнаабад̇ийнам̣ уж̇жхаабзд̇аб̣б̣ам̣ вигганд̣̇ид̇аб̣б̣ам̣ виравид̇аб̣б̣ам̣ – ‘аяам̣ яагко г̇ан̣хаад̇и, аяам̣ яагко аависад̇и, аяам̣ яагко хзтзд̇и, аяам̣ яагко вихзтзд̇и, аяам̣ яагко хим̣сад̇и, аяам̣ яагко вихим̣сад̇и, аяам̣ яагко на мун̃жад̇ий’д̇и.
‘‘Imesaṃ yakkhānaṃ mahāyakkhānaṃ senāpatīnaṃ mahāsenāpatīnaṃ ujjhāpetabbaṃ vikkanditabbaṃ viravitabbaṃ – ‘ayaṃ yakkho gaṇhāti, ayaṃ yakkho āvisati, ayaṃ yakkho heṭheti, ayaṃ yakkho viheṭheti, ayaṃ yakkho hiṃsati, ayaṃ yakkho vihiṃsati, ayaṃ yakkho na muñcatī’ti.
‘‘аяам̣ ко саа, маариса, аадаанаадияаа рагкаа бхигкуунам̣ бхигкунийнам̣ убаасагаанам̣ убаасигаанам̣ г̇уд̇д̇ияаа рагкааяа авихим̣сааяа паасувихаарааяа. ханд̣̇а жа д̣̇аани маяам̣, маариса, г̇ажчаама б̣ахугижжаа маяам̣ б̣ахугаран̣ийяаа’’д̇и. ‘‘яассад̣̇аани д̇умхз махаарааж̇аано гаалам̣ ман̃н̃ат̇аа’’д̇и.
‘‘Ayaṃ kho sā, mārisa, āṭānāṭiyā rakkhā bhikkhūnaṃ bhikkhunīnaṃ upāsakānaṃ upāsikānaṃ guttiyā rakkhāya avihiṃsāya phāsuvihārāya. Handa ca dāni mayaṃ, mārisa, gacchāma bahukiccā mayaṃ bahukaraṇīyā’’ti. ‘‘Yassadāni tumhe mahārājāno kālaṃ maññathā’’ti.
284. ат̇а ко жад̇д̇ааро махаарааж̇аа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяим̣су. д̇зби ко яагкаа удтааяаасанаа аббзгажжз бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяим̣су. аббзгажжз бхаг̇авад̇аа сад̣̇д̇хим̣ саммод̣̇им̣су, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа д̇ад̇т̇званд̇арад̇хааяим̣су . аббзгажжз язна бхаг̇аваа д̇знан̃ж̇алим̣ бан̣аамзд̇ваа д̇ад̇т̇званд̇арад̇хааяим̣су. аббзгажжз наамаг̇од̇д̇ам̣ саавзд̇ваа д̇ад̇т̇званд̇арад̇хааяим̣су. аббзгажжз д̇ун̣хийбхууд̇аа д̇ад̇т̇званд̇арад̇хааяим̣сууд̇и.
284. Atha kho cattāro mahārājā uṭṭhāyāsanā bhagavantaṃ abhivādetvā padakkhiṇaṃ katvā tatthevantaradhāyiṃsu. Tepi kho yakkhā uṭṭhāyāsanā appekacce bhagavantaṃ abhivādetvā padakkhiṇaṃ katvā tatthevantaradhāyiṃsu. Appekacce bhagavatā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā tatthevantaradhāyiṃsu . Appekacce yena bhagavā tenañjaliṃ paṇāmetvā tatthevantaradhāyiṃsu. Appekacce nāmagottaṃ sāvetvā tatthevantaradhāyiṃsu. Appekacce tuṇhībhūtā tatthevantaradhāyiṃsūti.
батамабхаан̣авааро нидтид̇о.
Paṭhamabhāṇavāro niṭṭhito.
д̣̇уд̇ияабхаан̣авааро
Dutiyabhāṇavāro
285. ат̇а ко бхаг̇аваа д̇ассаа рад̇д̇ияаа ажжаязна бхигкуу ааманд̇зси – ‘‘имам̣, бхигкавз, рад̇д̇им̣ жад̇д̇ааро махаарааж̇аа махад̇ияаа жа яагкасзнааяа махад̇ияаа жа г̇анд̇хаб̣б̣асзнааяа махад̇ияаа жа гумбхан̣д̣асзнааяа махад̇ияаа жа нааг̇асзнааяа жад̇уд̣̇д̣̇исам̣ рагкам̣ табзд̇ваа жад̇уд̣̇д̣̇исам̣ г̇умб̣ам̣ табзд̇ваа жад̇уд̣̇д̣̇исам̣ оваран̣ам̣ табзд̇ваа абхигганд̇ааяа рад̇д̇ияаа абхигганд̇аван̣н̣аа гзвалагаббам̣ г̇иж̇жхагуудам̣ баб̣б̣ад̇ам̣ обхаасзд̇ваа язнаахам̣ д̇знубасан̇гамим̣су; убасан̇гамид̇ваа мам̣ абхиваад̣̇зд̇ваа згаманд̇ам̣ нисийд̣̇им̣су. д̇зби ко, бхигкавз, яагкаа аббзгажжз мам̣ абхиваад̣̇зд̇ваа згаманд̇ам̣ нисийд̣̇им̣су. аббзгажжз маяаа сад̣̇д̇хим̣ саммод̣̇им̣су, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. аббзгажжз язнаахам̣ д̇знан̃ж̇алим̣ бан̣аамзд̇ваа згаманд̇ам̣ нисийд̣̇им̣су. аббзгажжз наамаг̇од̇д̇ам̣ саавзд̇ваа згаманд̇ам̣ нисийд̣̇им̣су. аббзгажжз д̇ун̣хийбхууд̇аа згаманд̇ам̣ нисийд̣̇им̣су.
