| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๑๐. อาตปฺปกรณียสุตฺตวณฺณนา
10. Ātappakaraṇīyasuttavaṇṇanā
๕๐. ทสเม อาตปฺปํ กรณียนฺติ วีริยํ กาตุํ ยุตฺตํฯ อนุปฺปาทายาติ อนุปฺปาทตฺถาย, อนุปฺปาทํ สาเธสฺสามีติ อิมินา การเณน กตฺตพฺพนฺติ อโตฺถฯ ปรโตปิ เอเสว นโยฯ สารีริกานนฺติ สรีรสมฺภวานํฯ ทุกฺขานนฺติ ทุกฺขมานํฯ ติพฺพานนฺติ พหลานํ, ตาปนวเสน วา ติพฺพานํฯ ขรานนฺติ ผรุสานํฯ กฎุกานนฺติ ติขิณานํฯ อสาตานนฺติ อมธุรานํฯ อมนาปานนฺติ มนํ วเฑฺฒตุํ อสมตฺถานํฯ ปาณหรานนฺติ ชีวิตหรานํฯ อธิวาสนายาติ อธิวาสนตฺถาย สหนตฺถาย ขมนตฺถายฯ
50. Dasame ātappaṃ karaṇīyanti vīriyaṃ kātuṃ yuttaṃ. Anuppādāyāti anuppādatthāya, anuppādaṃ sādhessāmīti iminā kāraṇena kattabbanti attho. Paratopi eseva nayo. Sārīrikānanti sarīrasambhavānaṃ. Dukkhānanti dukkhamānaṃ. Tibbānanti bahalānaṃ, tāpanavasena vā tibbānaṃ. Kharānanti pharusānaṃ. Kaṭukānanti tikhiṇānaṃ. Asātānanti amadhurānaṃ. Amanāpānanti manaṃ vaḍḍhetuṃ asamatthānaṃ. Pāṇaharānanti jīvitaharānaṃ. Adhivāsanāyāti adhivāsanatthāya sahanatthāya khamanatthāya.
เอตฺตเก ฐาเน สตฺถา อาณาเปตฺวา อาณตฺติํ ปวเตฺตตฺวา อิทานิ สมาทเปโนฺต ยโต โข, ภิกฺขเวติอาทิมาหฯ ตตฺถ ยโตติ ยทาฯ อาตาปีติ วีริยวาฯ นิปโกติ สปฺปโญฺญฯ สโตติ สติยา สมนฺนาคโตฯ ทุกฺขสฺส อนฺตกิริยายาติ วฎฺฎทุกฺขสฺส ปริเจฺฉทปริวฎุมกิริยายฯ อิเม จ ปน อาตาปาทโย ตโยปิ โลกิยโลกุตฺตรมิสฺสกา กถิตาฯ
Ettake ṭhāne satthā āṇāpetvā āṇattiṃ pavattetvā idāni samādapento yato kho, bhikkhavetiādimāha. Tattha yatoti yadā. Ātāpīti vīriyavā. Nipakoti sappañño. Satoti satiyā samannāgato. Dukkhassa antakiriyāyāti vaṭṭadukkhassa paricchedaparivaṭumakiriyāya. Ime ca pana ātāpādayo tayopi lokiyalokuttaramissakā kathitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑๐. อาตปฺปกรณียสุตฺตํ • 10. Ātappakaraṇīyasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑๐. อาตปฺปกรณียสุตฺตวณฺณนา • 10. Ātappakaraṇīyasuttavaṇṇanā
