| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੧੮. ਅਤਿਰੇਕਚੀવਰਕਥਾ
218. Atirekacīvarakathā
੩੪੭. 1 ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਭਗવਤਾ ਤਿਚੀવਰਂ ਅਨੁਞ੍ਞਾਤਨ੍ਤਿ ਅਞ੍ਞੇਨੇવ ਤਿਚੀવਰੇਨ ਗਾਮਂ ਪવਿਸਨ੍ਤਿ, ਅਞ੍ਞੇਨ ਤਿਚੀવਰੇਨ ਆਰਾਮੇ ਅਚ੍ਛਨ੍ਤਿ, ਅਞ੍ਞੇਨ ਤਿਚੀવਰੇਨ ਨਹਾਨਂ ਓਤਰਨ੍ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਅਤਿਰੇਕਚੀવਰਂ ਧਾਰੇਸ੍ਸਨ੍ਤੀ’’ਤਿ। ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਨ, ਭਿਕ੍ਖવੇ, ਅਤਿਰੇਕਚੀવਰਂ ਧਾਰੇਤਬ੍ਬਂ। ਯੋ ਧਾਰੇਯ੍ਯ, ਯਥਾਧਮ੍ਮੋ ਕਾਰੇਤਬ੍ਬੋ’’ਤਿ।
347.2 Tena kho pana samayena chabbaggiyā bhikkhū bhagavatā ticīvaraṃ anuññātanti aññeneva ticīvarena gāmaṃ pavisanti, aññena ticīvarena ārāme acchanti, aññena ticīvarena nahānaṃ otaranti. Ye te bhikkhū appicchā te ujjhāyanti khiyyanti vipācenti – ‘‘kathañhi nāma chabbaggiyā bhikkhū atirekacīvaraṃ dhāressantī’’ti. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘na, bhikkhave, atirekacīvaraṃ dhāretabbaṃ. Yo dhāreyya, yathādhammo kāretabbo’’ti.
3 ਤੇਨ ਖੋ ਪਨ ਸਮਯੇਨ ਆਯਸ੍ਮਤੋ ਆਨਨ੍ਦਸ੍ਸ ਅਤਿਰੇਕਚੀવਰਂ ਉਪ੍ਪਨ੍ਨਂ ਹੋਤਿ। ਆਯਸ੍ਮਾ ਚ ਆਨਨ੍ਦੋ ਤਂ ਚੀવਰਂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਦਾਤੁਕਾਮੋ ਹੋਤਿ। ਆਯਸ੍ਮਾ ਚ ਸਾਰਿਪੁਤ੍ਤੋ ਸਾਕੇਤੇ વਿਹਰਤਿ। ਅਥ ਖੋ ਆਯਸ੍ਮਤੋ ਆਨਨ੍ਦਸ੍ਸ ਏਤਦਹੋਸਿ – ‘‘ਭਗવਤਾ ਸਿਕ੍ਖਾਪਦਂ ਪਞ੍ਞਤ੍ਤਂ ‘ਨ ਅਤਿਰੇਕਚੀવਰਂ ਧਾਰੇਤਬ੍ਬ’ਨ੍ਤਿ। ਇਦਞ੍ਚ ਮੇ ਅਤਿਰੇਕਚੀવਰਂ ਉਪ੍ਪਨ੍ਨਂ । ਅਹਞ੍ਚਿਮਂ ਚੀવਰਂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਦਾਤੁਕਾਮੋ। ਆਯਸ੍ਮਾ ਚ ਸਾਰਿਪੁਤ੍ਤੋ ਸਾਕੇਤੇ વਿਹਰਤਿ। ਕਥਂ ਨੁ ਖੋ ਮਯਾ ਪਟਿਪਜ੍ਜਿਤਬ੍ਬ’’ਨ੍ਤਿ? ਭਗવਤੋ ਏਤਮਤ੍ਥਂ ਆਰੋਚੇਸਿ। ‘‘ਕੀવਚਿਰਂ ਪਨਾਨਨ੍ਦ, ਸਾਰਿਪੁਤ੍ਤੋ ਆਗਚ੍ਛਿਸ੍ਸਤੀ’’ਤਿ? ‘‘ਨવਮਂ વਾ, ਭਗવਾ, ਦਿવਸਂ, ਦਸਮਂ વਾ’’ਤਿ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖવੇ, ਦਸਾਹਪਰਮਂ ਅਤਿਰੇਕਚੀવਰਂ ਧਾਰੇਤੁ’’ਨ੍ਤਿ।
4 Tena kho pana samayena āyasmato ānandassa atirekacīvaraṃ uppannaṃ hoti. Āyasmā ca ānando taṃ cīvaraṃ āyasmato sāriputtassa dātukāmo hoti. Āyasmā ca sāriputto sākete viharati. Atha kho āyasmato ānandassa etadahosi – ‘‘bhagavatā sikkhāpadaṃ paññattaṃ ‘na atirekacīvaraṃ dhāretabba’nti. Idañca me atirekacīvaraṃ uppannaṃ . Ahañcimaṃ cīvaraṃ āyasmato sāriputtassa dātukāmo. Āyasmā ca sāriputto sākete viharati. Kathaṃ nu kho mayā paṭipajjitabba’’nti? Bhagavato etamatthaṃ ārocesi. ‘‘Kīvaciraṃ panānanda, sāriputto āgacchissatī’’ti? ‘‘Navamaṃ vā, bhagavā, divasaṃ, dasamaṃ vā’’ti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, dasāhaparamaṃ atirekacīvaraṃ dhāretu’’nti.
