அதிரேகசீவராதி³கதா²

348. அக்³க³ளங் அச்சு²பெய்யந்தி சி²த்³த³ட்டா²னே பிலோதிகக²ண்ட³ங் லக்³கா³பெய்யங். அஹதகப்பானந்தி ஏகவாரங் தோ⁴தானங். உதுத்³த⁴டானந்தி உதுதோ தீ³க⁴காலதோ உத்³த⁴டானங் ஹதவத்த²கானங், பிலோதிகானந்தி வுத்தங் ஹோதி. பாபணிகேதி அந்தராபணதோ பதிதபிலோதிகசீவரே. உஸ்ஸாஹோ கரணீயோதி பரியேஸனா காதப்³பா³. பரிச்சே²தோ³ பனெத்த² நத்தி², பட்டஸதம்பி வட்டதி. ஸப்³ப³மித³ங் ஸாதி³யந்தஸ்ஸ பி⁴க்கு²னோ வஸேன வுத்தங். அக்³க³ளங் துன்னந்தி எத்த² உத்³த⁴ரித்வா அல்லீயாபனக²ண்ட³ங் அக்³க³ளங், ஸுத்தேன ஸங்ஸிப்³பி³தங் துன்னங்; வட்டெத்வா கரணங் ஓவட்டிகங் . கண்டு³ஸகங் வுச்சதி முத்³தி³கா. த³ள்ஹீகம்மந்தி அனுத்³த⁴ரித்வாவ உபஸ்ஸயங் கத்வா அல்லீயாபனகங் வத்த²க²ண்ட³ங்.

349-351. விஸாகா²வத்து² உத்தானத்த²ங். ததோ பரங் புப்³பே³ வினிச்சி²தமேவ. ஸோவக்³கி³கந்தி ஸக்³க³ப்பத்தஹேதுகங். தேனேவாஹ ‘‘ஸோவக்³கி³க’’ந்தி . ஸோகங் அபனேதீதி ஸோகனுத³ங். அனாமயாதி அரோகா³. ஸக்³க³ம்ஹி காயம்ஹீதி ஸக்³கோ³பபன்னா.

353. புது²ஜ்ஜனா காமேஸு வீதராகா³தி ஜா²னலாபி⁴னோ.

356. ஸந்தி³ட்டோ²தி தி³ட்ட²மத்தகமித்தோ. ஸம்ப⁴த்தோதி ஏகஸம்போ⁴கோ³ த³ள்ஹமித்தோ. ஆலபிதோதி ‘‘மம ஸந்தகங் யங் இச்செ²ய்யாஸி, தங் க³ண்ஹாஹீ’’தி ஏவங் வுத்தோ. ஏதேஸு தீஸு அஞ்ஞதரனாமேன ஸத்³தி⁴ங் ஜீவதி, க³ஹிதே அத்தமனோ ஹோதீதி இமேஹி க³ஹிதவிஸ்ஸாஸோ ருஹதி.