| Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
9. аадаанаадияасуд̇д̇аван̣н̣анаа
9. Āṭānāṭiyasuttavaṇṇanā
батамабхаан̣аваараван̣н̣анаа
Paṭhamabhāṇavāravaṇṇanā
275. звам̣ мз суд̇анд̇и аадаанаадияасуд̇д̇ам̣. д̇ад̇рааяамабуб̣б̣абад̣̇аван̣н̣анаа – жад̇уд̣̇д̣̇исам̣ рагкам̣ табзд̇ваад̇и асурасзнааяа нивааран̣ад̇т̇ам̣ саггасса д̣̇зваанаминд̣̇асса жад̇уусу д̣̇исаасу аарагкам̣ табзд̇ваа. г̇умб̣ам̣ табзд̇ваад̇и б̣алаг̇умб̣ам̣ табзд̇ваа. оваран̣ам̣ табзд̇ваад̇и жад̇уусу д̣̇исаасу аарагкагз табзд̇ваа. звам̣ саггасса д̣̇зваанаминд̣̇асса аарагкам̣ сусам̣вихид̇ам̣ гад̇ваа аадаанааданаг̇арз нисиннаа сад̇д̇а б̣уд̣̇д̇хз аараб̣бха имам̣ барид̇д̇ам̣ б̣анд̇хид̇ваа ‘‘яз сад̇т̇у д̇хаммааан̣ам̣ амхааган̃жа рааж̇ааан̣ам̣ на сун̣анд̇и, д̇зсам̣ ид̣̇ан̃жид̣̇ан̃жа гариссаамаа’’д̇и сааванам̣ гад̇ваа ад̇д̇аноби жад̇уусу д̣̇исаасу махад̇ияаа жа яагкасзнааяаад̇иаад̣̇ийхи жад̇уухи сзнаахи аарагкам̣ сам̣вид̣̇ахид̇ваа абхигганд̇ааяа рад̇д̇ияаа…бз… згаманд̇ам̣ нисийд̣̇им̣су.
275.Evaṃme sutanti āṭānāṭiyasuttaṃ. Tatrāyamapubbapadavaṇṇanā – catuddisaṃ rakkhaṃ ṭhapetvāti asurasenāya nivāraṇatthaṃ sakkassa devānamindassa catūsu disāsu ārakkhaṃ ṭhapetvā. Gumbaṃ ṭhapetvāti balagumbaṃ ṭhapetvā. Ovaraṇaṃ ṭhapetvāti catūsu disāsu ārakkhake ṭhapetvā. Evaṃ sakkassa devānamindassa ārakkhaṃ susaṃvihitaṃ katvā āṭānāṭanagare nisinnā satta buddhe ārabbha imaṃ parittaṃ bandhitvā ‘‘ye satthu dhammaāṇaṃ amhākañca rājaāṇaṃ na suṇanti, tesaṃ idañcidañca karissāmā’’ti sāvanaṃ katvā attanopi catūsu disāsu mahatiyā ca yakkhasenāyātiādīhi catūhi senāhi ārakkhaṃ saṃvidahitvā abhikkantāya rattiyā…pe… ekamantaṃ nisīdiṃsu.
абхигганд̇ааяа рад̇д̇ияаад̇и зд̇т̇а абхигганд̇асад̣̇д̣̇о каяасунд̣̇араабхируубааб̣бханумод̣̇анаад̣̇ийсу д̣̇иссад̇и. д̇ад̇т̇а ‘‘абхигганд̇аа, бханд̇з рад̇д̇и, нигканд̇о батамо яаамо, жиранисинно бхигкусан̇гхо уд̣̇д̣̇исад̇у, бханд̇з, бхаг̇аваа бхигкуунам̣ баад̇имогка’’нд̇и (а. ни. 8.20) звамаад̣̇ийсу каяз д̣̇иссад̇и. ‘‘аяам̣ имзсам̣ жад̇уннам̣ буг̇г̇алаанам̣ абхигганд̇ад̇аро бан̣ийд̇ад̇аро жаа’’д̇и (а. ни. 4.100) звамаад̣̇ийсу сунд̣̇арз.
Abhikkantāya rattiyāti ettha abhikkantasaddo khayasundarābhirūpaabbhanumodanādīsu dissati. Tattha ‘‘abhikkantā, bhante ratti, nikkhanto paṭhamo yāmo, ciranisinno bhikkhusaṅgho uddisatu, bhante, bhagavā bhikkhūnaṃ pātimokkha’’nti (a. ni. 8.20) evamādīsu khaye dissati. ‘‘Ayaṃ imesaṃ catunnaṃ puggalānaṃ abhikkantataro paṇītataro cā’’ti (a. ni. 4.100) evamādīsu sundare.
‘‘го мз ванд̣̇ад̇и баад̣̇аани, ид̣̇д̇хияаа яасасаа ж̇алам̣;
‘‘Ko me vandati pādāni, iddhiyā yasasā jalaṃ;
абхигганд̇зна ван̣н̣зна, саб̣б̣аа обхаасаяам̣ д̣̇исаа’’д̇и. (ви. ва. 857);
Abhikkantena vaṇṇena, sabbā obhāsayaṃ disā’’ti. (vi. va. 857);
звамаад̣̇ийсу абхируубз. ‘‘абхигганд̇ам̣, бхо г̇од̇амаад̇и (баараа. 15) звамаад̣̇ийсу аб̣бханумод̣̇анз . ид̇ха бана каяз. д̇зна абхигганд̇ааяа рад̇д̇ияаа, баригкийн̣ааяа рад̇д̇ияаад̇и вуд̇д̇ам̣ ход̇и.
Evamādīsu abhirūpe. ‘‘Abhikkantaṃ, bho gotamāti (pārā. 15) evamādīsu abbhanumodane . Idha pana khaye. Tena abhikkantāya rattiyā, parikkhīṇāya rattiyāti vuttaṃ hoti.
абхигганд̇аван̣н̣аад̇и ид̇ха абхигганд̇асад̣̇д̣̇о абхируубз. ван̣н̣асад̣̇д̣̇о бана чавит̇уд̇игулаваг̇г̇агааран̣асан̣таанабамаан̣аруубааяад̇анаад̣̇ийсу д̣̇иссад̇и. д̇ад̇т̇а ‘‘суван̣н̣аван̣н̣оси бхаг̇аваа’’д̇и (ма. ни. 2.399) звамаад̣̇ийсу чавияам̣. ‘‘гад̣̇аа сан̃н̃уул̣хаа бана д̇з, г̇ахабад̇и, имз саман̣асса г̇од̇амасса ван̣н̣аа’’д̇и (ма. ни. 2.77) звамаад̣̇ийсу т̇уд̇ияам̣. ‘‘жад̇д̇ааромз , бхо г̇од̇ама, ван̣н̣аа’’д̇и (д̣̇ий. ни. 1.266) звамаад̣̇ийсу гулаваг̇г̇з. ‘‘ат̇а гзна ну ван̣н̣зна г̇анд̇хат̇знод̇и вужжад̇ий’’д̇иаад̣̇ийсу (сам̣. ни. 1.234) гааран̣з. ‘‘маханд̇ам̣ хад̇т̇ирааж̇аван̣н̣ам̣ абхинимминид̇ваа’’д̇и (сам̣. ни. 1.138) звамаад̣̇ийсу сан̣таанз. ‘‘д̇аяо бад̇д̇асса ван̣н̣аа’’д̇и (баараа. 602) звамаад̣̇ийсу бамаан̣з. ‘‘ван̣н̣о г̇анд̇хо расо ож̇аа’’д̇и звамаад̣̇ийсу руубааяад̇анз. со ид̇ха чавияам̣ д̣̇адтаб̣б̣о. д̇зна ‘‘абхигганд̇аван̣н̣аа абхируубажчавий’’д̇и вуд̇д̇ам̣ ход̇и.
Abhikkantavaṇṇāti idha abhikkantasaddo abhirūpe. Vaṇṇasaddo pana chavithutikulavaggakāraṇasaṇṭhānapamāṇarūpāyatanādīsu dissati. Tattha ‘‘suvaṇṇavaṇṇosi bhagavā’’ti (ma. ni. 2.399) evamādīsu chaviyaṃ. ‘‘Kadā saññūḷhā pana te, gahapati, ime samaṇassa gotamassa vaṇṇā’’ti (ma. ni. 2.77) evamādīsu thutiyaṃ. ‘‘Cattārome , bho gotama, vaṇṇā’’ti (dī. ni. 1.266) evamādīsu kulavagge. ‘‘Atha kena nu vaṇṇena gandhathenoti vuccatī’’tiādīsu (saṃ. ni. 1.234) kāraṇe. ‘‘Mahantaṃ hatthirājavaṇṇaṃ abhinimminitvā’’ti (saṃ. ni. 1.138) evamādīsu saṇṭhāne. ‘‘Tayo pattassa vaṇṇā’’ti (pārā. 602) evamādīsu pamāṇe. ‘‘Vaṇṇo gandho raso ojā’’ti evamādīsu rūpāyatane. So idha chaviyaṃ daṭṭhabbo. Tena ‘‘abhikkantavaṇṇā abhirūpacchavī’’ti vuttaṃ hoti.
