| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
6. ад̇ийд̇агканд̇хаад̣̇игат̇аа
6. Atītakkhandhādikathā
1. насуд̇д̇асаад̇ханагат̇ааван̣н̣анаа
1. Nasuttasādhanakathāvaṇṇanā
297. ‘‘ад̇ийд̇ам̣ анааг̇ад̇ам̣ бажжуббанна’’нд̇и аяам̣ гаалавибхааг̇абарижчинно вохааро д̇хаммаанам̣ д̇ам̣ д̇ам̣ авад̇т̇аависзсам̣ убаад̣̇ааяа бан̃н̃ад̇д̇о. д̇хаммо хи сагижжагкан̣з бажжуббанно, д̇ад̇о буб̣б̣з анааг̇ад̇о, бажчаа ад̇ийд̇од̇и вуд̇д̇овааяамад̇т̇о. д̇ад̇т̇а яад̣̇иби д̇хаммаа анижжад̇ааяа анавадтид̇аа, авад̇т̇аа бана д̇зсам̣ яат̇аавуд̇д̇аа вавад̇т̇ид̇аад̇и д̇ад̣̇убаад̣̇аанаа гаалабан̃н̃ад̇д̇иби вавад̇т̇ид̇аа зва. на хи ад̇ийд̇аад̣̇и анааг̇ад̇аад̣̇ибхаавзна вохарийяад̇и, канд̇хаад̣̇ибан̃н̃ад̇д̇и бана анабзгкид̇агаалависзсаа. д̇ийсуби хи гаалзсу руубагканд̇хо руубагканд̇хова, д̇ат̇аа сзсаа канд̇хаа ааяад̇анад̇хаад̇уяо жа. звамавадтид̇з яасмаа бараваад̣̇ий ‘‘ад̇т̇ий’’д̇и имам̣ бажжуббаннанияад̇ам̣ вохаарам̣ ад̇ийд̇аанааг̇ад̇зсуби ааробзд̇и, д̇асмаа со ад̣̇д̇хасан̇гарам̣ гарод̇и. барамад̇т̇ад̇о авиж̇ж̇амаанз виж̇ж̇амаанз гад̇ваа вохарад̇ийд̇и д̇ад̇о вивзжзд̇ум̣ ‘‘ад̇ийд̇ам̣ канд̇хаа’’д̇иаад̣̇игаа аяам̣ гат̇аа аарад̣̇д̇хаа.
297. ‘‘Atītaṃ anāgataṃ paccuppanna’’nti ayaṃ kālavibhāgaparicchinno vohāro dhammānaṃ taṃ taṃ avatthāvisesaṃ upādāya paññatto. Dhammo hi sakiccakkhaṇe paccuppanno, tato pubbe anāgato, pacchā atītoti vuttovāyamattho. Tattha yadipi dhammā aniccatāya anavaṭṭhitā, avatthā pana tesaṃ yathāvuttā vavatthitāti tadupādānā kālapaññattipi vavatthitā eva. Na hi atītādi anāgatādibhāvena voharīyati, khandhādipaññatti pana anapekkhitakālavisesā. Tīsupi hi kālesu rūpakkhandho rūpakkhandhova, tathā sesā khandhā āyatanadhātuyo ca. Evamavaṭṭhite yasmā paravādī ‘‘atthī’’ti imaṃ paccuppannaniyataṃ vohāraṃ atītānāgatesupi āropeti, tasmā so addhasaṅkaraṃ karoti. Paramatthato avijjamāne vijjamāne katvā voharatīti tato vivecetuṃ ‘‘atītaṃ khandhā’’tiādikā ayaṃ kathā āraddhā.
яасмаа бана руббанаад̣̇исабхаавз ад̇ийд̇аад̣̇ибхзд̣̇абхиннз д̇хаммз згаж̇жхам̣ г̇ахзд̇ваа д̇ад̇т̇а раасадтам̣ убаад̣̇ааяа канд̇хабан̃н̃ад̇д̇и, жагкуруубаад̣̇ийсу гааран̣аад̣̇иад̇т̇ам̣ сун̃н̃ад̇адтан̃жа убаад̣̇ааяа ааяад̇анабан̃н̃ад̇д̇и д̇хаад̇убан̃н̃ад̇д̇и жа, д̇асмаа саа ад̣̇д̇хад̇д̇аяасаад̇хааран̣аа, на ад̇ийд̇аад̣̇ибан̃н̃ад̇д̇и вияа ад̣̇д̇хависзсаад̇хидтаанаад̇и ааха ‘‘канд̇хаад̣̇ибхааваавиж̇аханад̇о ад̇ийд̇аанааг̇ад̇аана’’нд̇и. д̇з банзд̇з ад̇ийд̇аад̣̇игз канд̇хаад̣̇игз вияа сабхаавад̇хаммад̇о сан̃ж̇аананд̇о бараваад̣̇ий ‘‘ад̇т̇ий’’д̇и бадиж̇аанаад̇ийд̇и ааха ‘‘ад̇ийд̇аанааг̇ад̇аанам̣ ад̇т̇ид̇ам̣ ижчанд̇ассаа’’д̇и. сзсамзд̇т̇а яам̣ вад̇д̇аб̣б̣ам̣, д̇ам̣ хздтаа вуд̇д̇анаяамзва.
