| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੭. ਅਤ੍ਤਬ੍ਯਾਬਾਧਸੁਤ੍ਤਂ
7. Attabyābādhasuttaṃ
੧੭. ‘‘ਤਯੋਮੇ, ਭਿਕ੍ਖવੇ, ਧਮ੍ਮਾ ਅਤ੍ਤਬ੍ਯਾਬਾਧਾਯਪਿ ਸਂવਤ੍ਤਨ੍ਤਿ, ਪਰਬ੍ਯਾਬਾਧਾਯਪਿ ਸਂવਤ੍ਤਨ੍ਤਿ, ਉਭਯਬ੍ਯਾਬਾਧਾਯਪਿ ਸਂવਤ੍ਤਨ੍ਤਿ। ਕਤਮੇ ਤਯੋ? ਕਾਯਦੁਚ੍ਚਰਿਤਂ, વਚੀਦੁਚ੍ਚਰਿਤਂ, ਮਨੋਦੁਚ੍ਚਰਿਤਂ। ਇਮੇ ਖੋ, ਭਿਕ੍ਖવੇ, ਤਯੋ ਧਮ੍ਮਾ ਅਤ੍ਤਬ੍ਯਾਬਾਧਾਯਪਿ ਸਂવਤ੍ਤਨ੍ਤਿ, ਪਰਬ੍ਯਾਬਾਧਾਯਪਿ ਸਂવਤ੍ਤਨ੍ਤਿ, ਉਭਯਬ੍ਯਾਬਾਧਾਯਪਿ ਸਂવਤ੍ਤਨ੍ਤਿ।
17. ‘‘Tayome, bhikkhave, dhammā attabyābādhāyapi saṃvattanti, parabyābādhāyapi saṃvattanti, ubhayabyābādhāyapi saṃvattanti. Katame tayo? Kāyaduccaritaṃ, vacīduccaritaṃ, manoduccaritaṃ. Ime kho, bhikkhave, tayo dhammā attabyābādhāyapi saṃvattanti, parabyābādhāyapi saṃvattanti, ubhayabyābādhāyapi saṃvattanti.
‘‘ਤਯੋਮੇ, ਭਿਕ੍ਖવੇ, ਧਮ੍ਮਾ ਨੇવਤ੍ਤਬ੍ਯਾਬਾਧਾਯਪਿ ਸਂવਤ੍ਤਨ੍ਤਿ, ਨ ਪਰਬ੍ਯਾਬਾਧਾਯਪਿ ਸਂવਤ੍ਤਨ੍ਤਿ, ਨ ਉਭਯਬ੍ਯਾਬਾਧਾਯਪਿ ਸਂવਤ੍ਤਨ੍ਤਿ। ਕਤਮੇ ਤਯੋ? ਕਾਯਸੁਚਰਿਤਂ, વਚੀਸੁਚਰਿਤਂ, ਮਨੋਸੁਚਰਿਤਂ। ਇਮੇ ਖੋ, ਭਿਕ੍ਖવੇ, ਤਯੋ ਧਮ੍ਮਾ ਨੇવਤ੍ਤਬ੍ਯਾਬਾਧਾਯਪਿ ਸਂવਤ੍ਤਨ੍ਤਿ, ਨ ਪਰਬ੍ਯਾਬਾਧਾਯਪਿ ਸਂવਤ੍ਤਨ੍ਤਿ, ਨ ਉਭਯਬ੍ਯਾਬਾਧਾਯਪਿ ਸਂવਤ੍ਤਨ੍ਤੀ’’ਤਿ। ਸਤ੍ਤਮਂ।
‘‘Tayome, bhikkhave, dhammā nevattabyābādhāyapi saṃvattanti, na parabyābādhāyapi saṃvattanti, na ubhayabyābādhāyapi saṃvattanti. Katame tayo? Kāyasucaritaṃ, vacīsucaritaṃ, manosucaritaṃ. Ime kho, bhikkhave, tayo dhammā nevattabyābādhāyapi saṃvattanti, na parabyābādhāyapi saṃvattanti, na ubhayabyābādhāyapi saṃvattantī’’ti. Sattamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੭. ਅਤ੍ਤਬ੍ਯਾਬਾਧਸੁਤ੍ਤવਣ੍ਣਨਾ • 7. Attabyābādhasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭. ਅਤ੍ਤਬ੍ਯਾਬਾਧਸੁਤ੍ਤવਣ੍ਣਨਾ • 7. Attabyābādhasuttavaṇṇanā
