| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਆਤਪ੍ਪਕਰਣੀਯਸੁਤ੍ਤવਣ੍ਣਨਾ
10. Ātappakaraṇīyasuttavaṇṇanā
੫੦. ਦਸਮੇ ਆਤਪ੍ਪਂ ਕਰਣੀਯਨ੍ਤਿ વੀਰਿਯਂ ਕਾਤੁਂ ਯੁਤ੍ਤਂ। ਅਨੁਪ੍ਪਾਦਾਯਾਤਿ ਅਨੁਪ੍ਪਾਦਤ੍ਥਾਯ, ਅਨੁਪ੍ਪਾਦਂ ਸਾਧੇਸ੍ਸਾਮੀਤਿ ਇਮਿਨਾ ਕਾਰਣੇਨ ਕਤ੍ਤਬ੍ਬਨ੍ਤਿ ਅਤ੍ਥੋ। ਪਰਤੋਪਿ ਏਸੇવ ਨਯੋ। ਸਾਰੀਰਿਕਾਨਨ੍ਤਿ ਸਰੀਰਸਮ੍ਭવਾਨਂ। ਦੁਕ੍ਖਾਨਨ੍ਤਿ ਦੁਕ੍ਖਮਾਨਂ। ਤਿਬ੍ਬਾਨਨ੍ਤਿ ਬਹਲਾਨਂ, ਤਾਪਨવਸੇਨ વਾ ਤਿਬ੍ਬਾਨਂ। ਖਰਾਨਨ੍ਤਿ ਫਰੁਸਾਨਂ। ਕਟੁਕਾਨਨ੍ਤਿ ਤਿਖਿਣਾਨਂ। ਅਸਾਤਾਨਨ੍ਤਿ ਅਮਧੁਰਾਨਂ। ਅਮਨਾਪਾਨਨ੍ਤਿ ਮਨਂ વਡ੍ਢੇਤੁਂ ਅਸਮਤ੍ਥਾਨਂ। ਪਾਣਹਰਾਨਨ੍ਤਿ ਜੀવਿਤਹਰਾਨਂ। ਅਧਿવਾਸਨਾਯਾਤਿ ਅਧਿવਾਸਨਤ੍ਥਾਯ ਸਹਨਤ੍ਥਾਯ ਖਮਨਤ੍ਥਾਯ।
50. Dasame ātappaṃ karaṇīyanti vīriyaṃ kātuṃ yuttaṃ. Anuppādāyāti anuppādatthāya, anuppādaṃ sādhessāmīti iminā kāraṇena kattabbanti attho. Paratopi eseva nayo. Sārīrikānanti sarīrasambhavānaṃ. Dukkhānanti dukkhamānaṃ. Tibbānanti bahalānaṃ, tāpanavasena vā tibbānaṃ. Kharānanti pharusānaṃ. Kaṭukānanti tikhiṇānaṃ. Asātānanti amadhurānaṃ. Amanāpānanti manaṃ vaḍḍhetuṃ asamatthānaṃ. Pāṇaharānanti jīvitaharānaṃ. Adhivāsanāyāti adhivāsanatthāya sahanatthāya khamanatthāya.
ਏਤ੍ਤਕੇ ਠਾਨੇ ਸਤ੍ਥਾ ਆਣਾਪੇਤ੍વਾ ਆਣਤ੍ਤਿਂ ਪવਤ੍ਤੇਤ੍વਾ ਇਦਾਨਿ ਸਮਾਦਪੇਨ੍ਤੋ ਯਤੋ ਖੋ, ਭਿਕ੍ਖવੇਤਿਆਦਿਮਾਹ। ਤਤ੍ਥ ਯਤੋਤਿ ਯਦਾ। ਆਤਾਪੀਤਿ વੀਰਿਯવਾ। ਨਿਪਕੋਤਿ ਸਪ੍ਪਞ੍ਞੋ। ਸਤੋਤਿ ਸਤਿਯਾ ਸਮਨ੍ਨਾਗਤੋ। ਦੁਕ੍ਖਸ੍ਸ ਅਨ੍ਤਕਿਰਿਯਾਯਾਤਿ વਟ੍ਟਦੁਕ੍ਖਸ੍ਸ ਪਰਿਚ੍ਛੇਦਪਰਿવਟੁਮਕਿਰਿਯਾਯ। ਇਮੇ ਚ ਪਨ ਆਤਾਪਾਦਯੋ ਤਯੋਪਿ ਲੋਕਿਯਲੋਕੁਤ੍ਤਰਮਿਸ੍ਸਕਾ ਕਥਿਤਾ।
Ettake ṭhāne satthā āṇāpetvā āṇattiṃ pavattetvā idāni samādapento yato kho, bhikkhavetiādimāha. Tattha yatoti yadā. Ātāpīti vīriyavā. Nipakoti sappañño. Satoti satiyā samannāgato. Dukkhassa antakiriyāyāti vaṭṭadukkhassa paricchedaparivaṭumakiriyāya. Ime ca pana ātāpādayo tayopi lokiyalokuttaramissakā kathitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਆਤਪ੍ਪਕਰਣੀਯਸੁਤ੍ਤਂ • 10. Ātappakaraṇīyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੦. ਆਤਪ੍ਪਕਰਣੀਯਸੁਤ੍ਤવਣ੍ਣਨਾ • 10. Ātappakaraṇīyasuttavaṇṇanā
