| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༡༠. ཨཱཏཔྤཀརཎཱིཡསུཏྟཝཎྞནཱ
10. Ātappakaraṇīyasuttavaṇṇanā
༥༠. དསམེ ཨཱཏཔྤཾ ཀརཎཱིཡནྟི ཝཱིརིཡཾ ཀཱཏུཾ ཡུཏྟཾ། ཨནུཔྤཱདཱཡཱཏི ཨནུཔྤཱདཏྠཱཡ, ཨནུཔྤཱདཾ སཱདྷེསྶཱམཱིཏི ཨིམིནཱ ཀཱརཎེན ཀཏྟབྦནྟི ཨཏྠོ། པརཏོཔི ཨེསེཝ ནཡོ། སཱརཱིརིཀཱནནྟི སརཱིརསམྦྷཝཱནཾ། དུཀྑཱནནྟི དུཀྑམཱནཾ། ཏིབྦཱནནྟི བཧལཱནཾ, ཏཱཔནཝསེན ཝཱ ཏིབྦཱནཾ། ཁརཱནནྟི ཕརུསཱནཾ། ཀཊུཀཱནནྟི ཏིཁིཎཱནཾ། ཨསཱཏཱནནྟི ཨམདྷུརཱནཾ། ཨམནཱཔཱནནྟི མནཾ ཝཌྜྷེཏུཾ ཨསམཏྠཱནཾ། པཱཎཧརཱནནྟི ཛཱིཝིཏཧརཱནཾ། ཨདྷིཝཱསནཱཡཱཏི ཨདྷིཝཱསནཏྠཱཡ སཧནཏྠཱཡ ཁམནཏྠཱཡ།
50. Dasame ātappaṃ karaṇīyanti vīriyaṃ kātuṃ yuttaṃ. Anuppādāyāti anuppādatthāya, anuppādaṃ sādhessāmīti iminā kāraṇena kattabbanti attho. Paratopi eseva nayo. Sārīrikānanti sarīrasambhavānaṃ. Dukkhānanti dukkhamānaṃ. Tibbānanti bahalānaṃ, tāpanavasena vā tibbānaṃ. Kharānanti pharusānaṃ. Kaṭukānanti tikhiṇānaṃ. Asātānanti amadhurānaṃ. Amanāpānanti manaṃ vaḍḍhetuṃ asamatthānaṃ. Pāṇaharānanti jīvitaharānaṃ. Adhivāsanāyāti adhivāsanatthāya sahanatthāya khamanatthāya.
ཨེཏྟཀེ ཋཱནེ སཏྠཱ ཨཱཎཱཔེཏྭཱ ཨཱཎཏྟིཾ པཝཏྟེཏྭཱ ཨིདཱནི སམཱདཔེནྟོ ཡཏོ ཁོ, བྷིཀྑཝེཏིཨཱདིམཱཧ། ཏཏྠ ཡཏོཏི ཡདཱ། ཨཱཏཱཔཱིཏི ཝཱིརིཡཝཱ། ནིཔཀོཏི སཔྤཉྙོ། སཏོཏི སཏིཡཱ སམནྣཱགཏོ། དུཀྑསྶ ཨནྟཀིརིཡཱཡཱཏི ཝཊྚདུཀྑསྶ པརིཙྪེདཔརིཝཊུམཀིརིཡཱཡ། ཨིམེ ཙ པན ཨཱཏཱཔཱདཡོ ཏཡོཔི ལོཀིཡལོཀུཏྟརམིསྶཀཱ ཀཐིཏཱ།
Ettake ṭhāne satthā āṇāpetvā āṇattiṃ pavattetvā idāni samādapento yato kho, bhikkhavetiādimāha. Tattha yatoti yadā. Ātāpīti vīriyavā. Nipakoti sappañño. Satoti satiyā samannāgato. Dukkhassa antakiriyāyāti vaṭṭadukkhassa paricchedaparivaṭumakiriyāya. Ime ca pana ātāpādayo tayopi lokiyalokuttaramissakā kathitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡༠. ཨཱཏཔྤཀརཎཱིཡསུཏྟཾ • 10. Ātappakaraṇīyasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡༠. ཨཱཏཔྤཀརཎཱིཡསུཏྟཝཎྞནཱ • 10. Ātappakaraṇīyasuttavaṇṇanā
