| Library / Tipiṭaka / তিপিটক • Tipiṭaka / মহানিদ্দেসপাল়ি • Mahāniddesapāḷi |
১৫. অত্তদণ্ডসুত্তনিদ্দেসো
15. Attadaṇḍasuttaniddeso
অথ অত্তদণ্ডসুত্তনিদ্দেসং ৰক্খতি –
Atha attadaṇḍasuttaniddesaṃ vakkhati –
১৭০.
170.
অত্তদণ্ডা ভযং জাতং, জনং পস্সথ মেধগং।
Attadaṇḍābhayaṃ jātaṃ, janaṃ passatha medhagaṃ;
সংৰেগং কিত্তযিস্সামি, যথা সংৰিজিতং মযা॥
Saṃvegaṃ kittayissāmi, yathā saṃvijitaṃ mayā.
অত্তদণ্ডা ভযং জাতন্তি। দণ্ডাতি তযো দণ্ডা – কাযদণ্ডো, ৰচীদণ্ডো, মনোদণ্ডো। তিৰিধং কাযদুচ্চরিতং কাযদণ্ডো, চতুব্বিধং ৰচীদুচ্চরিতং ৰচীদণ্ডো, তিৰিধং মনোদুচ্চরিতং মনোদণ্ডো। ভযন্তি দ্ৰে ভযানি – দিট্ঠধম্মিকঞ্চ ভযং সম্পরাযিকঞ্চ ভযং। কতমং দিট্ঠধম্মিকং ভযং? ইধেকচ্চো কাযেন দুচ্চরিতং চরতি, ৰাচায দুচ্চরিতং চরতি, মনসা দুচ্চরিতং চরতি, পাণম্পি হনতি, অদিন্নম্পি আদিযতি, সন্ধিম্পি ছিন্দতি, নিল্লোপম্পি হরতি, একাগারিকম্পি করোতি, পরিপন্থেপি তিট্ঠতি, পরদারম্পি গচ্ছতি, মুসাপি ভণতি। তমেনং গহেত্ৰা রঞ্ঞো দস্সেন্তি – ‘‘অযং, দেৰ, চোরো আগুচারী। ইমস্স যং ইচ্ছসি তং দণ্ডং পণেহী’’তি। তমেনং রাজা পরিভাসতি। সো পরিভাসপচ্চযা ভযম্পি উপ্পাদেতি, দুক্খং দোমনস্সং 1 পটিসংৰেদেতি। এতং ভযং দুক্খং দোমনস্সং কুতো তস্স? অত্তদণ্ডতো জাতং সঞ্জাতং নিব্বত্তং অভিনিব্বত্তং পাতুভূতং।
Attadaṇḍā bhayaṃ jātanti. Daṇḍāti tayo daṇḍā – kāyadaṇḍo, vacīdaṇḍo, manodaṇḍo. Tividhaṃ kāyaduccaritaṃ kāyadaṇḍo, catubbidhaṃ vacīduccaritaṃ vacīdaṇḍo, tividhaṃ manoduccaritaṃ manodaṇḍo. Bhayanti dve bhayāni – diṭṭhadhammikañca bhayaṃ samparāyikañca bhayaṃ. Katamaṃ diṭṭhadhammikaṃ bhayaṃ? Idhekacco kāyena duccaritaṃ carati, vācāya duccaritaṃ carati, manasā duccaritaṃ carati, pāṇampi hanati, adinnampi ādiyati, sandhimpi chindati, nillopampi harati, ekāgārikampi karoti, paripanthepi tiṭṭhati, paradārampi gacchati, musāpi bhaṇati. Tamenaṃ gahetvā rañño dassenti – ‘‘ayaṃ, deva, coro āgucārī. Imassa yaṃ icchasi taṃ daṇḍaṃ paṇehī’’ti. Tamenaṃ rājā paribhāsati. So paribhāsapaccayā bhayampi uppādeti, dukkhaṃ domanassaṃ 2 paṭisaṃvedeti. Etaṃ bhayaṃ dukkhaṃ domanassaṃ kuto tassa? Attadaṇḍato jātaṃ sañjātaṃ nibbattaṃ abhinibbattaṃ pātubhūtaṃ.
এত্তকেনপি রাজা ন তুস্সতি। তমেনং রাজা বন্ধাপেতি অন্দুবন্ধনেন ৰা রজ্জুবন্ধনেন ৰা সঙ্খলিকবন্ধনেন ৰা ৰেত্তবন্ধনেন ৰা লতাবন্ধনেন ৰা পক্খেপবন্ধনেন ৰা 3 পরিক্খেপবন্ধনেন ৰা গামবন্ধনেন ৰা নিগমবন্ধনেন ৰা নগরবন্ধনেন ৰা রট্ঠবন্ধনেন ৰা জনপদবন্ধনেন ৰা অন্তমসো সৰচনীযম্পি করোতি – ‘‘ন তে লব্ভা ইতো পক্কমিতু’’ন্তি। সো বন্ধনপচ্চযাপি দুক্খং দোমনস্সং পটিসংৰেদেতি। এতং ভযং দুক্খং দোমনস্সং কুতো তস্স? অত্তদণ্ডতো জাতং সঞ্জাতং নিব্বত্তং অভিনিব্বত্তং পাতুভূতং।
Ettakenapi rājā na tussati. Tamenaṃ rājā bandhāpeti andubandhanena vā rajjubandhanena vā saṅkhalikabandhanena vā vettabandhanena vā latābandhanena vā pakkhepabandhanena vā 4 parikkhepabandhanena vā gāmabandhanena vā nigamabandhanena vā nagarabandhanena vā raṭṭhabandhanena vā janapadabandhanena vā antamaso savacanīyampi karoti – ‘‘na te labbhā ito pakkamitu’’nti. So bandhanapaccayāpi dukkhaṃ domanassaṃ paṭisaṃvedeti. Etaṃ bhayaṃ dukkhaṃ domanassaṃ kuto tassa? Attadaṇḍato jātaṃ sañjātaṃ nibbattaṃ abhinibbattaṃ pātubhūtaṃ.
এত্তকেনপি রাজা ন তুস্সতি। রাজা তস্স ধনং আহরাপেতি – সতং ৰা সহস্সং ৰা সতসহস্সং ৰা। সো ধনজানিপচ্চযাপি দুক্খং দোমনস্সং পটিসংৰেদেতি। এতং ভযং দুক্খং দোমনস্সং কুতো তস্স? অত্তদণ্ডতো জাতং সঞ্জাতং নিব্বত্তং অভিনিব্বত্তং পাতুভূতং।
Ettakenapi rājā na tussati. Rājā tassa dhanaṃ āharāpeti – sataṃ vā sahassaṃ vā satasahassaṃ vā. So dhanajānipaccayāpi dukkhaṃ domanassaṃ paṭisaṃvedeti. Etaṃ bhayaṃ dukkhaṃ domanassaṃ kuto tassa? Attadaṇḍato jātaṃ sañjātaṃ nibbattaṃ abhinibbattaṃ pātubhūtaṃ.
