| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
২১৮. অতিরেকচীৰরাদিকথা
218. Atirekacīvarādikathā
৩৪৮. অচ্ছুপেয্যন্তি এত্থ অচ্ছি ৰুচ্চতি নেত্তমণ্ডলং, তং ৰিযাতি অচ্ছি ছিদ্দো, তস্মিং উপগন্তব্বং উপনেতব্বন্তি অচ্ছুপেয্যং। ‘‘লগ্গাপেয্য’’ন্তি ইমিনা অধিপ্পাযত্থং দস্সেতি। এত্থাতি পংসুকূলে। সব্বমিদন্তি ‘‘দিগুণং সঙ্ঘাটি’’ন্তিআদিকং সব্বং ইদং ৰচনং। উদ্ধরিত্ৰাতি অপনেত্ৰা। সংসিব্বিতন্তি অঞ্ঞমঞ্ঞং সম্বন্ধিত্ৰা সিব্বিতং।
348.Acchupeyyanti ettha acchi vuccati nettamaṇḍalaṃ, taṃ viyāti acchi chiddo, tasmiṃ upagantabbaṃ upanetabbanti acchupeyyaṃ. ‘‘Laggāpeyya’’nti iminā adhippāyatthaṃ dasseti. Etthāti paṃsukūle. Sabbamidanti ‘‘diguṇaṃ saṅghāṭi’’ntiādikaṃ sabbaṃ idaṃ vacanaṃ. Uddharitvāti apanetvā. Saṃsibbitanti aññamaññaṃ sambandhitvā sibbitaṃ.
৩৫১. সোৰগ্গিকন্তি এত্থ সুন্দরানি অগ্গানি রূপাদীনি এত্থাতি সগ্গো, পুব্বপদে উকারস্স লোপো, উকারস্স উৰাদেসে ‘‘সুৰগ্গো’’তি সিজ্ঝতি। সুৰগ্গপ্পত্তহেতুকং সোৰগ্গিকং, দানং, তমত্থং দস্সেন্তো আহ ‘‘সগ্গপ্পত্তহেতুক’’ন্তি। ‘‘অপনেতী’’তি ইমিনা নুদধাতুযা অপনযনত্থং দস্সেতি। অনামযাতি এত্থ আমযসদ্দো রোগপরিযাযোতি আহ ‘‘অরোগা’’তি। নত্থি আমযো এতিস্সাতি অনামযা।
351.Sovaggikanti ettha sundarāni aggāni rūpādīni etthāti saggo, pubbapade ukārassa lopo, ukārassa uvādese ‘‘suvaggo’’ti sijjhati. Suvaggappattahetukaṃ sovaggikaṃ, dānaṃ, tamatthaṃ dassento āha ‘‘saggappattahetuka’’nti. ‘‘Apanetī’’ti iminā nudadhātuyā apanayanatthaṃ dasseti. Anāmayāti ettha āmayasaddo rogapariyāyoti āha ‘‘arogā’’ti. Natthi āmayo etissāti anāmayā.
৩৫৩. ঝানলাভিনোতি ঝানলাভীনং পুথুজ্জনানং কামচ্ছন্দনীৰরণস্স ৰিক্খম্ভনত্তা ৰুত্তং।
353.Jhānalābhinoti jhānalābhīnaṃ puthujjanānaṃ kāmacchandanīvaraṇassa vikkhambhanattā vuttaṃ.
৩৫৬. সমোধানৰসেন দস্সিযিত্থাতি সন্দিট্ঠো। সমোধানৰসেন ভজিযিত্থাতি সম্ভত্তো। অভিমুখং লপিত্থাতি আলপিতো। ইমেহীতি ইমেহি দ্ৰীহি।
356. Samodhānavasena dassiyitthāti sandiṭṭho. Samodhānavasena bhajiyitthāti sambhatto. Abhimukhaṃ lapitthāti ālapito. Imehīti imehi dvīhi.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
২১৮. অতিরেকচীৰরকথা • 218. Atirekacīvarakathā
২১৯. ৰিসাখাৰত্থু • 219. Visākhāvatthu
২২০. নিসীদনাদিঅনুজাননা • 220. Nisīdanādianujānanā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / অতিরেকচীৰরাদিকথা • Atirekacīvarādikathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
অতিরেকচীৰরাদিকথাৰণ্ণনা • Atirekacīvarādikathāvaṇṇanā
ৰিসাখাৰত্থুকথাৰণ্ণনা • Visākhāvatthukathāvaṇṇanā
নিসীদনাদিঅনুজাননকথাৰণ্ণনা • Nisīdanādianujānanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / নিসীদনাদিঅনুজাননকথাৰণ্ণনা • Nisīdanādianujānanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / চীৰররজনকথাদিৰণ্ণনা • Cīvararajanakathādivaṇṇanā
