| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
7. аад̇аабийсуд̇д̇аван̣н̣анаа
7. Ātāpīsuttavaṇṇanā
34. сад̇д̇амз анаад̇аабийд̇и гилзсаанам̣ аад̇аабанадтзна аад̇аабо, вийрияам̣, со зд̇асса ад̇т̇ийд̇и аад̇аабий, на аад̇аабий анаад̇аабий, саммаббад̇хаанавирахид̇о гусийд̇од̇и вуд̇д̇ам̣ ход̇и. од̇д̇аабо вужжад̇и баабуд̇раасо, со зд̇асса ад̇т̇ийд̇и од̇д̇аабий, на од̇д̇аабий анод̇д̇аабий, од̇д̇аабарахид̇о. ат̇а ваа аад̇аабаббадибагко анаад̇аабо, госаж̇ж̇ам̣ со асса ад̇т̇ийд̇и анаад̇аабий. яам̣ ‘‘на од̇д̇абад̇и од̇д̇аббид̇аб̣б̣зна, на од̇д̇абад̇и баабагаанам̣ агусалаанам̣ д̇хаммаанам̣ самаабад̇д̇ияаа’’д̇и звам̣ вуд̇д̇ам̣, д̇ам̣ анод̇д̇аббам̣ анод̇д̇аабо. со асса ад̇т̇ийд̇и анод̇д̇аабийд̇и звамзд̇т̇а ад̇т̇о взд̣̇ид̇аб̣б̣о.
34. Sattame anātāpīti kilesānaṃ ātāpanaṭṭhena ātāpo, vīriyaṃ, so etassa atthīti ātāpī, na ātāpī anātāpī, sammappadhānavirahito kusītoti vuttaṃ hoti. Ottāpo vuccati pāputrāso, so etassa atthīti ottāpī, na ottāpī anottāpī, ottāparahito. Atha vā ātāpappaṭipakkho anātāpo, kosajjaṃ so assa atthīti anātāpī. Yaṃ ‘‘na ottapati ottappitabbena, na ottapati pāpakānaṃ akusalānaṃ dhammānaṃ samāpattiyā’’ti evaṃ vuttaṃ, taṃ anottappaṃ anottāpo. So assa atthīti anottāpīti evamettha attho veditabbo.
абхаб̣б̣од̇и анарахо. самб̣од̇хааяаад̇и арияамаг̇г̇ад̇т̇ааяа. ниб̣б̣аанааяаад̇и гилзсаанам̣ ажжанд̇авуубасамааяа амад̇амахааниб̣б̣аанааяа. ануд̇д̇арасса яог̇агкзмассаад̇и арахад̇д̇апаласса. д̇ан̃хи уд̇д̇арид̇арасса абхаавад̇о ануд̇д̇арам̣, жад̇уухи яог̇зхи анубад̣̇д̣̇уд̇ад̇д̇аа кзмам̣ ниб̣бхаяанд̇и яог̇агкзманд̇и жа вужжад̇и. ад̇хиг̇амааяаад̇и бад̇д̇ияаа. аад̇аабийд̇и вийрияаваа. со хи ‘‘аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсуу’’д̇и (д̣̇ий. ни. 3.345) звам̣ вуд̇д̇зна вийрияаарамбхзна саманнааг̇ад̇о гилзсаанам̣ ажжанд̇амзва аад̇аабанасийлод̇и аад̇аабий. од̇д̇аабийд̇и ‘‘яам̣ од̇д̇абад̇и од̇д̇аббид̇аб̣б̣зна, од̇д̇абад̇и баабагаанам̣ агусалаанам̣ д̇хаммаанам̣ самаабад̇д̇ияаа’’д̇и (д̇ха. са. 31) звам̣ вуд̇д̇зна од̇д̇аббзна саманнааг̇ад̇ад̇д̇аа од̇д̇абанасийлод̇и од̇д̇аббий. аяан̃хи од̇д̇аабийд̇и вуд̇д̇о. д̇ад̣̇авинаабхаавад̇о хирияаа жа саманнааг̇ад̇о зва ход̇ийд̇и хирод̇д̇аббасамбанно ан̣умад̇д̇зби важ̇ж̇з бхаяад̣̇ассаавий