এত্তকেনপি রাজা ন তুস্সতি। তমেনং রাজা ৰিৰিধা কম্মকারণা কারাপেতি – কসাহিপি তাল়েতি, ৰেত্তেহিপি তাল়েতি, অড্ঢদণ্ডকেহিপি তাল়েতি, হত্থম্পি ছিন্দতি, পাদম্পি ছিন্দতি, হত্থপাদম্পি ছিন্দতি, কণ্ণম্পি ছিন্দতি, নাসম্পি ছিন্দতি, কণ্ণনাসম্পি ছিন্দতি, বিলঙ্গথালিকম্পি করোতি, সঙ্খমুণ্ডিকম্পি করোতি, রাহুমুখম্পি করোতি, জোতিমালিকম্পি করোতি, হত্থপজ্জোতিকম্পি করোতি, এরকপত্তিকম্পি করোতি, চীরকৰাসিকম্পি করোতি, এণেয্যকম্পি করোতি, বল়িসমংসিকম্পি করোতি, কহাপণিকম্পি করোতি, খারাপতচ্ছিকম্পি করোতি, পলিঘপরিৰত্তকম্পি করোতি, পলালপীঠকম্পি করোতি, তত্তেনপি তেলেন ওসিঞ্চতি, সুনখেহিপি খাদাপেতি, জীৰন্তম্পি সূলে উত্তাসেতি, অসিনাপি সীসং ছিন্দতি। সো কম্মকারণপচ্চযাপি দুক্খং দোমনস্সং পটিসংৰেদেতি। এতং ভযং দুক্খং দোমনস্সং কুতো তস্স? অত্তদণ্ডতো জাতং সঞ্জাতং নিব্বত্তং অভিনিব্বত্তং পাতুভূতং। রাজা ইমেসং চতুন্নং দণ্ডানং ইস্সরো।
Ettakenapi rājā na tussati. Tamenaṃ rājā vividhā kammakāraṇā kārāpeti – kasāhipi tāḷeti, vettehipi tāḷeti, aḍḍhadaṇḍakehipi tāḷeti, hatthampi chindati, pādampi chindati, hatthapādampi chindati, kaṇṇampi chindati, nāsampi chindati, kaṇṇanāsampi chindati, bilaṅgathālikampi karoti, saṅkhamuṇḍikampi karoti, rāhumukhampi karoti, jotimālikampi karoti, hatthapajjotikampi karoti, erakapattikampi karoti, cīrakavāsikampi karoti, eṇeyyakampi karoti, baḷisamaṃsikampi karoti, kahāpaṇikampi karoti, khārāpatacchikampi karoti, palighaparivattakampi karoti, palālapīṭhakampi karoti, tattenapi telena osiñcati, sunakhehipi khādāpeti, jīvantampi sūle uttāseti, asināpi sīsaṃ chindati. So kammakāraṇapaccayāpi dukkhaṃ domanassaṃ paṭisaṃvedeti. Etaṃ bhayaṃ dukkhaṃ domanassaṃ kuto tassa? Attadaṇḍato jātaṃ sañjātaṃ nibbattaṃ abhinibbattaṃ pātubhūtaṃ. Rājā imesaṃ catunnaṃ daṇḍānaṃ issaro.
সো সকেন কম্মেন কাযস্স ভেদা পরং মরণা অপাযং দুগ্গতিং ৰিনিপাতং নিরযং উপপজ্জতি। তমেনং নিরযপালা পঞ্চৰিধবন্ধনং নাম কম্মকারণং কারেন্তি – তত্তং অযোখিলং হত্থে গমেন্তি, তত্তং অযোখিলং দুতিযে হত্থে গমেন্তি, তত্তং অযোখিলং পাদে গমেন্তি, তত্তং অযোখিলং দুতিযে পাদে গমেন্তি, তত্তং অযোখিলং মজ্ঝে উরস্মিং গমেন্তি। সো তত্থ দুক্খা তিব্বা 5 কটুকা ৰেদনা ৰেদেতি; ন চ তাৰ কালংকরোতি যাৰ ন তং পাপকম্মং ব্যন্তীহোতি। এতং ভযং দুক্খং দোমনস্সং কুতো তস্স? অত্তদণ্ডতো জাতং সঞ্জাতং নিব্বত্তং অভিনিব্বত্তং পাতুভূতং।
So sakena kammena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Tamenaṃ nirayapālā pañcavidhabandhanaṃ nāma kammakāraṇaṃ kārenti – tattaṃ ayokhilaṃ hatthe gamenti, tattaṃ ayokhilaṃ dutiye hatthe gamenti, tattaṃ ayokhilaṃ pāde gamenti, tattaṃ ayokhilaṃ dutiye pāde gamenti, tattaṃ ayokhilaṃ majjhe urasmiṃ gamenti. So tattha dukkhā tibbā 6 kaṭukā vedanā vedeti; na ca tāva kālaṃkaroti yāva na taṃ pāpakammaṃ byantīhoti. Etaṃ bhayaṃ dukkhaṃ domanassaṃ kuto tassa? Attadaṇḍato jātaṃ sañjātaṃ nibbattaṃ abhinibbattaṃ pātubhūtaṃ.