гзвалагаббанд̇и зд̇т̇а гзваласад̣̇д̣̇о анавасзсаязбхуяяааб̣яаамиссаанад̇ирзгад̣̇ал̣хад̇т̇ависам̣яог̇аад̣̇ианзгад̇т̇о. д̇ат̇аа хисса ‘‘гзвалабарибун̣н̣ам̣ барисуд̣̇д̇хам̣ б̣рахмажарияа’’нд̇и (баараа. 1) звамаад̣̇ийсу анавасзсад̇аа ад̇т̇о. ‘‘гзвалагаббаа жа ан̇г̇амааг̇ад̇хаа бахууд̇ам̣ каад̣̇анийяам̣ бхож̇анийяам̣ аад̣̇ааяа абхиггамид̇угаамаа хонд̇ий’’д̇и (махаава. 43) звамаад̣̇ийсу язбхуяяад̇аа. ‘‘гзваласса д̣̇угкагканд̇хасса самуд̣̇аяо ход̇ий’’д̇и (махаава. 1) звамаад̣̇ийсу аб̣яаамиссад̇аа. ‘‘гзвалам̣ сад̣̇д̇хаамад̇д̇агам̣ нууна аяамааяасмаа’’д̇и (а. ни. 6.55) звамаад̣̇ийсу анад̇ирзгад̇аа. ‘‘ааяасмад̇о, бханд̇з, ануруд̣̇д̇хасса б̣аахиго наама сад̣̇д̇хивихаариго гзвалагаббам̣ сан̇гхабхзд̣̇ааяа тид̇о’’д̇и (а. ни. 4.243) звамаад̣̇ийсу д̣̇ал̣хад̇т̇ад̇аа. ‘‘гзвалий вусид̇аваа уд̇д̇амабурисод̇и вужжад̇ий’’д̇и (а. ни. 10.12) звамаад̣̇ийсу висам̣яог̇о. ид̇ха банасса анавасзсад̇т̇о ад̇хиббзд̇о.
Kevalakappanti ettha kevalasaddo anavasesayebhuyyaabyāmissānatirekadaḷhatthavisaṃyogādianekattho. Tathā hissa ‘‘kevalaparipuṇṇaṃ parisuddhaṃ brahmacariya’’nti (pārā. 1) evamādīsu anavasesatā attho. ‘‘Kevalakappā ca aṅgamāgadhā pahūtaṃ khādanīyaṃ bhojanīyaṃ ādāya abhikkamitukāmā hontī’’ti (mahāva. 43) evamādīsu yebhuyyatā. ‘‘Kevalassa dukkhakkhandhassa samudayo hotī’’ti (mahāva. 1) evamādīsu abyāmissatā. ‘‘Kevalaṃ saddhāmattakaṃ nūna ayamāyasmā’’ti (a. ni. 6.55) evamādīsu anatirekatā. ‘‘Āyasmato, bhante, anuruddhassa bāhiko nāma saddhivihāriko kevalakappaṃ saṅghabhedāya ṭhito’’ti (a. ni. 4.243) evamādīsu daḷhatthatā. ‘‘Kevalī vusitavā uttamapurisoti vuccatī’’ti (a. ni. 10.12) evamādīsu visaṃyogo. Idha panassa anavasesattho adhippeto.
габбасад̣̇д̣̇о банааяам̣ абхисад̣̇д̣̇аханавохаарагаалабан̃н̃ад̇д̇ичзд̣̇анавигаббалзсасаманд̇абхааваад̣̇ианзгад̇т̇о. д̇ат̇аа хисса ‘‘огаббанияамзд̇ам̣ бход̇о г̇од̇амасса. яат̇аа д̇ам̣ арахад̇о саммаасамб̣уд̣̇д̇хассаа’’д̇и (ма. ни. 1.387) звамаад̣̇ийсу абхисад̣̇д̣̇аханамад̇т̇о. ‘‘ануж̇аанаами, бхигкавз, бан̃жахи саман̣агаббзхи палам̣ барибхун̃ж̇ид̇у’’нд̇и (жуул̣ава. 250) звамаад̣̇ийсу вохааро. ‘‘язна суд̣̇ам̣ нижжагаббам̣ вихараамий’’д̇и (ма. ни. 1.387) звамаад̣̇ийсу гаало. ‘‘ижжааяасмаа габбо’’д̇и (су. ни. 1098) звамаад̣̇ийсу бан̃н̃ад̇д̇и. ‘‘алан̇гад̇о габбид̇агзсамассуу’’д̇и (ви. ва. 1094) звамаад̣̇ийсу чзд̣̇анам̣. ‘‘габбад̇и д̣̇ван̇г̇улагаббо’’д̇и (жуул̣ава. 446) звамаад̣̇ийсу вигаббо, ад̇т̇и габбо нибаж̇ж̇ид̇у’’нд̇и (а. ни. 8.80) звамаад̣̇ийсу лзсо. ‘‘гзвалагаббам̣ взл̣уванам̣ обхаасзд̇ваа’’д̇и (сам̣. ни. 1.94) звамаад̣̇ийсу саманд̇абхааво. ид̇ха бана саманд̇абхааво ад̇т̇о ад̇хиббзд̇о. д̇асмаа ‘‘гзвалагаббам̣ г̇иж̇жхагууда’’нд̇и зд̇т̇а анавасзсам̣ саманд̇ад̇о г̇иж̇жхагууданд̇и звамад̇т̇о д̣̇адтаб̣б̣о.
Kappasaddo panāyaṃ abhisaddahanavohārakālapaññattichedanavikappalesasamantabhāvādianekattho. Tathā hissa ‘‘okappaniyametaṃ bhoto gotamassa. Yathā taṃ arahato sammāsambuddhassā’’ti (ma. ni. 1.387) evamādīsu abhisaddahanamattho. ‘‘Anujānāmi, bhikkhave, pañcahi samaṇakappehi phalaṃ paribhuñjitu’’nti (cūḷava. 250) evamādīsu vohāro. ‘‘Yena sudaṃ niccakappaṃ viharāmī’’ti (ma. ni. 1.387) evamādīsu kālo. ‘‘Iccāyasmā kappo’’ti (su. ni. 1098) evamādīsu paññatti. ‘‘Alaṅkato kappitakesamassū’’ti (vi. va. 1094) evamādīsu chedanaṃ. ‘‘Kappati dvaṅgulakappo’’ti (cūḷava. 446) evamādīsu vikappo, atthi kappo nipajjitu’’nti (a. ni. 8.80) evamādīsu leso. ‘‘Kevalakappaṃ veḷuvanaṃ obhāsetvā’’ti (saṃ. ni. 1.94) evamādīsu samantabhāvo. Idha pana samantabhāvo attho adhippeto. Tasmā ‘‘kevalakappaṃ gijjhakūṭa’’nti ettha anavasesaṃ samantato gijjhakūṭanti evamattho daṭṭhabbo.
обхаасзд̇ваад̇и вад̇т̇амаалаалан̇гаарасарийрасамудтид̇ааяа аабхааяа парид̇ваа, жанд̣̇имаа вияа суурияо вияа жа згобхаасам̣ згабаж̇ж̇од̇ам̣ гарид̇ваад̇и ад̇т̇о. згаманд̇ам̣ нисийд̣̇им̣сууд̇и д̣̇звад̇аанам̣ д̣̇асаб̣аласса санд̇игз нисиннадтаанам̣ наама на б̣аху, имасмим̣ бана суд̇д̇з барид̇д̇аг̇аарававасзна нисийд̣̇им̣су.
Obhāsetvāti vatthamālālaṅkārasarīrasamuṭṭhitāya ābhāya pharitvā, candimā viya sūriyo viya ca ekobhāsaṃ ekapajjotaṃ karitvāti attho. Ekamantaṃ nisīdiṃsūti devatānaṃ dasabalassa santike nisinnaṭṭhānaṃ nāma na bahu, imasmiṃ pana sutte parittagāravavasena nisīdiṃsu.
276. взссаван̣од̇и гин̃жааби жад̇д̇ааро махаарааж̇аано ааг̇ад̇аа, взссаван̣о бана д̣̇асаб̣аласса виссаасиго гат̇аабавад̇д̇анз б̣яад̇д̇о сусигкид̇о, д̇асмаа взссаван̣о махаарааж̇аа бхаг̇аванд̇ам̣ зд̇ад̣̇авожа. ул̣аараад̇и махзсагкаанубхаавасамбаннаа. баан̣аад̇ибаад̇аа взраман̣ияаад̇и баан̣аад̇ибаад̇з д̣̇идтад̇хаммигасамбарааяигам̣ аад̣̇ийнавам̣ д̣̇ассзд̇ваа д̇ад̇о взраман̣ияаа д̇хаммам̣ д̣̇зсзд̇и. сзсзсуби зсзва наяо. д̇ад̇т̇а санд̇и ул̣аараа яагкаа ниваасинод̇и д̇зсу сзнаасанзсу санд̇и ул̣аараа яагкаа ниб̣ад̣̇д̇хаваасино. аадаанаадияанд̇и аадаанааданаг̇арз б̣ад̣̇д̇хад̇д̇аа звам̣наамам̣. гим̣ бана бхаг̇авад̇о абажжагкад̇хаммо наама ад̇т̇ийд̇и, над̇т̇и. ат̇а гасмаа взссаван̣о ‘‘уг̇г̇ан̣хаад̇у, бханд̇з, бхаг̇аваа’’д̇иаад̣̇имааха? огаасагаран̣ад̇т̇ам̣. со хи бхаг̇аванд̇ам̣ имам̣ барид̇д̇ам̣ саавзд̇ум̣ огаасам̣ гаарзнд̇о звамааха. сад̇т̇у гат̇ид̇з имам̣ барид̇д̇ам̣ г̇ару бхависсад̇ийд̇иби ааха. паасувихаарааяаад̇и г̇аманадтаанаад̣̇ийсу жад̇уусу ирияаабат̇зсу сукавихаарааяа.
276.Vessavaṇoti kiñcāpi cattāro mahārājāno āgatā, vessavaṇo pana dasabalassa vissāsiko kathāpavattane byatto susikkhito, tasmā vessavaṇo mahārājā bhagavantaṃ etadavoca. Uḷārāti mahesakkhānubhāvasampannā. Pāṇātipātā veramaṇiyāti pāṇātipāte diṭṭhadhammikasamparāyikaṃ ādīnavaṃ dassetvā tato veramaṇiyā dhammaṃ deseti. Sesesupi eseva nayo. Tattha santi uḷārā yakkhā nivāsinoti tesu senāsanesu santi uḷārā yakkhā nibaddhavāsino. Āṭānāṭiyanti āṭānāṭanagare baddhattā evaṃnāmaṃ. Kiṃ pana bhagavato apaccakkhadhammo nāma atthīti, natthi. Atha kasmā vessavaṇo ‘‘uggaṇhātu, bhante, bhagavā’’tiādimāha? Okāsakaraṇatthaṃ. So hi bhagavantaṃ imaṃ parittaṃ sāvetuṃ okāsaṃ kārento evamāha. Satthu kathite imaṃ parittaṃ garu bhavissatītipi āha. Phāsuvihārāyāti gamanaṭṭhānādīsu catūsu iriyāpathesu sukhavihārāya.