285. Atha kho bhagavā tassā rattiyā accayena bhikkhū āmantesi – ‘‘imaṃ, bhikkhave, rattiṃ cattāro mahārājā mahatiyā ca yakkhasenāya mahatiyā ca gandhabbasenāya mahatiyā ca kumbhaṇḍasenāya mahatiyā ca nāgasenāya catuddisaṃ rakkhaṃ ṭhapetvā catuddisaṃ gumbaṃ ṭhapetvā catuddisaṃ ovaraṇaṃ ṭhapetvā abhikkantāya rattiyā abhikkantavaṇṇā kevalakappaṃ gijjhakūṭaṃ pabbataṃ obhāsetvā yenāhaṃ tenupasaṅkamiṃsu; upasaṅkamitvā maṃ abhivādetvā ekamantaṃ nisīdiṃsu. Tepi kho, bhikkhave, yakkhā appekacce maṃ abhivādetvā ekamantaṃ nisīdiṃsu. Appekacce mayā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Appekacce yenāhaṃ tenañjaliṃ paṇāmetvā ekamantaṃ nisīdiṃsu. Appekacce nāmagottaṃ sāvetvā ekamantaṃ nisīdiṃsu. Appekacce tuṇhībhūtā ekamantaṃ nisīdiṃsu.
286. ‘‘згаманд̇ам̣ нисинно ко, бхигкавз, взссаван̣о махаарааж̇аа мам̣ зд̇ад̣̇авожа – ‘санд̇и хи, бханд̇з, ул̣аараа яагкаа бхаг̇авад̇о аббасаннаа…бз… санд̇и хи , бханд̇з нийжаа яагкаа бхаг̇авад̇о басаннаа. язбхуяязна ко бана, бханд̇з, яагкаа аббасаннааязва бхаг̇авад̇о. д̇ам̣ гисса хзд̇у? бхаг̇аваа хи, бханд̇з, баан̣аад̇ибаад̇аа взраман̣ияаа д̇хаммам̣ д̣̇зсзд̇и… сураамзраяамаж̇ж̇аббамаад̣̇адтаанаа взраман̣ияаа д̇хаммам̣ д̣̇зсзд̇и. язбхуяязна ко бана, бханд̇з, яагкаа аббадивирад̇ааязва баан̣аад̇ибаад̇аа… аббадивирад̇аа сураамзраяамаж̇ж̇аббамаад̣̇адтаанаа. д̇зсам̣ д̇ам̣ ход̇и аббияам̣ аманаабам̣. санд̇и хи, бханд̇з, бхаг̇авад̇о саавагаа аран̃н̃аванабад̇т̇аани банд̇аани сзнаасанаани бадисзванд̇и аббасад̣̇д̣̇аани аббаниг̇гхосаани виж̇анаваад̇аани мануссараахассзяяагаани бадисаллаанасааруббаани. д̇ад̇т̇а санд̇и ул̣аараа яагкаа ниваасино, яз имасмим̣ бхаг̇авад̇о бааважанз аббасаннаа, д̇зсам̣ басаад̣̇ааяа уг̇г̇ан̣хаад̇у, бханд̇з, бхаг̇аваа аадаанаадияам̣ рагкам̣ бхигкуунам̣ бхигкунийнам̣ убаасагаанам̣ убаасигаанам̣ г̇уд̇д̇ияаа рагкааяа авихим̣сааяа паасувихаарааяаа’д̇и. ад̇хиваасзсим̣ ко ахам̣, бхигкавз, д̇ун̣хийбхаавзна. ат̇а ко, бхигкавз, взссаван̣о махаарааж̇аа мз ад̇хиваасанам̣ вид̣̇ид̇ваа д̇ааяам̣ взлааяам̣ имам̣ аадаанаадияам̣ рагкам̣ абхааси –
286. ‘‘Ekamantaṃ nisinno kho, bhikkhave, vessavaṇo mahārājā maṃ etadavoca – ‘santi hi, bhante, uḷārā yakkhā bhagavato appasannā…pe… santi hi , bhante nīcā yakkhā bhagavato pasannā. Yebhuyyena kho pana, bhante, yakkhā appasannāyeva bhagavato. Taṃ kissa hetu? Bhagavā hi, bhante, pāṇātipātā veramaṇiyā dhammaṃ deseti… surāmerayamajjappamādaṭṭhānā veramaṇiyā dhammaṃ deseti. Yebhuyyena kho pana, bhante, yakkhā appaṭiviratāyeva pāṇātipātā… appaṭiviratā surāmerayamajjappamādaṭṭhānā. Tesaṃ taṃ hoti appiyaṃ amanāpaṃ. Santi hi, bhante, bhagavato sāvakā araññavanapatthāni pantāni senāsanāni paṭisevanti appasaddāni appanigghosāni vijanavātāni manussarāhasseyyakāni paṭisallānasāruppāni. Tattha santi uḷārā yakkhā nivāsino, ye imasmiṃ bhagavato pāvacane appasannā, tesaṃ pasādāya uggaṇhātu, bhante, bhagavā āṭānāṭiyaṃ rakkhaṃ bhikkhūnaṃ bhikkhunīnaṃ upāsakānaṃ upāsikānaṃ guttiyā rakkhāya avihiṃsāya phāsuvihārāyā’ti. Adhivāsesiṃ kho ahaṃ, bhikkhave, tuṇhībhāvena. Atha kho, bhikkhave, vessavaṇo mahārājā me adhivāsanaṃ viditvā tāyaṃ velāyaṃ imaṃ āṭānāṭiyaṃ rakkhaṃ abhāsi –
287. ‘вибассисса жа намад̇т̇у, жагкуманд̇асса сириймад̇о.
287. ‘Vipassissa ca namatthu, cakkhumantassa sirīmato.
сикиссаби жа намад̇т̇у, саб̣б̣абхууд̇аанугамбино.
Sikhissapi ca namatthu, sabbabhūtānukampino.
‘взссабхусса жа намад̇т̇у, нхаад̇агасса д̇абассино;
‘Vessabhussa ca namatthu, nhātakassa tapassino;
намад̇т̇у гагусанд̇хасса, маарасзнаабамад̣̇д̣̇ино.
Namatthu kakusandhassa, mārasenāpamaddino.
‘гон̣ааг̇аманасса намад̇т̇у, б̣раахман̣асса вусиймад̇о;
‘Koṇāgamanassa namatthu, brāhmaṇassa vusīmato;
гассабасса жа намад̇т̇у, виббамуд̇д̇асса саб̣б̣ад̇хи.
Kassapassa ca namatthu, vippamuttassa sabbadhi.
‘ан̇г̇ийрасасса намад̇т̇у, сагяабуд̇д̇асса сириймад̇о;
‘Aṅgīrasassa namatthu, sakyaputtassa sirīmato;
яо имам̣ д̇хаммам̣ д̣̇зсзси, саб̣б̣ад̣̇угкаабанууд̣̇анам̣.
Yo imaṃ dhammaṃ desesi, sabbadukkhāpanūdanaṃ.