তমেনং নিরযপালা সংৰেসেত্ৰা 7 কুঠারীহি 8 তচ্ছেন্তি। সো তত্থ দুক্খা তিব্বা কটুকা ৰেদনা ৰেদেতি; ন চ তাৰ কালংকরোতি যাৰ ন তং পাপকম্মং ব্যন্তীহোতি। তমেনং নিরযপালা উদ্ধংপাদং 9 অধোসিরং গহেত্ৰা ৰাসীহি তচ্ছেন্তি। তমেনং নিরযপালা রথে যোজেত্ৰা আদিত্তায পথৰিযা সম্পজ্জলিতায সজোতিভূতায সারেন্তিপি পচ্চাসারেন্তিপি 10 …পে॰… তমেনং নিরযপালা মহন্তং অঙ্গারপব্বতং আদিত্তং সম্পজ্জলিতং সজোতিভূতং আরোপেন্তিপি ওরোপেন্তিপি…পে॰… তমেনং নিরযপালা উদ্ধংপাদং অধোসিরং গহেত্ৰা তত্তায লোহকুম্ভিযা পক্খিপন্তি আদিত্তায সম্পজ্জলিতায সজোতিভূতায। সো তত্থ ফেণুদ্দেহকং পচ্চতি। সো তত্থ ফেণুদ্দেহকং পচ্চমানো সকিম্পি উদ্ধং গচ্ছতি, সকিম্পি অধো গচ্ছতি, সকিম্পি তিরিযং গচ্ছতি। সো তত্থ দুক্খা তিব্বা কটুকা ৰেদনা ৰেদেতি; ন চ তাৰ কালংকরোতি যাৰ ন তং পাপকম্মং ব্যন্তীহোতি। এতং ভযং দুক্খং দোমনস্সং কুতো তস্স? অত্তদণ্ডতো জাতং সঞ্জাতং নিব্বত্তং অভিনিব্বত্তং পাতুভূতং। তমেনং নিরযপালা মহানিরযে পক্খিপন্তি। সো খো পন মহানিরযো –
Tamenaṃ nirayapālā saṃvesetvā 11 kuṭhārīhi 12 tacchenti. So tattha dukkhā tibbā kaṭukā vedanā vedeti; na ca tāva kālaṃkaroti yāva na taṃ pāpakammaṃ byantīhoti. Tamenaṃ nirayapālā uddhaṃpādaṃ 13 adhosiraṃ gahetvā vāsīhi tacchenti. Tamenaṃ nirayapālā rathe yojetvā ādittāya pathaviyā sampajjalitāya sajotibhūtāya sārentipi paccāsārentipi 14 …pe… tamenaṃ nirayapālā mahantaṃ aṅgārapabbataṃ ādittaṃ sampajjalitaṃ sajotibhūtaṃ āropentipi oropentipi…pe… tamenaṃ nirayapālā uddhaṃpādaṃ adhosiraṃ gahetvā tattāya lohakumbhiyā pakkhipanti ādittāya sampajjalitāya sajotibhūtāya. So tattha pheṇuddehakaṃ paccati. So tattha pheṇuddehakaṃ paccamāno sakimpi uddhaṃ gacchati, sakimpi adho gacchati, sakimpi tiriyaṃ gacchati. So tattha dukkhā tibbā kaṭukā vedanā vedeti; na ca tāva kālaṃkaroti yāva na taṃ pāpakammaṃ byantīhoti. Etaṃ bhayaṃ dukkhaṃ domanassaṃ kuto tassa? Attadaṇḍato jātaṃ sañjātaṃ nibbattaṃ abhinibbattaṃ pātubhūtaṃ. Tamenaṃ nirayapālā mahāniraye pakkhipanti. So kho pana mahānirayo –
‘‘চতুক্কণ্ণো চতুদ্ৰারো, ৰিভত্তো ভাগসো মিতো।
‘‘Catukkaṇṇo catudvāro, vibhatto bhāgaso mito;
‘‘তস্স অযোমযা ভূমি, জলিতা তেজসা যুতা।
‘‘Tassa ayomayā bhūmi, jalitā tejasā yutā;
সমন্তা যোজনসতং, ফরিত্ৰা তিট্ঠতি সব্বদা॥
Samantā yojanasataṃ, pharitvā tiṭṭhati sabbadā.
‘‘কদরিযাতপনা ঘোরা, অচ্চিমন্তো দুরাসদা।
‘‘Kadariyātapanā ghorā, accimanto durāsadā;
লোমহংসনরূপা চ, ভিস্মা পটিভযা দুখা॥
Lomahaṃsanarūpā ca, bhismā paṭibhayā dukhā.
‘‘পুরত্থিমায ভিত্তিযা, অচ্চিক্খন্ধো সমুট্ঠিতো।
‘‘Puratthimāya bhittiyā, accikkhandho samuṭṭhito;
দহন্তো পাপকম্মন্তে, পচ্ছিমায পটিহঞ্ঞতি॥
Dahanto pāpakammante, pacchimāya paṭihaññati.
‘‘পচ্ছিমায চ ভিত্তিযা, অচ্চিক্খন্ধো সমুট্ঠিতো।
‘‘Pacchimāya ca bhittiyā, accikkhandho samuṭṭhito;
দহন্তো পাপকম্মন্তে, পুরত্থিমায পটিহঞ্ঞতি॥
Dahanto pāpakammante, puratthimāya paṭihaññati.
‘‘উত্তরায চ ভিত্তিযা, অচ্চিক্খন্ধো সমুট্ঠিতো।
‘‘Uttarāya ca bhittiyā, accikkhandho samuṭṭhito;
দহন্তো পাপকম্মন্তে, দক্খিণায পটিহঞ্ঞতি॥
Dahanto pāpakammante, dakkhiṇāya paṭihaññati.
‘‘দক্খিণায চ ভিত্তিযা, অচ্চিক্খন্ধো সমুট্ঠিতো।
‘‘Dakkhiṇāya ca bhittiyā, accikkhandho samuṭṭhito;
দহন্তো পাপকম্মন্তে, উত্তরায পটিহঞ্ঞতি॥
Dahanto pāpakammante, uttarāya paṭihaññati.
‘‘হেট্ঠতো চ সমুট্ঠায, অচ্চিক্খন্ধো ভযানকো।
‘‘Heṭṭhato ca samuṭṭhāya, accikkhandho bhayānako;
দহন্তো পাপকম্মন্তে, ছদনস্মিং পটিহঞ্ঞতি॥
Dahanto pāpakammante, chadanasmiṃ paṭihaññati.
‘‘ছদনম্হা সমুট্ঠায, অচ্চিক্খন্ধো ভযানকো।
‘‘Chadanamhā samuṭṭhāya, accikkhandho bhayānako;
দহন্তো পাপকম্মন্তে, ভূমিযং পটিহঞ্ঞতি॥
Dahanto pāpakammante, bhūmiyaṃ paṭihaññati.
‘‘অযোকপালমাদিত্তং, সন্তত্তং জলিতং যথা।
‘‘Ayokapālamādittaṃ, santattaṃ jalitaṃ yathā;
এৰং অৰীচিনিরযো, হেট্ঠা উপরি পস্সতো॥
Evaṃ avīcinirayo, heṭṭhā upari passato.
‘‘তত্থ সত্তা মহালুদ্দা, মহাকিব্বিসকারিনো।
‘‘Tattha sattā mahāluddā, mahākibbisakārino;
‘‘জাতৰেদসমো কাযো, তেসং নিরযৰাসিনং।
‘‘Jātavedasamo kāyo, tesaṃ nirayavāsinaṃ;
পস্স কম্মানং দল়্হত্তং, ন ভস্মা হোতি নপী মসি॥
Passa kammānaṃ daḷhattaṃ, na bhasmā hoti napī masi.
‘‘পুরত্থিমেনপি ধাৰন্তি, ততো ধাৰন্তি পচ্ছিমং।
‘‘Puratthimenapi dhāvanti, tato dhāvanti pacchimaṃ;
উত্তরেনপি ধাৰন্তি, ততো ধাৰন্তি দক্খিণং॥
Uttarenapi dhāvanti, tato dhāvanti dakkhiṇaṃ.