277. жагкуманд̇ассаад̇и на вибассийязва жагкумаа, сад̇д̇аби б̣уд̣̇д̇хаа жагкуманд̇о, д̇асмаа згзгасса б̣уд̣̇д̇хасса зд̇аани сад̇д̇а сад̇д̇а наамаани хонд̇и. саб̣б̣зби б̣уд̣̇д̇хаа жагкуманд̇о, саб̣б̣з саб̣б̣абхууд̇аанугамбино, саб̣б̣з нхаад̇агилзсад̇д̇аа нхаад̇агаа. саб̣б̣з маарасзнаабамад̣̇д̣̇ино, саб̣б̣з вусид̇аванд̇о, саб̣б̣з вимуд̇д̇аа, саб̣б̣з ан̇г̇ад̇о расмийнам̣ нигканд̇ад̇д̇аа ан̇г̇ийрасаа. на гзвалан̃жа б̣уд̣̇д̇хаанам̣ зд̇аанзва сад̇д̇а наамаани асан̇кязяяаани наамаани саг̇ун̣зна махзсинод̇и вуд̇д̇ам̣.
277.Cakkhumantassāti na vipassīyeva cakkhumā, sattapi buddhā cakkhumanto, tasmā ekekassa buddhassa etāni satta satta nāmāni honti. Sabbepi buddhā cakkhumanto, sabbe sabbabhūtānukampino, sabbe nhātakilesattā nhātakā. Sabbe mārasenāpamaddino, sabbe vusitavanto, sabbe vimuttā, sabbe aṅgato rasmīnaṃ nikkhantattā aṅgīrasā. Na kevalañca buddhānaṃ etāneva satta nāmāni asaṅkhyeyyāni nāmāni saguṇena mahesinoti vuttaṃ.
взссаван̣о бана ад̇д̇ано баагаданаамавасзна звамааха. д̇з ж̇анаад̇и ид̇ха кийн̣аасаваа ж̇анаад̇и ад̇хиббзд̇аа. абисун̣аат̇аад̇и д̣̇зсанаасийсамад̇д̇амзд̇ам̣, амусаа абисун̣аа апарусаа манд̇абхаан̣инод̇и ад̇т̇о . махад̇д̇аад̇и маханд̇абхаавам̣ бад̇д̇аа. ‘‘маханд̇аа’’д̇иби баато, маханд̇аад̇и ад̇т̇о. вийд̇асаарад̣̇аад̇и ниссаарад̣̇аа виг̇ад̇аломахам̣саа.
Vessavaṇo pana attano pākaṭanāmavasena evamāha. Te janāti idha khīṇāsavā janāti adhippetā. Apisuṇāthāti desanāsīsamattametaṃ, amusā apisuṇā apharusā mantabhāṇinoti attho . Mahattāti mahantabhāvaṃ pattā. ‘‘Mahantā’’tipi pāṭho, mahantāti attho. Vītasāradāti nissāradā vigatalomahaṃsā.
хид̇анд̇и мзд̇д̇аапаран̣зна хид̇ам̣. яам̣ намассанд̇ийд̇и зд̇т̇а яанд̇и нибаад̇амад̇д̇ам̣. махад̇д̇анд̇и маханд̇ам̣. аяамзва ваа баато, ид̣̇ам̣ вуд̇д̇ам̣ ход̇и ‘‘яз жааби логз гилзсаниб̣б̣аанзна ниб̣б̣уд̇аа яат̇аабхууд̇ам̣ вибассисум̣, виж̇ж̇аад̣̇иг̇ун̣асамбаннан̃жа хид̇ам̣ д̣̇звамануссаанам̣ г̇од̇амам̣ намассанд̇и, д̇з ж̇анаа абисун̣аа, д̇зсамби намад̇т̇уу’’д̇и. адтагат̇ааяам̣ бана д̇з ж̇анаа абисун̣аад̇и д̇з б̣уд̣̇д̇хаа абисун̣аад̇и звам̣ батамаг̇аат̇ааяа б̣уд̣̇д̇хаанам̣язва ван̣н̣о гат̇ид̇о, д̇асмаа батамаг̇аат̇аа сад̇д̇аннам̣ б̣уд̣̇д̇хаанам̣ васзна вуд̇д̇аа. д̣̇уд̇ияаг̇аат̇ааяа ‘‘г̇од̇ама’’нд̇и д̣̇зсанаамукамад̇д̇амзд̇ам̣. аяамби хи сад̇д̇аннам̣язва васзна вуд̇д̇аад̇и взд̣̇ид̇аб̣б̣аа. аяан̃хзд̇т̇а ад̇т̇о – логз бан̣д̣ид̇аа д̣̇звамануссаа яам̣ намассанд̇и г̇од̇амам̣, д̇асса жа д̇ад̇о буримаанан̃жа б̣уд̣̇д̇хаанам̣ намад̇т̇ууд̇и.
Hitanti mettāpharaṇena hitaṃ. Yaṃ namassantīti ettha yanti nipātamattaṃ. Mahattanti mahantaṃ. Ayameva vā pāṭho, idaṃ vuttaṃ hoti ‘‘ye cāpi loke kilesanibbānena nibbutā yathābhūtaṃ vipassisuṃ, vijjādiguṇasampannañca hitaṃ devamanussānaṃ gotamaṃ namassanti, te janā apisuṇā, tesampi namatthū’’ti. Aṭṭhakathāyaṃ pana te janā apisuṇāti te buddhā apisuṇāti evaṃ paṭhamagāthāya buddhānaṃyeva vaṇṇo kathito, tasmā paṭhamagāthā sattannaṃ buddhānaṃ vasena vuttā. Dutiyagāthāya ‘‘gotama’’nti desanāmukhamattametaṃ. Ayampi hi sattannaṃyeva vasena vuttāti veditabbā. Ayañhettha attho – loke paṇḍitā devamanussā yaṃ namassanti gotamaṃ, tassa ca tato purimānañca buddhānaṃ namatthūti.
278. яад̇о уг̇г̇ажчад̇ийд̇и яад̇о таанад̇о уд̣̇зд̇и. аад̣̇ижжод̇и ад̣̇ид̇ияаа буд̇д̇о, взважанамад̇д̇ам̣ ваа зд̇ам̣ суурияасад̣̇д̣̇асса. маханд̇ам̣ ман̣д̣алам̣ ассаад̇и ман̣д̣алиймахаа. яасса жуг̇г̇ажчамаанассаад̇и яамхи уг̇г̇ажчамаанз. сам̣варийби нируж̇жхад̇ийд̇и рад̇д̇и анд̇арад̇хааяад̇и. яасса жуг̇г̇ад̇зд̇и яасмим̣ уг̇г̇ад̇з.
278.Yato uggacchatīti yato ṭhānato udeti. Ādiccoti aditiyā putto, vevacanamattaṃ vā etaṃ sūriyasaddassa. Mahantaṃ maṇḍalaṃ assāti maṇḍalīmahā. Yassa cuggacchamānassāti yamhi uggacchamāne. Saṃvarīpi nirujjhatīti ratti antaradhāyati. Yassa cuggateti yasmiṃ uggate.
рахад̣̇од̇и уд̣̇агарахад̣̇о. д̇ад̇т̇аад̇и яад̇о уг̇г̇ажчад̇и суурияо, д̇асмим̣ таанз. самуд̣̇д̣̇од̇и яо со рахад̣̇од̇и вуд̇д̇о, со на ан̃н̃о, ат̇а ко самуд̣̇д̣̇о. сарид̇од̣̇агод̇и висадод̣̇аго, сарид̇аа наанаббагаараа над̣̇ияо асса уд̣̇агз бавидтаад̇и ваа сарид̇од̣̇аго. звам̣ д̇ам̣ д̇ад̇т̇а ж̇аананд̇ийд̇и д̇ам̣ рахад̣̇ам̣ д̇ад̇т̇а звам̣ ж̇аананд̇и . гинд̇и ж̇аананд̇и? самуд̣̇д̣̇о сарид̇од̣̇агод̇и звам̣ ж̇аананд̇и.
Rahadoti udakarahado. Tatthāti yato uggacchati sūriyo, tasmiṃ ṭhāne. Samuddoti yo so rahadoti vutto, so na añño, atha kho samuddo. Saritodakoti visaṭodako, saritā nānappakārā nadiyo assa udake paviṭṭhāti vā saritodako. Evaṃ taṃ tattha jānantīti taṃ rahadaṃ tattha evaṃ jānanti . Kinti jānanti? Samuddo saritodakoti evaṃ jānanti.
