| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
7. ад̇д̇аад̣̇аанаан̇г̇ам̣
7. Attādānaaṅgaṃ
398. ат̇а ко ааяасмаа убаали язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа убаали бхаг̇аванд̇ам̣ зд̇ад̣̇авожа – ‘‘ад̇д̇аад̣̇аанам̣ аад̣̇аад̇угаамзна, бханд̇з, бхигкунаа гад̇аман̇г̇асаманнааг̇ад̇ам̣ 1 ад̇д̇аад̣̇аанам̣ аад̣̇аад̇аб̣б̣а’’нд̇и?
398. Atha kho āyasmā upāli yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā upāli bhagavantaṃ etadavoca – ‘‘attādānaṃ ādātukāmena, bhante, bhikkhunā katamaṅgasamannāgataṃ 2 attādānaṃ ādātabba’’nti?
3 ‘‘ад̇д̇аад̣̇аанам̣ аад̣̇аад̇угаамзна, убаали, бхигкунаа бан̃жан̇г̇асаманнааг̇ад̇ам̣ ад̇д̇аад̣̇аанам̣ аад̣̇аад̇аб̣б̣ам̣. ад̇д̇аад̣̇аанам̣ аад̣̇аад̇угаамзна, убаали, бхигкунаа звам̣ бажжавзгкид̇аб̣б̣ам̣ – ‘яам̣ ко ахам̣ имам̣ ад̇д̇аад̣̇аанам̣ аад̣̇аад̇угаамо, гаало ну ко имам̣ ад̇д̇аад̣̇аанам̣ аад̣̇аад̇ум̣ уд̣̇ааху но’д̇и? сажз, убаали, бхигку бажжавзгкамаано звам̣ ж̇аанаад̇и – ‘агаало имам̣ ад̇д̇аад̣̇аанам̣ аад̣̇аад̇ум̣, но гаало’д̇и, на д̇ам̣, убаали, ад̇д̇аад̣̇аанам̣ аад̣̇аад̇аб̣б̣ам̣.
4 ‘‘Attādānaṃ ādātukāmena, upāli, bhikkhunā pañcaṅgasamannāgataṃ attādānaṃ ādātabbaṃ. Attādānaṃ ādātukāmena, upāli, bhikkhunā evaṃ paccavekkhitabbaṃ – ‘yaṃ kho ahaṃ imaṃ attādānaṃ ādātukāmo, kālo nu kho imaṃ attādānaṃ ādātuṃ udāhu no’ti? Sace, upāli, bhikkhu paccavekkhamāno evaṃ jānāti – ‘akālo imaṃ attādānaṃ ādātuṃ, no kālo’ti, na taṃ, upāli, attādānaṃ ādātabbaṃ.
‘‘сажз банубаали, бхигку бажжавзгкамаано звам̣ ж̇аанаад̇и – ‘гаало имам̣ ад̇д̇аад̣̇аанам̣ аад̣̇аад̇ум̣, но агаало’д̇и, д̇знубаали, бхигкунаа уд̇д̇ари бажжавзгкид̇аб̣б̣ам̣ – ‘яам̣ ко ахам̣ имам̣ ад̇д̇аад̣̇аанам̣ аад̣̇аад̇угаамо, бхууд̇ам̣ ну ко ид̣̇ам̣ ад̇д̇аад̣̇аанам̣ уд̣̇ааху но’д̇и? сажз, убаали, бхигку бажжавзгкамаано звам̣ ж̇аанаад̇и – ‘абхууд̇ам̣ ид̣̇ам̣ ад̇д̇аад̣̇аанам̣, но бхууд̇а’нд̇и, на д̇ам̣, убаали, ад̇д̇аад̣̇аанам̣ аад̣̇аад̇аб̣б̣ам̣.
‘‘Sace panupāli, bhikkhu paccavekkhamāno evaṃ jānāti – ‘kālo imaṃ attādānaṃ ādātuṃ, no akālo’ti, tenupāli, bhikkhunā uttari paccavekkhitabbaṃ – ‘yaṃ kho ahaṃ imaṃ attādānaṃ ādātukāmo, bhūtaṃ nu kho idaṃ attādānaṃ udāhu no’ti? Sace, upāli, bhikkhu paccavekkhamāno evaṃ jānāti – ‘abhūtaṃ idaṃ attādānaṃ, no bhūta’nti, na taṃ, upāli, attādānaṃ ādātabbaṃ.