অভিনিক্খমিতাসা তে, সত্তা মোক্খগৰেসিনো॥
Abhinikkhamitāsā te, sattā mokkhagavesino.
‘‘ন তে ততো নিক্খমিতুং, লভন্তি কম্মপচ্চযা।
‘‘Na te tato nikkhamituṃ, labhanti kammapaccayā;
তেসঞ্চ পাপকম্মন্তং, অৰিপক্কং কতং বহু’’ন্তি॥
Tesañca pāpakammantaṃ, avipakkaṃ kataṃ bahu’’nti.
এতং ভযং দুক্খং দোমনস্সং কুতো তস্স? অত্তদণ্ডতো জাতং সঞ্জাতং নিব্বত্তং অভিনিব্বত্তং পাতুভূতং। যানি চ নেরযিকানি দুক্খানি যানি চ তিরচ্ছানযোনিকানি দুক্খানি যানি চ পেত্তিৰিসযিকানি দুক্খানি যানি চ মানুসিকানি দুক্খানি; তানি কুতো জাতানি কুতো সঞ্জাতানি কুতো নিব্বত্তানি কুতো অভিনিব্বত্তানি কুতো পাতুভূতানি? অত্তদণ্ডতো জাতানি সঞ্জাতানি নিব্বত্তানি অভিনিব্বত্তানি পাতুভূতানীতি – অত্তদণ্ডা ভযং জাতং।
Etaṃ bhayaṃ dukkhaṃ domanassaṃ kuto tassa? Attadaṇḍato jātaṃ sañjātaṃ nibbattaṃ abhinibbattaṃ pātubhūtaṃ. Yāni ca nerayikāni dukkhāni yāni ca tiracchānayonikāni dukkhāni yāni ca pettivisayikāni dukkhāni yāni ca mānusikāni dukkhāni; tāni kuto jātāni kuto sañjātāni kuto nibbattāni kuto abhinibbattāni kuto pātubhūtāni? Attadaṇḍato jātāni sañjātāni nibbattāni abhinibbattāni pātubhūtānīti – attadaṇḍā bhayaṃ jātaṃ.
জনং পস্সথ মেধগন্তি। জনন্তি খত্তিযা চ ব্রাহ্মণা চ ৰেস্সা চ সুদ্দা চ গহট্ঠা চ পব্বজিতা চ দেৰা চ মনুস্সা চ মেধগং জনং কলহং জনং ৰিরুদ্ধং জনং পটিৰিরুদ্ধং জনং আহতং জনং পচ্চাহতং জনং আঘাতিতং জনং পচ্চাঘাতিতং জনং পস্সথ দক্খথ ওলোকেথ নিজ্ঝাযেথ উপপরিক্খথাতি – জনং পস্সথ মেধগং।
Janaṃ passatha medhaganti. Jananti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā ca medhagaṃ janaṃ kalahaṃ janaṃ viruddhaṃ janaṃ paṭiviruddhaṃ janaṃ āhataṃ janaṃ paccāhataṃ janaṃ āghātitaṃ janaṃ paccāghātitaṃ janaṃ passatha dakkhatha oloketha nijjhāyetha upaparikkhathāti – janaṃ passatha medhagaṃ.
সংৰেগং কিত্তযিস্সামীতি। সংৰেগং উব্বেগং উত্রাসং ভযং পীল়নং ঘট্টনং উপদ্দৰং উপসগ্গং। কিত্তযিস্সামীতি পকিত্তযিস্সামি আচিক্খিস্সামি দেসেস্সামি পঞ্ঞপেস্সামি পট্ঠপেস্সামি ৰিৰরিস্সামি ৰিভজিস্সামি উত্তানীকরিস্সামি পকাসিস্সামীতি – সংৰেগং কিত্তযিস্সামি।
Saṃvegaṃ kittayissāmīti. Saṃvegaṃ ubbegaṃ utrāsaṃ bhayaṃ pīḷanaṃ ghaṭṭanaṃ upaddavaṃ upasaggaṃ. Kittayissāmīti pakittayissāmi ācikkhissāmi desessāmi paññapessāmi paṭṭhapessāmi vivarissāmi vibhajissāmi uttānīkarissāmi pakāsissāmīti – saṃvegaṃ kittayissāmi.
যথা সংৰিজিতং মযাতি। যথা মযা অত্তনাযেৰ অত্তানং সংৰেজিতো উব্বেজিতো সংৰেগমাপাদিতোতি – যথা সংৰিজিতং মযা।
Yathā saṃvijitaṃ mayāti. Yathā mayā attanāyeva attānaṃ saṃvejito ubbejito saṃvegamāpāditoti – yathā saṃvijitaṃ mayā.
তেনাহ ভগৰা –
Tenāha bhagavā –
‘‘অত্তদণ্ডা ভযং জাতং, জনং পস্সথ মেধগং।
‘‘Attadaṇḍā bhayaṃ jātaṃ, janaṃ passatha medhagaṃ;
সংৰেগং কিত্তযিস্সামি, যথা সংৰিজিতং মযা’’তি॥
Saṃvegaṃ kittayissāmi, yathā saṃvijitaṃ mayā’’ti.
১৭১.
171.
ফন্দমানং পজং দিস্ৰা, মচ্ছে অপ্পোদকে যথা।
Phandamānaṃpajaṃ disvā, macche appodake yathā;
অঞ্ঞমঞ্ঞেহি ব্যারুদ্ধে, দিস্ৰা মং ভযমাৰিসি॥
Aññamaññehi byāruddhe, disvā maṃ bhayamāvisi.
