| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
6. අතීතානාගතාරම්‌මණකථාවණ්‌ණනා
6. Atītānāgatārammaṇakathāvaṇṇanā
559-561. ඉදානි අතීතානාගතාරම්‌මණකථා නාම හොති. තත්‌ථ යස්‌මා අතීතානාගතාරම්‌මණං නාම නත්‌ථි, තස්‌මා තදාරම්‌මණෙන චිත්‌තෙන ආරම්‌මණස්‌ස නත්‌ථිතාය අනාරම්‌මණෙන භවිතබ්‌බන්‌ති අතීතං අනාරම්‌මණන්‌ති යෙසං ලද්‌ධි, සෙය්‍යථාපි උත්‌තරාපථකානං, තෙ සන්‌ධාය අතීතාරම්‌මණන්‌ති පුච්‌ඡා සකවාදිස්‌ස, පටිඤ්‌ඤා ඉතරස්‌ස. සෙසමෙත්‌ථ යථාපාළිමෙව නිය්‍යාතීති.
559-561. Idāni atītānāgatārammaṇakathā nāma hoti. Tattha yasmā atītānāgatārammaṇaṃ nāma natthi, tasmā tadārammaṇena cittena ārammaṇassa natthitāya anārammaṇena bhavitabbanti atītaṃ anārammaṇanti yesaṃ laddhi, seyyathāpi uttarāpathakānaṃ, te sandhāya atītārammaṇanti pucchā sakavādissa, paṭiññā itarassa. Sesamettha yathāpāḷimeva niyyātīti.
අතීතානාගතාරම්‌මණකථාවණ්‌ණනා.
Atītānāgatārammaṇakathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (89) 6. අතීතානාගතාරම්‌මණකථා • (89) 6. Atītānāgatārammaṇakathā
