| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
ад̇ирзгажийвараад̣̇игат̇аа
Atirekacīvarādikathā
348. аг̇г̇ал̣ам̣ ажчубзяяанд̇и чид̣̇д̣̇адтаанз билод̇игакан̣д̣ам̣ лаг̇г̇аабзяяам̣. ахад̇агаббаананд̇и згаваарам̣ д̇ход̇аанам̣. уд̇уд̣̇д̇хадаананд̇и уд̇уд̇о д̣̇ийгхагаалад̇о уд̣̇д̇хадаанам̣ хад̇авад̇т̇агаанам̣, билод̇игаананд̇и вуд̇д̇ам̣ ход̇и. баабан̣игзд̇и анд̇араабан̣ад̇о бад̇ид̇абилод̇игажийварз. уссаахо гаран̣ийяод̇и бариязсанаа гаад̇аб̣б̣аа. барижчзд̣̇о банзд̇т̇а над̇т̇и, баддасад̇амби ваддад̇и. саб̣б̣амид̣̇ам̣ саад̣̇ияанд̇асса бхигкуно васзна вуд̇д̇ам̣. аг̇г̇ал̣ам̣ д̇уннанд̇и зд̇т̇а уд̣̇д̇харид̇ваа аллийяаабанакан̣д̣ам̣ аг̇г̇ал̣ам̣, суд̇д̇зна сам̣сиб̣б̣ид̇ам̣ д̇уннам̣; ваддзд̇ваа гаран̣ам̣ оваддигам̣ . ган̣д̣усагам̣ вужжад̇и муд̣̇д̣̇игаа. д̣̇ал̣хийгамманд̇и ануд̣̇д̇харид̇ваава убассаяам̣ гад̇ваа аллийяаабанагам̣ вад̇т̇акан̣д̣ам̣.
348.Aggaḷaṃ acchupeyyanti chiddaṭṭhāne pilotikakhaṇḍaṃ laggāpeyyaṃ. Ahatakappānanti ekavāraṃ dhotānaṃ. Utuddhaṭānanti ututo dīghakālato uddhaṭānaṃ hatavatthakānaṃ, pilotikānanti vuttaṃ hoti. Pāpaṇiketi antarāpaṇato patitapilotikacīvare. Ussāho karaṇīyoti pariyesanā kātabbā. Paricchedo panettha natthi, paṭṭasatampi vaṭṭati. Sabbamidaṃ sādiyantassa bhikkhuno vasena vuttaṃ. Aggaḷaṃ tunnanti ettha uddharitvā allīyāpanakhaṇḍaṃ aggaḷaṃ, suttena saṃsibbitaṃ tunnaṃ; vaṭṭetvā karaṇaṃ ovaṭṭikaṃ. Kaṇḍusakaṃ vuccati muddikā. Daḷhīkammanti anuddharitvāva upassayaṃ katvā allīyāpanakaṃ vatthakhaṇḍaṃ.
349-351. висаакаавад̇т̇у уд̇д̇аанад̇т̇ам̣. д̇ад̇о барам̣ буб̣б̣з винижчид̇амзва. соваг̇г̇иганд̇и саг̇г̇аббад̇д̇ахзд̇угам̣. д̇знзвааха ‘‘соваг̇г̇ига’’нд̇и . согам̣ абанзд̇ийд̇и согануд̣̇ам̣. анаамаяаад̇и арог̇аа. саг̇г̇амхи гааяамхийд̇и саг̇г̇обабаннаа.
349-351. Visākhāvatthu uttānatthaṃ. Tato paraṃ pubbe vinicchitameva. Sovaggikanti saggappattahetukaṃ. Tenevāha ‘‘sovaggika’’nti . Sokaṃ apanetīti sokanudaṃ. Anāmayāti arogā. Saggamhi kāyamhīti saggopapannā.
353. бут̇уж̇ж̇анаа гаамзсу вийд̇арааг̇аад̇и жхааналаабхино.
353.Puthujjanā kāmesu vītarāgāti jhānalābhino.
356. санд̣̇идтод̇и д̣̇идтамад̇д̇агамид̇д̇о. самбхад̇д̇од̇и згасамбхог̇о д̣̇ал̣хамид̇д̇о. аалабид̇од̇и ‘‘мама санд̇агам̣ яам̣ ижчзяяааси, д̇ам̣ г̇ан̣хаахий’’д̇и звам̣ вуд̇д̇о. зд̇зсу д̇ийсу ан̃н̃ад̇аранаамзна сад̣̇д̇хим̣ ж̇ийвад̇и, г̇ахид̇з ад̇д̇амано ход̇ийд̇и имзхи г̇ахид̇ависсаасо рухад̇и.
356.Sandiṭṭhoti diṭṭhamattakamitto. Sambhattoti ekasambhogo daḷhamitto. Ālapitoti ‘‘mama santakaṃ yaṃ iccheyyāsi, taṃ gaṇhāhī’’ti evaṃ vutto. Etesu tīsu aññataranāmena saddhiṃ jīvati, gahite attamano hotīti imehi gahitavissāso ruhati.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
218. ад̇ирзгажийварагат̇аа • 218. Atirekacīvarakathā
219. висаакаавад̇т̇у • 219. Visākhāvatthu
220. нисийд̣̇анаад̣̇иануж̇аананаа • 220. Nisīdanādianujānanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
ад̇ирзгажийвараад̣̇игат̇ааван̣н̣анаа • Atirekacīvarādikathāvaṇṇanā
висаакаавад̇т̇угат̇ааван̣н̣анаа • Visākhāvatthukathāvaṇṇanā
нисийд̣̇анаад̣̇иануж̇аананагат̇ааван̣н̣анаа • Nisīdanādianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / нисийд̣̇анаад̣̇иануж̇аананагат̇ааван̣н̣анаа • Nisīdanādianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жийварараж̇анагат̇аад̣̇иван̣н̣анаа • Cīvararajanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 218. ад̇ирзгажийвараад̣̇игат̇аа • 218. Atirekacīvarādikathā