ফন্দমানং পজং দিস্ৰাতি। পজাতি সত্তাধিৰচনং। পজং তণ্হাফন্দনায ফন্দমানং দিট্ঠিফন্দনায ফন্দমানং কিলেসফন্দনায ফন্দমানং দুচ্চরিতফন্দনায ফন্দমানং পযোগফন্দনায ফন্দমানং ৰিপাকফন্দনায ফন্দমানং রত্তং রাগেন ফন্দমানং দুট্ঠং দোসেন ফন্দমানং মূল়্হং মোহেন ফন্দমানং ৰিনিবদ্ধং মানেন ফন্দমানং পরামট্ঠং দিট্ঠিযা ফন্দমানং ৰিক্খেপগতং উদ্ধচ্চেন ফন্দমানং অনিট্ঠঙ্গতং ৰিচিকিচ্ছায ফন্দমানং থামগতং অনুসযেহি ফন্দমানং লাভেন ফন্দমানং অলাভেন ফন্দমানং যসেন ফন্দমানং অযসেন ফন্দমানং পসংসায ফন্দমানং নিন্দায ফন্দমানং সুখেন ফন্দমানং দুক্খেন ফন্দমানং জাতিযা ফন্দমানং জরায ফন্দমানং ব্যাধিনা ফন্দমানং মরণেন ফন্দমানং সোকপরিদেৰদুক্খদোমনস্সুপাযাসেহি ফন্দমানং নেরযিকেন দুক্খেন ফন্দমানং তিরচ্ছানযোনিকেন দুক্খেন ফন্দমানং পেত্তিৰিসযিকেন দুক্খেন ফন্দমানং মানুসিকেন দুক্খেন ফন্দমানং গব্ভোক্কন্তিমূলকেন দুক্খেন… গব্ভট্ঠিতিমূলকেন 23 দুক্খেন… গব্ভাৰুট্ঠানমূলকেন দুক্খেন… জাতস্সূপনিবন্ধকেন দুক্খেন… জাতস্স পরাধেয্যকেন দুক্খেন… অত্তূপক্কমেন দুক্খেন… পরূপক্কমেন দুক্খেন… দুক্খদুক্খেন… সঙ্খারদুক্খেন… ৰিপরিণামদুক্খেন… চক্খুরোগেন দুক্খেন… সোতরোগেন … ঘানরোগেন… জিৰ্হারোগেন … কাযরোগেন… সীসরোগেন … কণ্ণরোগেন… মুখরোগেন… দন্তরোগেন… কাসেন… সাসেন… পিনাসেন… ডাহেন… জরেন… কুচ্ছিরোগেন… মুচ্ছায… পক্খন্দিকায… সূলায… ৰিসূচিকায… কুট্ঠেন… গণ্ডেন… কিলাসেন… সোসেন… অপমারেন… দদ্দুযা… কণ্ডুযা… কচ্ছুযা… রখসায… ৰিতচ্ছিকায… লোহিতেন… পিত্তেন… মধুমেহেন… অংসায… পীল়কায… ভগন্দলেন… পিত্তসমুট্ঠানেন আবাধেন… সেম্হসমুট্ঠানেন আবাধেন… ৰাতসমুট্ঠানেন আবাধেন… সন্নিপাতিকেন আবাধেন… উতুপরিণামজেন আবাধেন… ৰিসমপরিহারজেন আবাধেন … ওপক্কমিকেন আবাধেন… কম্মৰিপাকজেন আবাধেন… সীতেন… উণ্হেন… জিঘচ্ছায… পিপাসায… উচ্চারেন… পস্সাৰেন… ডংসমকসৰাতাতপসরীসপসম্ফস্সেন দুক্খেন… মাতুমরণেন দুক্খেন… পিতুমরণেন দুক্খেন… ভাতুমরণেন দুক্খেন… ভগিনিমরণেন দুক্খেন… পুত্তমরণেন দুক্খেন… ধীতুমরণেন দুক্খেন… ঞাতিমরণেন দুক্খেন… ভোগব্যসনেন দুক্খেন… রোগব্যসনেন দুক্খেন… সীলব্যসনেন দুক্খেন… দিট্ঠিব্যসনেন দুক্খেন ফন্দমানং সম্ফন্দমানং ৰিপ্ফন্দমানং ৰেধমানং পৰেধমানং সম্পৰেধমানং। দিস্ৰাতি দিস্ৰা পস্সিত্ৰা তুলযিত্ৰা তীরযিত্ৰা ৰিভাৰযিত্ৰা ৰিভূতং কত্ৰাতি – ফন্দমানং পজং দিস্ৰা।
Phandamānaṃ pajaṃ disvāti. Pajāti sattādhivacanaṃ. Pajaṃ taṇhāphandanāya phandamānaṃ diṭṭhiphandanāya phandamānaṃ kilesaphandanāya phandamānaṃ duccaritaphandanāya phandamānaṃ payogaphandanāya phandamānaṃ vipākaphandanāya phandamānaṃ rattaṃ rāgena phandamānaṃ duṭṭhaṃ dosena phandamānaṃ mūḷhaṃ mohena phandamānaṃ vinibaddhaṃ mānena phandamānaṃ parāmaṭṭhaṃ diṭṭhiyā phandamānaṃ vikkhepagataṃ uddhaccena phandamānaṃ aniṭṭhaṅgataṃ vicikicchāya phandamānaṃ thāmagataṃ anusayehi phandamānaṃ lābhena phandamānaṃ alābhena phandamānaṃ yasena phandamānaṃ ayasena phandamānaṃ pasaṃsāya phandamānaṃ nindāya phandamānaṃ sukhena phandamānaṃ dukkhena phandamānaṃ jātiyā phandamānaṃ jarāya phandamānaṃ byādhinā phandamānaṃ maraṇena phandamānaṃ sokaparidevadukkhadomanassupāyāsehi phandamānaṃ nerayikena dukkhena phandamānaṃ tiracchānayonikena dukkhena phandamānaṃ pettivisayikena dukkhena phandamānaṃ mānusikena dukkhena phandamānaṃ gabbhokkantimūlakena dukkhena… gabbhaṭṭhitimūlakena 24 dukkhena… gabbhāvuṭṭhānamūlakena dukkhena… jātassūpanibandhakena dukkhena… jātassa parādheyyakena dukkhena… attūpakkamena dukkhena… parūpakkamena dukkhena… dukkhadukkhena… saṅkhāradukkhena… vipariṇāmadukkhena… cakkhurogena dukkhena… sotarogena … ghānarogena… jivhārogena … kāyarogena… sīsarogena … kaṇṇarogena… mukharogena… dantarogena… kāsena… sāsena… pināsena… ḍāhena… jarena… kucchirogena… mucchāya… pakkhandikāya… sūlāya… visūcikāya… kuṭṭhena… gaṇḍena… kilāsena… sosena… apamārena… dadduyā… kaṇḍuyā… kacchuyā… rakhasāya… vitacchikāya… lohitena… pittena… madhumehena… aṃsāya… pīḷakāya… bhagandalena… pittasamuṭṭhānena ābādhena… semhasamuṭṭhānena ābādhena… vātasamuṭṭhānena ābādhena… sannipātikena ābādhena… utupariṇāmajena ābādhena… visamaparihārajena ābādhena … opakkamikena ābādhena… kammavipākajena ābādhena… sītena… uṇhena… jighacchāya… pipāsāya… uccārena… passāvena… ḍaṃsamakasavātātapasarīsapasamphassena dukkhena… mātumaraṇena dukkhena… pitumaraṇena dukkhena… bhātumaraṇena dukkhena… bhaginimaraṇena dukkhena… puttamaraṇena dukkhena… dhītumaraṇena dukkhena… ñātimaraṇena dukkhena… bhogabyasanena dukkhena… rogabyasanena dukkhena… sīlabyasanena dukkhena… diṭṭhibyasanena dukkhena phandamānaṃ samphandamānaṃ vipphandamānaṃ vedhamānaṃ pavedhamānaṃ sampavedhamānaṃ. Disvāti disvā passitvā tulayitvā tīrayitvā vibhāvayitvā vibhūtaṃ katvāti – phandamānaṃ pajaṃ disvā.
