| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
3. අතිනිවාසසුත්‌තං
3. Atinivāsasuttaṃ
223. ‘‘පඤ්‌චිමෙ , භික්‌ඛවෙ, ආදීනවා අතිනිවාසෙ. කතමෙ පඤ්‌ච? බහුභණ්‌ඩො හොති බහුභණ්‌ඩසන්‌නිචයො, බහුභෙසජ්‌ජො හොති බහුභෙසජ්‌ජසන්‌නිචයො, බහුකිච්‌චො හොති බහුකරණීයො බ්‍යත්‌තො කිංකරණීයෙසු, සංසට්‌ඨො විහරති ගහට්‌ඨපබ්‌බජිතෙහි අනනුලොමිකෙන ගිහිසංසග්‌ගෙන, තම්‌හා ච ආවාසා පක්‌කමන්‌තො සාපෙක්‌ඛො පක්‌කමති. ඉමෙ ඛො, භික්‌ඛවෙ, පඤ්‌ච ආදීනවා අතිනිවාසෙ.
223. ‘‘Pañcime , bhikkhave, ādīnavā atinivāse. Katame pañca? Bahubhaṇḍo hoti bahubhaṇḍasannicayo, bahubhesajjo hoti bahubhesajjasannicayo, bahukicco hoti bahukaraṇīyo byatto kiṃkaraṇīyesu, saṃsaṭṭho viharati gahaṭṭhapabbajitehi ananulomikena gihisaṃsaggena, tamhā ca āvāsā pakkamanto sāpekkho pakkamati. Ime kho, bhikkhave, pañca ādīnavā atinivāse.
‘‘පඤ්‌චිමෙ, භික්‌ඛවෙ, ආනිසංසා සමවත්‌ථවාසෙ. කතමෙ පඤ්‌ච? න බහුභණ්‌ඩො හොති න බහුභණ්‌ඩසන්‌නිචයො, න බහුභෙසජ්‌ජො හොති න බහුභෙසජ්‌ජසන්‌නිචයො, න බහුකිච්‌චො හොති න බහුකරණීයො න බ්‍යත්‌තො කිංකරණීයෙසු, අසංසට්‌ඨො විහරති ගහට්‌ඨපබ්‌බජිතෙහි අනනුලොමිකෙන ගිහිසංසග්‌ගෙන, තම්‌හා ච ආවාසා පක්‌කමන්‌තො අනපෙක්‌ඛො පක්‌කමති. ඉමෙ ඛො, භික්‌ඛවෙ, පඤ්‌ච ආනිසංසා සමවත්‌ථවාසෙ’’ති. තතියං.
‘‘Pañcime, bhikkhave, ānisaṃsā samavatthavāse. Katame pañca? Na bahubhaṇḍo hoti na bahubhaṇḍasannicayo, na bahubhesajjo hoti na bahubhesajjasannicayo, na bahukicco hoti na bahukaraṇīyo na byatto kiṃkaraṇīyesu, asaṃsaṭṭho viharati gahaṭṭhapabbajitehi ananulomikena gihisaṃsaggena, tamhā ca āvāsā pakkamanto anapekkho pakkamati. Ime kho, bhikkhave, pañca ānisaṃsā samavatthavāse’’ti. Tatiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 3-4. අතිනිවාසසුත්‌තාදිවණ්‌ණනා • 3-4. Atinivāsasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. පඨමදීඝචාරිකසුත්‌තාදිවණ්‌ණනා • 1-10. Paṭhamadīghacārikasuttādivaṇṇanā