ਤੇਨ ਖੋ ਪਨ ਸਮਯੇਨ ਭਿਕ੍ਖੂਨਂ ਅਤਿਰੇਕਚੀવਰਂ ਉਪ੍ਪਨ੍ਨਂ ਹੋਤਿ। ਅਥ ਖੋ ਭਿਕ੍ਖੂਨਂ ਏਤਦਹੋਸਿ – ‘‘ਕਥਂ ਨੁ ਖੋ ਅਮ੍ਹੇਹਿ ਅਤਿਰੇਕਚੀવਰੇ ਪਟਿਪਜ੍ਜਿਤਬ੍ਬ’’ਨ੍ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਅਤਿਰੇਕਚੀવਰਂ વਿਕਪ੍ਪੇਤੁਨ੍ਤਿ।
Tena kho pana samayena bhikkhūnaṃ atirekacīvaraṃ uppannaṃ hoti. Atha kho bhikkhūnaṃ etadahosi – ‘‘kathaṃ nu kho amhehi atirekacīvare paṭipajjitabba’’nti? Bhagavato etamatthaṃ ārocesuṃ. Anujānāmi, bhikkhave, atirekacīvaraṃ vikappetunti.
੩੪੮. ਅਥ ਖੋ ਭਗવਾ વੇਸਾਲਿਯਂ ਯਥਾਭਿਰਨ੍ਤਂ વਿਹਰਿਤ੍વਾ ਯੇਨ ਬਾਰਾਣਸੀ ਤੇਨ ਚਾਰਿਕਂ ਪਕ੍ਕਾਮਿ। ਅਨੁਪੁਬ੍ਬੇਨ ਚਾਰਿਕਂ ਚਰਮਾਨੋ ਯੇਨ ਬਾਰਾਣਸੀ ਤਦવਸਰਿ। ਤਤ੍ਰ ਸੁਦਂ ਭਗવਾ ਬਾਰਾਣਸਿਯਂ વਿਹਰਤਿ ਇਸਿਪਤਨੇ ਮਿਗਦਾਯੇ। ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਅਨ੍ਤਰવਾਸਕੋ ਛਿਦ੍ਦੋ ਹੋਤਿ। ਅਥ ਖੋ ਤਸ੍ਸ ਭਿਕ੍ਖੁਨੋ ਏਤਦਹੋਸਿ – ‘‘ਭਗવਤਾ ਤਿਚੀવਰਂ ਅਨੁਞ੍ਞਾਤਂ – ਦਿਗੁਣਾ ਸਙ੍ਘਾਟਿ, ਏਕਚ੍ਚਿਯੋ ਉਤ੍ਤਰਾਸਙ੍ਗੋ , ਏਕਚ੍ਚਿਯੋ ਅਨ੍ਤਰવਾਸਕੋ। ਅਯਞ੍ਚ ਮੇ ਅਨ੍ਤਰવਾਸਕੋ ਛਿਦ੍ਦੋ। ਯਂਨੂਨਾਹਂ ਅਗ੍ਗਲ਼ਂ ਅਚ੍ਛੁਪੇਯ੍ਯਂ, ਸਮਨ੍ਤਤੋ ਦੁਪਟ੍ਟਂ ਭવਿਸ੍ਸਤਿ, ਮਜ੍ਝੇ ਏਕਚ੍ਚਿਯ’’ਨ੍ਤਿ। ਅਥ ਖੋ ਸੋ ਭਿਕ੍ਖੁ ਅਗ੍ਗਲ਼ਂ ਅਚ੍ਛੁਪੇਸਿ। ਅਦ੍ਦਸਾ ਖੋ ਭਗવਾ ਸੇਨਾਸਨਚਾਰਿਕਂ ਆਹਿਣ੍ਡਨ੍ਤੋ ਤਂ ਭਿਕ੍ਖੁਂ ਅਗ੍ਗਲ਼ਂ ਅਚ੍ਛੁਪੇਨ੍ਤਂ 5, ਦਿਸ੍વਾਨ ਯੇਨ ਸੋ ਭਿਕ੍ਖੁ ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍વਾ ਤਂ ਭਿਕ੍ਖੁਂ ਏਤਦવੋਚ – ‘‘ਕਿਂ ਤ੍વਂ, ਭਿਕ੍ਖੁ, ਕਰੋਸੀ’’ਤਿ? ‘‘ਅਗ੍ਗਲ਼ਂ, ਭਗવਾ, ਅਚ੍ਛੁਪੇਮੀ’’ਤਿ। ‘‘ਸਾਧੁ ਸਾਧੁ, ਭਿਕ੍ਖੁ; ਸਾਧੁ ਖੋ ਤ੍વਂ, ਭਿਕ੍ਖੁ, ਅਗ੍ਗਲ਼ਂ ਅਚ੍ਛੁਪੇਸੀ’’ਤਿ । ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖવੇ, ਅਹਤਾਨਂ ਦੁਸ੍ਸਾਨਂ ਅਹਤਕਪ੍ਪਾਨਂ ਦਿਗੁਣਂ ਸਙ੍ਘਾਟਿਂ, ਏਕਚ੍ਚਿਯਂ ਉਤ੍ਤਰਾਸਙ੍ਗਂ, ਏਕਚ੍ਚਿਯਂ ਅਨ੍ਤਰવਾਸਕਂ; ਉਤੁਦ੍ਧਟਾਨਂ ਦੁਸ੍ਸਾਨਂ ਚਤੁਗ੍ਗੁਣਂ ਸਙ੍ਘਾਟਿਂ, ਦਿਗੁਣਂ ਉਤ੍ਤਰਾਸਙ੍ਗਂ, ਦਿਗੁਣਂ ਅਨ੍ਤਰવਾਸਕਂ; ਪਂਸੁਕੂਲੇ ਯਾવਦਤ੍ਥਂ; ਪਾਪਣਿਕੇ ਉਸ੍ਸਾਹੋ ਕਰਣੀਯੋ। ਅਨੁਜਾਨਾਮਿ, ਭਿਕ੍ਖવੇ, ਅਗ੍ਗਲ਼ਂ ਤੁਨ੍ਨਂ ਓવਟ੍ਟਿਕਂ ਕਣ੍ਡੁਸਕਂ ਦਲ਼੍ਹੀਕਮ੍ਮ’’ਨ੍ਤਿ।
