| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൧൦. ആതപ്പകരണീയസുത്തവണ്ണനാ
10. Ātappakaraṇīyasuttavaṇṇanā
൫൦. ദസമേ സരീരസമ്ഭവാനന്തി സരീരേ സമ്ഭൂതാനം. ദുക്ഖാനന്തി അനിട്ഠാനം. ബഹലാനന്തി നിരന്തരപ്പവത്തിയാ അവിരളാനം. താപനവസേനാതി ദുക്ഖാപനവസേന. തിബ്ബാനന്തി കുരൂരാനം. താസം യഥാവുത്താനം അധിവാസനായ പഹാതബ്ബദുക്ഖവേദനാനം പജഹനം നാമ ഖമനമേവാതി ആഹ ‘‘ഖമനത്ഥായാ’’തി . ആണാപേത്വാതി ‘‘ആതപ്പം കരണീയ’’ന്തി ബുദ്ധാണം വിധായ. ലോകിയലോകുത്തരമിസ്സകാ കഥിതാ സസമ്ഭാരാനം മഗ്ഗധമ്മാനം കഥിതത്താ.
50. Dasame sarīrasambhavānanti sarīre sambhūtānaṃ. Dukkhānanti aniṭṭhānaṃ. Bahalānanti nirantarappavattiyā aviraḷānaṃ. Tāpanavasenāti dukkhāpanavasena. Tibbānanti kurūrānaṃ. Tāsaṃ yathāvuttānaṃ adhivāsanāya pahātabbadukkhavedanānaṃ pajahanaṃ nāma khamanamevāti āha ‘‘khamanatthāyā’’ti . Āṇāpetvāti ‘‘ātappaṃ karaṇīya’’nti buddhāṇaṃ vidhāya. Lokiyalokuttaramissakā kathitā sasambhārānaṃ maggadhammānaṃ kathitattā.
ആതപ്പകരണീയസുത്തവണ്ണനാ നിട്ഠിതാ.
Ātappakaraṇīyasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧൦. ആതപ്പകരണീയസുത്തം • 10. Ātappakaraṇīyasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൧൦. ആതപ്പകരണീയസുത്തവണ്ണനാ • 10. Ātappakaraṇīyasuttavaṇṇanā