মচ্ছে অপ্পোদকে যথাতি যথা মচ্ছা অপ্পোদকে উদকপরিযাদানে কাকেহি ৰা কুললেহি ৰা বলাকাহি ৰা পরিপাতিযমানা উক্খিপিযমানা খজ্জমানা ফন্দন্তি সম্ফন্দন্তি ৰিপ্ফন্দন্তি ৰেধন্তি পৰেধন্তি সম্পৰেধন্তি; এৰমেৰ পজা তণ্হাফন্দনায ফন্দন্তি…পে॰… দিট্ঠিব্যসনেন দুক্খেন ফন্দন্তি সম্ফন্দন্তি ৰিপ্ফন্দন্তি ৰেধন্তি পৰেধন্তি সম্পৰেধন্তীতি – মচ্ছে অপ্পোদকে যথা।
Macche appodake yathāti yathā macchā appodake udakapariyādāne kākehi vā kulalehi vā balākāhi vā paripātiyamānā ukkhipiyamānā khajjamānā phandanti samphandanti vipphandanti vedhanti pavedhanti sampavedhanti; evameva pajā taṇhāphandanāya phandanti…pe… diṭṭhibyasanena dukkhena phandanti samphandanti vipphandanti vedhanti pavedhanti sampavedhantīti – macche appodake yathā.
অঞ্ঞমঞ্ঞেহি ব্যারুদ্ধেতি অঞ্ঞমঞ্ঞং সত্তা ৰিরুদ্ধা পটিৰিরুদ্ধা আহতা পচ্চাহতা আঘাতিতা পচ্চাঘাতিতা। রাজানোপি রাজূহি ৰিৰদন্তি, খত্তিযাপি খত্তিযেহি ৰিৰদন্তি, ব্রাহ্মণাপি ব্রাহ্মণেহি ৰিৰদন্তি, গহপতীপি গহপতীহি ৰিৰদন্তি, মাতাপি পুত্তেন ৰিৰদতি, পুত্তোপি মাতরা ৰিৰদতি, পিতাপি পুত্তেন ৰিৰদতি, পুত্তোপি পিতরা ৰিৰদতি, ভাতাপি ভাতরা ৰিৰদতি, ভগিনীপি ভগিনিযা ৰিৰদতি, ভাতাপি ভগিনিযা ৰিৰদতি, ভগিনিপি ভাতরা ৰিৰদতি, সহাযোপি সহাযেন ৰিৰদতি; তে তত্থ কলহৰিগ্গহৰিৰাদাপন্না অঞ্ঞমঞ্ঞং পাণীহিপি উপক্কমন্তি, লেড্ডূহিপি উপক্কমন্তি, দণ্ডেহিপি উপক্কমন্তি, সত্থেহিপি উপক্কমন্তি, তে তত্থ মরণম্পি নিগচ্ছন্তি মরণমত্তম্পি দুক্খন্তি – অঞ্ঞমঞ্ঞেহি ব্যারুদ্ধে।
Aññamaññehi byāruddheti aññamaññaṃ sattā viruddhā paṭiviruddhā āhatā paccāhatā āghātitā paccāghātitā. Rājānopi rājūhi vivadanti, khattiyāpi khattiyehi vivadanti, brāhmaṇāpi brāhmaṇehi vivadanti, gahapatīpi gahapatīhi vivadanti, mātāpi puttena vivadati, puttopi mātarā vivadati, pitāpi puttena vivadati, puttopi pitarā vivadati, bhātāpi bhātarā vivadati, bhaginīpi bhaginiyā vivadati, bhātāpi bhaginiyā vivadati, bhaginipi bhātarā vivadati, sahāyopi sahāyena vivadati; te tattha kalahaviggahavivādāpannā aññamaññaṃ pāṇīhipi upakkamanti, leḍḍūhipi upakkamanti, daṇḍehipi upakkamanti, satthehipi upakkamanti, te tattha maraṇampi nigacchanti maraṇamattampi dukkhanti – aññamaññehi byāruddhe.
দিস্ৰা মং ভযমাৰিসীতি। দিস্ৰাতি দিস্ৰা পস্সিত্ৰা তুলযিত্ৰা তীরযিত্ৰা ৰিভাৰযিত্ৰা ৰিভূতং কত্ৰা ভযং পীল়নং ঘট্টনং উপদ্দৰো উপসগ্গো আৰিসীতি 25 – দিস্ৰা মং ভযমাৰিসি।
Disvāmaṃ bhayamāvisīti. Disvāti disvā passitvā tulayitvā tīrayitvā vibhāvayitvā vibhūtaṃ katvā bhayaṃ pīḷanaṃ ghaṭṭanaṃ upaddavo upasaggo āvisīti 26 – disvā maṃ bhayamāvisi.
তেনাহ ভগৰা –
Tenāha bhagavā –
‘‘ফন্দমানং পজং দিস্ৰা, মচ্ছে অপ্পোদকে যথা।
‘‘Phandamānaṃ pajaṃ disvā, macche appodake yathā;
অঞ্ঞমঞ্ঞেহি ব্যারুদ্ধে, দিস্ৰা মং ভযমাৰিসী’’তি॥
Aññamaññehi byāruddhe, disvā maṃ bhayamāvisī’’ti.
১৭২.
172.
সমন্তমসারো লোকো, দিসা সব্বা সমেরিতা।
Samantamasāro loko, disā sabbā sameritā;
ইচ্ছং ভৰনমত্তনো, নাদ্দসাসিং অনোসিতং॥
Icchaṃ bhavanamattano, nāddasāsiṃ anositaṃ.