ид̇од̇и синзруд̇о ваа д̇зсам̣ нисиннадтаанад̇о ваа. ж̇анод̇и аяам̣ махааж̇ано. зганаамаад̇и инд̣̇анаамзна зганаамаа. саб̣б̣зсам̣ гира д̇зсам̣ саггасса д̣̇зваран̃н̃о наамамзва наамамагам̣су. асийд̇и д̣̇аса зго жаад̇и зганавуд̇иж̇анаа. инд̣̇анаамаад̇и инд̣̇од̇и звам̣наамаа. б̣уд̣̇д̇хам̣ аад̣̇ижжаб̣анд̇хунанд̇и гилзсанид̣̇д̣̇аабаг̇аманзнааби б̣уд̣̇д̇хам̣. аад̣̇ижжзна самаанаг̇од̇д̇ад̇ааяаби аад̣̇ижжаб̣анд̇хунам̣. гусалзна самзгкасийд̇и анаваж̇ж̇зна нибун̣зна ваа саб̣б̣ан̃н̃уд̇ан̃н̃аан̣зна махааж̇анам̣ ологзси. амануссааби д̇ам̣ ванд̣̇анд̇ийд̇и амануссааби д̇ам̣ ‘‘саб̣б̣ан̃н̃уд̇ан̃н̃аан̣зна махааж̇анам̣ ологзсий’’д̇и вад̇ваа ванд̣̇анд̇и. суд̇ам̣ нзд̇ам̣ абхин̣хасод̇и зд̇ам̣ амхзхи абхигкан̣ам̣ суд̇ам̣. ж̇инам̣ ванд̣̇ат̇а г̇од̇амам̣, ж̇инам̣ ванд̣̇аама г̇од̇аманд̇и амхзхи будтаа ж̇инам̣ ванд̣̇аама г̇од̇аманд̇и вад̣̇анд̇и.
Itoti sineruto vā tesaṃ nisinnaṭṭhānato vā. Janoti ayaṃ mahājano. Ekanāmāti indanāmena ekanāmā. Sabbesaṃ kira tesaṃ sakkassa devarañño nāmameva nāmamakaṃsu. Asīti dasa eko cāti ekanavutijanā. Indanāmāti indoti evaṃnāmā. Buddhaṃ ādiccabandhunanti kilesaniddāpagamanenāpi buddhaṃ. Ādiccena samānagottatāyapi ādiccabandhunaṃ. Kusalena samekkhasīti anavajjena nipuṇena vā sabbaññutaññāṇena mahājanaṃ olokesi. Amanussāpi taṃ vandantīti amanussāpi taṃ ‘‘sabbaññutaññāṇena mahājanaṃ olokesī’’ti vatvā vandanti. Sutaṃ netaṃ abhiṇhasoti etaṃ amhehi abhikkhaṇaṃ sutaṃ. Jinaṃ vandatha gotamaṃ, jinaṃ vandāma gotamanti amhehi puṭṭhā jinaṃ vandāma gotamanti vadanti.
279. язна бзд̇аа бавужжанд̇ийд̇и бзд̇аа наама гаалан̇гад̇аа, д̇з язна д̣̇исаабхааг̇зна нийхарияанд̇ууд̇и вужжанд̇и. бисун̣аа бидтимам̣сигаад̇и бисун̣ааваажаа жзва бидтимам̣сам̣ каад̣̇анд̇аа вияа бараммукаа г̇арахагаа жа. зд̇з жа язна нийхарияанд̇ууд̇и вужжанд̇и, саб̣б̣зби хзд̇з д̣̇агкин̣ад̣̇ваарзна нийхарид̇ваа д̣̇агкин̣ад̇о наг̇арасса д̣аяханд̇у ваа чиж̇ж̇анд̇у ваа хан̃н̃анд̇у ваад̇и звам̣ вужжанд̇и. ид̇о саа д̣̇агкин̣аа д̣̇исаад̇и язна д̣̇исаабхааг̇зна д̇з бзд̇аа жа бисун̣аад̣̇игаа жа нийхарияанд̇ууд̇и вужжанд̇и, ид̇о саа д̣̇агкин̣аа д̣̇исаа. ид̇од̇и синзруд̇о ваа д̇зсам̣ нисиннадтаанад̇о ваа. гумбхан̣д̣аананд̇и д̇з гира д̣̇зваа маход̣̇араа хонд̇и, рахассан̇г̇амби жа нзсам̣ гумбхо вияа маханд̇ам̣ ход̇и. д̇асмаа гумбхан̣д̣аад̇и вужжанд̇и.
279.Yenapetā pavuccantīti petā nāma kālaṅkatā, te yena disābhāgena nīhariyantūti vuccanti. Pisuṇā piṭṭhimaṃsikāti pisuṇāvācā ceva piṭṭhimaṃsaṃ khādantā viya parammukhā garahakā ca. Ete ca yena nīhariyantūti vuccanti, sabbepi hete dakkhiṇadvārena nīharitvā dakkhiṇato nagarassa ḍayhantu vā chijjantu vā haññantu vāti evaṃ vuccanti. Ito sā dakkhiṇā disāti yena disābhāgena te petā ca pisuṇādikā ca nīhariyantūti vuccanti, ito sā dakkhiṇā disā. Itoti sineruto vā tesaṃ nisinnaṭṭhānato vā. Kumbhaṇḍānanti te kira devā mahodarā honti, rahassaṅgampi ca nesaṃ kumbho viya mahantaṃ hoti. Tasmā kumbhaṇḍāti vuccanti.
280. яад̇т̇а жог̇г̇ажчад̇и суурияод̇и яасмим̣ д̣̇исаабхааг̇з суурияо ад̇т̇ам̣ г̇ажчад̇и.
280.Yattha coggacchati sūriyoti yasmiṃ disābhāge sūriyo atthaṃ gacchati.
281. язнаад̇и язна д̣̇исаабхааг̇зна. махаанзрууд̇и махаасинзру баб̣б̣ад̇арааж̇аа. суд̣̇ассанод̇и сован̣н̣амаяад̇д̇аа сунд̣̇арад̣̇ассано. синзрусса хи баажийнабассам̣ раж̇ад̇амаяам̣, д̣̇агкин̣абассам̣ ман̣имаяам̣ , бажчимабассам̣ палигамаяам̣, уд̇д̇арабассам̣ сован̣н̣амаяам̣, д̇ам̣ манун̃н̃ад̣̇ассанам̣ ход̇и. д̇асмаа язна д̣̇исаабхааг̇зна синзру суд̣̇ассанод̇и аяамзд̇т̇ад̇т̇о. мануссаа д̇ад̇т̇а ж̇ааяанд̇ийд̇и д̇ад̇т̇а уд̇д̇арагурумхи мануссаа ж̇ааяанд̇и. амамаад̇и вад̇т̇аабхаран̣абаанабхож̇анаад̣̇ийсуби мамад̇д̇авирахид̇аа. абариг̇г̇ахаад̇и ид̇т̇ибариг̇г̇ахзна абариг̇г̇ахаа. д̇зсам̣ гира ‘‘аяам̣ маяхам̣ бхарияаа’’д̇и мамад̇д̇ам̣ на ход̇и, маад̇арам̣ ваа бхаг̇иним̣ ваа д̣̇исваа чанд̣̇арааг̇о нуббаж̇ж̇ад̇и.
281.Yenāti yena disābhāgena. Mahānerūti mahāsineru pabbatarājā. Sudassanoti sovaṇṇamayattā sundaradassano. Sinerussa hi pācīnapassaṃ rajatamayaṃ, dakkhiṇapassaṃ maṇimayaṃ , pacchimapassaṃ phalikamayaṃ, uttarapassaṃ sovaṇṇamayaṃ, taṃ manuññadassanaṃ hoti. Tasmā yena disābhāgena sineru sudassanoti ayametthattho. Manussā tattha jāyantīti tattha uttarakurumhi manussā jāyanti. Amamāti vatthābharaṇapānabhojanādīsupi mamattavirahitā. Apariggahāti itthipariggahena apariggahā. Tesaṃ kira ‘‘ayaṃ mayhaṃ bhariyā’’ti mamattaṃ na hoti, mātaraṃ vā bhaginiṃ vā disvā chandarāgo nuppajjati.
наби нийяанд̇и нан̇г̇алаад̇и нан̇г̇алааниби д̇ад̇т̇а ‘‘гасигаммам̣ гариссаамаа’’д̇и на кзд̇д̇ам̣ нийяанд̇и. агадтабаагиманд̇и агадтз бхуумибхааг̇з аран̃н̃з саяамзва ж̇аад̇ам̣. д̇ан̣д̣улабпаланд̇и д̇ан̣д̣улаава д̇асса палам̣ ход̇и.
Napi nīyanti naṅgalāti naṅgalānipi tattha ‘‘kasikammaṃ karissāmā’’ti na khettaṃ nīyanti. Akaṭṭhapākimanti akaṭṭhe bhūmibhāge araññe sayameva jātaṃ. Taṇḍulapphalanti taṇḍulāva tassa phalaṃ hoti.
д̇ун̣д̣игийрз бажид̇ваанаад̇и угкалияам̣ аагирид̇ваа нид̣̇д̇хуман̇г̇аарзна аг̇г̇инаа бажид̇ваа. д̇ад̇т̇а гира ж̇од̇игабаасаан̣аа наама хонд̇и. ат̇а ко д̇з д̇аяо баасаан̣з табзд̇ваа д̇ам̣ угкалим̣ ааробзнд̇и. баасаан̣зхи д̇зж̇о самудтахид̇ваа д̇ам̣ бажад̇и. д̇ад̇о бхун̃ж̇анд̇и бхож̇ананд̇и д̇ад̇о угкалид̇о бхож̇анамзва бхун̃ж̇анд̇и, ан̃н̃о суубо ваа б̣яан̃ж̇анам̣ ваа на ход̇и, бхун̃ж̇анд̇аанам̣ жид̇д̇аанугуулоязвасса расо ход̇и. д̇з д̇ам̣ таанам̣ самбад̇д̇аанам̣ д̣̇знд̇иязва, мажчарияажид̇д̇ам̣ наама на ход̇и. б̣уд̣̇д̇хабажжзгаб̣уд̣̇д̇хаад̣̇аяоби махид̣̇д̇хигаа д̇ад̇т̇а г̇анд̇ваа бин̣д̣абаад̇ам̣ г̇ан̣ханд̇и.
