| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
11. අතීතානාගතසමන්‌නාගතකථාවණ්‌ණනා
11. Atītānāgatasamannāgatakathāvaṇṇanā
568-570. ඉදානි අතීතානාගතෙහි සමන්‌නාගතකථා නාම හොති. තත්‌ථ සමන්‌නාගතපඤ්‌ඤත්‌ති පටිලාභපඤ්‌ඤත්‌තීති ද්‌වෙ පඤ්‌ඤත්‌තියො වෙදිතබ්‌බා. තාසු පච්‌චුප්‌පන්‌නධම්‌මසමඞ්‌ගී සමන්‌නාගතොති වුච්‌චති. අට්‌ඨ සමාපත්‌තිලාභිනො පන සමාපත්‌තියො කිඤ්‌චාපි න එකක්‌ඛණෙ පවත්‌තන්‌ති, අඤ්‌ඤා අතීතා හොන්‌ති, අඤ්‌ඤා අනාගතා, අඤ්‌ඤා පච්‌චුප්‌පන්‌නා, පටිවිජ්‌ඣිත්‌වා අපරිහීනතාය පන ලාභීති වුච්‌චති. තත්‌ථ යෙසං ඉමං විභාගං අග්‌ගහෙත්‌වා යස්‌මා ඣානලාභීනං අතීතානාගතානි ඣානානිපි අත්‌ථි, තස්‌මා ‘‘තෙ අතීතෙනපි අනාගතෙනපි සමන්‌නාගතා’’ති ලද්‌ධි, සෙය්‍යථාපි අන්‌ධකානං. තෙ සන්‌ධාය පුච්‌ඡා සකවාදිස්‌ස, පටිඤ්‌ඤා ඉතරස්‌ස. සෙසමෙත්‌ථ උත්‌තානත්‌ථමෙවාති. ‘‘අට්‌ඨවිමොක්‌ඛඣායී’’තිආදි පන ලාභීභාවස්‌ස සාධකං, න සමන්‌නාගතභාවස්‌සාති.
568-570. Idāni atītānāgatehi samannāgatakathā nāma hoti. Tattha samannāgatapaññatti paṭilābhapaññattīti dve paññattiyo veditabbā. Tāsu paccuppannadhammasamaṅgī samannāgatoti vuccati. Aṭṭha samāpattilābhino pana samāpattiyo kiñcāpi na ekakkhaṇe pavattanti, aññā atītā honti, aññā anāgatā, aññā paccuppannā, paṭivijjhitvā aparihīnatāya pana lābhīti vuccati. Tattha yesaṃ imaṃ vibhāgaṃ aggahetvā yasmā jhānalābhīnaṃ atītānāgatāni jhānānipi atthi, tasmā ‘‘te atītenapi anāgatenapi samannāgatā’’ti laddhi, seyyathāpi andhakānaṃ. Te sandhāya pucchā sakavādissa, paṭiññā itarassa. Sesamettha uttānatthamevāti. ‘‘Aṭṭhavimokkhajhāyī’’tiādi pana lābhībhāvassa sādhakaṃ, na samannāgatabhāvassāti.
අතීතානාගතසමන්‌නාගතකථාවණ්‌ණනා.
Atītānāgatasamannāgatakathāvaṇṇanā.
නවමො වග්‌ගො.
Navamo vaggo.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (94) 11. අතීතානාගතසමන්‌නාගතකථා • (94) 11. Atītānāgatasamannāgatakathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 11. අතීතානාගතසමන්‌නාගතකථාවණ්‌ණනා • 11. Atītānāgatasamannāgatakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 11. අතීතානාගතසමන්‌නාගතකථාවණ්‌ණනා • 11. Atītānāgatasamannāgatakathāvaṇṇanā