সমন্তমসারো লোকোতি। লোকোতি নিরযলোকো তিরচ্ছানযোনিলোকো পেত্তিৰিসযলোকো মনুস্সলোকো দেৰলোকো, খন্ধলোকো ধাতুলোকো আযতনলোকো, অযং লোকো পরো লোকো, ব্রহ্মলোকো দেৰলোকো – অযং ৰুচ্চতি লোকো। নিরযলোকো অসারো নিস্সারো সারাপগতো নিচ্চসারসারেন ৰা সুখসারসারেন ৰা অত্তসারসারেন ৰা নিচ্চেন ৰা ধুৰেন ৰা সস্সতেন ৰা অৰিপরিণামধম্মেন ৰা। তিরচ্ছানযোনিলোকো…পে॰… পেত্তিৰিসযলোকো… মনুস্সলোকো… দেৰলোকো… খন্ধলোকো… ধাতুলোকো… আযতনলোকো… অযং লোকো… পরো লোকো… ব্রহ্মলোকো… দেৰলোকো অসারো নিস্সারো সারাপগতো নিচ্চসারসারেন ৰা সুখসারসারেন ৰা অত্তসারসারেন ৰা নিচ্চেন ৰা ধুৰেন ৰা সস্সতেন ৰা অৰিপরিণামধম্মেন ৰা।
Samantamasāro lokoti. Lokoti nirayaloko tiracchānayoniloko pettivisayaloko manussaloko devaloko, khandhaloko dhātuloko āyatanaloko, ayaṃ loko paro loko, brahmaloko devaloko – ayaṃ vuccati loko. Nirayaloko asāro nissāro sārāpagato niccasārasārena vā sukhasārasārena vā attasārasārena vā niccena vā dhuvena vā sassatena vā avipariṇāmadhammena vā. Tiracchānayoniloko…pe… pettivisayaloko… manussaloko… devaloko… khandhaloko… dhātuloko… āyatanaloko… ayaṃ loko… paro loko… brahmaloko… devaloko asāro nissāro sārāpagato niccasārasārena vā sukhasārasārena vā attasārasārena vā niccena vā dhuvena vā sassatena vā avipariṇāmadhammena vā.
যথা পন নল়ো অসারো নিস্সারো সারাপগতো, যথা এরণ্ডো অসারো নিস্সারো সারাপগতো, যথা উদুম্বরো অসারো নিস্সারো সারাপগতো, যথা সেতকচ্ছো অসারো নিস্সারো সারাপগতো, যথা পারিভদ্দকো অসারো নিস্সারো সারাপগতো, যথা ফেণপিণ্ডো অসারো নিস্সারো সারাপগতো, যথা উদকপুব্বুল়ং 27 অসারং নিস্সারং সারাপগতং , যথা মরীচি অসারা নিস্সারা সারাপগতা, যথা কদলিক্খন্ধো অসারো নিস্সারো সারাপগতো, যথা মাযা অসারা নিস্সারা সারাপগতা; এৰমেৰ নিরযলোকো অসারো নিস্সারো সারাপগতো নিচ্চসারসারেন ৰা সুখসারসারেন ৰা অত্তসারসারেন ৰা নিচ্চেন ৰা ধুৰেন ৰা সস্সতেন ৰা অৰিপরিণামধম্মেন ৰা।
Yathā pana naḷo asāro nissāro sārāpagato, yathā eraṇḍo asāro nissāro sārāpagato, yathā udumbaro asāro nissāro sārāpagato, yathā setakaccho asāro nissāro sārāpagato, yathā pāribhaddako asāro nissāro sārāpagato, yathā pheṇapiṇḍo asāro nissāro sārāpagato, yathā udakapubbuḷaṃ 28 asāraṃ nissāraṃ sārāpagataṃ , yathā marīci asārā nissārā sārāpagatā, yathā kadalikkhandho asāro nissāro sārāpagato, yathā māyā asārā nissārā sārāpagatā; evameva nirayaloko asāro nissāro sārāpagato niccasārasārena vā sukhasārasārena vā attasārasārena vā niccena vā dhuvena vā sassatena vā avipariṇāmadhammena vā.
তিরচ্ছানযোনিলোকো… পেত্তিৰিসযলোকো… মনুস্সলোকো… দেৰলোকো অসারো নিস্সারো সারাপগতো নিচ্চসারসারেন ৰা সুখসারসারেন ৰা অত্তসারসারেন ৰা নিচ্চেন ৰা ধুৰেন ৰা সস্সতেন ৰা অৰিপরিণামধম্মেন ৰা। খন্ধলোকো… ধাতুলোকো… আযতনলোকো… অযং লোকো… পরো লোকো… ব্রহ্মলোকো… দেৰলোকো অসারো নিস্সারো সারাপগতো নিচ্চসারসারেন ৰা সুখসারসারেন ৰা অত্তসারসারেন ৰা নিচ্চেন ৰা ধুৰেন ৰা সস্সতেন ৰা অৰিপরিণামধম্মেন ৰাতি – সমন্তমসারো লোকো।
Tiracchānayoniloko… pettivisayaloko… manussaloko… devaloko asāro nissāro sārāpagato niccasārasārena vā sukhasārasārena vā attasārasārena vā niccena vā dhuvena vā sassatena vā avipariṇāmadhammena vā. Khandhaloko… dhātuloko… āyatanaloko… ayaṃ loko… paro loko… brahmaloko… devaloko asāro nissāro sārāpagato niccasārasārena vā sukhasārasārena vā attasārasārena vā niccena vā dhuvena vā sassatena vā avipariṇāmadhammena vāti – samantamasāro loko.
দিসা সব্বা সমেরিতাতি। যে পুরত্থিমায দিসায সঙ্খারা, তেপি এরিতা সমেরিতা চলিতা ঘট্টিতা অনিচ্চতায জাতিযা অনুগতা জরায অনুসটা ব্যাধিনা অভিভূতা মরণেন অব্ভাহতা দুক্খে পতিট্ঠিতা অতাণা অলেণা অসরণা অসরণীভূতা। যে পচ্ছিমায দিসায সঙ্খারা…পে॰… যে উত্তরায দিসায সঙ্খারা… যে দক্খিণায দিসায সঙ্খারা… যে পুরত্থিমায অনুদিসায সঙ্খারা… যে পচ্ছিমায অনুদিসায সঙ্খারা… যে উত্তরায অনুদিসায সঙ্খারা… যে দক্খিণায অনুদিসায সঙ্খারা… যে হেট্ঠিমায দিসায সঙ্খারা… যে উপরিমায দিসায সঙ্খারা… যে দসসু দিসাসু সঙ্খারা, তেপি এরিতা সমেরিতা চলিতা ঘট্টিতা অনিচ্চতায জাতিযা অনুগতা জরায অনুসটা ব্যাধিনা অভিভূতা মরণেন অব্ভাহতা দুক্খে পতিট্ঠিতা অতাণা অলেণা অসরণা অসরণীভূতা। ভাসিতম্পি চেতং –
Disā sabbā sameritāti. Ye puratthimāya disāya saṅkhārā, tepi eritā sameritā calitā ghaṭṭitā aniccatāya jātiyā anugatā jarāya anusaṭā byādhinā abhibhūtā maraṇena abbhāhatā dukkhe patiṭṭhitā atāṇā aleṇā asaraṇā asaraṇībhūtā. Ye pacchimāya disāya saṅkhārā…pe… ye uttarāya disāya saṅkhārā… ye dakkhiṇāya disāya saṅkhārā… ye puratthimāya anudisāya saṅkhārā… ye pacchimāya anudisāya saṅkhārā… ye uttarāya anudisāya saṅkhārā… ye dakkhiṇāya anudisāya saṅkhārā… ye heṭṭhimāya disāya saṅkhārā… ye uparimāya disāya saṅkhārā… ye dasasu disāsu saṅkhārā, tepi eritā sameritā calitā ghaṭṭitā aniccatāya jātiyā anugatā jarāya anusaṭā byādhinā abhibhūtā maraṇena abbhāhatā dukkhe patiṭṭhitā atāṇā aleṇā asaraṇā asaraṇībhūtā. Bhāsitampi cetaṃ –
‘‘কিঞ্চাপি চেতং জলতী ৰিমানং, ওভাসযং উত্তরিযং দিসায।
‘‘Kiñcāpi cetaṃ jalatī vimānaṃ, obhāsayaṃ uttariyaṃ disāya;
রূপে রণং দিস্ৰা সদা পৰেধিতং, তস্মা ন রূপে রমতী সুমেধো॥
Rūpe raṇaṃ disvā sadā pavedhitaṃ, tasmā na rūpe ramatī sumedho.