сийлзсу барибуурагаарий ход̇и. ижжасса сийласамбад̣̇аа д̣̇ассид̇аа. аад̇аабийд̇и иминаа наязнасса гилзсабарид̇аабид̇аад̣̇ийбанзна самат̇авибассанаабхааванаануяуд̇д̇ад̇аа д̣̇ассид̇аа. яат̇аавуд̇д̇ан̃жа вийрияам̣ сад̣̇д̇хаасад̇исамаад̇хибан̃н̃аахи винаа на ход̇ийд̇и вимуд̇д̇ибарибаажагаани сад̣̇д̇хаабан̃жамаани инд̣̇рияаани ад̇т̇ад̇о вуд̇д̇аанзва хонд̇и. д̇зсу жа сид̣̇д̇хзсу анижжз анижжасан̃н̃аа, анижжз д̣̇угкасан̃н̃аа, д̣̇угкз анад̇д̇асан̃н̃аа, бахаанасан̃н̃аа, вирааг̇асан̃н̃аа, нирод̇хасан̃н̃аад̇и ча ниб̣б̣зд̇хабхааг̇ияаа сан̃н̃аа сид̣̇д̇хаа зваад̇и. звам̣ имзхи д̣̇вийхи д̇хаммзхи саманнааг̇ад̇асса логияаанам̣ сийласамаад̇хибан̃н̃аанам̣ сиж̇жханад̇о маг̇г̇апаланиб̣б̣аанаад̇хиг̇амасса бхаб̣б̣ад̇ам̣ д̣̇ассзнд̇о ‘‘аад̇аабий жа ко…бз… ад̇хиг̇амааяаа’’д̇и ааха.
Abhabboti anaraho. Sambodhāyāti ariyamaggatthāya. Nibbānāyāti kilesānaṃ accantavūpasamāya amatamahānibbānāya. Anuttarassa yogakkhemassāti arahattaphalassa. Tañhi uttaritarassa abhāvato anuttaraṃ, catūhi yogehi anupaddutattā khemaṃ nibbhayanti yogakkhemanti ca vuccati. Adhigamāyāti pattiyā. Ātāpīti vīriyavā. So hi ‘‘āraddhavīriyo viharati akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesū’’ti (dī. ni. 3.345) evaṃ vuttena vīriyārambhena samannāgato kilesānaṃ accantameva ātāpanasīloti ātāpī. Ottāpīti ‘‘yaṃ ottapati ottappitabbena, ottapati pāpakānaṃ akusalānaṃ dhammānaṃ samāpattiyā’’ti (dha. sa. 31) evaṃ vuttena ottappena samannāgatattā ottapanasīloti ottappī. Ayañhi ottāpīti vutto. Tadavinābhāvato hiriyā ca samannāgato eva hotīti hirottappasampanno aṇumattepi vajje bhayadassāvī sīlesu paripūrakārī hoti. Iccassa sīlasampadā dassitā. Ātāpīti iminā nayenassa kilesaparitāpitādīpanena samathavipassanābhāvanānuyuttatā dassitā. Yathāvuttañca vīriyaṃ saddhāsatisamādhipaññāhi vinā na hotīti vimuttiparipācakāni saddhāpañcamāni indriyāni atthato vuttāneva honti. Tesu ca siddhesu anicce aniccasaññā, anicce dukkhasaññā, dukkhe anattasaññā, pahānasaññā, virāgasaññā, nirodhasaññāti cha nibbedhabhāgiyā saññā siddhā evāti. Evaṃ imehi dvīhi dhammehi samannāgatassa lokiyānaṃ sīlasamādhipaññānaṃ sijjhanato maggaphalanibbānādhigamassa bhabbataṃ dassento ‘‘ātāpī ca kho…pe… adhigamāyā’’ti āha.
г̇аат̇аасу гусийд̇од̇и мижчаавид̇аггаб̣ахулад̇ааяа гаамаб̣яаабаад̣̇авихим̣саавид̇аггасан̇каад̇зхи гужчид̇зхи баабад̇хаммзхи сид̇о самб̣анд̇хо яуд̇д̇од̇и гусийд̇о. гужчид̇ам̣ ваа сийд̣̇ад̇и саммаабадибад̇д̇ид̇о авасийд̣̇ад̇ийд̇и гусийд̇о, д̣̇а-гаарасса д̇а-гаарам̣ гад̇ваа. хийнавийрияод̇и ниб̣б̣ийрияо, жад̇уусуби ирияаабат̇зсу вийрияагаран̣арахид̇о. ануссаахасам̣хананасабхаавасса жид̇д̇ааласияасса т̇инасса, асад̇д̇ивигхаад̇асабхаавасса гааяааласияасса мид̣̇д̇хасса жа абхин̣хаббавад̇д̇ияаа т̇инамид̣̇д̇хаб̣ахуло. баабаж̇иг̇ужчаналагкан̣ааяа хирияаа абхаавзна д̇аббадибагкзна ахиригзна саманнааг̇ад̇ад̇д̇аа жа ахириго. хирод̇д̇аббавийрияаанам̣ абхаавзнзва саммаабадибад̇д̇ияам̣ над̇т̇и зд̇асса аад̣̇арод̇и анаад̣̇аро. убхаяат̇ааби д̇ат̇аа д̇хаммабуг̇г̇алзна д̣̇увид̇хагирияаагаран̣зна анаад̣̇аро. пудтунд̇и пусид̇ум̣. самб̣од̇химуд̇д̇аманд̇и самб̣од̇хисан̇каад̇ам̣ уд̇д̇амам̣ арахад̇д̇ам̣ ад̇хиг̇анд̇ум̣ абхаб̣б̣од̇и ад̇т̇о.
Gāthāsu kusītoti micchāvitakkabahulatāya kāmabyāpādavihiṃsāvitakkasaṅkhātehi kucchitehi pāpadhammehi sito sambandho yuttoti kusīto. Kucchitaṃ vā sīdati sammāpaṭipattito avasīdatīti kusīto, da-kārassa ta-kāraṃ katvā. Hīnavīriyoti nibbīriyo, catūsupi iriyāpathesu vīriyakaraṇarahito. Anussāhasaṃhananasabhāvassa cittālasiyassa thinassa, asattivighātasabhāvassa kāyālasiyassa middhassa ca abhiṇhappavattiyā thinamiddhabahulo. Pāpajigucchanalakkhaṇāya hiriyā abhāvena tappaṭipakkhena ahirikena samannāgatattā ca ahiriko. Hirottappavīriyānaṃ abhāveneva sammāpaṭipattiyaṃ natthi etassa ādaroti anādaro. Ubhayathāpi tathā dhammapuggalena duvidhakiriyākaraṇena anādaro. Phuṭṭhunti phusituṃ. Sambodhimuttamanti sambodhisaṅkhātaṃ uttamaṃ arahattaṃ adhigantuṃ abhabboti attho.
