| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๒๑๘. อติเรกจีวราทิกถา
218. Atirekacīvarādikathā
๓๔๘. อจฺฉุเปยฺยนฺติ เอตฺถ อจฺฉิ วุจฺจติ เนตฺตมณฺฑลํ, ตํ วิยาติ อจฺฉิ ฉิโทฺท, ตสฺมิํ อุปคนฺตพฺพํ อุปเนตพฺพนฺติ อจฺฉุเปยฺยํฯ ‘‘ลคฺคาเปยฺย’’นฺติ อิมินา อธิปฺปายตฺถํ ทเสฺสติฯ เอตฺถาติ ปํสุกูเลฯ สพฺพมิทนฺติ ‘‘ทิคุณํ สงฺฆาฎิ’’นฺติอาทิกํ สพฺพํ อิทํ วจนํฯ อุทฺธริตฺวาติ อปเนตฺวาฯ สํสิพฺพิตนฺติ อญฺญมญฺญํ สมฺพนฺธิตฺวา สิพฺพิตํฯ
348.Acchupeyyanti ettha acchi vuccati nettamaṇḍalaṃ, taṃ viyāti acchi chiddo, tasmiṃ upagantabbaṃ upanetabbanti acchupeyyaṃ. ‘‘Laggāpeyya’’nti iminā adhippāyatthaṃ dasseti. Etthāti paṃsukūle. Sabbamidanti ‘‘diguṇaṃ saṅghāṭi’’ntiādikaṃ sabbaṃ idaṃ vacanaṃ. Uddharitvāti apanetvā. Saṃsibbitanti aññamaññaṃ sambandhitvā sibbitaṃ.
๓๕๑. โสวคฺคิกนฺติ เอตฺถ สุนฺทรานิ อคฺคานิ รูปาทีนิ เอตฺถาติ สโคฺค, ปุพฺพปเท อุการสฺส โลโป, อุการสฺส อุวาเทเส ‘‘สุวโคฺค’’ติ สิชฺฌติฯ สุวคฺคปฺปตฺตเหตุกํ โสวคฺคิกํ, ทานํ, ตมตฺถํ ทเสฺสโนฺต อาห ‘‘สคฺคปฺปตฺตเหตุก’’นฺติฯ ‘‘อปเนตี’’ติ อิมินา นุทธาตุยา อปนยนตฺถํ ทเสฺสติฯ อนามยาติ เอตฺถ อามยสโทฺท โรคปริยาโยติ อาห ‘‘อโรคา’’ติฯ นตฺถิ อามโย เอติสฺสาติ อนามยาฯ
351.Sovaggikanti ettha sundarāni aggāni rūpādīni etthāti saggo, pubbapade ukārassa lopo, ukārassa uvādese ‘‘suvaggo’’ti sijjhati. Suvaggappattahetukaṃ sovaggikaṃ, dānaṃ, tamatthaṃ dassento āha ‘‘saggappattahetuka’’nti. ‘‘Apanetī’’ti iminā nudadhātuyā apanayanatthaṃ dasseti. Anāmayāti ettha āmayasaddo rogapariyāyoti āha ‘‘arogā’’ti. Natthi āmayo etissāti anāmayā.
๓๕๓. ฌานลาภิโนติ ฌานลาภีนํ ปุถุชฺชนานํ กามจฺฉนฺทนีวรณสฺส วิกฺขมฺภนตฺตา วุตฺตํฯ
353.Jhānalābhinoti jhānalābhīnaṃ puthujjanānaṃ kāmacchandanīvaraṇassa vikkhambhanattā vuttaṃ.
๓๕๖. สโมธานวเสน ทสฺสิยิตฺถาติ สนฺทิโฎฺฐฯ สโมธานวเสน ภชิยิตฺถาติ สมฺภโตฺตฯ อภิมุขํ ลปิตฺถาติ อาลปิโตฯ อิเมหีติ อิเมหิ ทฺวีหิฯ
356. Samodhānavasena dassiyitthāti sandiṭṭho. Samodhānavasena bhajiyitthāti sambhatto. Abhimukhaṃ lapitthāti ālapito. Imehīti imehi dvīhi.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๒๑๘. อติเรกจีวรกถา • 218. Atirekacīvarakathā
๒๑๙. วิสาขาวตฺถุ • 219. Visākhāvatthu
๒๒๐. นิสีทนาทิอนุชานนา • 220. Nisīdanādianujānanā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / อติเรกจีวราทิกถา • Atirekacīvarādikathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā
อติเรกจีวราทิกถาวณฺณนา • Atirekacīvarādikathāvaṇṇanā
วิสาขาวตฺถุกถาวณฺณนา • Visākhāvatthukathāvaṇṇanā
นิสีทนาทิอนุชานนกถาวณฺณนา • Nisīdanādianujānanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / นิสีทนาทิอนุชานนกถาวณฺณนา • Nisīdanādianujānanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / จีวรรชนกถาทิวณฺณนา • Cīvararajanakathādivaṇṇanā
