| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༡༡. ཨཏཱིཏཱནཱགཏསམནྣཱགཏཀཐཱཝཎྞནཱ
11. Atītānāgatasamannāgatakathāvaṇṇanā
༥༦༨-༥༧༠. ཨིདཱནི ཨཏཱིཏཱནཱགཏེཧི སམནྣཱགཏཀཐཱ ནཱམ ཧོཏི། ཏཏྠ སམནྣཱགཏཔཉྙཏྟི པཊིལཱབྷཔཉྙཏྟཱིཏི དྭེ པཉྙཏྟིཡོ ཝེདིཏབྦཱ། ཏཱསུ པཙྩུཔྤནྣདྷམྨསམངྒཱི སམནྣཱགཏོཏི ཝུཙྩཏི། ཨཊྛ སམཱཔཏྟིལཱབྷིནོ པན སམཱཔཏྟིཡོ ཀིཉྩཱཔི ན ཨེཀཀྑཎེ པཝཏྟནྟི, ཨཉྙཱ ཨཏཱིཏཱ ཧོནྟི, ཨཉྙཱ ཨནཱགཏཱ, ཨཉྙཱ པཙྩུཔྤནྣཱ, པཊིཝིཛ྄ཛྷིཏྭཱ ཨཔརིཧཱིནཏཱཡ པན ལཱབྷཱིཏི ཝུཙྩཏི། ཏཏྠ ཡེསཾ ཨིམཾ ཝིབྷཱགཾ ཨགྒཧེཏྭཱ ཡསྨཱ ཛྷཱནལཱབྷཱིནཾ ཨཏཱིཏཱནཱགཏཱནི ཛྷཱནཱནིཔི ཨཏྠི, ཏསྨཱ ‘‘ཏེ ཨཏཱིཏེནཔི ཨནཱགཏེནཔི སམནྣཱགཏཱ’’ཏི ལདྡྷི, སེཡྻཐཱཔི ཨནྡྷཀཱནཾ། ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། སེསམེཏྠ ཨུཏྟཱནཏྠམེཝཱཏི། ‘‘ཨཊྛཝིམོཀྑཛྷཱཡཱི’’ཏིཨཱདི པན ལཱབྷཱིབྷཱཝསྶ སཱདྷཀཾ, ན སམནྣཱགཏབྷཱཝསྶཱཏི།
568-570. Idāni atītānāgatehi samannāgatakathā nāma hoti. Tattha samannāgatapaññatti paṭilābhapaññattīti dve paññattiyo veditabbā. Tāsu paccuppannadhammasamaṅgī samannāgatoti vuccati. Aṭṭha samāpattilābhino pana samāpattiyo kiñcāpi na ekakkhaṇe pavattanti, aññā atītā honti, aññā anāgatā, aññā paccuppannā, paṭivijjhitvā aparihīnatāya pana lābhīti vuccati. Tattha yesaṃ imaṃ vibhāgaṃ aggahetvā yasmā jhānalābhīnaṃ atītānāgatāni jhānānipi atthi, tasmā ‘‘te atītenapi anāgatenapi samannāgatā’’ti laddhi, seyyathāpi andhakānaṃ. Te sandhāya pucchā sakavādissa, paṭiññā itarassa. Sesamettha uttānatthamevāti. ‘‘Aṭṭhavimokkhajhāyī’’tiādi pana lābhībhāvassa sādhakaṃ, na samannāgatabhāvassāti.
ཨཏཱིཏཱནཱགཏསམནྣཱགཏཀཐཱཝཎྞནཱ།
Atītānāgatasamannāgatakathāvaṇṇanā.
ནཝམོ ཝགྒོ།
Navamo vaggo.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༩༤) ༡༡. ཨཏཱིཏཱནཱགཏསམནྣཱགཏཀཐཱ • (94) 11. Atītānāgatasamannāgatakathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༡༡. ཨཏཱིཏཱནཱགཏསམནྣཱགཏཀཐཱཝཎྞནཱ • 11. Atītānāgatasamannāgatakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡༡. ཨཏཱིཏཱནཱགཏསམནྣཱགཏཀཐཱཝཎྞནཱ • 11. Atītānāgatasamannāgatakathāvaṇṇanā