Tuṇḍikīre pacitvānāti ukkhaliyaṃ ākiritvā niddhumaṅgārena agginā pacitvā. Tattha kira jotikapāsāṇā nāma honti. Atha kho te tayo pāsāṇe ṭhapetvā taṃ ukkhaliṃ āropenti. Pāsāṇehi tejo samuṭṭhahitvā taṃ pacati. Tato bhuñjanti bhojananti tato ukkhalito bhojanameva bhuñjanti, añño sūpo vā byañjanaṃ vā na hoti, bhuñjantānaṃ cittānukūloyevassa raso hoti. Te taṃ ṭhānaṃ sampattānaṃ dentiyeva, macchariyacittaṃ nāma na hoti. Buddhapaccekabuddhādayopi mahiddhikā tattha gantvā piṇḍapātaṃ gaṇhanti.
г̇аавим̣ згакурам̣ гад̇ваад̇и г̇аавим̣ г̇ахзд̇ваа згакурам̣ вааханамзва гад̇ваа. д̇ам̣ абхируяха взссаван̣асса барижаарагаа яагкаа. ануяанд̇и д̣̇исод̣̇исанд̇и д̇ааяа д̇ааяа д̣̇исааяа жаранд̇и. басум̣ згакурам̣ гад̇ваад̇и табзд̇ваа г̇аавим̣ авасзсажад̇уббад̣̇аж̇аад̇игам̣ басум̣ згакурам̣ вааханамзва гад̇ваа д̣̇исод̣̇исам̣ ануяанд̇и.
Gāviṃekakhuraṃ katvāti gāviṃ gahetvā ekakhuraṃ vāhanameva katvā. Taṃ abhiruyha vessavaṇassa paricārakā yakkhā. Anuyanti disodisanti tāya tāya disāya caranti. Pasuṃ ekakhuraṃ katvāti ṭhapetvā gāviṃ avasesacatuppadajātikaṃ pasuṃ ekakhuraṃ vāhanameva katvā disodisaṃ anuyanti.
ид̇т̇им̣ ваа вааханам̣ гад̇ваад̇и язбхуяязна г̇аб̣бхиним̣ маад̇уг̇аамам̣ вааханам̣ гарид̇ваа. д̇ассаа бидтияаа нисийд̣̇ид̇ваа жаранд̇и. д̇ассаа гира бидти онамид̇ум̣ сахад̇и. ид̇араа бана ид̇т̇ияо яаанз яож̇знд̇и. бурисам̣ вааханам̣ гад̇ваад̇и бурисз г̇ахзд̇ваа яаанз яож̇знд̇и. г̇ан̣ханд̇аа жа саммаад̣̇идтигз г̇ахзд̇ум̣ на саггонд̇и. язбхуяязна бажжанд̇имамилагкуваасигз г̇ан̣ханд̇и. ан̃н̃ад̇аро гирзд̇т̇а ж̇аанабад̣̇о згасса т̇зрасса самийбз нисийд̣̇ид̇ваа нид̣̇д̣̇ааяад̇и, т̇зро ‘‘убаасага ад̇ивияа нид̣̇д̣̇ааяасий’’д̇и бужчи. ‘‘аж̇ж̇а, бханд̇з, саб̣б̣арад̇д̇им̣ взссаван̣ад̣̇аасзхи гиламид̇омхий’’д̇и ааха.
Itthiṃ vā vāhanaṃ katvāti yebhuyyena gabbhiniṃ mātugāmaṃ vāhanaṃ karitvā. Tassā piṭṭhiyā nisīditvā caranti. Tassā kira piṭṭhi onamituṃ sahati. Itarā pana itthiyo yāne yojenti. Purisaṃ vāhanaṃ katvāti purise gahetvā yāne yojenti. Gaṇhantā ca sammādiṭṭhike gahetuṃ na sakkonti. Yebhuyyena paccantimamilakkhuvāsike gaṇhanti. Aññataro kirettha jānapado ekassa therassa samīpe nisīditvā niddāyati, thero ‘‘upāsaka ativiya niddāyasī’’ti pucchi. ‘‘Ajja, bhante, sabbarattiṃ vessavaṇadāsehi kilamitomhī’’ti āha.
гумаарим̣ вааханам̣ гад̇ваад̇и гумаарияо г̇ахзд̇ваа згакурам̣ вааханам̣ гад̇ваа рат̇з яож̇знд̇и. гумааравааханзби зсзва наяо. бажаараа д̇асса рааж̇инод̇и д̇асса ран̃н̃о барижааригаа. хад̇т̇ияаанам̣ ассаяаананд̇и на гзвалам̣ г̇ояаанаад̣̇ийниязва, хад̇т̇иассаяаанаад̣̇ийниби абхирухид̇ваа вижаранд̇и. д̣̇иб̣б̣ам̣ яаананд̇и ан̃н̃амби нзсам̣ б̣ахувид̇хам̣ д̣̇иб̣б̣аяаанам̣ убадтид̇амзва ход̇и, зд̇аани д̇аава нзсам̣ убагаббанаяаанаани. д̇з бана баасаад̣̇з варасаяанамхи нибаннааби бийтасивигаад̣̇ийсу жа нисиннааби вижаранд̇и. д̇зна вуд̇д̇ам̣ ‘‘баасаад̣̇аа сивигаа жзваа’’д̇и. махаарааж̇асса яасассинод̇и звам̣ аанубхаавасамбаннасса яасассино махаарааж̇асса зд̇аани яаанаани ниб̣б̣ад̇д̇анд̇и.
Kumāriṃ vāhanaṃ katvāti kumāriyo gahetvā ekakhuraṃ vāhanaṃ katvā rathe yojenti. Kumāravāhanepi eseva nayo. Pacārā tassa rājinoti tassa rañño paricārikā. Hatthiyānaṃ assayānanti na kevalaṃ goyānādīniyeva, hatthiassayānādīnipi abhiruhitvā vicaranti. Dibbaṃ yānanti aññampi nesaṃ bahuvidhaṃ dibbayānaṃ upaṭṭhitameva hoti, etāni tāva nesaṃ upakappanayānāni. Te pana pāsāde varasayanamhi nipannāpi pīṭhasivikādīsu ca nisinnāpi vicaranti. Tena vuttaṃ ‘‘pāsādā sivikā cevā’’ti. Mahārājassa yasassinoti evaṃ ānubhāvasampannassa yasassino mahārājassa etāni yānāni nibbattanti.
д̇асса жа наг̇араа аху анд̇алигкз сумаабид̇аад̇и д̇асса ран̃н̃о аагаасз судту маабид̇аа зд̇з аадаанаадаад̣̇игаа наг̇араа ахзсум̣, наг̇араани бхавим̣сууд̇и ад̇т̇о. зган̃хисса наг̇арам̣ аадаанаадаа наама ааси, згам̣ гусинаадаа наама, згам̣ барагусинаадаа наама, згам̣ наадасуурияаа наама, згам̣ барагусиданаадаа наама.
Tassaca nagarā ahu antalikkhe sumāpitāti tassa rañño ākāse suṭṭhu māpitā ete āṭānāṭādikā nagarā ahesuṃ, nagarāni bhaviṃsūti attho. Ekañhissa nagaraṃ āṭānāṭā nāma āsi, ekaṃ kusināṭā nāma, ekaṃ parakusināṭā nāma, ekaṃ nāṭasūriyā nāma, ekaṃ parakusiṭanāṭā nāma.
уд̇д̇арзна гасиванд̇од̇и д̇асмим̣ тад̇ваа уж̇ум̣ уд̇д̇арад̣̇исааяа гасиванд̇о наама ан̃н̃ам̣ наг̇арам̣. ж̇аногхамабарзна жаад̇и зд̇асса абарабхааг̇з ж̇аногхам̣ наама ан̃н̃ам̣ наг̇арам̣. наванавад̇ияод̇и ан̃н̃амби наванавад̇ияо наама згам̣ наг̇арам̣. абарам̣ амб̣араамб̣аравад̇ияо наама. аал̣агаманд̣̇аад̇и абарамби аал̣агаманд̣̇аа наама рааж̇ад̇хааний.
Uttarena kasivantoti tasmiṃ ṭhatvā ujuṃ uttaradisāya kasivanto nāma aññaṃ nagaraṃ. Janoghamaparena cāti etassa aparabhāge janoghaṃ nāma aññaṃ nagaraṃ. Navanavatiyoti aññampi navanavatiyo nāma ekaṃ nagaraṃ. Aparaṃ ambaraambaravatiyo nāma. Āḷakamandāti aparampi āḷakamandā nāma rājadhānī.
д̇асмаа гувзро махаарааж̇аад̇и аяам̣ гира ануббаннз б̣уд̣̇д̇хз гувзро наама б̣раахман̣о худ̇ваа ужчуваббам̣ гаарзд̇ваа сад̇д̇а яанд̇аани яож̇зси. згиссааяа яанд̇асаалааяа удтид̇ам̣ ааяам̣ ааг̇ад̇ааг̇ад̇асса махааж̇анасса д̣̇ад̇ваа бун̃н̃ам̣ агааси. авасзсасаалаахи д̇ад̇т̇зва б̣ахуд̇аро ааяо удтааси, со д̇зна басийд̣̇ид̇ваа авасзсасаалаасуби уббаж̇ж̇анагам̣ г̇ахзд̇ваа вийсад̇и вассасахассаани д̣̇аанам̣ ад̣̇ааси. со гаалам̣ гад̇ваа жаад̇умахаарааж̇игзсу гувзро наама д̣̇звабуд̇д̇о ж̇аад̇о. абарабхааг̇з висаан̣ааяа рааж̇ад̇хаанияаа раж̇ж̇ам̣ гаарзси. д̇ад̇о бадтааяа взссаван̣од̇и вужжад̇и.
Tasmākuvero mahārājāti ayaṃ kira anuppanne buddhe kuvero nāma brāhmaṇo hutvā ucchuvappaṃ kāretvā satta yantāni yojesi. Ekissāya yantasālāya uṭṭhitaṃ āyaṃ āgatāgatassa mahājanassa datvā puññaṃ akāsi. Avasesasālāhi tattheva bahutaro āyo uṭṭhāsi, so tena pasīditvā avasesasālāsupi uppajjanakaṃ gahetvā vīsati vassasahassāni dānaṃ adāsi. So kālaṃ katvā cātumahārājikesu kuvero nāma devaputto jāto. Aparabhāge visāṇāya rājadhāniyā rajjaṃ kāresi. Tato paṭṭhāya vessavaṇoti vuccati.
бажжзсанд̇о багаасзнд̇ийд̇и бадизсанд̇о висум̣ висум̣ ад̇т̇з убабаригкамаанаа анусаасамаанаа ан̃н̃з д̣̇ваад̣̇аса яагкарадтигаа багаасзнд̇и. д̇з гира яагкарадтигаа саасанам̣ г̇ахзд̇ваа д̣̇ваад̣̇асаннам̣ яагкад̣̇овааригаанам̣ нивзд̣̇знд̇и. яагкад̣̇овааригаа д̇ам̣ саасанам̣ махаарааж̇асса нивзд̣̇знд̇и. ид̣̇аани д̇зсам̣ яагкарадтигаанам̣ наамам̣ д̣̇ассзнд̇о д̇ад̇олаад̇иаад̣̇имааха. д̇зсу гира зго д̇ад̇олаа наама, зго д̇ад̇д̇алаа наама, зго д̇ад̇од̇алаа наама, зго ож̇аси наама, зго д̇зж̇аси наама, зго д̇ад̇ож̇асий наама. сууро рааж̇аад̇и зго сууро наама, зго рааж̇аа наама, зго суурорааж̇аа наама, аридто нзмийд̇и зго аридто наама, зго нзми наама, зго аридтанзми наама.
Paccesanto pakāsentīti paṭiesanto visuṃ visuṃ atthe upaparikkhamānā anusāsamānā aññe dvādasa yakkharaṭṭhikā pakāsenti. Te kira yakkharaṭṭhikā sāsanaṃ gahetvā dvādasannaṃ yakkhadovārikānaṃ nivedenti. Yakkhadovārikā taṃ sāsanaṃ mahārājassa nivedenti. Idāni tesaṃ yakkharaṭṭhikānaṃ nāmaṃ dassento tatolātiādimāha. Tesu kira eko tatolā nāma, eko tattalā nāma, eko tatotalā nāma, eko ojasi nāma, eko tejasi nāma, eko tatojasī nāma. Sūro rājāti eko sūro nāma, eko rājā nāma, eko sūrorājā nāma, ariṭṭho nemīti eko ariṭṭho nāma, eko nemi nāma, eko ariṭṭhanemi nāma.
рахад̣̇оби д̇ад̇т̇а д̇харан̣ий наамаад̇и д̇ад̇т̇а банзго наамзна д̇харан̣ий наама уд̣̇агарахад̣̇о ад̇т̇и, бан̣н̣аасаяож̇анаа махаабогкаран̣ий ад̇т̇ийд̇и вуд̇д̇ам̣ ход̇и. яад̇о мзгхаа бавассанд̇ийд̇и яад̇о богкаран̣ид̇о уд̣̇агам̣ г̇ахзд̇ваа мзгхаа бавассанд̇и. вассаа яад̇о бад̇ааяанд̇ийд̇и яад̇о вудтияо авад̇т̇арамаанаа ниг̇ажчанд̇и. мзгхзсу гира удтид̇зсу д̇ад̇о богкаран̣ид̇о бураан̣ауд̣̇агам̣ бхассад̇и. убари мзгхо удтахид̇ваа д̇ам̣ богкаран̣им̣ навод̣̇агзна буурзд̇и. бураан̣од̣̇агам̣ хздтимам̣ худ̇ваа нигкамад̇и. барибун̣н̣ааяа богкаран̣ияаа валаахагаа виг̇ажчанд̇и. сабхаабийд̇и сабхаа. д̇ассаа гира богкаран̣ияаа д̇ийрз саалавад̇ияаа наама лад̇ааяа баригкид̇д̇о д̣̇ваад̣̇асаяож̇аниго рад̇анаман̣д̣або ад̇т̇и, д̇ам̣ санд̇хааязд̇ам̣ вуд̇д̇ам̣.
Rahadopitattha dharaṇī nāmāti tattha paneko nāmena dharaṇī nāma udakarahado atthi, paṇṇāsayojanā mahāpokkharaṇī atthīti vuttaṃ hoti. Yato meghā pavassantīti yato pokkharaṇito udakaṃ gahetvā meghā pavassanti. Vassā yato patāyantīti yato vuṭṭhiyo avattharamānā nigacchanti. Meghesu kira uṭṭhitesu tato pokkharaṇito purāṇaudakaṃ bhassati. Upari megho uṭṭhahitvā taṃ pokkharaṇiṃ navodakena pūreti. Purāṇodakaṃ heṭṭhimaṃ hutvā nikkhamati. Paripuṇṇāya pokkharaṇiyā valāhakā vigacchanti. Sabhāpīti sabhā. Tassā kira pokkharaṇiyā tīre sālavatiyā nāma latāya parikkhitto dvādasayojaniko ratanamaṇḍapo atthi, taṃ sandhāyetaṃ vuttaṃ.
баяирубаасанд̇ийд̇и нисийд̣̇анд̇и. д̇ад̇т̇а нижжапалаа ругкаад̇и д̇асмим̣ таанз д̇ам̣ ман̣д̣абам̣ бариваарзд̇ваа сад̣̇аа палид̇аа амб̣аж̇амб̣уаад̣̇аяо ругкаа нижжабубпид̇аа жа жамбагамаалаад̣̇аяод̇и д̣̇ассзд̇и. наанаад̣̇иж̇аг̇ан̣ааяуд̇аад̇и вивид̇хабагкисан̇гхасамаагулаа. маяуурагон̃жаабхируд̣̇аад̇и маяуурзхи гон̃жасагун̣зхи жа абхируд̣̇аа убаг̇ийд̇аа.
Payirupāsantīti nisīdanti. Tattha niccaphalā rukkhāti tasmiṃ ṭhāne taṃ maṇḍapaṃ parivāretvā sadā phalitā ambajambuādayo rukkhā niccapupphitā ca campakamālādayoti dasseti. Nānādijagaṇāyutāti vividhapakkhisaṅghasamākulā. Mayūrakoñcābhirudāti mayūrehi koñcasakuṇehi ca abhirudā upagītā.
ж̇ийван̃ж̇ийвагасад̣̇д̣̇зд̇т̇аад̇и ‘‘ж̇ийва ж̇ийваа’’д̇и звам̣ вираванд̇аанам̣ ж̇ийван̃ж̇ийвагасагун̣аанамби зд̇т̇а сад̣̇д̣̇о ад̇т̇и. одтаважид̇д̇агаад̇и ‘‘удтзхи, жид̇д̇а, удтзхи жид̇д̇аа’’д̇и звам̣ вассамаанаа удтаважид̇д̇агасагун̣ааби д̇ад̇т̇а вижаранд̇и. гуггудагаад̇и ванагуггудагаа. гул̣ийрагаад̇и суван̣н̣агаггадагаа. ванзд̇и бад̣̇умаванз. богкарасаад̇агаад̇и богкарасаад̇агаа наама сагун̣аа.
Jīvañjīvakasaddetthāti ‘‘jīva jīvā’’ti evaṃ viravantānaṃ jīvañjīvakasakuṇānampi ettha saddo atthi. Oṭṭhavacittakāti ‘‘uṭṭhehi, citta, uṭṭhehi cittā’’ti evaṃ vassamānā uṭṭhavacittakasakuṇāpi tattha vicaranti. Kukkuṭakāti vanakukkuṭakā. Kuḷīrakāti suvaṇṇakakkaṭakā. Vaneti padumavane. Pokkharasātakāti pokkharasātakā nāma sakuṇā.
сугасаал̣игасад̣̇д̣̇зд̇т̇аад̇и сугаанан̃жа саал̣игаанан̃жа сад̣̇д̣̇о зд̇т̇а. д̣̇ан̣д̣амаан̣авагаани жаад̇и мануссамукасагун̣аа. д̇з гира д̣̇вийхи хад̇т̇зхи суван̣н̣ад̣̇ан̣д̣ам̣ г̇ахзд̇ваа згам̣ богкарабад̇д̇ам̣ аггамид̇ваа ананд̇арз богкарабад̇д̇з суван̣н̣ад̣̇ан̣д̣ам̣ нигкибанд̇аа вижаранд̇и. собхад̇и саб̣б̣агаалам̣ саад̇и саа богкаран̣ий саб̣б̣агаалам̣ собхад̇и. гувзранал̣инийд̇и гувзрасса нал̣иний бад̣̇умасарабхууд̇аа, саа д̇харан̣ий наама богкаран̣ий сад̣̇аа ниранд̇арам̣ собхад̇и.
Sukasāḷikasaddetthāti sukānañca sāḷikānañca saddo ettha. Daṇḍamāṇavakāni cāti manussamukhasakuṇā. Te kira dvīhi hatthehi suvaṇṇadaṇḍaṃ gahetvā ekaṃ pokkharapattaṃ akkamitvā anantare pokkharapatte suvaṇṇadaṇḍaṃ nikkhipantā vicaranti. Sobhati sabbakālaṃ sāti sā pokkharaṇī sabbakālaṃ sobhati. Kuveranaḷinīti kuverassa naḷinī padumasarabhūtā, sā dharaṇī nāma pokkharaṇī sadā nirantaraṃ sobhati.