‘‘মচ্চুনাব্ভাহতো লোকো, জরায পরিৰারিতো।
‘‘Maccunābbhāhato loko, jarāya parivārito;
‘‘সব্বো আদীপিতো লোকো, সব্বো লোকো পধূপিতো।
‘‘Sabbo ādīpito loko, sabbo loko padhūpito;
সব্বো পজ্জলিতো লোকো, সব্বো লোকো পকম্পিতো’’তি॥
Sabbo pajjalito loko, sabbo loko pakampito’’ti.
দিসা সব্বা সমেরিতা।
Disā sabbā sameritā.
ইচ্ছং ভৰনমত্তনোতি। অত্তনো ভৰনং তাণং লেণং সরণং গতিং পরাযনং ইচ্ছন্তো সাদিযন্তো পত্থযন্তো পিহযন্তো অভিজপ্পন্তোতি – ইচ্ছং ভৰনমত্তনো। নাদ্দসাসিং অনোসিতন্তি। অজ্ঝোসিতংযেৰ অদ্দসং, অনজ্ঝোসিতং নাদ্দসং, সব্বং যোব্বঞ্ঞং জরায ওসিতং, সব্বং আরোগ্যং ব্যাধিনা ওসিতং, সব্বং জীৰিতং মরণেন ওসিতং, সব্বং লাভং অলাভেন ওসিতং, সব্বং যসং অযসেন ওসিতং, সব্বং পসংসং নিন্দায ওসিতং, সব্বং সুখং দুক্খেন ওসিতং।
Icchaṃ bhavanamattanoti. Attano bhavanaṃ tāṇaṃ leṇaṃ saraṇaṃ gatiṃ parāyanaṃ icchanto sādiyanto patthayanto pihayanto abhijappantoti – icchaṃ bhavanamattano. Nāddasāsiṃ anositanti. Ajjhositaṃyeva addasaṃ, anajjhositaṃ nāddasaṃ, sabbaṃ yobbaññaṃ jarāya ositaṃ, sabbaṃ ārogyaṃ byādhinā ositaṃ, sabbaṃ jīvitaṃ maraṇena ositaṃ, sabbaṃ lābhaṃ alābhena ositaṃ, sabbaṃ yasaṃ ayasena ositaṃ, sabbaṃ pasaṃsaṃ nindāya ositaṃ, sabbaṃ sukhaṃ dukkhena ositaṃ.
‘‘লাভো অলাভো যসো অযসো চ, নিন্দা পসংসা চ সুখং দুখঞ্চ।
‘‘Lābho alābho yaso ayaso ca, nindā pasaṃsā ca sukhaṃ dukhañca;
এতে অনিচ্চা মনুজেসু ধম্মা, অসস্সতা ৰিপরিণামধম্মা’’তি॥
Ete aniccā manujesu dhammā, asassatā vipariṇāmadhammā’’ti.
নাদ্দসাসিং অনোসিতং।
Nāddasāsiṃ anositaṃ.
তেনাহ ভগৰা –
Tenāha bhagavā –
‘‘সমন্তমসারো লোকো, দিসা সব্বা সমেরিতা।
‘‘Samantamasāro loko, disā sabbā sameritā;
ইচ্ছং ভৰনমত্তনো, নাদ্দসাসিং অনোসিত’’ন্তি॥
Icchaṃ bhavanamattano, nāddasāsiṃ anosita’’nti.
১৭৩.
173.
ওসানে ত্ৰেৰ ব্যারুদ্ধে, দিস্ৰা মে অরতী অহু।
Osānetveva byāruddhe, disvā me aratī ahu;
অথেত্থ সল্লমদ্দক্খিং, দুদ্দসং হদযস্সিতং॥
Athettha sallamaddakkhiṃ, duddasaṃ hadayassitaṃ.
ওসানে ত্ৰেৰ ব্যারুদ্ধেতি। ওসানে ত্ৰেৰাতি সব্বং যোব্বঞ্ঞং জরা ওসাপেতি, সব্বং আরোগ্যং ব্যাধি ওসাপেতি, সব্বং জীৰিতং মরণং ওসাপেতি, সব্বং লাভং অলাভো ওসাপেতি, সব্বং যসং অযসো ওসাপেতি, সব্বং পসংসং নিন্দা ওসাপেতি, সব্বং সুখং দুক্খং ওসাপেতীতি – ওসানে ত্ৰেৰ। ব্যারুদ্ধেতি যোব্বঞ্ঞকামা সত্তা জরায পটিৰিরুদ্ধা, আরোগ্যকামা সত্তা ব্যাধিনা পটিৰিরুদ্ধা, জীৰিতুকামা সত্তা মরণেন পটিৰিরুদ্ধা, লাভকামা সত্তা অলাভেন পটিৰিরুদ্ধা, যসকামা সত্তা অযসেন পটিৰিরুদ্ধা, পসংসকামা সত্তা নিন্দায পটিৰিরুদ্ধা, সুখকামা সত্তা দুক্খেন পটিৰিরুদ্ধা আহতা পচ্চাহতা আঘাতিতা পচ্চাঘাতিতাতি – ওসানে ত্ৰেৰ ব্যারুদ্ধে।
Osāne tveva byāruddheti. Osāne tvevāti sabbaṃ yobbaññaṃ jarā osāpeti, sabbaṃ ārogyaṃ byādhi osāpeti, sabbaṃ jīvitaṃ maraṇaṃ osāpeti, sabbaṃ lābhaṃ alābho osāpeti, sabbaṃ yasaