| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൧൦. ആതപ്പകരണീയസുത്തവണ്ണനാ
10. Ātappakaraṇīyasuttavaṇṇanā
൫൦. ദസമേ ആതപ്പം കരണീയന്തി വീരിയം കാതും യുത്തം. അനുപ്പാദായാതി അനുപ്പാദത്ഥായ, അനുപ്പാദം സാധേസ്സാമീതി ഇമിനാ കാരണേന കത്തബ്ബന്തി അത്ഥോ. പരതോപി ഏസേവ നയോ. സാരീരികാനന്തി സരീരസമ്ഭവാനം. ദുക്ഖാനന്തി ദുക്ഖമാനം. തിബ്ബാനന്തി ബഹലാനം, താപനവസേന വാ തിബ്ബാനം. ഖരാനന്തി ഫരുസാനം. കടുകാനന്തി തിഖിണാനം. അസാതാനന്തി അമധുരാനം. അമനാപാനന്തി മനം വഡ്ഢേതും അസമത്ഥാനം. പാണഹരാനന്തി ജീവിതഹരാനം. അധിവാസനായാതി അധിവാസനത്ഥായ സഹനത്ഥായ ഖമനത്ഥായ.
50. Dasame ātappaṃ karaṇīyanti vīriyaṃ kātuṃ yuttaṃ. Anuppādāyāti anuppādatthāya, anuppādaṃ sādhessāmīti iminā kāraṇena kattabbanti attho. Paratopi eseva nayo. Sārīrikānanti sarīrasambhavānaṃ. Dukkhānanti dukkhamānaṃ. Tibbānanti bahalānaṃ, tāpanavasena vā tibbānaṃ. Kharānanti pharusānaṃ. Kaṭukānanti tikhiṇānaṃ. Asātānanti amadhurānaṃ. Amanāpānanti manaṃ vaḍḍhetuṃ asamatthānaṃ. Pāṇaharānanti jīvitaharānaṃ. Adhivāsanāyāti adhivāsanatthāya sahanatthāya khamanatthāya.
ഏത്തകേ ഠാനേ സത്ഥാ ആണാപേത്വാ ആണത്തിം പവത്തേത്വാ ഇദാനി സമാദപേന്തോ യതോ ഖോ, ഭിക്ഖവേതിആദിമാഹ. തത്ഥ യതോതി യദാ. ആതാപീതി വീരിയവാ. നിപകോതി സപ്പഞ്ഞോ. സതോതി സതിയാ സമന്നാഗതോ. ദുക്ഖസ്സ അന്തകിരിയായാതി വട്ടദുക്ഖസ്സ പരിച്ഛേദപരിവടുമകിരിയായ. ഇമേ ച പന ആതാപാദയോ തയോപി ലോകിയലോകുത്തരമിസ്സകാ കഥിതാ.
Ettake ṭhāne satthā āṇāpetvā āṇattiṃ pavattetvā idāni samādapento yato kho, bhikkhavetiādimāha. Tattha yatoti yadā. Ātāpīti vīriyavā. Nipakoti sappañño. Satoti satiyā samannāgato. Dukkhassa antakiriyāyāti vaṭṭadukkhassa paricchedaparivaṭumakiriyāya. Ime ca pana ātāpādayo tayopi lokiyalokuttaramissakā kathitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧൦. ആതപ്പകരണീയസുത്തം • 10. Ātappakaraṇīyasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧൦. ആതപ്പകരണീയസുത്തവണ്ണനാ • 10. Ātappakaraṇīyasuttavaṇṇanā