348. Atha kho bhagavā vesāliyaṃ yathābhirantaṃ viharitvā yena bārāṇasī tena cārikaṃ pakkāmi. Anupubbena cārikaṃ caramāno yena bārāṇasī tadavasari. Tatra sudaṃ bhagavā bārāṇasiyaṃ viharati isipatane migadāye. Tena kho pana samayena aññatarassa bhikkhuno antaravāsako chiddo hoti. Atha kho tassa bhikkhuno etadahosi – ‘‘bhagavatā ticīvaraṃ anuññātaṃ – diguṇā saṅghāṭi, ekacciyo uttarāsaṅgo , ekacciyo antaravāsako. Ayañca me antaravāsako chiddo. Yaṃnūnāhaṃ aggaḷaṃ acchupeyyaṃ, samantato dupaṭṭaṃ bhavissati, majjhe ekacciya’’nti. Atha kho so bhikkhu aggaḷaṃ acchupesi. Addasā kho bhagavā senāsanacārikaṃ āhiṇḍanto taṃ bhikkhuṃ aggaḷaṃ acchupentaṃ 6, disvāna yena so bhikkhu tenupasaṅkami, upasaṅkamitvā taṃ bhikkhuṃ etadavoca – ‘‘kiṃ tvaṃ, bhikkhu, karosī’’ti? ‘‘Aggaḷaṃ, bhagavā, acchupemī’’ti. ‘‘Sādhu sādhu, bhikkhu; sādhu kho tvaṃ, bhikkhu, aggaḷaṃ acchupesī’’ti . Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, ahatānaṃ dussānaṃ ahatakappānaṃ diguṇaṃ saṅghāṭiṃ, ekacciyaṃ uttarāsaṅgaṃ, ekacciyaṃ antaravāsakaṃ; utuddhaṭānaṃ dussānaṃ catugguṇaṃ saṅghāṭiṃ, diguṇaṃ uttarāsaṅgaṃ, diguṇaṃ antaravāsakaṃ; paṃsukūle yāvadatthaṃ; pāpaṇike ussāho karaṇīyo. Anujānāmi, bhikkhave, aggaḷaṃ tunnaṃ ovaṭṭikaṃ kaṇḍusakaṃ daḷhīkamma’’nti.
ਅਤਿਰੇਕਚੀવਰਕਥਾ ਨਿਟ੍ਠਿਤਾ।
Atirekacīvarakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅਤਿਰੇਕਚੀવਰਾਦਿਕਥਾ • Atirekacīvarādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਤਿਰੇਕਚੀવਰਾਦਿਕਥਾવਣ੍ਣਨਾ • Atirekacīvarādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਚੀવਰਰਜਨਕਥਾਦਿવਣ੍ਣਨਾ • Cīvararajanakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੧੮. ਅਤਿਰੇਕਚੀવਰਾਦਿਕਥਾ • 218. Atirekacīvarādikathā
