| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੬. ਅਤੀਤਕ੍ਖਨ੍ਧਾਦਿਕਥਾ
6. Atītakkhandhādikathā
੧. ਨਸੁਤ੍ਤਸਾਧਨਕਥਾવਣ੍ਣਨਾ
1. Nasuttasādhanakathāvaṇṇanā
੨੯੭. ਇਦਾਨਿ ‘‘ਅਤੀਤਂ ਖਨ੍ਧਾ’’ਤਿਆਦਿਕਥਾ ਹੋਤਿ। ਤਤ੍ਥ ਖਨ੍ਧਾਦਿਭਾવਾવਿਜਹਨਤੋ ਅਤੀਤਾਨਾਗਤਾਨਂ ਅਤ੍ਥਿਤਂ ਇਚ੍ਛਨ੍ਤਸ੍ਸ ਅਤੀਤਂ ਖਨ੍ਧਾਤਿ ਪੁਚ੍ਛਾ ਪਰવਾਦਿਸ੍ਸ, ਅਤੀਤਸ੍ਸ ਖਨ੍ਧਸਙ੍ਗਹਿਤਤ੍ਤਾ ਆਮਨ੍ਤਾਤਿ ਪਟਿਞ੍ਞਾ ਸਕવਾਦਿਸ੍ਸ। ਪੁਨ ਅਤੀਤਂ ਨਤ੍ਥੀਤਿ ਪੁਚ੍ਛਾ ਪਰવਾਦਿਸ੍ਸ, ਤਸ੍ਸ ਨਿਰੁਤ੍ਤਿਪਥਸੁਤ੍ਤੇਨ ਅਤ੍ਥਿਤਾਯ વਾਰਿਤਤ੍ਤਾ ਪਟਿਕ੍ਖੇਪੋ ਸਕવਾਦਿਸ੍ਸ। ਆਯਤਨਧਾਤੁਪੁਚ੍ਛਾਸੁਪਿ ਅਨਾਗਤਪਞ੍ਹੇਸੁਪਿ ਪਚ੍ਚੁਪ੍ਪਨ੍ਨੇਨ ਸਦ੍ਧਿਂ ਸਂਸਨ੍ਦਿਤ੍વਾ ਅਨੁਲੋਮਪਟਿਲੋਮਤੋ ਆਗਤਪਞ੍ਹੇਸੁਪਿ ‘‘ਅਤੀਤਂ ਰੂਪ’’ਨ੍ਤਿਆਦਿਪਞ੍ਹੇਸੁਪਿ ਇਮਿਨਾવੁਪਾਯੇਨ ਅਤ੍ਥੋ વੇਦਿਤਬ੍ਬੋ।
297. Idāni ‘‘atītaṃ khandhā’’tiādikathā hoti. Tattha khandhādibhāvāvijahanato atītānāgatānaṃ atthitaṃ icchantassa atītaṃ khandhāti pucchā paravādissa, atītassa khandhasaṅgahitattā āmantāti paṭiññā sakavādissa. Puna atītaṃnatthīti pucchā paravādissa, tassa niruttipathasuttena atthitāya vāritattā paṭikkhepo sakavādissa. Āyatanadhātupucchāsupi anāgatapañhesupi paccuppannena saddhiṃ saṃsanditvā anulomapaṭilomato āgatapañhesupi ‘‘atītaṃ rūpa’’ntiādipañhesupi imināvupāyena attho veditabbo.
੨. ਸੁਤ੍ਤਸਾਧਨવਣ੍ਣਨਾ
2. Suttasādhanavaṇṇanā
੨੯੮. ਸੁਤ੍ਤਸਾਧਨੇ ਪਨ ਨ વਤ੍ਤਬ੍ਬਨ੍ਤਿ ਪੁਚ੍ਛਾ ਸਕવਾਦਿਸ੍ਸ। ਤਤ੍ਥ ਨਤ੍ਥਿ ਚੇਤੇਤਿ ਨਤ੍ਥਿ ਚ ਏਤੇ ਧਮ੍ਮਾਤਿ ਅਤ੍ਥੋ। ਖਨ੍ਧਾਦਿਭਾવੇ ਸਤਿ ਨਤ੍ਥਿਤਂ ਅਨਿਚ੍ਛਨ੍ਤਸ੍ਸ ਆਮਨ੍ਤਾਤਿ ਪਟਿਞ੍ਞਾ ਪਰવਾਦਿਸ੍ਸ, ਅਥ ਨੇਸਂ ਨਤ੍ਥਿਭਾવਸਾਧਨਤ੍ਥਂ ਸੁਤ੍ਤਾਹਰਣਂ ਸਕવਾਦਿਸ੍ਸ। ਦੁਤਿਯਪੁਚ੍ਛਾਪਿ ਪਰવਾਦਿਸ੍ਸ, ਪਟਿਞ੍ਞਾ ਸਕવਾਦਿਸ੍ਸ, ਸੁਤ੍ਤਾਹਰਣਂ ਪਰવਾਦਿਸ੍ਸ। ਤਂ ਪਨ ਨੇਸਂ ਖਨ੍ਧਾਦਿਭਾવਮੇવ ਸਾਧੇਤਿ, ਨ ਅਤ੍ਥਿਭਾવਨ੍ਤਿ ਆਹਟਮ੍ਪਿ ਅਨਾਹਟਸਦਿਸਮੇવਾਤਿ।
298. Suttasādhane pana na vattabbanti pucchā sakavādissa. Tattha natthi ceteti natthi ca ete dhammāti attho. Khandhādibhāve sati natthitaṃ anicchantassa āmantāti paṭiññā paravādissa, atha nesaṃ natthibhāvasādhanatthaṃ suttāharaṇaṃ sakavādissa. Dutiyapucchāpi paravādissa, paṭiññā sakavādissa, suttāharaṇaṃ paravādissa. Taṃ pana nesaṃ khandhādibhāvameva sādheti, na atthibhāvanti āhaṭampi anāhaṭasadisamevāti.
ਅਤੀਤਂ ਖਨ੍ਧਾਤਿਆਦਿਕਥਾવਣ੍ਣਨਾ।
Atītaṃ khandhātiādikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / ੬. ਅਤੀਤਕ੍ਖਨ੍ਧਾਦਿਕਥਾ • 6. Atītakkhandhādikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੬. ਅਤੀਤਕ੍ਖਨ੍ਧਾਦਿਕਥਾ • 6. Atītakkhandhādikathā