282. яасса гассажийд̇и ид̣̇ам̣ взссаван̣о аадаанаадияам̣ рагкам̣ нидтабзд̇ваа д̇ассаа баригаммам̣ д̣̇ассзнд̇о ааха. д̇ад̇т̇а суг̇г̇ахид̇аад̇и ад̇т̇ан̃жа б̣яан̃ж̇анан̃жа барисод̇хзд̇ваа судту уг̇г̇ахид̇аа. самад̇д̇аа барияаабуд̇аад̇и бад̣̇аб̣яан̃ж̇анаани ахаабзд̇ваа барибун̣н̣ам̣ уг̇г̇ахид̇аа. ад̇т̇амби баал̣имби висам̣ваад̣̇зд̇ваа саб̣б̣асо ваа бана аббаг̇ун̣ам̣ гад̇ваа бхан̣анд̇асса хи барид̇д̇ам̣ д̇зж̇аванд̇ам̣ на ход̇и, саб̣б̣асо баг̇ун̣ам̣ гад̇ваа бхан̣анд̇ассзва д̇зж̇аванд̇ам̣ ход̇и. лаабхахзд̇у уг̇г̇ахзд̇ваа бхан̣анд̇ассааби ад̇т̇ам̣ на саад̇хзд̇и, ниссаран̣абагкз тад̇ваа мзд̇д̇ам̣ бурзжааригам̣ гад̇ваа бхан̣анд̇ассзва ад̇т̇ааяа ход̇ийд̇и д̣̇ассзд̇и. яагкабажаарод̇и яагкабарижаараго.
282.Yassa kassacīti idaṃ vessavaṇo āṭānāṭiyaṃ rakkhaṃ niṭṭhapetvā tassā parikammaṃ dassento āha. Tattha suggahitāti atthañca byañjanañca parisodhetvā suṭṭhu uggahitā. Samattā pariyāputāti padabyañjanāni ahāpetvā paripuṇṇaṃ uggahitā. Atthampi pāḷimpi visaṃvādetvā sabbaso vā pana appaguṇaṃ katvā bhaṇantassa hi parittaṃ tejavantaṃ na hoti, sabbaso paguṇaṃ katvā bhaṇantasseva tejavantaṃ hoti. Lābhahetu uggahetvā bhaṇantassāpi atthaṃ na sādheti, nissaraṇapakkhe ṭhatvā mettaṃ purecārikaṃ katvā bhaṇantasseva atthāya hotīti dasseti. Yakkhapacāroti yakkhaparicārako.
вад̇т̇ум̣ ваад̇и гхаравад̇т̇ум̣ ваа. ваасам̣ ваад̇и д̇ад̇т̇а ниб̣ад̣̇д̇хаваасам̣ ваа. самид̇инд̇и самааг̇амам̣. анааваяханд̇и на ааваахаяуд̇д̇ам̣. авиваяханд̇и на виваахаяуд̇д̇ам̣. д̇зна саха ааваахавиваахам̣ на гарзяяунд̇и ад̇т̇о. ад̇д̇аахиби барибун̣н̣аахийд̇и ‘‘гал̣аарагки гал̣аарад̣̇анд̇аа’’д̇и звам̣ зд̇зсам̣ ад̇д̇абхаавам̣ убанзд̇ваа вуд̇д̇аахи барибун̣н̣аб̣яан̃ж̇анаахи барибхаасаахи барибхаасзяяум̣ яагкааггосзхи наама аггосзяяунд̇и ад̇т̇о. рид̇д̇амбисса бад̇д̇анд̇и бхигкуунам̣ бад̇д̇асад̣̇исамзва лохабад̇д̇ам̣ ход̇и. д̇ам̣ сийсз ниггуж̇ж̇ид̇ам̣ яаава г̇алаваадагаа бхассад̇и. ат̇а нам̣ маж̇жхз аяокийлзна аагодзнд̇и.
Vatthuṃ vāti gharavatthuṃ vā. Vāsaṃ vāti tattha nibaddhavāsaṃ vā. Samitinti samāgamaṃ. Anāvayhanti na āvāhayuttaṃ. Avivayhanti na vivāhayuttaṃ. Tena saha āvāhavivāhaṃ na kareyyunti attho. Attāhipi paripuṇṇāhīti ‘‘kaḷārakkhi kaḷāradantā’’ti evaṃ etesaṃ attabhāvaṃ upanetvā vuttāhi paripuṇṇabyañjanāhi paribhāsāhi paribhāseyyuṃ yakkhaakkosehi nāma akkoseyyunti attho. Rittampissa pattanti bhikkhūnaṃ pattasadisameva lohapattaṃ hoti. Taṃ sīse nikkujjitaṃ yāva galavāṭakā bhassati. Atha naṃ majjhe ayokhīlena ākoṭenti.
жан̣д̣аад̇и год̇ханаа. руд̣̇д̇хаад̇и вируд̣̇д̇хаа. рабхасаад̇и гаран̣уд̇д̇арияаа. нзва махаарааж̇аанам̣ аад̣̇ияанд̇ийд̇и важанам̣ на г̇ан̣ханд̇и, аан̣ам̣ на гаронд̇и. махаарааж̇аанам̣ бурисагаананд̇и адтавийсад̇ияагкасзнаабад̇ийнам̣. бурисагаананд̇и яагкасзнаабад̇ийнам̣ яз манассаа д̇зсам̣. аваруд̣̇д̇хаа наамаад̇и бажжаамид̇д̇аа взрино. уж̇жхаабзд̇аб̣б̣анд̇и барид̇д̇ам̣ вад̇ваа амануссз бадиггамаабзд̇ум̣ асаггонд̇зна зд̇зсам̣ яагкаанам̣ уж̇жхаабзд̇аб̣б̣ам̣, зд̇з ж̇аанаабзд̇аб̣б̣аад̇и ад̇т̇о.
Caṇḍāti kodhanā. Ruddhāti viruddhā. Rabhasāti karaṇuttariyā. Neva mahārājānaṃ ādiyantīti vacanaṃ na gaṇhanti, āṇaṃ na karonti. Mahārājānaṃ purisakānanti aṭṭhavīsatiyakkhasenāpatīnaṃ. Purisakānanti yakkhasenāpatīnaṃ ye manassā tesaṃ. Avaruddhā nāmāti paccāmittā verino. Ujjhāpetabbanti parittaṃ vatvā amanusse paṭikkamāpetuṃ asakkontena etesaṃ yakkhānaṃ ujjhāpetabbaṃ, ete jānāpetabbāti attho.
барид̇д̇абаригаммагат̇аа
Parittaparikammakathā
ид̇ха бана тад̇ваа барид̇д̇асса баригаммам̣ гат̇зд̇аб̣б̣ам̣. батамамзва хи аадаанаадияасуд̇д̇ам̣ на бхан̣ид̇аб̣б̣ам̣, мзд̇д̇асуд̇д̇ам̣ д̇хаж̇аг̇г̇асуд̇д̇ам̣ рад̇анасуд̇д̇анд̇и имаани сад̇д̇аахам̣ бхан̣ид̇аб̣б̣аани. сажз мун̃жад̇и, сунд̣̇арам̣. но жз мун̃жад̇и, аадаанаадияасуд̇д̇ам̣ бхан̣ид̇аб̣б̣ам̣, д̇ам̣ бхан̣анд̇зна бхигкунаа бидтам̣ ваа мам̣сам̣ ваа на каад̣̇ид̇аб̣б̣ам̣, сусаанз на васид̇аб̣б̣ам̣. гасмаа? амануссаа огаасам̣ лабханд̇и. барид̇д̇агаран̣адтаанам̣ харид̇убалид̇д̇ам̣ гаарзд̇ваа д̇ад̇т̇а барисуд̣̇д̇хам̣ аасанам̣ бан̃н̃абзд̇ваа нисийд̣̇ид̇аб̣б̣ам̣.
Idha pana ṭhatvā parittassa parikammaṃ kathetabbaṃ. Paṭhamameva hi āṭānāṭiyasuttaṃ na bhaṇitabbaṃ, mettasuttaṃ dhajaggasuttaṃ ratanasuttanti imāni sattāhaṃ bhaṇitabbāni. Sace muñcati, sundaraṃ. No ce muñcati, āṭānāṭiyasuttaṃ bhaṇitabbaṃ, taṃ bhaṇantena bhikkhunā piṭṭhaṃ vā maṃsaṃ vā na khāditabbaṃ, susāne na vasitabbaṃ. Kasmā? Amanussā okāsaṃ labhanti. Parittakaraṇaṭṭhānaṃ haritupalittaṃ kāretvā tattha parisuddhaṃ āsanaṃ paññapetvā nisīditabbaṃ.
барид̇д̇агаараго бхигку вихаарад̇о гхарам̣ нзнд̇зхи палагаавуд̇хзхи бариваарзд̇ваа нзд̇аб̣б̣о. аб̣бхогаасз нисийд̣̇ид̇ваа на вад̇д̇аб̣б̣ам̣, д̣̇ваараваад̇абаанаани бид̣̇ахид̇ваа нисиннзна аавуд̇хахад̇т̇зхи сам̣бариваарид̇зна мзд̇д̇ажид̇д̇ам̣ бурзжааригам̣ гад̇ваа вад̇д̇аб̣б̣ам̣. батамам̣ сигкаабад̣̇аани г̇аахаабзд̇ваа сийлз бад̇идтид̇асса барид̇д̇ам̣ гаад̇аб̣б̣ам̣. звамби можзд̇ум̣ асаггонд̇зна вихаарам̣ аанзд̇ваа жзд̇ияан̇г̇ан̣з нибаж̇ж̇аабзд̇ваа аасанабууж̇ам̣ гаарзд̇ваа д̣̇ийбз ж̇аалаабзд̇ваа жзд̇ияан̇г̇ан̣ам̣ саммаж̇ж̇ид̇ваа ман̇г̇алагат̇аа вад̇д̇аб̣б̣аа. саб̣б̣асаннибаад̇о гхосзд̇аб̣б̣о. вихаарасса убаванз ж̇здтагаругко наама ход̇и, д̇ад̇т̇а бхигкусан̇гхо д̇умхаагам̣ ааг̇аманам̣ бадимаанзд̇ийд̇и бахин̣ид̇аб̣б̣ам̣. саб̣б̣асаннибаад̇адтаанз анааг̇анд̇ум̣ наама на лаб̣бхад̇и. д̇ад̇о амануссаг̇ахид̇аго ‘‘д̇вам̣ го наамаа’’д̇и бужчид̇аб̣б̣о. наамз гат̇ид̇з наамзнзва аалабид̇аб̣б̣о. ид̇т̇аннаама д̇уяхам̣ маалааг̇анд̇хаад̣̇ийсу бад̇д̇и аасанабууж̇ааяа бад̇д̇и бин̣д̣абаад̇з бад̇д̇и, бхигкусан̇гхзна д̇уяхам̣ бан̣н̣аагаарад̇т̇ааяа махааман̇г̇алагат̇аа вуд̇д̇аа, бхигкусан̇гхз г̇ааравзна зд̇ам̣ мун̃жаахийд̇и можзд̇аб̣б̣о. сажз на мун̃жад̇и, д̣̇звад̇аанам̣ аарожзд̇аб̣б̣ам̣ ‘‘д̇умхз ж̇аанаат̇а, аяам̣ амануссо амхаагам̣ важанам̣ на гарод̇и, маяам̣ б̣уд̣̇д̇хааан̣ам̣ гариссаамаа’’д̇и барид̇д̇ам̣ гаад̇аб̣б̣ам̣. зд̇ам̣ д̇аава г̇ихийнам̣ баригаммам̣. сажз бана бхигку амануссзна г̇ахид̇о ход̇и, аасанаани д̇ховид̇ваа саб̣б̣асаннибаад̇ам̣ гхосаабзд̇ваа г̇анд̇хамаалаад̣̇ийсу бад̇д̇им̣ д̣̇ад̇ваа барид̇д̇ам̣ бхан̣ид̇аб̣б̣ам̣. ид̣̇ам̣ бхигкуунам̣ баригаммам̣.
