| Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi |
15. ад̇д̇ад̣̇ан̣д̣асуд̇д̇ам̣
15. Attadaṇḍasuttaṃ
941.
941.
‘‘ад̇д̇ад̣̇ан̣д̣аа бхаяам̣ ж̇аад̇ам̣, ж̇анам̣ бассат̇а мзд̇хаг̇ам̣;
‘‘Attadaṇḍā bhayaṃ jātaṃ, janaṃ passatha medhagaṃ;
сам̣взг̇ам̣ гид̇д̇аяиссаами, яат̇аа сам̣виж̇ид̇ам̣ маяаа.
Saṃvegaṃ kittayissāmi, yathā saṃvijitaṃ mayā.
942.
942.
‘‘панд̣̇амаанам̣ баж̇ам̣ д̣̇исваа, мажчз аббод̣̇агз яат̇аа;
‘‘Phandamānaṃ pajaṃ disvā, macche appodake yathā;
ан̃н̃аман̃н̃зхи б̣яааруд̣̇д̇хз, д̣̇исваа мам̣ бхаяамаависи.
Aññamaññehi byāruddhe, disvā maṃ bhayamāvisi.
943.
943.
‘‘саманд̇амасааро лого, д̣̇исаа саб̣б̣аа самзрид̇аа;
‘‘Samantamasāro loko, disā sabbā sameritā;
ижчам̣ бхаванамад̇д̇ано, наад̣̇д̣̇асаасим̣ аносид̇ам̣.
Icchaṃ bhavanamattano, nāddasāsiṃ anositaṃ.
944.
944.
‘‘осаанзд̇взва б̣яааруд̣̇д̇хз, д̣̇исваа мз арад̇ий аху;
‘‘Osānetveva byāruddhe, disvā me aratī ahu;
ат̇зд̇т̇а салламад̣̇д̣̇агким̣, д̣̇уд̣̇д̣̇асам̣ хад̣̇аяаниссид̇ам̣.
Athettha sallamaddakkhiṃ, duddasaṃ hadayanissitaṃ.
945.
945.
‘‘язна саллзна од̇ин̣н̣о, д̣̇исаа саб̣б̣аа вид̇хаавад̇и;
‘‘Yena sallena otiṇṇo, disā sabbā vidhāvati;
д̇амзва салламаб̣б̣уяха, на д̇хаавад̇и на сийд̣̇ад̇и.
Tameva sallamabbuyha, na dhāvati na sīdati.
946.
946.
‘‘д̇ад̇т̇а сигкаануг̇ийяанд̇и 1, яаани логз г̇ад̇хид̇аани;
‘‘Tattha sikkhānugīyanti 2, yāni loke gadhitāni;
на д̇зсу басуд̇о сияаа, ниб̣б̣иж̇жха саб̣б̣асо гаамз;
Na tesu pasuto siyā, nibbijjha sabbaso kāme;
сигкз ниб̣б̣аанамад̇д̇ано.
Sikkhe nibbānamattano.
947.
947.
‘‘сажжо сияаа аббаг̇аб̣бхо, амааяо рид̇д̇абзсун̣о;
‘‘Sacco siyā appagabbho, amāyo rittapesuṇo;
аггод̇хано лобхабаабам̣, взвижчам̣ вид̇арз муни.
Akkodhano lobhapāpaṃ, vevicchaṃ vitare muni.
948.
948.
‘‘нид̣̇д̣̇ам̣ д̇анд̣̇им̣ сахз т̇ийнам̣, бамаад̣̇зна на сам̣васз;
‘‘Niddaṃ tandiṃ sahe thīnaṃ, pamādena na saṃvase;
ад̇имаанз на д̇идтзяяа, ниб̣б̣аанаманасо наро.
Atimāne na tiṭṭheyya, nibbānamanaso naro.
949.
949.
‘‘мосаваж̇ж̇з на нийязт̇а, руубз снзхам̣ на губ̣б̣аяз;
‘‘Mosavajje na nīyetha, rūpe snehaṃ na kubbaye;
маанан̃жа бариж̇аанзяяа, саахасаа вирад̇о жарз.
Mānañca parijāneyya, sāhasā virato care.
950.
950.
‘‘бураан̣ам̣ наабхинанд̣̇зяяа, навз канд̇им̣ на губ̣б̣аяз;
‘‘Purāṇaṃ nābhinandeyya, nave khantiṃ na kubbaye;
хияяамаанз на сожзяяа, аагаасам̣ на сид̇о сияаа.
