| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੭. ਅਤ੍ਤਾਦਾਨਅਙ੍ਗਕਥਾ
7. Attādānaaṅgakathā
੩੯੮. ਅਤ੍ਤਾਦਾਨਂ ਆਦਾਤੁਕਾਮੇਨਾਤਿ ਏਤ੍ਥ ਕਿਂ ਅਤ੍ਤਾਦਾਨਨ੍ਤਿ ਆਹ ‘‘ਸਾਸਨਂ ਸੋਧੇਤੁਕਾਮੋ’’ਤਿਆਦਿ। ਇਮਿਨਾ ਪਰਂ ਚੋਦੇਤੁਂ ਅਤ੍ਤਨਾ ਆਦਾਤਬ੍ਬਂ ਅਧਿਕਰਣਂ ਅਤ੍ਤਾਦਾਨਨ੍ਤਿ વੁਚ੍ਚਤੀਤਿ ਦਸ੍ਸੇਤਿ। ਅਕਾਲੋ ਇਮਂ ਅਤ੍ਤਾਦਾਨਂ ਆਦਾਤੁਨ੍ਤਿ ਏਤ੍ਥ ਅਕਾਲਂ ਦਸ੍ਸੇਨ੍ਤੋ ਆਹ ‘‘ਰਾਜਭਯ’’ਨ੍ਤਿਆਦਿ। ਤਤ੍ਥ વਸ੍ਸਾਰਤ੍ਤੋਤਿ વਸ੍ਸਕਾਲੋ। ਸੋ ਹਿ વਸ੍ਸੋ ਅਤਿવਿਯ ਰਞ੍ਜਤਿ ਏਤ੍ਥ ਕਾਲੇਤਿ વਸ੍ਸਾਰਤ੍ਤੋਤਿ વੁਚ੍ਚਤਿ। વਸ੍ਸਾਰਤ੍ਤੋਪਿ ਅਧਿਕਰਣવੂਪਸਮਤ੍ਥਂ ਲਜ੍ਜਿਪਰਿਸਾਯ ਦੂਰਤੋ ਆਨਯਨਸ੍ਸ ਦੁਕ੍ਕਰਤ੍ਤਾ ਅਕਾਲੋ ਨਾਮ। ਇਤੀਤਿ ਅਯਂ ਰਾਜਭਯਾਦਿਕਾਲੋਤਿ ਅਤ੍ਥੋ। વਿਪਰੀਤੋਤਿ ਰਾਜਭਯਾਦੀਨਂ ਅਭਾવਕਾਲੋ।
398.Attādānaṃ ādātukāmenāti ettha kiṃ attādānanti āha ‘‘sāsanaṃ sodhetukāmo’’tiādi. Iminā paraṃ codetuṃ attanā ādātabbaṃ adhikaraṇaṃ attādānanti vuccatīti dasseti. Akāloimaṃ attādānaṃ ādātunti ettha akālaṃ dassento āha ‘‘rājabhaya’’ntiādi. Tattha vassārattoti vassakālo. So hi vasso ativiya rañjati ettha kāleti vassārattoti vuccati. Vassārattopi adhikaraṇavūpasamatthaṃ lajjiparisāya dūrato ānayanassa dukkarattā akālo nāma. Itīti ayaṃ rājabhayādikāloti attho. Viparītoti rājabhayādīnaṃ abhāvakālo.
ਅਭੂਤਂ ਇਦਂ ਅਤ੍ਤਾਦਾਨਨ੍ਤਿ ਏਤ੍ਥ ਅਭੂਤਸਦ੍ਦੋ ਅવਿਜ੍ਜਮਾਨਪਰਿਯਾਯੋਤਿ ਆਹ ‘‘ਅਸਨ੍ਤਮਿਦ’’ਨ੍ਤਿ, ਇਦਂ ਅਤ੍ਤਾਦਾਨਂ ਅવਿਜ੍ਜਮਾਨਨ੍ਤਿ ਅਤ੍ਥੋ। ਮਯਾ ਗਹਿਤੋਤਿ ਸਮ੍ਬਨ੍ਧੋ। ਸੀਲવਾ ਪੁਗ੍ਗਲੋਤਿ ਯੋਜਨਾ। ਯਨ੍ਤਿ ਅਤ੍ਤਾਦਾਨਂ ਸਂવਤ੍ਤਤੀਤਿ ਸਮ੍ਬਨ੍ਧੋ। ਇਦਨ੍ਤਿ ਅਤ੍ਤਾਦਾਨਂ।
Abhūtaṃ idaṃ attādānanti ettha abhūtasaddo avijjamānapariyāyoti āha ‘‘asantamida’’nti, idaṃ attādānaṃ avijjamānanti attho. Mayā gahitoti sambandho. Sīlavā puggaloti yojanā. Yanti attādānaṃ saṃvattatīti sambandho. Idanti attādānaṃ.
