| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၁၁. အတီတာနာဂတသမန္နာဂတကထာဝဏ္ဏနာ
11. Atītānāgatasamannāgatakathāvaṇṇanā
၅၆၈-၅၇၀. ဣဒာနိ အတီတာနာဂတေဟိ သမန္နာဂတကထာ နာမ ဟောတိ။ တတ္ထ သမန္နာဂတပညတ္တိ ပဋိလာဘပညတ္တီတိ ဒ္ဝေ ပညတ္တိယော ဝေဒိတဗ္ဗာ။ တာသု ပစ္စုပ္ပန္နဓမ္မသမင္ဂီ သမန္နာဂတောတိ ဝုစ္စတိ။ အဋ္ဌ သမာပတ္တိလာဘိနော ပန သမာပတ္တိယော ကိဉ္စာပိ န ဧကက္ခဏေ ပဝတ္တန္တိ, အညာ အတီတာ ဟောန္တိ, အညာ အနာဂတာ, အညာ ပစ္စုပ္ပန္နာ, ပဋိဝိဇ္ဈိတ္ဝာ အပရိဟီနတာယ ပန လာဘီတိ ဝုစ္စတိ။ တတ္ထ ယေသံ ဣမံ ဝိဘာဂံ အဂ္ဂဟေတ္ဝာ ယသ္မာ ဈာနလာဘီနံ အတီတာနာဂတာနိ ဈာနာနိပိ အတ္ထိ, တသ္မာ ‘‘တေ အတီတေနပိ အနာဂတေနပိ သမန္နာဂတာ’’တိ လဒ္ဓိ, သေယ္ယထာပိ အန္ဓကာနံ။ တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ သေသမေတ္ထ ဥတ္တာနတ္ထမေဝာတိ။ ‘‘အဋ္ဌဝိမောက္ခဈာယီ’’တိအာဒိ ပန လာဘီဘာဝသ္သ သာဓကံ, န သမန္နာဂတဘာဝသ္သာတိ။
568-570. Idāni atītānāgatehi samannāgatakathā nāma hoti. Tattha samannāgatapaññatti paṭilābhapaññattīti dve paññattiyo veditabbā. Tāsu paccuppannadhammasamaṅgī samannāgatoti vuccati. Aṭṭha samāpattilābhino pana samāpattiyo kiñcāpi na ekakkhaṇe pavattanti, aññā atītā honti, aññā anāgatā, aññā paccuppannā, paṭivijjhitvā aparihīnatāya pana lābhīti vuccati. Tattha yesaṃ imaṃ vibhāgaṃ aggahetvā yasmā jhānalābhīnaṃ atītānāgatāni jhānānipi atthi, tasmā ‘‘te atītenapi anāgatenapi samannāgatā’’ti laddhi, seyyathāpi andhakānaṃ. Te sandhāya pucchā sakavādissa, paṭiññā itarassa. Sesamettha uttānatthamevāti. ‘‘Aṭṭhavimokkhajhāyī’’tiādi pana lābhībhāvassa sādhakaṃ, na samannāgatabhāvassāti.
အတီတာနာဂတသမန္နာဂတကထာဝဏ္ဏနာ။
Atītānāgatasamannāgatakathāvaṇṇanā.
နဝမော ဝဂ္ဂော။
Navamo vaggo.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၉၄) ၁၁. အတီတာနာဂတသမန္နာဂတကထာ • (94) 11. Atītānāgatasamannāgatakathā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၁၁. အတီတာနာဂတသမန္နာဂတကထာဝဏ္ဏနာ • 11. Atītānāgatasamannāgatakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၁၁. အတီတာနာဂတသမန္နာဂတကထာဝဏ္ဏနာ • 11. Atītānāgatasamannāgatakathāvaṇṇanā
