| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
१०. आतप्पकरणीयसुत्तवण्णना
10. Ātappakaraṇīyasuttavaṇṇanā
५०. दसमे सरीरसम्भवानन्ति सरीरे सम्भूतानं। दुक्खानन्ति अनिट्ठानं। बहलानन्ति निरन्तरप्पवत्तिया अविरळानं। तापनवसेनाति दुक्खापनवसेन। तिब्बानन्ति कुरूरानं। तासं यथावुत्तानं अधिवासनाय पहातब्बदुक्खवेदनानं पजहनं नाम खमनमेवाति आह ‘‘खमनत्थाया’’ति । आणापेत्वाति ‘‘आतप्पं करणीय’’न्ति बुद्धाणं विधाय। लोकियलोकुत्तरमिस्सका कथिता ससम्भारानं मग्गधम्मानं कथितत्ता।
50. Dasame sarīrasambhavānanti sarīre sambhūtānaṃ. Dukkhānanti aniṭṭhānaṃ. Bahalānanti nirantarappavattiyā aviraḷānaṃ. Tāpanavasenāti dukkhāpanavasena. Tibbānanti kurūrānaṃ. Tāsaṃ yathāvuttānaṃ adhivāsanāya pahātabbadukkhavedanānaṃ pajahanaṃ nāma khamanamevāti āha ‘‘khamanatthāyā’’ti . Āṇāpetvāti ‘‘ātappaṃ karaṇīya’’nti buddhāṇaṃ vidhāya. Lokiyalokuttaramissakā kathitā sasambhārānaṃ maggadhammānaṃ kathitattā.
आतप्पकरणीयसुत्तवण्णना निट्ठिता।
Ātappakaraṇīyasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / १०. आतप्पकरणीयसुत्तं • 10. Ātappakaraṇīyasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / १०. आतप्पकरणीयसुत्तवण्णना • 10. Ātappakaraṇīyasuttavaṇṇanā
