| Library / Tipiṭaka / ติปิฎก • Tipiṭaka / มหาวคฺค-อฎฺฐกถา • Mahāvagga-aṭṭhakathā |
อติเรกจีวราทิกถา
Atirekacīvarādikathā
๓๔๘. อคฺคฬํ อจฺฉุเปยฺยนฺติ ฉิทฺทฎฺฐาเน ปิโลติกขณฺฑํ ลคฺคาเปยฺยํฯ อหตกปฺปานนฺติ เอกวารํ โธตานํฯ อุตุทฺธฎานนฺติ อุตุโต ทีฆกาลโต อุทฺธฎานํ หตวตฺถกานํ, ปิโลติกานนฺติ วุตฺตํ โหติฯ ปาปณิเกติ อนฺตราปณโต ปติตปิโลติกจีวเรฯ อุสฺสาโห กรณีโยติ ปริเยสนา กาตพฺพาฯ ปริเจฺฉโท ปเนตฺถ นตฺถิ, ปฎฺฎสตมฺปิ วฎฺฎติฯ สพฺพมิทํ สาทิยนฺตสฺส ภิกฺขุโน วเสน วุตฺตํฯ อคฺคฬํ ตุนฺนนฺติ เอตฺถ อุทฺธริตฺวา อลฺลียาปนขณฺฑํ อคฺคฬํ, สุเตฺตน สํสิพฺพิตํ ตุนฺนํ; วเฎฺฎตฺวา กรณํ โอวฎฺฎิกํ ฯ กณฺฑุสกํ วุจฺจติ มุทฺทิกาฯ ทฬฺหีกมฺมนฺติ อนุทฺธริตฺวาว อุปสฺสยํ กตฺวา อลฺลียาปนกํ วตฺถขณฺฑํฯ
348.Aggaḷaṃ acchupeyyanti chiddaṭṭhāne pilotikakhaṇḍaṃ laggāpeyyaṃ. Ahatakappānanti ekavāraṃ dhotānaṃ. Utuddhaṭānanti ututo dīghakālato uddhaṭānaṃ hatavatthakānaṃ, pilotikānanti vuttaṃ hoti. Pāpaṇiketi antarāpaṇato patitapilotikacīvare. Ussāho karaṇīyoti pariyesanā kātabbā. Paricchedo panettha natthi, paṭṭasatampi vaṭṭati. Sabbamidaṃ sādiyantassa bhikkhuno vasena vuttaṃ. Aggaḷaṃ tunnanti ettha uddharitvā allīyāpanakhaṇḍaṃ aggaḷaṃ, suttena saṃsibbitaṃ tunnaṃ; vaṭṭetvā karaṇaṃ ovaṭṭikaṃ. Kaṇḍusakaṃ vuccati muddikā. Daḷhīkammanti anuddharitvāva upassayaṃ katvā allīyāpanakaṃ vatthakhaṇḍaṃ.
๓๔๙-๓๕๑. วิสาขาวตฺถุ อุตฺตานตฺถํฯ ตโต ปรํ ปุเพฺพ วินิจฺฉิตเมวฯ โสวคฺคิกนฺติ สคฺคปฺปตฺตเหตุกํฯ เตเนวาห ‘‘โสวคฺคิก’’นฺติ ฯ โสกํ อปเนตีติ โสกนุทํฯ อนามยาติ อโรคาฯ สคฺคมฺหิ กายมฺหีติ สโคฺคปปนฺนาฯ
349-351. Visākhāvatthu uttānatthaṃ. Tato paraṃ pubbe vinicchitameva. Sovaggikanti saggappattahetukaṃ. Tenevāha ‘‘sovaggika’’nti . Sokaṃ apanetīti sokanudaṃ. Anāmayāti arogā. Saggamhi kāyamhīti saggopapannā.
๓๕๓. ปุถุชฺชนา กาเมสุ วีตราคาติ ฌานลาภิโนฯ
353.Puthujjanā kāmesu vītarāgāti jhānalābhino.
๓๕๖. สนฺทิโฎฺฐติ ทิฎฺฐมตฺตกมิโตฺตฯ สมฺภโตฺตติ เอกสโมฺภโค ทฬฺหมิโตฺตฯ อาลปิโตติ ‘‘มม สนฺตกํ ยํ อิเจฺฉยฺยาสิ, ตํ คณฺหาหี’’ติ เอวํ วุโตฺตฯ เอเตสุ ตีสุ อญฺญตรนาเมน สทฺธิํ ชีวติ, คหิเต อตฺตมโน โหตีติ อิเมหิ คหิตวิสฺสาโส รุหติฯ
356.Sandiṭṭhoti diṭṭhamattakamitto. Sambhattoti ekasambhogo daḷhamitto. Ālapitoti ‘‘mama santakaṃ yaṃ iccheyyāsi, taṃ gaṇhāhī’’ti evaṃ vutto. Etesu tīsu aññataranāmena saddhiṃ jīvati, gahite attamano hotīti imehi gahitavissāso ruhati.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๒๑๘. อติเรกจีวรกถา • 218. Atirekacīvarakathā
๒๑๙. วิสาขาวตฺถุ • 219. Visākhāvatthu
๒๒๐. นิสีทนาทิอนุชานนา • 220. Nisīdanādianujānanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā
อติเรกจีวราทิกถาวณฺณนา • Atirekacīvarādikathāvaṇṇanā
วิสาขาวตฺถุกถาวณฺณนา • Visākhāvatthukathāvaṇṇanā
นิสีทนาทิอนุชานนกถาวณฺณนา • Nisīdanādianujānanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / นิสีทนาทิอนุชานนกถาวณฺณนา • Nisīdanādianujānanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / จีวรรชนกถาทิวณฺณนา • Cīvararajanakathādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๒๑๘. อติเรกจีวราทิกถา • 218. Atirekacīvarādikathā
