| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
218. ад̇ирзгажийварагат̇аа
218. Atirekacīvarakathā
347. 1 д̇зна ко бана самаязна чаб̣б̣аг̇г̇ияаа бхигкуу бхаг̇авад̇аа д̇ижийварам̣ анун̃н̃аад̇анд̇и ан̃н̃знзва д̇ижийварзна г̇аамам̣ бависанд̇и, ан̃н̃зна д̇ижийварзна аараамз ажчанд̇и, ан̃н̃зна д̇ижийварзна нахаанам̣ од̇аранд̇и. яз д̇з бхигкуу аббижчаа д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу ад̇ирзгажийварам̣ д̇хаарзссанд̇ий’’д̇и. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, ад̇ирзгажийварам̣ д̇хаарзд̇аб̣б̣ам̣. яо д̇хаарзяяа, яат̇аад̇хаммо гаарзд̇аб̣б̣о’’д̇и.
347.2 Tena kho pana samayena chabbaggiyā bhikkhū bhagavatā ticīvaraṃ anuññātanti aññeneva ticīvarena gāmaṃ pavisanti, aññena ticīvarena ārāme acchanti, aññena ticīvarena nahānaṃ otaranti. Ye te bhikkhū appicchā te ujjhāyanti khiyyanti vipācenti – ‘‘kathañhi nāma chabbaggiyā bhikkhū atirekacīvaraṃ dhāressantī’’ti. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘na, bhikkhave, atirekacīvaraṃ dhāretabbaṃ. Yo dhāreyya, yathādhammo kāretabbo’’ti.
3 д̇зна ко бана самаязна ааяасмад̇о аананд̣̇асса ад̇ирзгажийварам̣ уббаннам̣ ход̇и. ааяасмаа жа аананд̣̇о д̇ам̣ жийварам̣ ааяасмад̇о саарибуд̇д̇асса д̣̇аад̇угаамо ход̇и. ааяасмаа жа саарибуд̇д̇о саагзд̇з вихарад̇и. ат̇а ко ааяасмад̇о аананд̣̇асса зд̇ад̣̇ахоси – ‘‘бхаг̇авад̇аа сигкаабад̣̇ам̣ бан̃н̃ад̇д̇ам̣ ‘на ад̇ирзгажийварам̣ д̇хаарзд̇аб̣б̣а’нд̇и. ид̣̇ан̃жа мз ад̇ирзгажийварам̣ уббаннам̣ . ахан̃жимам̣ жийварам̣ ааяасмад̇о саарибуд̇д̇асса д̣̇аад̇угаамо. ааяасмаа жа саарибуд̇д̇о саагзд̇з вихарад̇и. гат̇ам̣ ну ко маяаа бадибаж̇ж̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзси. ‘‘гийважирам̣ банаананд̣̇а, саарибуд̇д̇о ааг̇ажчиссад̇ий’’д̇и? ‘‘навамам̣ ваа, бхаг̇аваа, д̣̇ивасам̣, д̣̇асамам̣ ваа’’д̇и. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, д̣̇асаахабарамам̣ ад̇ирзгажийварам̣ д̇хаарзд̇у’’нд̇и.
4 Tena kho pana samayena āyasmato ānandassa atirekacīvaraṃ uppannaṃ hoti. Āyasmā ca ānando taṃ cīvaraṃ āyasmato sāriputtassa dātukāmo hoti. Āyasmā ca sāriputto sākete viharati. Atha kho āyasmato ānandassa etadahosi – ‘‘bhagavatā sikkhāpadaṃ paññattaṃ ‘na atirekacīvaraṃ dhāretabba’nti. Idañca me atirekacīvaraṃ uppannaṃ . Ahañcimaṃ cīvaraṃ āyasmato sāriputtassa dātukāmo. Āyasmā ca sāriputto sākete viharati. Kathaṃ nu kho mayā paṭipajjitabba’’nti? Bhagavato etamatthaṃ ārocesi. ‘‘Kīvaciraṃ panānanda, sāriputto āgacchissatī’’ti? ‘‘Navamaṃ vā, bhagavā, divasaṃ, dasamaṃ vā’’ti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, dasāhaparamaṃ atirekacīvaraṃ dhāretu’’nti.
д̇зна ко бана самаязна бхигкуунам̣ ад̇ирзгажийварам̣ уббаннам̣ ход̇и. ат̇а ко бхигкуунам̣ зд̇ад̣̇ахоси – ‘‘гат̇ам̣ ну ко амхзхи ад̇ирзгажийварз бадибаж̇ж̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ад̇ирзгажийварам̣ вигаббзд̇унд̇и.
Tena kho pana samayena bhikkhūnaṃ atirekacīvaraṃ uppannaṃ hoti. Atha kho bhikkhūnaṃ etadahosi – ‘‘kathaṃ nu kho amhehi atirekacīvare paṭipajjitabba’’nti? Bhagavato etamatthaṃ ārocesuṃ. Anujānāmi, bhikkhave, atirekacīvaraṃ vikappetunti.
