| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. аад̇аббагаран̣ийяасуд̇д̇аван̣н̣анаа
10. Ātappakaraṇīyasuttavaṇṇanā
50. д̣̇асамз аад̇аббам̣ гаран̣ийяанд̇и вийрияам̣ гаад̇ум̣ яуд̇д̇ам̣. ануббаад̣̇ааяаад̇и ануббаад̣̇ад̇т̇ааяа, ануббаад̣̇ам̣ саад̇хзссаамийд̇и иминаа гааран̣зна гад̇д̇аб̣б̣анд̇и ад̇т̇о. барад̇оби зсзва наяо. саарийригаананд̇и сарийрасамбхаваанам̣. д̣̇угкаананд̇и д̣̇угкамаанам̣. д̇иб̣б̣аананд̇и б̣ахалаанам̣, д̇аабанавасзна ваа д̇иб̣б̣аанам̣. караананд̇и парусаанам̣. гадугаананд̇и д̇икин̣аанам̣. асаад̇аананд̇и амад̇хураанам̣. аманаабаананд̇и манам̣ вад̣дхзд̇ум̣ асамад̇т̇аанам̣. баан̣ахараананд̇и ж̇ийвид̇ахараанам̣. ад̇хиваасанааяаад̇и ад̇хиваасанад̇т̇ааяа саханад̇т̇ааяа каманад̇т̇ааяа.
50. Dasame ātappaṃ karaṇīyanti vīriyaṃ kātuṃ yuttaṃ. Anuppādāyāti anuppādatthāya, anuppādaṃ sādhessāmīti iminā kāraṇena kattabbanti attho. Paratopi eseva nayo. Sārīrikānanti sarīrasambhavānaṃ. Dukkhānanti dukkhamānaṃ. Tibbānanti bahalānaṃ, tāpanavasena vā tibbānaṃ. Kharānanti pharusānaṃ. Kaṭukānanti tikhiṇānaṃ. Asātānanti amadhurānaṃ. Amanāpānanti manaṃ vaḍḍhetuṃ asamatthānaṃ. Pāṇaharānanti jīvitaharānaṃ. Adhivāsanāyāti adhivāsanatthāya sahanatthāya khamanatthāya.
зд̇д̇агз таанз сад̇т̇аа аан̣аабзд̇ваа аан̣ад̇д̇им̣ бавад̇д̇зд̇ваа ид̣̇аани самаад̣̇абзнд̇о яад̇о ко, бхигкавзд̇иаад̣̇имааха. д̇ад̇т̇а яад̇од̇и яад̣̇аа. аад̇аабийд̇и вийрияаваа. нибагод̇и саббан̃н̃о. сад̇од̇и сад̇ияаа саманнааг̇ад̇о. д̣̇угкасса анд̇агирияааяаад̇и ваддад̣̇угкасса барижчзд̣̇абаривадумагирияааяа. имз жа бана аад̇аабаад̣̇аяо д̇аяоби логияалогуд̇д̇арамиссагаа гат̇ид̇аа.
Ettake ṭhāne satthā āṇāpetvā āṇattiṃ pavattetvā idāni samādapento yato kho, bhikkhavetiādimāha. Tattha yatoti yadā. Ātāpīti vīriyavā. Nipakoti sappañño. Satoti satiyā samannāgato. Dukkhassa antakiriyāyāti vaṭṭadukkhassa paricchedaparivaṭumakiriyāya. Ime ca pana ātāpādayo tayopi lokiyalokuttaramissakā kathitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. аад̇аббагаран̣ийяасуд̇д̇ам̣ • 10. Ātappakaraṇīyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. аад̇аббагаран̣ийяасуд̇д̇аван̣н̣анаа • 10. Ātappakaraṇīyasuttavaṇṇanā