Hiyyamāne na soceyya, ākāsaṃ na sito siyā.
951.
951.
‘‘г̇зд̇хам̣ б̣рууми махогход̇и, ааж̇авам̣ б̣рууми ж̇аббанам̣;
‘‘Gedhaṃ brūmi mahoghoti, ājavaṃ brūmi jappanaṃ;
аарамман̣ам̣ багаббанам̣, гаамабан̇го д̣̇уражжаяо.
Ārammaṇaṃ pakappanaṃ, kāmapaṅko duraccayo.
952.
952.
‘‘сажжаа авоггамма 3 муни, т̇алз д̇идтад̇и б̣раахман̣о;
‘‘Saccā avokkamma 4 muni, thale tiṭṭhati brāhmaṇo;
саб̣б̣ам̣ со 5 бадиниссаж̇ж̇а, са вз санд̇од̇и вужжад̇и.
Sabbaṃ so 6 paṭinissajja, sa ve santoti vuccati.
953.
953.
‘‘са вз вид̣̇ваа са взд̣̇аг̇уу, н̃ад̇ваа д̇хаммам̣ аниссид̇о;
‘‘Sa ve vidvā sa vedagū, ñatvā dhammaṃ anissito;
саммаа со логз ирияаано, на бихзд̇ийд̇ха гассажи.
Sammā so loke iriyāno, na pihetīdha kassaci.
954.
954.
‘‘яод̇ха гаамз ажжад̇ари, сан̇г̇ам̣ логз д̣̇уражжаяам̣;
‘‘Yodha kāme accatari, saṅgaṃ loke duraccayaṃ;
на со сожад̇и нааж̇жхзд̇и, чиннасод̇о аб̣анд̇хано.
Na so socati nājjheti, chinnasoto abandhano.
955.
955.
‘‘яам̣ буб̣б̣з д̇ам̣ висосзхи, бажчаа д̇з мааху гин̃жанам̣;
‘‘Yaṃ pubbe taṃ visosehi, pacchā te māhu kiñcanaṃ;
маж̇жхз жз но г̇ахзссаси, убасанд̇о жариссаси.
Majjhe ce no gahessasi, upasanto carissasi.
956.
956.
‘‘саб̣б̣асо наамаруубасмим̣, яасса над̇т̇и мамааяид̇ам̣;
‘‘Sabbaso nāmarūpasmiṃ, yassa natthi mamāyitaṃ;
асад̇аа жа на сожад̇и, са вз логз на ж̇ийяад̇и.
Asatā ca na socati, sa ve loke na jīyati.
957.
957.
‘‘яасса над̇т̇и ид̣̇ам̣ мзд̇и, барзсам̣ вааби гин̃жанам̣;
‘‘Yassa natthi idaṃ meti, paresaṃ vāpi kiñcanaṃ;
мамад̇д̇ам̣ со асам̣винд̣̇ам̣, над̇т̇и мзд̇и на сожад̇и.
Mamattaṃ so asaṃvindaṃ, natthi meti na socati.
958.
958.
‘‘анидтурий анануг̇ид̣̇д̇хо, анзж̇о саб̣б̣ад̇хий само;
‘‘Aniṭṭhurī ananugiddho, anejo sabbadhī samo;
д̇амаанисам̣сам̣ баб̣рууми, бужчид̇о авигамбинам̣.
Tamānisaṃsaṃ pabrūmi, pucchito avikampinaṃ.
959.
959.
‘‘анзж̇асса виж̇аанад̇о, над̇т̇и гаажи нисан̇кад̇и 7.
‘‘Anejassa vijānato, natthi kāci nisaṅkhati 8.
вирад̇о со вияаараб̣бхаа, кзмам̣ бассад̇и саб̣б̣ад̇хи.
Virato so viyārabbhā, khemaṃ passati sabbadhi.
960.
960.
‘‘на самзсу на омзсу, на уссзсу вад̣̇ад̇з муни;
‘‘Na samesu na omesu, na ussesu vadate muni;
санд̇о со вийд̇амажчаро, наад̣̇зд̇и на нирассад̇ий’’д̇и.
Santo so vītamaccharo, nādeti na nirassatī’’ti.
ад̇д̇ад̣̇ан̣д̣асуд̇д̇ам̣ баннарасамам̣ нидтид̇ам̣.
Attadaṇḍasuttaṃ pannarasamaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 15. ад̇д̇ад̣̇ан̣д̣асуд̇д̇аван̣н̣анаа • 15. Attadaṇḍasuttavaṇṇanā
