| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
10. ஆதப்பகரணீயஸுத்தவண்ணனா
10. Ātappakaraṇīyasuttavaṇṇanā
50. த³ஸமே ஆதப்பங் கரணீயந்தி வீரியங் காதுங் யுத்தங். அனுப்பாதா³யாதி அனுப்பாத³த்தா²ய, அனுப்பாத³ங் ஸாதெ⁴ஸ்ஸாமீதி இமினா காரணேன கத்தப்³ப³ந்தி அத்தோ². பரதோபி ஏஸேவ நயோ. ஸாரீரிகானந்தி ஸரீரஸம்ப⁴வானங். து³க்கா²னந்தி து³க்க²மானங். திப்³பா³னந்தி ப³ஹலானங், தாபனவஸேன வா திப்³பா³னங். க²ரானந்தி ப²ருஸானங். கடுகானந்தி திகி²ணானங். அஸாதானந்தி அமது⁴ரானங். அமனாபானந்தி மனங் வட்³டே⁴துங் அஸமத்தா²னங். பாணஹரானந்தி ஜீவிதஹரானங். அதி⁴வாஸனாயாதி அதி⁴வாஸனத்தா²ய ஸஹனத்தா²ய க²மனத்தா²ய.
50. Dasame ātappaṃ karaṇīyanti vīriyaṃ kātuṃ yuttaṃ. Anuppādāyāti anuppādatthāya, anuppādaṃ sādhessāmīti iminā kāraṇena kattabbanti attho. Paratopi eseva nayo. Sārīrikānanti sarīrasambhavānaṃ. Dukkhānanti dukkhamānaṃ. Tibbānanti bahalānaṃ, tāpanavasena vā tibbānaṃ. Kharānanti pharusānaṃ. Kaṭukānanti tikhiṇānaṃ. Asātānanti amadhurānaṃ. Amanāpānanti manaṃ vaḍḍhetuṃ asamatthānaṃ. Pāṇaharānanti jīvitaharānaṃ. Adhivāsanāyāti adhivāsanatthāya sahanatthāya khamanatthāya.
எத்தகே டா²னே ஸத்தா² ஆணாபெத்வா ஆணத்திங் பவத்தெத்வா இதா³னி ஸமாத³பெந்தோ யதோ கோ², பி⁴க்க²வேதிஆதி³மாஹ. தத்த² யதோதி யதா³. ஆதாபீதி வீரியவா. நிபகோதி ஸப்பஞ்ஞோ. ஸதோதி ஸதியா ஸமன்னாக³தோ. து³க்க²ஸ்ஸ அந்தகிரியாயாதி வட்டது³க்க²ஸ்ஸ பரிச்சே²த³பரிவடுமகிரியாய. இமே ச பன ஆதாபாத³யோ தயோபி லோகியலோகுத்தரமிஸ்ஸகா கதி²தா.
Ettake ṭhāne satthā āṇāpetvā āṇattiṃ pavattetvā idāni samādapento yato kho, bhikkhavetiādimāha. Tattha yatoti yadā. Ātāpīti vīriyavā. Nipakoti sappañño. Satoti satiyā samannāgato. Dukkhassa antakiriyāyāti vaṭṭadukkhassa paricchedaparivaṭumakiriyāya. Ime ca pana ātāpādayo tayopi lokiyalokuttaramissakā kathitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. ஆதப்பகரணீயஸுத்தங் • 10. Ātappakaraṇīyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 10. ஆதப்பகரணீயஸுத்தவண்ணனா • 10. Ātappakaraṇīyasuttavaṇṇanā