‘яз жааби ниб̣б̣уд̇аа логз, яат̇аабхууд̇ам̣ вибассисум̣;
‘Ye cāpi nibbutā loke, yathābhūtaṃ vipassisuṃ;
д̇з ж̇анаа абисун̣аат̇а, маханд̇аа вийд̇асаарад̣̇аа.
Te janā apisuṇātha, mahantā vītasāradā.
‘хид̇ам̣ д̣̇звамануссаанам̣, яам̣ намассанд̇и г̇од̇амам̣;
‘Hitaṃ devamanussānaṃ, yaṃ namassanti gotamaṃ;
виж̇ж̇аажаран̣асамбаннам̣, маханд̇ам̣ вийд̇асаарад̣̇ам̣.
Vijjācaraṇasampannaṃ, mahantaṃ vītasāradaṃ.
288. ‘яад̇о уг̇г̇ажчад̇и суурияо, аад̣̇ижжо ман̣д̣алий махаа.
288. ‘Yato uggacchati sūriyo, ādicco maṇḍalī mahā.
яасса жуг̇г̇ажчамаанасса, сам̣варийби нируж̇жхад̇и;
Yassa cuggacchamānassa, saṃvarīpi nirujjhati;
яасса жуг̇г̇ад̇з суурияз, ‘‘д̣̇ивасо’’д̇и бавужжад̇и.
Yassa cuggate sūriye, ‘‘divaso’’ti pavuccati.
‘рахад̣̇оби д̇ад̇т̇а г̇амбхийро, самуд̣̇д̣̇о сарид̇од̣̇аго;
‘Rahadopi tattha gambhīro, samuddo saritodako;
звам̣ д̇ам̣ д̇ад̇т̇а ж̇аананд̇и, ‘‘самуд̣̇д̣̇о сарид̇од̣̇аго’’.
Evaṃ taṃ tattha jānanti, ‘‘samuddo saritodako’’.
‘ид̇о ‘‘саа буримаа д̣̇исаа’’, ид̇и нам̣ аажигкад̇ий ж̇ано;
‘Ito ‘‘sā purimā disā’’, iti naṃ ācikkhatī jano;
яам̣ д̣̇исам̣ абхибаалзд̇и, махаарааж̇аа яасасси со.
Yaṃ disaṃ abhipāleti, mahārājā yasassi so.
‘г̇анд̇хаб̣б̣аанам̣ ад̇хибад̇и, ‘‘д̇хад̇арадто’’д̇и наамасо;
‘Gandhabbānaṃ adhipati, ‘‘dhataraṭṭho’’ti nāmaso;
рамад̇ий нажжаг̇ийд̇зхи, г̇анд̇хаб̣б̣зхи бурагкад̇о.
Ramatī naccagītehi, gandhabbehi purakkhato.
‘буд̇д̇ааби д̇асса б̣ахаво, зганаамаад̇и мз суд̇ам̣;
‘Puttāpi tassa bahavo, ekanāmāti me sutaṃ;
асийд̇и д̣̇аса зго жа, инд̣̇анаамаа махаб̣б̣алаа.
Asīti dasa eko ca, indanāmā mahabbalā.
‘д̇з жааби б̣уд̣̇д̇хам̣ д̣̇исваана, б̣уд̣̇д̇хам̣ аад̣̇ижжаб̣анд̇хунам̣;
‘Te cāpi buddhaṃ disvāna, buddhaṃ ādiccabandhunaṃ;
д̣̇уурад̇ова намассанд̇и, маханд̇ам̣ вийд̇асаарад̣̇ам̣.
Dūratova namassanti, mahantaṃ vītasāradaṃ.
‘намо д̇з бурисааж̇ан̃н̃а, намо д̇з бурисуд̇д̇ама;
‘Namo te purisājañña, namo te purisuttama;
гусалзна самзгкаси, амануссааби д̇ам̣ ванд̣̇анд̇и;
Kusalena samekkhasi, amanussāpi taṃ vandanti;
суд̇ам̣ нзд̇ам̣ абхин̣хасо, д̇ассаа звам̣ вад̣̇змасз.
Sutaṃ netaṃ abhiṇhaso, tassā evaṃ vademase.
‘‘ж̇инам̣ ванд̣̇ат̇а г̇од̇амам̣, ж̇инам̣ ванд̣̇аама г̇од̇амам̣;
‘‘Jinaṃ vandatha gotamaṃ, jinaṃ vandāma gotamaṃ;
виж̇ж̇аажаран̣асамбаннам̣, б̣уд̣̇д̇хам̣ ванд̣̇аама г̇од̇амам̣’’.
Vijjācaraṇasampannaṃ, buddhaṃ vandāma gotamaṃ’’.
289. ‘язна бзд̇аа бавужжанд̇и, бисун̣аа бидтимам̣сигаа.
289. ‘Yena petā pavuccanti, pisuṇā piṭṭhimaṃsikā.
баан̣аад̇ибаад̇ино луд̣̇д̣̇аа, жораа нзгад̇игаа ж̇анаа.
Pāṇātipātino luddā, corā nekatikā janā.
‘ид̇о ‘‘саа д̣̇агкин̣аа д̣̇исаа’’, ид̇и нам̣ аажигкад̇ий ж̇ано;
‘Ito ‘‘sā dakkhiṇā disā’’, iti naṃ ācikkhatī jano;
яам̣ д̣̇исам̣ абхибаалзд̇и, махаарааж̇аа яасасси со.
Yaṃ disaṃ abhipāleti, mahārājā yasassi so.
‘гумбхан̣д̣аанам̣ ад̇хибад̇и, ‘‘вируул̣хо’’ ид̇и наамасо;
‘Kumbhaṇḍānaṃ adhipati, ‘‘virūḷho’’ iti nāmaso;
рамад̇ий нажжаг̇ийд̇зхи, гумбхан̣д̣зхи бурагкад̇о.
Ramatī naccagītehi, kumbhaṇḍehi purakkhato.
‘буд̇д̇ааби д̇асса б̣ахаво, зганаамаад̇и мз суд̇ам̣;
‘Puttāpi tassa bahavo, ekanāmāti me sutaṃ;
асийд̇и д̣̇аса зго жа, инд̣̇анаамаа махаб̣б̣алаа.
Asīti dasa eko ca, indanāmā mahabbalā.
