| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā |
ਅਤ੍ਤਾਦਾਨਅਙ੍ਗਕਥਾ
Attādānaaṅgakathā
੩੯੮. ਅਤ੍ਤਾਦਾਨਂ ਆਦਾਤੁਕਾਮੇਨਾਤਿ ਏਤ੍ਥ ਸਾਸਨਂ ਸੋਧੇਤੁਕਾਮੋ ਭਿਕ੍ਖੁ ਯਂ ਅਧਿਕਰਣਂ ਅਤ੍ਤਨਾ ਆਦਿਯਤਿ, ਤਂ ਅਤ੍ਤਾਦਾਨਨ੍ਤਿ વੁਚ੍ਚਤਿ। ਅਕਾਲੋ ਇਮਂ ਅਤ੍ਤਾਦਾਨਂ ਆਦਾਤੁਨ੍ਤਿ ਏਤ੍ਥ ਰਾਜਭਯਂ ਚੋਰਭਯਂ ਦੁਬ੍ਭਿਕ੍ਖਭਯਂ વਸ੍ਸਾਰਤ੍ਤੋਤਿ ਅਯਂ ਅਕਾਲੋ, વਿਪਰੀਤੋ ਕਾਲੋ।
398.Attādānaṃ ādātukāmenāti ettha sāsanaṃ sodhetukāmo bhikkhu yaṃ adhikaraṇaṃ attanā ādiyati, taṃ attādānanti vuccati. Akālo imaṃ attādānaṃ ādātunti ettha rājabhayaṃ corabhayaṃ dubbhikkhabhayaṃ vassārattoti ayaṃ akālo, viparīto kālo.
ਅਭੂਤਂ ਇਦਂ ਅਤ੍ਤਾਦਾਨਨ੍ਤਿ ਅਸਨ੍ਤਮਿਦਂ, ਮਯਾ ਅਧਮ੍ਮੋ વਾ ਧਮ੍ਮੋਤਿ, ਧਮ੍ਮੋ વਾ ਅਧਮ੍ਮੋਤਿ, ਅવਿਨਯੋ વਾ વਿਨਯੋਤਿ, વਿਨਯੋ વਾ ਅવਿਨਯੋਤਿ, ਦੁਸ੍ਸੀਲੋ વਾ ਪੁਗ੍ਗਲੋ ਸੀਲવਾਤਿ, ਸੀਲવਾ વਾ ਦੁਸ੍ਸੀਲੋਤਿ ਗਹਿਤੋਤਿ ਅਤ੍ਥੋ; વਿਪਰਿਯਾਯੇਨ ਭੂਤਂ વੇਦਿਤਬ੍ਬਂ। ਅਨਤ੍ਥਸਂਹਿਤਂ ਇਦਂ ਅਤ੍ਤਾਦਾਨਨ੍ਤਿ ਏਤ੍ਥ ਯਂ ਜੀવਿਤਨ੍ਤਰਾਯਾਯ વਾ ਬ੍ਰਹ੍ਮਚਰਿਯਨ੍ਤਰਾਯਾਯ વਾ ਸਂવਤ੍ਤਤਿ, ਇਦਂ ਅਨਤ੍ਥਸਂਹਿਤਂ, વਿਪਰੀਤਂ ਅਤ੍ਥਸਂਹਿਤਂ ਨਾਮ।
Abhūtaṃ idaṃ attādānanti asantamidaṃ, mayā adhammo vā dhammoti, dhammo vā adhammoti, avinayo vā vinayoti, vinayo vā avinayoti, dussīlo vā puggalo sīlavāti, sīlavā vā dussīloti gahitoti attho; vipariyāyena bhūtaṃ veditabbaṃ. Anatthasaṃhitaṃ idaṃ attādānanti ettha yaṃ jīvitantarāyāya vā brahmacariyantarāyāya vā saṃvattati, idaṃ anatthasaṃhitaṃ, viparītaṃ atthasaṃhitaṃ nāma.
ਨ ਲਭਿਸ੍ਸਾਮਿ ਸਨ੍ਦਿਟ੍ਠੇ ਸਮ੍ਭਤ੍ਤੇ ਭਿਕ੍ਖੂਤਿ ਅਪ੍ਪੇਕਦਾ ਹਿ ਰਾਜਭਯਾਦੀਸੁ ਏવਰੂਪਾ ਅਤ੍ਤਨੋ ਪਕ੍ਖਸ੍ਸ ਉਪਤ੍ਥਮ੍ਭਕਾ ਭਿਕ੍ਖੂ ਲਦ੍ਧੁਂ ਨ ਸਕ੍ਕਾ ਹੋਨ੍ਤਿ, ਤਂ ਸਨ੍ਧਾਯ વੁਤ੍ਤਂ ‘‘ਨ ਲਭਿਸ੍ਸਾਮੀ’’ਤਿ । ਅਪ੍ਪੇਕਦਾ ਪਨ ਖੇਮਸੁਭਿਕ੍ਖਾਦੀਸੁ ਲਦ੍ਧੁਂ ਸਕ੍ਕਾ ਹੋਨ੍ਤਿ, ਤਂ ਸਨ੍ਧਾਯ ‘‘ਲਭਿਸ੍ਸਾਮੀ’’ਤਿ વੁਤ੍ਤਂ।
Na labhissāmi sandiṭṭhe sambhatte bhikkhūti appekadā hi rājabhayādīsu evarūpā attano pakkhassa upatthambhakā bhikkhū laddhuṃ na sakkā honti, taṃ sandhāya vuttaṃ ‘‘na labhissāmī’’ti . Appekadā pana khemasubhikkhādīsu laddhuṃ sakkā honti, taṃ sandhāya ‘‘labhissāmī’’ti vuttaṃ.