сад̇имаад̇и жирагад̇ажирабхаасид̇аанам̣ ануссаран̣з самад̇т̇асса сад̇инзбаггасса бхаавзна жад̇усад̇ибадтаанаяог̇зна сад̇имаа. нибагод̇и сад̇д̇адтаанияасамбаж̇ан̃н̃асан̇каад̇зна жзва гаммадтаанабарихаран̣абан̃н̃аасан̇каад̇зна жа нзбаггзна саманнааг̇ад̇ад̇д̇аа нибаго. жхааяийд̇и аарамман̣уубаниж̇жхаанзна лагкан̣уубаниж̇жхаанзна жаад̇и д̣̇вийхиби жхаанзхи жхааяий. аббамад̇д̇од̇и ‘‘д̣̇ивасам̣ жан̇гамзна нисаж̇ж̇ааяа ааваран̣иязхи д̇хаммзхи жид̇д̇ам̣ барисод̇хзд̇ий’’д̇иаад̣̇инаа наязна гаммадтаанабхааванааяа аббамад̇д̇о. сам̣яож̇анам̣ ж̇аад̇иж̇арааяа чзд̇ваад̇и ж̇аад̇ияаа жзва ж̇арааяа жа сад̇д̇з сам̣яож̇зд̇ийд̇и сам̣яож̇ананд̇и лад̣̇д̇ханаамам̣ гаамарааг̇аад̣̇игам̣ д̣̇асавид̇хамби гилзсаж̇аад̇ам̣ анусаяасамуг̇гхаад̇авасзна муулад̇о чинд̣̇ид̇ваа. ат̇а ваа сам̣яож̇анам̣ ж̇аад̇иж̇арааяа чзд̇ваад̇и ж̇аад̇иж̇арааяа сам̣яож̇анам̣ чинд̣̇ид̇ваа. яасса хи сам̣яож̇анаани ажчиннаани, д̇асса ж̇аад̇иж̇арааяа ажчзд̣̇о асамуг̇гхаад̇ова. яасса бана д̇аани чиннаани, д̇асса ж̇аад̇иж̇арааби чиннаава гааран̣асса самуг̇гхаад̇ид̇ад̇д̇аа. д̇асмаа сам̣яож̇анам̣ чинд̣̇анд̇о зва ж̇аад̇иж̇арааби чинд̣̇ад̇и. д̇зна вуд̇д̇ам̣ ‘‘сам̣яож̇анам̣ ж̇аад̇иж̇арааяа чзд̇ваа’’д̇и. ид̇хзва самб̣од̇химануд̇д̇арам̣ пусзд̇и имасмим̣язва ад̇д̇абхаавз аг̇г̇амаг̇г̇ам̣ арахад̇д̇ам̣ ваа пусз баабун̣зяяа.
Satimāti cirakatacirabhāsitānaṃ anussaraṇe samatthassa satinepakkassa bhāvena catusatipaṭṭhānayogena satimā. Nipakoti sattaṭṭhāniyasampajaññasaṅkhātena ceva kammaṭṭhānapariharaṇapaññāsaṅkhātena ca nepakkena samannāgatattā nipako. Jhāyīti ārammaṇūpanijjhānena lakkhaṇūpanijjhānena cāti dvīhipi jhānehi jhāyī. Appamattoti ‘‘divasaṃ caṅkamena nisajjāya āvaraṇiyehi dhammehi cittaṃ parisodhetī’’tiādinā nayena kammaṭṭhānabhāvanāya appamatto. Saṃyojanaṃ jātijarāya chetvāti jātiyā ceva jarāya ca satte saṃyojetīti saṃyojananti laddhanāmaṃ kāmarāgādikaṃ dasavidhampi kilesajātaṃ anusayasamugghātavasena mūlato chinditvā. Atha vā saṃyojanaṃ jātijarāya chetvāti jātijarāya saṃyojanaṃ chinditvā. Yassa hi saṃyojanāni acchinnāni, tassa jātijarāya acchedo asamugghātova. Yassa pana tāni chinnāni, tassa jātijarāpi chinnāva kāraṇassa samugghātitattā. Tasmā saṃyojanaṃ chindanto eva jātijarāpi chindati. Tena vuttaṃ ‘‘saṃyojanaṃ jātijarāya chetvā’’ti. Idheva sambodhimanuttaraṃ phuseti imasmiṃyeva attabhāve aggamaggaṃ arahattaṃ vā phuse pāpuṇeyya.
сад̇д̇амасуд̇д̇аван̣н̣анаа нидтид̇аа.
Sattamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 7. аад̇аабийсуд̇д̇ам̣ • 7. Ātāpīsuttaṃ