‘д̇з жааби б̣уд̣̇д̇хам̣ д̣̇исваана, б̣уд̣̇д̇хам̣ аад̣̇ижжаб̣анд̇хунам̣;
‘Te cāpi buddhaṃ disvāna, buddhaṃ ādiccabandhunaṃ;
д̣̇уурад̇ова намассанд̇и, маханд̇ам̣ вийд̇асаарад̣̇ам̣.
Dūratova namassanti, mahantaṃ vītasāradaṃ.
‘намо д̇з бурисааж̇ан̃н̃а, намо д̇з бурисуд̇д̇ама;
‘Namo te purisājañña, namo te purisuttama;
гусалзна самзгкаси, амануссааби д̇ам̣ ванд̣̇анд̇и;
Kusalena samekkhasi, amanussāpi taṃ vandanti;
суд̇ам̣ нзд̇ам̣ абхин̣хасо, д̇асмаа звам̣ вад̣̇змасз.
Sutaṃ netaṃ abhiṇhaso, tasmā evaṃ vademase.
‘‘ж̇инам̣ ванд̣̇ат̇а г̇од̇амам̣, ж̇инам̣ ванд̣̇аама г̇од̇амам̣;
‘‘Jinaṃ vandatha gotamaṃ, jinaṃ vandāma gotamaṃ;
виж̇ж̇аажаран̣асамбаннам̣, б̣уд̣̇д̇хам̣ ванд̣̇аама г̇од̇амам̣’’.
Vijjācaraṇasampannaṃ, buddhaṃ vandāma gotamaṃ’’.
290. ‘яад̇т̇а жог̇г̇ажчад̇и суурияо, аад̣̇ижжо ман̣д̣алий махаа.
290. ‘Yattha coggacchati sūriyo, ādicco maṇḍalī mahā.
яасса жог̇г̇ажчамаанасса, д̣̇ивасоби нируж̇жхад̇и;
Yassa coggacchamānassa, divasopi nirujjhati;
яасса жог̇г̇ад̇з суурияз, ‘‘сам̣варий’’д̇и бавужжад̇и.
Yassa coggate sūriye, ‘‘saṃvarī’’ti pavuccati.
‘рахад̣̇оби д̇ад̇т̇а г̇амбхийро, самуд̣̇д̣̇о сарид̇од̣̇аго;
‘Rahadopi tattha gambhīro, samuddo saritodako;
звам̣ д̇ам̣ д̇ад̇т̇а ж̇аананд̇и, самуд̣̇д̣̇о сарид̇од̣̇аго.
Evaṃ taṃ tattha jānanti, samuddo saritodako.
‘ид̇о ‘‘саа бажчимаа д̣̇исаа’’, ид̇и нам̣ аажигкад̇ий ж̇ано;
‘Ito ‘‘sā pacchimā disā’’, iti naṃ ācikkhatī jano;
яам̣ д̣̇исам̣ абхибаалзд̇и, махаарааж̇аа яасасси со.
Yaṃ disaṃ abhipāleti, mahārājā yasassi so.
‘нааг̇аанан̃жа ад̇хибад̇и, ‘‘вируубагко’’д̇и наамасо;
‘Nāgānañca adhipati, ‘‘virūpakkho’’ti nāmaso;
рамад̇ий нажжаг̇ийд̇зхи, нааг̇зхзва бурагкад̇о.
Ramatī naccagītehi, nāgeheva purakkhato.
‘буд̇д̇ааби д̇асса б̣ахаво, зганаамаад̇и мз суд̇ам̣;
‘Puttāpi tassa bahavo, ekanāmāti me sutaṃ;
асийд̇и д̣̇аса зго жа, инд̣̇анаамаа махаб̣б̣алаа.
Asīti dasa eko ca, indanāmā mahabbalā.
‘д̇з жааби б̣уд̣̇д̇хам̣ д̣̇исваана, б̣уд̣̇д̇хам̣ аад̣̇ижжаб̣анд̇хунам̣;
‘Te cāpi buddhaṃ disvāna, buddhaṃ ādiccabandhunaṃ;
д̣̇уурад̇ова намассанд̇и, маханд̇ам̣ вийд̇асаарад̣̇ам̣.
Dūratova namassanti, mahantaṃ vītasāradaṃ.
‘намо д̇з бурисааж̇ан̃н̃а, намо д̇з бурисуд̇д̇ама;
‘Namo te purisājañña, namo te purisuttama;
гусалзна самзгкаси, амануссааби д̇ам̣ ванд̣̇анд̇и;
Kusalena samekkhasi, amanussāpi taṃ vandanti;
суд̇ам̣ нзд̇ам̣ абхин̣хасо, д̇асмаа звам̣ вад̣̇змасз.
Sutaṃ netaṃ abhiṇhaso, tasmā evaṃ vademase.
‘‘ж̇инам̣ ванд̣̇ат̇а г̇од̇амам̣, ж̇инам̣ ванд̣̇аама г̇од̇амам̣;
‘‘Jinaṃ vandatha gotamaṃ, jinaṃ vandāma gotamaṃ;
виж̇ж̇аажаран̣асамбаннам̣, б̣уд̣̇д̇хам̣ ванд̣̇аама г̇од̇амам̣’’.
Vijjācaraṇasampannaṃ, buddhaṃ vandāma gotamaṃ’’.
291. ‘язна уд̇д̇арагурувхо, махаанзру суд̣̇ассано.
291. ‘Yena uttarakuruvho, mahāneru sudassano.
мануссаа д̇ад̇т̇а ж̇ааяанд̇и, амамаа абариг̇г̇ахаа.
Manussā tattha jāyanti, amamā apariggahā.
‘на д̇з б̣ийж̇ам̣ бавабанд̇и, нааби нийяанд̇и нан̇г̇алаа;
‘Na te bījaṃ pavapanti, nāpi nīyanti naṅgalā;
агадтабаагимам̣ саалим̣, барибхун̃ж̇анд̇и маанусаа.
Akaṭṭhapākimaṃ sāliṃ, paribhuñjanti mānusā.
‘аган̣ам̣ ат̇усам̣ суд̣̇д̇хам̣, суг̇анд̇хам̣ д̇ан̣д̣улабпалам̣;
‘Akaṇaṃ athusaṃ suddhaṃ, sugandhaṃ taṇḍulapphalaṃ;
д̇ун̣д̣игийрз бажид̇ваана, д̇ад̇о бхун̃ж̇анд̇и бхож̇анам̣.
Tuṇḍikīre pacitvāna, tato bhuñjanti bhojanaṃ.