Yasmā pana ruppanādisabhāve atītādibhedabhinne dhamme ekajjhaṃ gahetvā tattha rāsaṭṭhaṃ upādāya khandhapaññatti, cakkhurūpādīsu kāraṇādiatthaṃ suññataṭṭhañca upādāya āyatanapaññatti dhātupaññatti ca, tasmā sā addhattayasādhāraṇā, na atītādipaññatti viya addhavisesādhiṭṭhānāti āha ‘‘khandhādibhāvāvijahanato atītānāgatāna’’nti. Te panete atītādike khandhādike viya sabhāvadhammato sañjānanto paravādī ‘‘atthī’’ti paṭijānātīti āha ‘‘atītānāgatānaṃ atthitaṃ icchantassā’’ti. Sesamettha yaṃ vattabbaṃ, taṃ heṭṭhā vuttanayameva.
‘‘д̇аяомз, бхигкавз, нируд̇д̇ибат̇аа’’д̇и суд̇д̇ам̣ нируд̇д̇ибат̇асуд̇д̇ам̣. д̇ад̇т̇а хи бажжуббаннассзва ад̇т̇ибхааво вуд̇д̇о, на ад̇ийд̇аанааг̇ад̇аанам̣. д̇зна вуд̇д̇ам̣ ‘‘ад̇т̇ид̇ааяа ваарид̇ад̇д̇аа’’д̇и. яад̣̇и звам̣ ‘‘ад̇т̇и, бхигкавз, ниб̣б̣аана’’нд̇и ид̣̇ам̣ гат̇анд̇и? д̇ам̣ саб̣б̣ад̣̇аа убалад̣̇д̇хид̇о вуд̇д̇ам̣ нижжасабхааван̃аабанад̇т̇ам̣ асан̇кад̇ад̇хаммасса, ид̇ха бана сан̇кад̇ад̇хаммаанам̣ кан̣ад̇д̇аяасаман̇г̇ид̇ааяа ад̇т̇ибхааво на д̇ад̇о буб̣б̣з бажчаа жаад̇и бан̃н̃аабанад̇т̇ам̣ ‘‘яам̣, бхигкавз, руубам̣…бз… на д̇асса сан̇каа бхависсад̇ий’’д̇и вуд̇д̇ам̣. зд̇зна ‘‘ад̇т̇ий’’д̇и саман̃н̃ааяа анубаад̣̇аанад̇о ад̇ийд̇ам̣ анааг̇ад̇ам̣ барамад̇т̇ад̇о над̇т̇ийд̇и д̣̇ассид̇ам̣ ход̇и. иминаавуубааязнаад̇и ‘‘канд̇хаад̣̇ибхааваавиж̇аханад̇о’’д̇и звам̣ вуд̇д̇зна хзд̇унаа. убабад̇д̇исаад̇ханаяуд̇д̇и хи ид̇ха ‘‘убааяо’’д̇и вуд̇д̇аа.
‘‘Tayome, bhikkhave, niruttipathā’’ti suttaṃ niruttipathasuttaṃ. Tattha hi paccuppannasseva atthibhāvo vutto, na atītānāgatānaṃ. Tena vuttaṃ ‘‘atthitāya vāritattā’’ti. Yadi evaṃ ‘‘atthi, bhikkhave, nibbāna’’nti idaṃ kathanti? Taṃ sabbadā upaladdhito vuttaṃ niccasabhāvañāpanatthaṃ asaṅkhatadhammassa, idha pana saṅkhatadhammānaṃ khaṇattayasamaṅgitāya atthibhāvo na tato pubbe pacchā cāti paññāpanatthaṃ ‘‘yaṃ, bhikkhave, rūpaṃ…pe… na tassa saṅkhā bhavissatī’’ti vuttaṃ. Etena ‘‘atthī’’ti samaññāya anupādānato atītaṃ anāgataṃ paramatthato natthīti dassitaṃ hoti. Imināvūpāyenāti ‘‘khandhādibhāvāvijahanato’’ti evaṃ vuttena hetunā. Upapattisādhanayutti hi idha ‘‘upāyo’’ti vuttā.
насуд̇д̇асаад̇ханагат̇ааван̣н̣анаа нидтид̇аа.
Nasuttasādhanakathāvaṇṇanā niṭṭhitā.
2. суд̇д̇асаад̇ханагат̇ааван̣н̣анаа
2. Suttasādhanakathāvaṇṇanā
298. зд̇з д̇хаммаад̇и зд̇з канд̇хаааяад̇анад̇хаад̇уд̇хаммаа. суд̇д̇аахаран̣анд̇и нируд̇д̇ибат̇асуд̇д̇аахаран̣ам̣. нзсанд̇и ад̇ийд̇аанааг̇ад̇аанам̣.
298. Ete dhammāti ete khandhaāyatanadhātudhammā. Suttāharaṇanti niruttipathasuttāharaṇaṃ. Nesanti atītānāgatānaṃ.
суд̇д̇асаад̇ханагат̇ааван̣н̣анаа нидтид̇аа.
Suttasādhanakathāvaṇṇanā niṭṭhitā.
ад̇ийд̇агканд̇хаад̣̇игат̇ааван̣н̣анаа нидтид̇аа.
Atītakkhandhādikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / 6. ад̇ийд̇агканд̇хаад̣̇игат̇аа • 6. Atītakkhandhādikathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 6. ад̇ийд̇агканд̇хаад̣̇игат̇аа • 6. Atītakkhandhādikathā