Parittakārako bhikkhu vihārato gharaṃ nentehi phalakāvudhehi parivāretvā netabbo. Abbhokāse nisīditvā na vattabbaṃ, dvāravātapānāni pidahitvā nisinnena āvudhahatthehi saṃparivāritena mettacittaṃ purecārikaṃ katvā vattabbaṃ. Paṭhamaṃ sikkhāpadāni gāhāpetvā sīle patiṭṭhitassa parittaṃ kātabbaṃ. Evampi mocetuṃ asakkontena vihāraṃ ānetvā cetiyaṅgaṇe nipajjāpetvā āsanapūjaṃ kāretvā dīpe jālāpetvā cetiyaṅgaṇaṃ sammajjitvā maṅgalakathā vattabbā. Sabbasannipāto ghosetabbo. Vihārassa upavane jeṭṭhakarukkho nāma hoti, tattha bhikkhusaṅgho tumhākaṃ āgamanaṃ paṭimānetīti pahiṇitabbaṃ. Sabbasannipātaṭṭhāne anāgantuṃ nāma na labbhati. Tato amanussagahitako ‘‘tvaṃ ko nāmā’’ti pucchitabbo. Nāme kathite nāmeneva ālapitabbo. Itthannāma tuyhaṃ mālāgandhādīsu patti āsanapūjāya patti piṇḍapāte patti, bhikkhusaṅghena tuyhaṃ paṇṇākāratthāya mahāmaṅgalakathā vuttā, bhikkhusaṅghe gāravena etaṃ muñcāhīti mocetabbo. Sace na muñcati, devatānaṃ ārocetabbaṃ ‘‘tumhe jānātha, ayaṃ amanusso amhākaṃ vacanaṃ na karoti, mayaṃ buddhaāṇaṃ karissāmā’’ti parittaṃ kātabbaṃ. Etaṃ tāva gihīnaṃ parikammaṃ. Sace pana bhikkhu amanussena gahito hoti, āsanāni dhovitvā sabbasannipātaṃ ghosāpetvā gandhamālādīsu pattiṃ datvā parittaṃ bhaṇitabbaṃ. Idaṃ bhikkhūnaṃ parikammaṃ.
вигганд̣̇ид̇аб̣б̣анд̇и саб̣б̣асаннибаад̇ам̣ гхосаабзд̇ваа адтавийсад̇и яагкасзнаабад̇аяо ганд̣̇ид̇аб̣б̣аа. виравид̇аб̣б̣анд̇и ‘‘аяам̣ яагко г̇ан̣хаад̇ий’’д̇иаад̣̇ийни бхан̣анд̇зна д̇зхи сад̣̇д̇хим̣ гат̇зд̇аб̣б̣ам̣. д̇ад̇т̇а г̇ан̣хаад̇ийд̇и сарийрз ад̇химужжад̇и. аависад̇ийд̇и д̇ассзва взважанам̣. ат̇а ваа лаг̇г̇ад̇и на абзд̇ийд̇и вуд̇д̇ам̣ ход̇и. хзтзд̇ийд̇и уббаннам̣ рог̇ам̣ вад̣дхзнд̇о б̣аад̇хад̇и. вихзтзд̇ийд̇и д̇ассзва взважанам̣. хим̣сад̇ийд̇и аббамам̣салохид̇ам̣ гаронд̇о д̣̇угкаабзд̇и. вихим̣сад̇ийд̇и д̇ассзва взважанам̣. на мун̃жад̇ийд̇и аббамаад̣̇аг̇аахо худ̇ваа мун̃жид̇ум̣ на ижчад̇и, звам̣ зд̇зсам̣ виравид̇аб̣б̣ам̣.
Vikkanditabbanti sabbasannipātaṃ ghosāpetvā aṭṭhavīsati yakkhasenāpatayo kanditabbā. Viravitabbanti ‘‘ayaṃ yakkho gaṇhātī’’tiādīni bhaṇantena tehi saddhiṃ kathetabbaṃ. Tattha gaṇhātīti sarīre adhimuccati. Āvisatīti tasseva vevacanaṃ. Atha vā laggati na apetīti vuttaṃ hoti. Heṭhetīti uppannaṃ rogaṃ vaḍḍhento bādhati. Viheṭhetīti tasseva vevacanaṃ. Hiṃsatīti appamaṃsalohitaṃ karonto dukkhāpeti. Vihiṃsatīti tasseva vevacanaṃ. Na muñcatīti appamādagāho hutvā muñcituṃ na icchati, evaṃ etesaṃ viravitabbaṃ.
283. ид̣̇аани язсам̣ звам̣ виравид̇аб̣б̣ам̣, д̇з д̣̇ассзд̇ум̣ гад̇амзсам̣ яагкаананд̇иаад̣̇имааха. д̇ад̇т̇а инд̣̇о сомод̇иаад̣̇ийни д̇зсам̣ наамаани. д̇зсу взссаамид̇д̇од̇и взссаамид̇д̇абаб̣б̣ад̇аваасий зго яагко. яуг̇анд̇хароби яуг̇анд̇харабаб̣б̣ад̇аваасийязва. хири нзд̇д̇и жа манд̣̇ияод̇и хири жа нзд̇д̇и жа манд̣̇ияо жа. ман̣и маан̣и варо д̣̇ийгход̇и ман̣и жа маан̣и жа варо жа д̣̇ийгхо жа. ат̇о сзрийсаго сахаад̇и д̇зхи саха ан̃н̃о сзрийсаго наама. ‘‘имзсам̣ яагкаанам̣…бз… уж̇жхаабзд̇аб̣б̣а’’нд̇и аяам̣ яагко имам̣ хзтзд̇и вихзтзд̇и на мун̃жад̇ийд̇и звам̣ зд̇зсам̣ яагкасзнаабад̇ийнам̣ аарожзд̇аб̣б̣ам̣. д̇ад̇о д̇з бхигкусан̇гхо ад̇д̇ано д̇хаммааан̣ам̣ гарод̇и, маяамби амхаагам̣ яагкарааж̇ааан̣ам̣ гаромаад̇и уссуггам̣ гариссанд̇и. звам̣ амануссаанам̣ огаасо на бхависсад̇и, б̣уд̣̇д̇хасаавагаанам̣ паасувихааро жа бхависсад̇ийд̇и д̣̇ассзнд̇о ‘‘аяам̣ ко саа, маариса, аадаанаадияаа рагкаа’’д̇иаад̣̇имааха. д̇ам̣ саб̣б̣ам̣, д̇ад̇о баран̃жа уд̇д̇аанад̇т̇амзваад̇и.
283. Idāni yesaṃ evaṃ viravitabbaṃ, te dassetuṃ katamesaṃ yakkhānantiādimāha. Tattha indo somotiādīni tesaṃ nāmāni. Tesu vessāmittoti vessāmittapabbatavāsī eko yakkho. Yugandharopi yugandharapabbatavāsīyeva. Hiri netti ca mandiyoti hiri ca netti ca mandiyo ca. Maṇi māṇi varo dīghoti maṇi ca māṇi ca varo ca dīgho ca. Atho serīsako sahāti tehi saha añño serīsako nāma. ‘‘Imesaṃ yakkhānaṃ…pe… ujjhāpetabba’’nti ayaṃ yakkho imaṃ heṭheti viheṭheti na muñcatīti evaṃ etesaṃ yakkhasenāpatīnaṃ ārocetabbaṃ. Tato te bhikkhusaṅgho attano dhammaāṇaṃ karoti, mayampi amhākaṃ yakkharājaāṇaṃ karomāti ussukkaṃ karissanti. Evaṃ amanussānaṃ okāso na bhavissati, buddhasāvakānaṃ phāsuvihāro ca bhavissatīti dassento ‘‘ayaṃ kho sā, mārisa, āṭānāṭiyā rakkhā’’tiādimāha. Taṃ sabbaṃ, tato parañca uttānatthamevāti.
суман̇г̇алавилаасинияаа д̣̇ийгханигааяадтагат̇ааяа
Sumaṅgalavilāsiniyā dīghanikāyaṭṭhakathāya
аадаанаадияасуд̇д̇аван̣н̣анаа нидтид̇аа.
Āṭānāṭiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 9. аадаанаадияасуд̇д̇ам̣ • 9. Āṭānāṭiyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 9. аадаанаадияасуд̇д̇аван̣н̣анаа • 9. Āṭānāṭiyasuttavaṇṇanā