ਨ ਲਭਿਸ੍ਸਾਮਿ ਸਨ੍ਦਿਟ੍ਠੇ, ਲਭਿਸ੍ਸਾਮਿ ਸਨ੍ਦਿਟ੍ਠੇਤਿ ਏਤ੍ਥ ‘‘ਨ ਲਭਿਸ੍ਸਾਮਿ, ਲਭਿਸ੍ਸਾਮੀ’’ਤਿ ਇਦਂ ਕਿਂ ਸਨ੍ਧਾਯ વੁਤ੍ਤਨ੍ਤਿ ਆਹ ‘‘ਅਪ੍ਪੇਕਦਾ ਹੀ’’ਤਿਆਦਿ। ਤਤ੍ਥ ਅਪ੍ਪੇਕਦਾਤਿ ਅਪਿ ਏਕਦਾ। ਹਿਸਦ੍ਦੋ વਿਤ੍ਥਾਰਜੋਤਕੋ। ਏવਰੂਪਾਤਿ ਸਨ੍ਦਿਟ੍ਠਸਮ੍ਭਤ੍ਤਸਭਾવਾ। ਤਨ੍ਤਿ ਉਪਤ੍ਥਮ੍ਭਕਭਿਕ੍ਖੁਲਭਨਂ ਸਨ੍ਧਾਯਾਤਿ ਸਮ੍ਬਨ੍ਧੋ। ‘‘ਨ ਲਭਿਸ੍ਸਾਮੀ’’ਤਿ ਇਦਂ વਚਨਂ વੁਤ੍ਤਨ੍ਤਿ ਸਮ੍ਬਨ੍ਧੋ।
Na labhissāmi sandiṭṭhe, labhissāmi sandiṭṭheti ettha ‘‘na labhissāmi, labhissāmī’’ti idaṃ kiṃ sandhāya vuttanti āha ‘‘appekadā hī’’tiādi. Tattha appekadāti api ekadā. Hisaddo vitthārajotako. Evarūpāti sandiṭṭhasambhattasabhāvā. Tanti upatthambhakabhikkhulabhanaṃ sandhāyāti sambandho. ‘‘Na labhissāmī’’ti idaṃ vacanaṃ vuttanti sambandho.
ਕੋਸਮ੍ਬਕਾਨਂ ਭਣ੍ਡਨਾਦਿ ਭવਤਿ વਿਯ ਭਣ੍ਡਨਾਦਿ ਭવਿਸ੍ਸਤੀਤਿ ਯੋਜਨਾ। ਪਚ੍ਛਾਪਿ ਅવਿਪ੍ਪਟਿਸਾਰਕਰਂ ਭવਿਸ੍ਸਤੀਤਿ ਏਤ੍ਥ ਕੇਸਂ ਅવਿਪ੍ਪਟਿਸਾਰਕਰਂ ਭવਤਿ વਿਯ ਪਞ੍ਚਙ੍ਗਸਮ੍ਪਨ੍ਨਾਗਤਂ ਅਤ੍ਤਾਦਾਨਂ ਆਦਿਯਤੋ ਪਚ੍ਛਾਪਿ ਅવਿਪ੍ਪਟਿਸਾਰਕਰਂ ਭવਤੀਤਿ ਆਹ ‘‘ਸੁਭਦ੍ਦਂ વੁਡ੍ਢਪਬ੍ਬਜਿਤ’’ਨ੍ਤਿਆਦਿ। ਤਤ੍ਥ ਪਞ੍ਚਸਤਿਕਸਙ੍ਗੀਤਿਨ੍ਤਿ ਪਞ੍ਚਸਤੇਹਿ ਮਹਾਕਸ੍ਸਪਾਦੀਹਿ ਕਤ੍ਤਬ੍ਬਂ ਸਙ੍ਗੀਤਿਂ। ਮਹਾਕਸ੍ਸਪਤ੍ਥੇਰਸ੍ਸ ਪਚ੍ਛਾ ਸਮਨੁਸ੍ਸਰਣਕਰਂ ਹੋਤਿ ਇવ ਹੋਤੀਤਿ ਯੋਜਨਾ। ਏਸੇવ ਨਯੋ ਸੇਸੇਸੁਪਿ। ਸਮਨੁਸ੍ਸਰਣਕਰਨ੍ਤਿ ਸਮ੍ਮੋਦવਸੇਨ ਪੁਨਪ੍ਪੁਨਂ ਅਨੁਸ੍ਸਰਣਸ੍ਸ ਕਰਂ। ਇਮਿਨਾ ‘‘ਅવਿਪ੍ਪਟਿਸਾਰਕਰ’’ਨ੍ਤਿ ਪਦਸ੍ਸ ਅਤ੍ਥਂ ਦਸ੍ਸੇਤਿ। ਪਚ੍ਛਾਪੀਤਿ ਏਤ੍ਥ ਪਿਸਦ੍ਦਸ੍ਸ ਅવੁਤ੍ਤਸਮ੍ਪਿਣ੍ਡਨਤ੍ਥਂ ਦਸ੍ਸੇਨ੍ਤੋ ਆਹ ‘‘ਸਾਸਨਸ੍ਸ ਚਾ’’ਤਿਆਦਿ। ਤਤ੍ਥ ਸਾਸਨਸ੍ਸ ਚ ਸਸ੍ਸਿਰਿਕਤਾਯਾਤਿ ਸਮ੍ਬਨ੍ਧੋ। વਿਗਤਉਪਕ੍ਕਿਲੇਸਚਨ੍ਦਿਮਸੂਰਿਯਾਨਂ વਿਯ ਸਾਸਨਸ੍ਸ ਚ ਸਸ੍ਸਿਰਿਕਤਾਯ ਸਂવਤ੍ਤਤੀਤਿ ਅਧਿਪ੍ਪਾਯੋ।
Kosambakānaṃ bhaṇḍanādi bhavati viya bhaṇḍanādi bhavissatīti yojanā. Pacchāpi avippaṭisārakaraṃ bhavissatīti ettha kesaṃ avippaṭisārakaraṃ bhavati viya pañcaṅgasampannāgataṃ attādānaṃ ādiyato pacchāpi avippaṭisārakaraṃ bhavatīti āha ‘‘subhaddaṃ vuḍḍhapabbajita’’ntiādi. Tattha pañcasatikasaṅgītinti pañcasatehi mahākassapādīhi kattabbaṃ saṅgītiṃ. Mahākassapattherassa pacchā samanussaraṇakaraṃ hoti iva hotīti yojanā. Eseva nayo sesesupi. Samanussaraṇakaranti sammodavasena punappunaṃ anussaraṇassa karaṃ. Iminā ‘‘avippaṭisārakara’’nti padassa atthaṃ dasseti. Pacchāpīti ettha pisaddassa avuttasampiṇḍanatthaṃ dassento āha ‘‘sāsanassa cā’’tiādi. Tattha sāsanassa ca sassirikatāyāti sambandho. Vigataupakkilesacandimasūriyānaṃ viya sāsanassa ca sassirikatāya saṃvattatīti adhippāyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੭. ਅਤ੍ਤਾਦਾਨਅਙ੍ਗਂ • 7. Attādānaaṅgaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਅਤ੍ਤਾਦਾਨਅਙ੍ਗਕਥਾ • Attādānaaṅgakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਤ੍ਤਾਦਾਨਅਙ੍ਗਕਥਾવਣ੍ਣਨਾ • Attādānaaṅgakathāvaṇṇanā
