| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
7. ад̇д̇аад̣̇аанаан̇г̇агат̇аа
7. Attādānaaṅgakathā
398. ад̇д̇аад̣̇аанам̣ аад̣̇аад̇угаамзнаад̇и зд̇т̇а гим̣ ад̇д̇аад̣̇аананд̇и ааха ‘‘саасанам̣ сод̇хзд̇угаамо’’д̇иаад̣̇и. иминаа барам̣ жод̣̇зд̇ум̣ ад̇д̇анаа аад̣̇аад̇аб̣б̣ам̣ ад̇хигаран̣ам̣ ад̇д̇аад̣̇аананд̇и вужжад̇ийд̇и д̣̇ассзд̇и. агаало имам̣ ад̇д̇аад̣̇аанам̣ аад̣̇аад̇унд̇и зд̇т̇а агаалам̣ д̣̇ассзнд̇о ааха ‘‘рааж̇абхаяа’’нд̇иаад̣̇и. д̇ад̇т̇а вассаарад̇д̇од̇и вассагаало. со хи вассо ад̇ивияа ран̃ж̇ад̇и зд̇т̇а гаалзд̇и вассаарад̇д̇од̇и вужжад̇и. вассаарад̇д̇оби ад̇хигаран̣авуубасамад̇т̇ам̣ лаж̇ж̇ибарисааяа д̣̇уурад̇о аанаяанасса д̣̇уггарад̇д̇аа агаало наама. ид̇ийд̇и аяам̣ рааж̇абхаяаад̣̇игаалод̇и ад̇т̇о. вибарийд̇од̇и рааж̇абхаяаад̣̇ийнам̣ абхаавагаало.
398.Attādānaṃ ādātukāmenāti ettha kiṃ attādānanti āha ‘‘sāsanaṃ sodhetukāmo’’tiādi. Iminā paraṃ codetuṃ attanā ādātabbaṃ adhikaraṇaṃ attādānanti vuccatīti dasseti. Akāloimaṃ attādānaṃ ādātunti ettha akālaṃ dassento āha ‘‘rājabhaya’’ntiādi. Tattha vassārattoti vassakālo. So hi vasso ativiya rañjati ettha kāleti vassārattoti vuccati. Vassārattopi adhikaraṇavūpasamatthaṃ lajjiparisāya dūrato ānayanassa dukkarattā akālo nāma. Itīti ayaṃ rājabhayādikāloti attho. Viparītoti rājabhayādīnaṃ abhāvakālo.
абхууд̇ам̣ ид̣̇ам̣ ад̇д̇аад̣̇аананд̇и зд̇т̇а абхууд̇асад̣̇д̣̇о авиж̇ж̇амаанабарияааяод̇и ааха ‘‘асанд̇амид̣̇а’’нд̇и, ид̣̇ам̣ ад̇д̇аад̣̇аанам̣ авиж̇ж̇амаананд̇и ад̇т̇о. маяаа г̇ахид̇од̇и самб̣анд̇хо. сийлаваа буг̇г̇алод̇и яож̇анаа. яанд̇и ад̇д̇аад̣̇аанам̣ сам̣вад̇д̇ад̇ийд̇и самб̣анд̇хо. ид̣̇анд̇и ад̇д̇аад̣̇аанам̣.
Abhūtaṃ idaṃ attādānanti ettha abhūtasaddo avijjamānapariyāyoti āha ‘‘asantamida’’nti, idaṃ attādānaṃ avijjamānanti attho. Mayā gahitoti sambandho. Sīlavā puggaloti yojanā. Yanti attādānaṃ saṃvattatīti sambandho. Idanti attādānaṃ.
на лабхиссаами санд̣̇идтз, лабхиссаами санд̣̇идтзд̇и зд̇т̇а ‘‘на лабхиссаами, лабхиссаамий’’д̇и ид̣̇ам̣ гим̣ санд̇хааяа вуд̇д̇анд̇и ааха ‘‘аббзгад̣̇аа хий’’д̇иаад̣̇и. д̇ад̇т̇а аббзгад̣̇аад̇и аби згад̣̇аа. хисад̣̇д̣̇о вид̇т̇аараж̇од̇аго. зваруубаад̇и санд̣̇идтасамбхад̇д̇асабхааваа. д̇анд̇и убад̇т̇амбхагабхигкулабханам̣ санд̇хааяаад̇и самб̣анд̇хо. ‘‘на лабхиссаамий’’д̇и ид̣̇ам̣ важанам̣ вуд̇д̇анд̇и самб̣анд̇хо.