ਭવਿਸ੍ਸਤਿ ਸਙ੍ਘਸ੍ਸ ਤਤੋਨਿਦਾਨਂ ਭਣ੍ਡਨਨ੍ਤਿ ਕੋਸਮ੍ਬਕਾਨਂ વਿਯ ਭਣ੍ਡਨਂ ਕਲਹੋ વਿਗ੍ਗਹੋ વਿવਾਦੋ ਸਙ੍ਘਭੇਦੋ ਚ ਭવਿਸ੍ਸਤੀਤਿ। ਪਚ੍ਛਾਪਿ ਅવਿਪ੍ਪਟਿਸਾਰਕਰਂ ਭવਿਸ੍ਸਤੀਤਿ ਸੁਭਦ੍ਦਂ વੁਡ੍ਢਪਬ੍ਬਜਿਤਂ ਨਿਗ੍ਗਹੇਤ੍વਾ ਪਞ੍ਚਸਤਿਕਸਙ੍ਗੀਤਿਂ ਕਰੋਨ੍ਤਸ੍ਸ ਮਹਾਕਸ੍ਸਪਤ੍ਥੇਰਸ੍ਸੇવ, ਦਸવਤ੍ਥੁਕੇ ਅਧਿਕਰਣੇ ਦਸਭਿਕ੍ਖੁਸਹਸ੍ਸਾਨਿ ਨਿਗ੍ਗਹੇਤ੍વਾ ਸਤ੍ਤਸਤਿਕਸਙ੍ਗੀਤਿਂ ਕਰੋਨ੍ਤਸ੍ਸ ਆਯਸ੍ਮਤੋ ਯਸਸ੍ਸੇવ, ਸਟ੍ਠਿਭਿਕ੍ਖੁਸਹਸ੍ਸਾਨਿ ਨਿਗ੍ਗਹੇਤ੍વਾ ਸਹਸ੍ਸਿਕਸਙ੍ਗੀਤਿਂ ਕਰੋਨ੍ਤਸ੍ਸ ਮੋਗ੍ਗਲਿਪੁਤ੍ਤਤਿਸ੍ਸਤ੍ਥੇਰਸ੍ਸੇવ ਚ ਪਚ੍ਛਾ ਸਮਨੁਸ੍ਸਰਣਕਰਣਂ ਹੋਤਿ, ਸਾਸਨਸ੍ਸ ਚ વਿਗਤੁਪਕ੍ਕਿਲੇਸਚਨ੍ਦਿਮਸੂਰਿਯਸਸ੍ਸਿਰਿਕਤਾਯ ਸਂવਤ੍ਤਤਿ।
Bhavissati saṅghassa tatonidānaṃ bhaṇḍananti kosambakānaṃ viya bhaṇḍanaṃ kalaho viggaho vivādo saṅghabhedo ca bhavissatīti. Pacchāpi avippaṭisārakaraṃ bhavissatīti subhaddaṃ vuḍḍhapabbajitaṃ niggahetvā pañcasatikasaṅgītiṃ karontassa mahākassapattherasseva, dasavatthuke adhikaraṇe dasabhikkhusahassāni niggahetvā sattasatikasaṅgītiṃ karontassa āyasmato yasasseva, saṭṭhibhikkhusahassāni niggahetvā sahassikasaṅgītiṃ karontassa moggaliputtatissattherasseva ca pacchā samanussaraṇakaraṇaṃ hoti, sāsanassa ca vigatupakkilesacandimasūriyasassirikatāya saṃvattati.
ਅਤ੍ਤਾਦਾਨਅਙ੍ਗਕਥਾ ਨਿਟ੍ਠਿਤਾ।
Attādānaaṅgakathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੭. ਅਤ੍ਤਾਦਾਨਅਙ੍ਗਂ • 7. Attādānaaṅgaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਤ੍ਤਾਦਾਨਅਙ੍ਗਕਥਾવਣ੍ਣਨਾ • Attādānaaṅgakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਤ੍ਤਾਦਾਨਅਙ੍ਗਕਥਾવਣ੍ਣਨਾ • Attādānaaṅgakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਤ੍ਤਾਦਾਨਅਙ੍ਗਕਥਾਦਿવਣ੍ਣਨਾ • Attādānaaṅgakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੭. ਅਤ੍ਤਾਦਾਨਅਙ੍ਗਕਥਾ • 7. Attādānaaṅgakathā