‘‘сажз банубаали, бхигку бажжавзгкамаано звам̣ ж̇аанаад̇и – ‘бхууд̇ам̣ ид̣̇ам̣ ад̇д̇аад̣̇аанам̣, но абхууд̇а’нд̇и, д̇знубаали, бхигкунаа уд̇д̇ари бажжавзгкид̇аб̣б̣ам̣ – ‘яам̣ ко ахам̣ имам̣ ад̇д̇аад̣̇аанам̣ аад̣̇аад̇угаамо, ад̇т̇асан̃хид̇ам̣ ну ко ид̣̇ам̣ ад̇д̇аад̣̇аанам̣ уд̣̇ааху но’д̇и? сажз, убаали, бхигку бажжавзгкамаано звам̣ ж̇аанаад̇и – ‘анад̇т̇асан̃хид̇ам̣ ид̣̇ам̣ ад̇д̇аад̣̇аанам̣, но ад̇т̇асан̃хид̇а’нд̇и, на д̇ам̣, убаали, ад̇д̇аад̣̇аанам̣ аад̣̇аад̇аб̣б̣ам̣.
‘‘Sace panupāli, bhikkhu paccavekkhamāno evaṃ jānāti – ‘bhūtaṃ idaṃ attādānaṃ, no abhūta’nti, tenupāli, bhikkhunā uttari paccavekkhitabbaṃ – ‘yaṃ kho ahaṃ imaṃ attādānaṃ ādātukāmo, atthasañhitaṃ nu kho idaṃ attādānaṃ udāhu no’ti? Sace, upāli, bhikkhu paccavekkhamāno evaṃ jānāti – ‘anatthasañhitaṃ idaṃ attādānaṃ, no atthasañhita’nti, na taṃ, upāli, attādānaṃ ādātabbaṃ.
‘‘сажз банубаали, бхигку бажжавзгкамаано звам̣ ж̇аанаад̇и – ‘ад̇т̇асан̃хид̇ам̣ ид̣̇ам̣ ад̇д̇аад̣̇аанам̣, но анад̇т̇асан̃хид̇а’нд̇и, д̇знубаали, бхигкунаа уд̇д̇ари бажжавзгкид̇аб̣б̣ам̣ – ‘имам̣ ко ахам̣ ад̇д̇аад̣̇аанам̣ аад̣̇ияамаано лабхиссаами санд̣̇идтз самбхад̇д̇з бхигкуу д̇хаммад̇о винаяад̇о багкз уд̣̇ааху но’д̇и? сажз, убаали, бхигку бажжавзгкамаано звам̣ ж̇аанаад̇и – ‘имам̣ ко ахам̣ ад̇д̇аад̣̇аанам̣ аад̣̇ияамаано на лабхиссаами санд̣̇идтз самбхад̇д̇з бхигкуу д̇хаммад̇о винаяад̇о багкз’д̇и, на д̇ам̣, убаали, ад̇д̇аад̣̇аанам̣ аад̣̇аад̇аб̣б̣ам̣.
‘‘Sace panupāli, bhikkhu paccavekkhamāno evaṃ jānāti – ‘atthasañhitaṃ idaṃ attādānaṃ, no anatthasañhita’nti, tenupāli, bhikkhunā uttari paccavekkhitabbaṃ – ‘imaṃ kho ahaṃ attādānaṃ ādiyamāno labhissāmi sandiṭṭhe sambhatte bhikkhū dhammato vinayato pakkhe udāhu no’ti? Sace, upāli, bhikkhu paccavekkhamāno evaṃ jānāti – ‘imaṃ kho ahaṃ attādānaṃ ādiyamāno na labhissāmi sandiṭṭhe sambhatte bhikkhū dhammato vinayato pakkhe’ti, na taṃ, upāli, attādānaṃ ādātabbaṃ.
