| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
15. чад̇д̇аваг̇г̇о
15. Chattavaggo
1. ад̇ичад̇д̇ияад̇т̇зраабад̣̇аанаван̣н̣анаа
1. Atichattiyattheraapadānavaṇṇanā
бариниб̣б̣уд̇з бхаг̇авад̇ийд̇иаад̣̇игам̣ ааяасмад̇о ад̇ичад̇д̇ияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о ад̇т̇ад̣̇ассисса бхаг̇авад̇о гаалз згасмим̣ гулаг̇зхз ниб̣б̣ад̇д̇о д̇харамаанасса бхаг̇авад̇о ад̣̇идтад̇д̇аа бариниб̣б̣уд̇агаалз ‘‘ахо мама барихааний’’д̇и жинд̇зд̇ваа ‘‘мама ж̇аад̇им̣ сапалам̣ гариссаамий’’д̇и гад̇асаннидтаано чад̇д̇аад̇хичад̇д̇ам̣ гаарзд̇ваа д̇асса бхаг̇авад̇о сарийрад̇хаад̇ум̣ нихид̇ад̇хаад̇уг̇аб̣бхам̣ бууж̇зси. абарабхааг̇з бубпажчад̇д̇ам̣ гаарзд̇ваа д̇амзва д̇хаад̇уг̇аб̣бхам̣ бууж̇зси. со д̇знзва бун̃н̃зна д̣̇звамануссзсу сам̣саранд̇о убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з г̇ахабад̇игулз ниб̣б̣ад̇д̇о вин̃н̃уд̇ам̣ бад̇д̇о сад̇т̇ари басанно баб̣б̣аж̇ид̇ваа гаммадтаанам̣ г̇ахзд̇ваа вааяаманд̇о нажирассзва арахад̇д̇ам̣ баабун̣и.
Parinibbutebhagavatītiādikaṃ āyasmato atichattiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle ekasmiṃ kulagehe nibbatto dharamānassa bhagavato adiṭṭhattā parinibbutakāle ‘‘aho mama parihānī’’ti cintetvā ‘‘mama jātiṃ saphalaṃ karissāmī’’ti katasanniṭṭhāno chattādhichattaṃ kāretvā tassa bhagavato sarīradhātuṃ nihitadhātugabbhaṃ pūjesi. Aparabhāge pupphacchattaṃ kāretvā tameva dhātugabbhaṃ pūjesi. So teneva puññena devamanussesu saṃsaranto ubhayasampattiyo anubhavitvā imasmiṃ buddhuppāde gahapatikule nibbatto viññutaṃ patto satthari pasanno pabbajitvā kammaṭṭhānaṃ gahetvā vāyamanto nacirasseva arahattaṃ pāpuṇi.
1. со ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о бариниб̣б̣уд̇з бхаг̇авад̇ийд̇иаад̣̇имааха. д̇ад̇т̇а чад̇д̇аад̇ичад̇д̇анд̇и чаад̣̇ияад̇и сам̣варияад̇и аад̇абаад̣̇инд̇и чад̇д̇ам̣, чад̇д̇асса ад̇ичад̇д̇ам̣ чад̇д̇асса убари гад̇ачад̇д̇ам̣ чад̇д̇аад̇ичад̇д̇ам̣, чад̇д̇асса убаруубари чад̇д̇анд̇и ад̇т̇о. т̇уубамхи абхиробаяинд̇и т̇уубияад̇и раасигарийяад̇ийд̇и т̇уубо, ат̇а ваа т̇уубад̇и т̇ирабхаавзна вуд̣̇д̇хим̣ вируул̣хим̣ взбуллам̣ аабаж̇ж̇амаано бад̇идтаад̇ийд̇и т̇уубо, д̇асмим̣ т̇уубамхи маяаа гаарид̇ам̣ чад̇д̇ам̣ убаруубари табанавасзна абхи висзсзна ааробаяим̣ бууж̇зсинд̇и ад̇т̇о.
1. So attano pubbakammaṃ saritvā somanassajāto pubbacaritāpadānaṃ pakāsento parinibbute bhagavatītiādimāha. Tattha chattātichattanti chādiyati saṃvariyati ātapādinti chattaṃ, chattassa atichattaṃ chattassa upari katachattaṃ chattātichattaṃ, chattassa uparūpari chattanti attho. Thūpamhi abhiropayinti thūpiyati rāsikarīyatīti thūpo, atha vā thūpati thirabhāvena vuddhiṃ virūḷhiṃ vepullaṃ āpajjamāno patiṭṭhātīti thūpo, tasmiṃ thūpamhi mayā kāritaṃ chattaṃ uparūpari ṭhapanavasena abhi visesena āropayiṃ pūjesinti attho.
2. бубпажчад̣̇анам̣ гад̇ваанаад̇и вигасид̇зхи суг̇анд̇хзхи анзгзхи пубпзхи чад̣̇анам̣ чад̇д̇убари вид̇аанам̣ гад̇ваа бууж̇зсинд̇и ад̇т̇о. сзсам̣ саб̣б̣ад̇т̇а уд̇д̇аанад̇т̇амзваад̇и.
2.Pupphacchadanaṃ katvānāti vikasitehi sugandhehi anekehi phupphehi chadanaṃ chattupari vitānaṃ katvā pūjesinti attho. Sesaṃ sabbattha uttānatthamevāti.
ад̇ичад̇д̇ияад̇т̇зраабад̣̇аанаван̣н̣анаа самад̇д̇аа.
Atichattiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 1. ад̇ичад̇д̇ияад̇т̇зраабад̣̇аанам̣ • 1. Atichattiyattheraapadānaṃ