Na labhissāmi sandiṭṭhe, labhissāmi sandiṭṭheti ettha ‘‘na labhissāmi, labhissāmī’’ti idaṃ kiṃ sandhāya vuttanti āha ‘‘appekadā hī’’tiādi. Tattha appekadāti api ekadā. Hisaddo vitthārajotako. Evarūpāti sandiṭṭhasambhattasabhāvā. Tanti upatthambhakabhikkhulabhanaṃ sandhāyāti sambandho. ‘‘Na labhissāmī’’ti idaṃ vacanaṃ vuttanti sambandho.
госамб̣агаанам̣ бхан̣д̣анаад̣̇и бхавад̇и вияа бхан̣д̣анаад̣̇и бхависсад̇ийд̇и яож̇анаа. бажчааби авиббадисаарагарам̣ бхависсад̇ийд̇и зд̇т̇а гзсам̣ авиббадисаарагарам̣ бхавад̇и вияа бан̃жан̇г̇асамбаннааг̇ад̇ам̣ ад̇д̇аад̣̇аанам̣ аад̣̇ияад̇о бажчааби авиббадисаарагарам̣ бхавад̇ийд̇и ааха ‘‘субхад̣̇д̣̇ам̣ вуд̣дхабаб̣б̣аж̇ид̇а’’нд̇иаад̣̇и. д̇ад̇т̇а бан̃жасад̇игасан̇г̇ийд̇инд̇и бан̃жасад̇зхи махаагассабаад̣̇ийхи гад̇д̇аб̣б̣ам̣ сан̇г̇ийд̇им̣. махаагассабад̇т̇зрасса бажчаа самануссаран̣агарам̣ ход̇и ива ход̇ийд̇и яож̇анаа. зсзва наяо сзсзсуби. самануссаран̣агаранд̇и саммод̣̇авасзна бунаббунам̣ ануссаран̣асса гарам̣. иминаа ‘‘авиббадисаарагара’’нд̇и бад̣̇асса ад̇т̇ам̣ д̣̇ассзд̇и. бажчаабийд̇и зд̇т̇а бисад̣̇д̣̇асса авуд̇д̇асамбин̣д̣анад̇т̇ам̣ д̣̇ассзнд̇о ааха ‘‘саасанасса жаа’’д̇иаад̣̇и. д̇ад̇т̇а саасанасса жа сассиригад̇ааяаад̇и самб̣анд̇хо. виг̇ад̇аубаггилзсажанд̣̇имасуурияаанам̣ вияа саасанасса жа сассиригад̇ааяа сам̣вад̇д̇ад̇ийд̇и ад̇хиббааяо.
Kosambakānaṃ bhaṇḍanādi bhavati viya bhaṇḍanādi bhavissatīti yojanā. Pacchāpi avippaṭisārakaraṃ bhavissatīti ettha kesaṃ avippaṭisārakaraṃ bhavati viya pañcaṅgasampannāgataṃ attādānaṃ ādiyato pacchāpi avippaṭisārakaraṃ bhavatīti āha ‘‘subhaddaṃ vuḍḍhapabbajita’’ntiādi. Tattha pañcasatikasaṅgītinti pañcasatehi mahākassapādīhi kattabbaṃ saṅgītiṃ. Mahākassapattherassa pacchā samanussaraṇakaraṃ hoti iva hotīti yojanā. Eseva nayo sesesupi. Samanussaraṇakaranti sammodavasena punappunaṃ anussaraṇassa karaṃ. Iminā ‘‘avippaṭisārakara’’nti padassa atthaṃ dasseti. Pacchāpīti ettha pisaddassa avuttasampiṇḍanatthaṃ dassento āha ‘‘sāsanassa cā’’tiādi. Tattha sāsanassa ca sassirikatāyāti sambandho. Vigataupakkilesacandimasūriyānaṃ viya sāsanassa ca sassirikatāya saṃvattatīti adhippāyo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 7. ад̇д̇аад̣̇аанаан̇г̇ам̣ • 7. Attādānaaṅgaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ад̇д̇аад̣̇аанаан̇г̇агат̇аа • Attādānaaṅgakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇д̇аад̣̇аанаан̇г̇агат̇ааван̣н̣анаа • Attādānaaṅgakathāvaṇṇanā