348. ат̇а ко бхаг̇аваа взсаалияам̣ яат̇аабхиранд̇ам̣ вихарид̇ваа язна б̣аараан̣асий д̇зна жааригам̣ баггаами. анубуб̣б̣зна жааригам̣ жарамаано язна б̣аараан̣асий д̇ад̣̇авасари. д̇ад̇ра суд̣̇ам̣ бхаг̇аваа б̣аараан̣асияам̣ вихарад̇и исибад̇анз миг̇ад̣̇ааяз. д̇зна ко бана самаязна ан̃н̃ад̇арасса бхигкуно анд̇араваасаго чид̣̇д̣̇о ход̇и. ат̇а ко д̇асса бхигкуно зд̇ад̣̇ахоси – ‘‘бхаг̇авад̇аа д̇ижийварам̣ анун̃н̃аад̇ам̣ – д̣̇иг̇ун̣аа сан̇гхаади, згажжияо уд̇д̇араасан̇г̇о , згажжияо анд̇араваасаго. аяан̃жа мз анд̇араваасаго чид̣̇д̣̇о. яам̣нуунаахам̣ аг̇г̇ал̣ам̣ ажчубзяяам̣, саманд̇ад̇о д̣̇убаддам̣ бхависсад̇и, маж̇жхз згажжияа’’нд̇и. ат̇а ко со бхигку аг̇г̇ал̣ам̣ ажчубзси. ад̣̇д̣̇асаа ко бхаг̇аваа сзнаасанажааригам̣ аахин̣д̣анд̇о д̇ам̣ бхигкум̣ аг̇г̇ал̣ам̣ ажчубзнд̇ам̣ 5, д̣̇исваана язна со бхигку д̇знубасан̇гами, убасан̇гамид̇ваа д̇ам̣ бхигкум̣ зд̇ад̣̇авожа – ‘‘гим̣ д̇вам̣, бхигку, гаросий’’д̇и? ‘‘аг̇г̇ал̣ам̣, бхаг̇аваа, ажчубзмий’’д̇и. ‘‘саад̇ху саад̇ху, бхигку; саад̇ху ко д̇вам̣, бхигку, аг̇г̇ал̣ам̣ ажчубзсий’’д̇и . ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, ахад̇аанам̣ д̣̇уссаанам̣ ахад̇агаббаанам̣ д̣̇иг̇ун̣ам̣ сан̇гхаадим̣, згажжияам̣ уд̇д̇араасан̇г̇ам̣, згажжияам̣ анд̇араваасагам̣; уд̇уд̣̇д̇хадаанам̣ д̣̇уссаанам̣ жад̇уг̇г̇ун̣ам̣ сан̇гхаадим̣, д̣̇иг̇ун̣ам̣ уд̇д̇араасан̇г̇ам̣, д̣̇иг̇ун̣ам̣ анд̇араваасагам̣; бам̣сугуулз яаавад̣̇ад̇т̇ам̣; баабан̣игз уссаахо гаран̣ийяо. ануж̇аанаами, бхигкавз, аг̇г̇ал̣ам̣ д̇уннам̣ оваддигам̣ ган̣д̣усагам̣ д̣̇ал̣хийгамма’’нд̇и.
348. Atha kho bhagavā vesāliyaṃ yathābhirantaṃ viharitvā yena bārāṇasī tena cārikaṃ pakkāmi. Anupubbena cārikaṃ caramāno yena bārāṇasī tadavasari. Tatra sudaṃ bhagavā bārāṇasiyaṃ viharati isipatane migadāye. Tena kho pana samayena aññatarassa bhikkhuno antaravāsako chiddo hoti. Atha kho tassa bhikkhuno etadahosi – ‘‘bhagavatā ticīvaraṃ anuññātaṃ – diguṇā saṅghāṭi, ekacciyo uttarāsaṅgo , ekacciyo antaravāsako. Ayañca me antaravāsako chiddo. Yaṃnūnāhaṃ aggaḷaṃ acchupeyyaṃ, samantato dupaṭṭaṃ bhavissati, majjhe ekacciya’’nti. Atha kho so bhikkhu aggaḷaṃ acchupesi. Addasā kho bhagavā senāsanacārikaṃ āhiṇḍanto taṃ bhikkhuṃ aggaḷaṃ acchupentaṃ 6, disvāna yena so bhikkhu tenupasaṅkami, upasaṅkamitvā taṃ bhikkhuṃ etadavoca – ‘‘kiṃ tvaṃ, bhikkhu, karosī’’ti? ‘‘Aggaḷaṃ, bhagavā, acchupemī’’ti. ‘‘Sādhu sādhu, bhikkhu; sādhu kho tvaṃ, bhikkhu, aggaḷaṃ acchupesī’’ti . Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, ahatānaṃ dussānaṃ ahatakappānaṃ diguṇaṃ saṅghāṭiṃ, ekacciyaṃ uttarāsaṅgaṃ, ekacciyaṃ antaravāsakaṃ; utuddhaṭānaṃ dussānaṃ catugguṇaṃ saṅghāṭiṃ, diguṇaṃ uttarāsaṅgaṃ, diguṇaṃ antaravāsakaṃ; paṃsukūle yāvadatthaṃ; pāpaṇike ussāho karaṇīyo. Anujānāmi, bhikkhave, aggaḷaṃ tunnaṃ ovaṭṭikaṃ kaṇḍusakaṃ daḷhīkamma’’nti.
ад̇ирзгажийварагат̇аа нидтид̇аа.
Atirekacīvarakathā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / ад̇ирзгажийвараад̣̇игат̇аа • Atirekacīvarādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇ирзгажийвараад̣̇игат̇ааван̣н̣анаа • Atirekacīvarādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жийварараж̇анагат̇аад̣̇иван̣н̣анаа • Cīvararajanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 218. ад̇ирзгажийвараад̣̇игат̇аа • 218. Atirekacīvarādikathā