‘г̇аавим̣ згакурам̣ гад̇ваа, ануяанд̇и д̣̇исод̣̇исам̣;
‘Gāviṃ ekakhuraṃ katvā, anuyanti disodisaṃ;
басум̣ згакурам̣ гад̇ваа, ануяанд̇и д̣̇исод̣̇исам̣.
Pasuṃ ekakhuraṃ katvā, anuyanti disodisaṃ.
‘ид̇т̇им̣ ваа вааханам̣ гад̇ваа, ануяанд̇и д̣̇исод̣̇исам̣;
‘Itthiṃ vā vāhanaṃ katvā, anuyanti disodisaṃ;
бурисам̣ вааханам̣ гад̇ваа, ануяанд̇и д̣̇исод̣̇исам̣.
Purisaṃ vāhanaṃ katvā, anuyanti disodisaṃ.
‘гумаарим̣ вааханам̣ гад̇ваа, ануяанд̇и д̣̇исод̣̇исам̣;
‘Kumāriṃ vāhanaṃ katvā, anuyanti disodisaṃ;
гумаарам̣ вааханам̣ гад̇ваа, ануяанд̇и д̣̇исод̣̇исам̣.
Kumāraṃ vāhanaṃ katvā, anuyanti disodisaṃ.
‘д̇з яаанз абхирухид̇ваа,
‘Te yāne abhiruhitvā,
саб̣б̣аа д̣̇исаа анубарияааяанд̇и;
Sabbā disā anupariyāyanti;
бажаараа д̇асса рааж̇ино.
Pacārā tassa rājino.
‘хад̇т̇ияаанам̣ ассаяаанам̣,
‘Hatthiyānaṃ assayānaṃ,
д̣̇иб̣б̣ам̣ яаанам̣ убадтид̇ам̣;
Dibbaṃ yānaṃ upaṭṭhitaṃ;
баасаад̣̇аа сивигаа жзва,
Pāsādā sivikā ceva,
махаарааж̇асса яасассино.
Mahārājassa yasassino.
‘д̇асса жа наг̇араа аху,
‘Tassa ca nagarā ahu,
анд̇алигкз сумаабид̇аа;
Antalikkhe sumāpitā;
аадаанаадаа гусинаадаа барагусинаадаа,
Āṭānāṭā kusināṭā parakusināṭā,
наадасурияаа барагусиданаадаа.
Nāṭasuriyā parakusiṭanāṭā.
‘уд̇д̇арзна гасиванд̇о,
‘Uttarena kasivanto,
ж̇аногхамабарзна жа;
Janoghamaparena ca;
наванавуд̇ияо амб̣араамб̣аравад̇ияо,
Navanavutiyo ambaraambaravatiyo,
аал̣агаманд̣̇аа наама рааж̇ад̇хааний.
Āḷakamandā nāma rājadhānī.
‘гувзрасса ко бана, маариса, махаарааж̇асса висаан̣аа наама рааж̇ад̇хааний;
‘Kuverassa kho pana, mārisa, mahārājassa visāṇā nāma rājadhānī;
д̇асмаа гувзро махаарааж̇аа, ‘‘взссаван̣о’’д̇и бавужжад̇и.
Tasmā kuvero mahārājā, ‘‘vessavaṇo’’ti pavuccati.
‘бажжзсанд̇о багаасзнд̇и, д̇ад̇олаа д̇ад̇д̇алаа д̇ад̇од̇алаа;
‘Paccesanto pakāsenti, tatolā tattalā tatotalā;
ож̇аси д̇зж̇аси д̇ад̇ож̇асий, сууро рааж̇аа аридто нзми.
Ojasi tejasi tatojasī, sūro rājā ariṭṭho nemi.
‘рахад̣̇оби д̇ад̇т̇а д̇харан̣ий наама, яад̇о мзгхаа бавассанд̇и;
‘Rahadopi tattha dharaṇī nāma, yato meghā pavassanti;
вассаа яад̇о бад̇ааяанд̇и, сабхааби д̇ад̇т̇а саалавад̇ий наама.
Vassā yato patāyanti, sabhāpi tattha sālavatī nāma.
‘яад̇т̇а яагкаа баяирубаасанд̇и, д̇ад̇т̇а нижжапалаа ругкаа;
‘Yattha yakkhā payirupāsanti, tattha niccaphalā rukkhā;
наанаа д̣̇иж̇аг̇ан̣аа яуд̇аа, маяуурагон̃жаабхируд̣̇аа;
Nānā dijagaṇā yutā, mayūrakoñcābhirudā;
гогилаад̣̇ийхи ваг̇г̇ухи.
Kokilādīhi vagguhi.
‘ж̇ийван̃ж̇ийвагасад̣̇д̣̇зд̇т̇а, ат̇о одтаважид̇д̇агаа;
‘Jīvañjīvakasaddettha, atho oṭṭhavacittakā;
гуггудагаа гул̣ийрагаа, ванз богкарасаад̇агаа.
Kukkuṭakā kuḷīrakā, vane pokkharasātakā.
‘сугасаал̣ига сад̣̇д̣̇зд̇т̇а, д̣̇ан̣д̣амаан̣авагаани жа;
‘Sukasāḷika saddettha, daṇḍamāṇavakāni ca;
собхад̇и саб̣б̣агаалам̣ саа, гувзранал̣иний сад̣̇аа.
Sobhati sabbakālaṃ sā, kuveranaḷinī sadā.
‘ид̇о ‘‘саа уд̇д̇араа д̣̇исаа’’, ид̇и нам̣ аажигкад̇ий ж̇ано;
‘Ito ‘‘sā uttarā disā’’, iti naṃ ācikkhatī jano;
яам̣ д̣̇исам̣ абхибаалзд̇и, махаарааж̇аа яасасси со.
Yaṃ disaṃ abhipāleti, mahārājā yasassi so.
‘яагкаанан̃жа ад̇хибад̇и, ‘‘гувзро’’ ид̇и наамасо;
‘Yakkhānañca adhipati, ‘‘kuvero’’ iti nāmaso;
рамад̇ий нажжаг̇ийд̇зхи, яагкзхзва бурагкад̇о.
Ramatī naccagītehi, yakkheheva purakkhato.
‘буд̇д̇ааби д̇асса б̣ахаво, зганаамаад̇и мз суд̇ам̣;
‘Puttāpi tassa bahavo, ekanāmāti me sutaṃ;
асийд̇и д̣̇аса зго жа, инд̣̇анаамаа махаб̣б̣алаа.
Asīti dasa eko ca, indanāmā mahabbalā.
‘д̇з жааби б̣уд̣̇д̇хам̣ д̣̇исваана, б̣уд̣̇д̇хам̣ аад̣̇ижжаб̣анд̇хунам̣;
‘Te cāpi buddhaṃ disvāna, buddhaṃ ādiccabandhunaṃ;
д̣̇уурад̇ова намассанд̇и, маханд̇ам̣ вийд̇асаарад̣̇ам̣.
Dūratova namassanti, mahantaṃ vītasāradaṃ.
‘намо д̇з бурисааж̇ан̃н̃а, намо д̇з бурисуд̇д̇ама;
‘Namo te purisājañña, namo te purisuttama;
гусалзна самзгкаси, амануссааби д̇ам̣ ванд̣̇анд̇и;
Kusalena samekkhasi, amanussāpi taṃ vandanti;
суд̇ам̣ нзд̇ам̣ абхин̣хасо, д̇асмаа звам̣ вад̣̇змасз.
Sutaṃ netaṃ abhiṇhaso, tasmā evaṃ vademase.
‘‘ж̇инам̣ ванд̣̇ат̇а г̇од̇амам̣, ж̇инам̣ ванд̣̇аама г̇од̇амам̣;
‘‘Jinaṃ vandatha gotamaṃ, jinaṃ vandāma gotamaṃ;
виж̇ж̇аажаран̣асамбаннам̣, б̣уд̣̇д̇хам̣ ванд̣̇аама г̇од̇ама’’нд̇и.
Vijjācaraṇasampannaṃ, buddhaṃ vandāma gotama’’nti.
292. ‘аяам̣ ко саа, маариса , аадаанаадияаа рагкаа бхигкуунам̣ бхигкунийнам̣ убаасагаанам̣ убаасигаанам̣ г̇уд̇д̇ияаа рагкааяа авихим̣сааяа паасувихаарааяа. яасса гассажи, маариса, бхигкусса ваа бхигкунияаа ваа убаасагасса ваа убаасигааяа ваа аяам̣ аадаанаадияаа рагкаа суг̇г̇ахид̇аа бхависсад̇и самад̇д̇аа барияаабуд̇аа д̇ам̣ жз амануссо яагко ваа яагкиний ваа…бз… г̇анд̇хаб̣б̣о ваа г̇анд̇хаб̣б̣ий ваа…бз… гумбхан̣д̣о ваа гумбхан̣д̣ий ваа…бз… нааг̇о ваа нааг̇ий ваа нааг̇абод̇аго ваа нааг̇абод̇игаа ваа нааг̇амахаамад̇д̇о ваа нааг̇абаарисаж̇ж̇о ваа нааг̇абажааро ваа, бад̣̇удтажид̇д̇о бхигкум̣ ваа бхигкуним̣ ваа убаасагам̣ ваа убаасигам̣ ваа г̇ажчанд̇ам̣ ваа ануг̇ажчзяяа, тид̇ам̣ ваа убад̇идтзяяа, нисиннам̣ ваа убанисийд̣̇зяяа, нибаннам̣ ваа убанибаж̇ж̇зяяа. на мз со, маариса, амануссо лабхзяяа г̇аамзсу ваа ниг̇амзсу ваа саггаарам̣ ваа г̇аругаарам̣ ваа. на мз со, маариса, амануссо лабхзяяа аал̣агаманд̣̇ааяа наама рааж̇ад̇хаанияаа вад̇т̇ум̣ ваа ваасам̣ ваа. на мз со, маариса, амануссо лабхзяяа яагкаанам̣ самид̇им̣ г̇анд̇ум̣. абиссу нам̣, маариса, амануссаа анааваяхамби нам̣ гарзяяум̣ авиваяхам̣. абиссу нам̣, маариса, амануссаа ад̇д̇аахи барибун̣н̣аахи барибхаасаахи барибхаасзяяум̣. абиссу нам̣, маариса, амануссаа рид̇д̇ам̣бисса бад̇д̇ам̣ сийсз ниггуж̇ж̇зяяум̣. абиссу нам̣, маариса, амануссаа сад̇д̇ад̇хаабисса муд̣̇д̇хам̣ паалзяяум̣. санд̇и хи, маариса, амануссаа жан̣д̣аа руд̣̇д̇хаа рабхасаа, д̇з нзва махаарааж̇аанам̣ аад̣̇ияанд̇и, на махаарааж̇аанам̣ бурисагаанам̣ аад̣̇ияанд̇и, на махаарааж̇аанам̣ бурисагаанам̣ бурисагаанам̣ аад̣̇ияанд̇и. д̇з ко д̇з, маариса, амануссаа махаарааж̇аанам̣ аваруд̣̇д̇хаа наама вужжанд̇и. сзяяат̇ааби, маариса, ран̃н̃о мааг̇ад̇хасса виж̇ид̇з махаажораа. д̇з нзва ран̃н̃о мааг̇ад̇хасса аад̣̇ияанд̇и, на ран̃н̃о мааг̇ад̇хасса бурисагаанам̣ аад̣̇ияанд̇и, на ран̃н̃о мааг̇ад̇хасса бурисагаанам̣ бурисагаанам̣ аад̣̇ияанд̇и. д̇з ко д̇з, маариса, махаажораа ран̃н̃о мааг̇ад̇хасса аваруд̣̇д̇хаа наама вужжанд̇и. звамзва ко, маариса, санд̇и амануссаа жан̣д̣аа руд̣̇д̇хаа рабхасаа, д̇з нзва махаарааж̇аанам̣ аад̣̇ияанд̇и, на махаарааж̇аанам̣ бурисагаанам̣ аад̣̇ияанд̇и, на махаарааж̇аанам̣ бурисагаанам̣ бурисагаанам̣ аад̣̇ияанд̇и. д̇з ко д̇з, маариса, амануссаа махаарааж̇аанам̣ аваруд̣̇д̇хаа наама вужжанд̇и. яо хи гожи, маариса, амануссо яагко ваа яагкиний ваа…бз… г̇анд̇хаб̣б̣о ваа г̇анд̇хаб̣б̣ий ваа…бз… гумбхан̣д̣о ваа гумбхан̣д̣ий ваа…бз… нааг̇о ваа нааг̇ий ваа…бз… бад̣̇удтажид̇д̇о бхигкум̣ ваа бхигкуним̣ ваа убаасагам̣ ваа убаасигам̣ ваа г̇ажчанд̇ам̣ ваа убаг̇ажчзяяа, тид̇ам̣ ваа убад̇идтзяяа, нисиннам̣ ваа убанисийд̣̇зяяа, нибаннам̣ ваа убанибаж̇ж̇зяяа. имзсам̣ яагкаанам̣ махааяагкаанам̣ сзнаабад̇ийнам̣ махаасзнаабад̇ийнам̣ уж̇жхаабзд̇аб̣б̣ам̣ вигганд̣̇ид̇аб̣б̣ам̣ виравид̇аб̣б̣ам̣ – ‘аяам̣ яагко г̇ан̣хаад̇и, аяам̣ яагко аависад̇и, аяам̣ яагко хзтзд̇и, аяам̣ яагко вихзтзд̇и, аяам̣ яагко хим̣сад̇и, аяам̣ яагко вихим̣сад̇и, аяам̣ яагко на мун̃жад̇ий’д̇и.
292. ‘Ayaṃ kho sā, mārisa , āṭānāṭiyā rakkhā bhikkhūnaṃ bhikkhunīnaṃ upāsakānaṃ upāsikānaṃ guttiyā rakkhāya avihiṃsāya phāsuvihārāya. Yassa kassaci, mārisa, bhikkhussa vā bhikkhuniyā vā upāsakassa vā upāsikāya vā ayaṃ āṭānāṭiyā rakkhā suggahitā bhavissati samattā pariyāputā taṃ ce amanusso yakkho vā yakkhinī vā…pe… gandhabbo vā gandhabbī vā…pe… kumbhaṇḍo vā kumbhaṇḍī vā…pe… nāgo vā nāgī vā nāgapotako vā nāgapotikā vā nāgamahāmatto vā nāgapārisajjo vā nāgapacāro vā, paduṭṭhacitto bhikkhuṃ vā bhikkhuniṃ vā upāsakaṃ vā upāsikaṃ vā gacchantaṃ vā anugaccheyya, ṭhitaṃ vā upatiṭṭheyya, nisinnaṃ vā upanisīdeyya, nipannaṃ vā upanipajjeyya. Na me so, mārisa, amanusso labheyya gāmesu vā nigamesu vā sakkāraṃ vā garukāraṃ vā. Na me so, mārisa, amanusso labheyya āḷakamandāya nāma rājadhāniyā vatthuṃ vā vāsaṃ vā. Na me so, mārisa, amanusso labheyya yakkhānaṃ samitiṃ gantuṃ. Apissu naṃ, mārisa, amanussā anāvayhampi naṃ kareyyuṃ avivayhaṃ. Apissu naṃ, mārisa, amanussā attāhi paripuṇṇāhi paribhāsāhi paribhāseyyuṃ. Apissu naṃ, mārisa, amanussā rittaṃpissa pattaṃ sīse nikkujjeyyuṃ. Apissu naṃ, mārisa, amanussā sattadhāpissa muddhaṃ phāleyyuṃ. Santi hi, mārisa, amanussā caṇḍā ruddhā rabhasā, te neva mahārājānaṃ ādiyanti, na mahārājānaṃ purisakānaṃ ādiyanti, na mahārājānaṃ purisakānaṃ purisakānaṃ ādiyanti. Te kho te, mārisa, amanussā mahārājānaṃ avaruddhā nāma vuccanti. Seyyathāpi, mārisa, rañño māgadhassa vijite mahācorā. Te neva rañño māgadhassa ādiyanti, na rañño māgadhassa purisakānaṃ ādiyanti, na rañño māgadhassa purisakānaṃ purisakānaṃ ādiyanti. Te kho te, mārisa, mahācorā rañño māgadhassa avaruddhā nāma vuccanti. Evameva kho, mārisa, santi amanussā caṇḍā ruddhā rabhasā, te neva mahārājānaṃ ādiyanti, na mahārājānaṃ purisakānaṃ ādiyanti, na mahārājānaṃ purisakānaṃ purisakānaṃ ādiyanti. Te kho te, mārisa, amanussā mahārājānaṃ avaruddhā nāma vuccanti. Yo hi koci, mārisa, amanusso yakkho vā yakkhinī vā…pe… gandhabbo vā gandhabbī vā…pe… kumbhaṇḍo vā kumbhaṇḍī vā…pe… nāgo vā nāgī vā…pe… paduṭṭhacitto bhikkhuṃ vā bhikkhuniṃ vā upāsakaṃ vā upāsikaṃ vā gacchantaṃ vā upagaccheyya, ṭhitaṃ vā upatiṭṭheyya, nisinnaṃ vā upanisīdeyya, nipannaṃ vā upanipajjeyya. Imesaṃ yakkhānaṃ mahāyakkhānaṃ senāpatīnaṃ mahāsenāpatīnaṃ ujjhāpetabbaṃ vikkanditabbaṃ viravitabbaṃ – ‘ayaṃ yakkho gaṇhāti, ayaṃ yakkho āvisati, ayaṃ yakkho heṭheti, ayaṃ yakkho viheṭheti, ayaṃ yakkho hiṃsati, ayaṃ yakkho vihiṃsati, ayaṃ yakkho na muñcatī’ti.
293. ‘гад̇амзсам̣ яагкаанам̣ махааяагкаанам̣ сзнаабад̇ийнам̣ махаасзнаабад̇ийнам̣?
293. ‘Katamesaṃ yakkhānaṃ mahāyakkhānaṃ senāpatīnaṃ mahāsenāpatīnaṃ?
‘инд̣̇о сомо варун̣о жа, бхаарад̣̇вааж̇о баж̇аабад̇и;
‘Indo somo varuṇo ca, bhāradvājo pajāpati;
жанд̣̇ано гаамасздто жа, гиннугхан̣д̣у нигхан̣д̣у жа.
Candano kāmaseṭṭho ca, kinnughaṇḍu nighaṇḍu ca.
‘банаад̣̇о обаман̃н̃о жа, д̣̇звасууд̇о жа маад̇али;
‘Panādo opamañño ca, devasūto ca mātali;
жид̇д̇асзно жа г̇анд̇хаб̣б̣о, нал̣о рааж̇аа ж̇анзсабхо.
Cittaseno ca gandhabbo, naḷo rājā janesabho.
‘саад̇ааг̇иро хзвамад̇о, бун̣н̣аго гарад̇ияо г̇ул̣о;
‘Sātāgiro hevamato, puṇṇako karatiyo guḷo;
сиваго мужалинд̣̇о жа, взссаамид̇д̇о яуг̇анд̇харо.
Sivako mucalindo ca, vessāmitto yugandharo.
‘г̇обаало суббарод̇хо жа, хири нзд̇д̇и жа манд̣̇ияо;
‘Gopālo supparodho ca, hiri netti ca mandiyo;
бан̃жаалажан̣д̣о аал̣аваго, баж̇ж̇унно сумано сумуко;
Pañcālacaṇḍo āḷavako, pajjunno sumano sumukho;
д̣̇ад̇химуко ман̣и маан̣иваро д̣̇ийгхо, ат̇о сзрийсаго саха.
Dadhimukho maṇi māṇivaro dīgho, atho serīsako saha.
‘имзсам̣ яагкаанам̣ махааяагкаанам̣ сзнаабад̇ийнам̣ махаасзнаабад̇ийнам̣ уж̇жхаабзд̇аб̣б̣ам̣ вигганд̣̇ид̇аб̣б̣ам̣ виравид̇аб̣б̣ам̣ – ‘‘аяам̣ яагко г̇ан̣хаад̇и, аяам̣ яагко аависад̇и, аяам̣ яагко хзтзд̇и, аяам̣ яагко вихзтзд̇и, аяам̣ яагко хим̣сад̇и, аяам̣ яагко вихим̣сад̇и, аяам̣ яагко на мун̃жад̇ий’’д̇и. аяам̣ ко, маариса, аадаанаадияаа рагкаа бхигкуунам̣ бхигкунийнам̣ убаасагаанам̣ убаасигаанам̣ г̇уд̇д̇ияаа рагкааяа авихим̣сааяа паасувихаарааяа. ханд̣̇а жа д̣̇аани маяам̣, маариса, г̇ажчаама, б̣ахугижжаа маяам̣ б̣ахугаран̣ийяаа’’’д̇и. ‘‘‘яасса д̣̇аани д̇умхз махаарааж̇аано гаалам̣ ман̃н̃ат̇аа’’’д̇и.
‘Imesaṃ yakkhānaṃ mahāyakkhānaṃ senāpatīnaṃ mahāsenāpatīnaṃ ujjhāpetabbaṃ vikkanditabbaṃ viravitabbaṃ – ‘‘ayaṃ yakkho gaṇhāti, ayaṃ yakkho āvisati, ayaṃ yakkho heṭheti, ayaṃ yakkho viheṭheti, ayaṃ yakkho hiṃsati, ayaṃ yakkho vihiṃsati, ayaṃ yakkho na muñcatī’’ti. Ayaṃ kho, mārisa, āṭānāṭiyā rakkhā bhikkhūnaṃ bhikkhunīnaṃ upāsakānaṃ upāsikānaṃ guttiyā rakkhāya avihiṃsāya phāsuvihārāya. Handa ca dāni mayaṃ, mārisa, gacchāma, bahukiccā mayaṃ bahukaraṇīyā’’’ti. ‘‘‘Yassa dāni tumhe mahārājāno kālaṃ maññathā’’’ti.
294. ‘‘ат̇а ко, бхигкавз, жад̇д̇ааро махаарааж̇аа удтааяаасанаа мам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяим̣су. д̇зби ко, бхигкавз, яагкаа удтааяаасанаа аббзгажжз мам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяим̣су. аббзгажжз маяаа сад̣̇д̇хим̣ саммод̣̇им̣су, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа д̇ад̇т̇званд̇арад̇хааяим̣су. аббзгажжз язнаахам̣ д̇знан̃ж̇алим̣ бан̣аамзд̇ваа д̇ад̇т̇званд̇арад̇хааяим̣су. аббзгажжз наамаг̇од̇д̇ам̣ саавзд̇ваа д̇ад̇т̇званд̇арад̇хааяим̣су. аббзгажжз д̇ун̣хийбхууд̇аа д̇ад̇т̇званд̇арад̇хааяим̣су.
294. ‘‘Atha kho, bhikkhave, cattāro mahārājā uṭṭhāyāsanā maṃ abhivādetvā padakkhiṇaṃ katvā tatthevantaradhāyiṃsu. Tepi kho, bhikkhave, yakkhā uṭṭhāyāsanā appekacce maṃ abhivādetvā padakkhiṇaṃ katvā tatthevantaradhāyiṃsu. Appekacce mayā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā tatthevantaradhāyiṃsu. Appekacce yenāhaṃ tenañjaliṃ paṇāmetvā tatthevantaradhāyiṃsu. Appekacce nāmagottaṃ sāvetvā tatthevantaradhāyiṃsu. Appekacce tuṇhībhūtā tatthevantaradhāyiṃsu.
295. ‘‘уг̇г̇ан̣хаат̇а , бхигкавз, аадаанаадияам̣ рагкам̣. барияаабун̣аат̇а, бхигкавз, аадаанаадияам̣ рагкам̣. д̇хаарзт̇а, бхигкавз, аадаанаадияам̣ рагкам̣. ад̇т̇асам̣хид̇аа 51, бхигкавз, аадаанаадияаа рагкаа бхигкуунам̣ бхигкунийнам̣ убаасагаанам̣ убаасигаанам̣ г̇уд̇д̇ияаа рагкааяа авихим̣сааяа паасувихаарааяаа’’д̇и. ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
295. ‘‘Uggaṇhātha , bhikkhave, āṭānāṭiyaṃ rakkhaṃ. Pariyāpuṇātha, bhikkhave, āṭānāṭiyaṃ rakkhaṃ. Dhāretha, bhikkhave, āṭānāṭiyaṃ rakkhaṃ. Atthasaṃhitā 52, bhikkhave, āṭānāṭiyā rakkhā bhikkhūnaṃ bhikkhunīnaṃ upāsakānaṃ upāsikānaṃ guttiyā rakkhāya avihiṃsāya phāsuvihārāyā’’ti. Idamavoca bhagavā. Attamanā te bhikkhū bhagavato bhāsitaṃ abhinandunti.
аадаанаадияасуд̇д̇ам̣ нидтид̇ам̣ навамам̣.
Āṭānāṭiyasuttaṃ niṭṭhitaṃ navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 9. аадаанаадияасуд̇д̇аван̣н̣анаа • 9. Āṭānāṭiyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 9. аадаанаадияасуд̇д̇аван̣н̣анаа • 9. Āṭānāṭiyasuttavaṇṇanā