‘‘сажз банубаали, бхигку бажжавзгкамаано звам̣ ж̇аанаад̇и – ‘имам̣ ко ахам̣ ад̇д̇аад̣̇аанам̣ аад̣̇ияамаано лабхиссаами санд̣̇идтз самбхад̇д̇з бхигкуу д̇хаммад̇о винаяад̇о багкз’д̇и, д̇знубаали, бхигкунаа уд̇д̇ари бажжавзгкид̇аб̣б̣ам̣ – ‘имам̣ ко мз ад̇д̇аад̣̇аанам̣ аад̣̇ияад̇о бхависсад̇и сан̇гхасса д̇ад̇онид̣̇аанам̣ бхан̣д̣анам̣ галахо виг̇г̇ахо виваад̣̇о сан̇гхабхзд̣̇о сан̇гхарааж̇и сан̇гхававад̇т̇аанам̣ сан̇гханаанаагаран̣ам̣ уд̣̇ааху но’д̇и? сажз убаали, бхигку бажжавзгкамаано звам̣ ж̇аанаад̇и – ‘имам̣ ко мз ад̇д̇аад̣̇аанам̣ аад̣̇ияад̇о бхависсад̇и сан̇гхасса д̇ад̇онид̣̇аанам̣ бхан̣д̣анам̣ галахо виг̇г̇ахо виваад̣̇о сан̇гхабхзд̣̇о сан̇гхарааж̇и сан̇гхававад̇т̇аанам̣ сан̇гханаанаагаран̣а’нд̇и, на д̇ам̣, убаали, ад̇д̇аад̣̇аанам̣ аад̣̇аад̇аб̣б̣ам̣. сажз банубаали, бхигку бажжавзгкамаано звам̣ ж̇аанаад̇и – ‘имам̣ ко мз ад̇д̇аад̣̇аанам̣ аад̣̇ияад̇о на бхависсад̇и сан̇гхасса д̇ад̇онид̣̇аанам̣ бхан̣д̣анам̣ галахо виг̇г̇ахо виваад̣̇о сан̇гхабхзд̣̇о сан̇гхарааж̇и сан̇гхававад̇т̇аанам̣ сан̇гханаанаагаран̣а’нд̇и, аад̣̇аад̇аб̣б̣ам̣ д̇ам̣, убаали, ад̇д̇аад̣̇аанам̣. звам̣ бан̃жан̇г̇асаманнааг̇ад̇ам̣ ко, убаали, ад̇д̇аад̣̇аанам̣ аад̣̇иннам̣, бажчааби авиббадисаарагарам̣ бхависсад̇ий’д̇и.
‘‘Sace panupāli, bhikkhu paccavekkhamāno evaṃ jānāti – ‘imaṃ kho ahaṃ attādānaṃ ādiyamāno labhissāmi sandiṭṭhe sambhatte bhikkhū dhammato vinayato pakkhe’ti, tenupāli, bhikkhunā uttari paccavekkhitabbaṃ – ‘imaṃ kho me attādānaṃ ādiyato bhavissati saṅghassa tatonidānaṃ bhaṇḍanaṃ kalaho viggaho vivādo saṅghabhedo saṅgharāji saṅghavavatthānaṃ saṅghanānākaraṇaṃ udāhu no’ti? Sace upāli, bhikkhu paccavekkhamāno evaṃ jānāti – ‘imaṃ kho me attādānaṃ ādiyato bhavissati saṅghassa tatonidānaṃ bhaṇḍanaṃ kalaho viggaho vivādo saṅghabhedo saṅgharāji saṅghavavatthānaṃ saṅghanānākaraṇa’nti, na taṃ, upāli, attādānaṃ ādātabbaṃ. Sace panupāli, bhikkhu paccavekkhamāno evaṃ jānāti – ‘imaṃ kho me attādānaṃ ādiyato na bhavissati saṅghassa tatonidānaṃ bhaṇḍanaṃ kalaho viggaho vivādo saṅghabhedo saṅgharāji saṅghavavatthānaṃ saṅghanānākaraṇa’nti, ādātabbaṃ taṃ, upāli, attādānaṃ. Evaṃ pañcaṅgasamannāgataṃ kho, upāli, attādānaṃ ādinnaṃ, pacchāpi avippaṭisārakaraṃ bhavissatī’ti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ад̇д̇аад̣̇аанаан̇г̇агат̇аа • Attādānaaṅgakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇д̇аад̣̇аанаан̇г̇агат̇ааван̣н̣анаа • Attādānaaṅgakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇д̇аад̣̇аанаан̇г̇агат̇ааван̣н̣анаа • Attādānaaṅgakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇д̇аад̣̇аанаан̇г̇агат̇аад̣̇иван̣н̣анаа • Attādānaaṅgakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. ад̇д̇аад̣̇аанаан̇г̇агат̇аа • 7. Attādānaaṅgakathā
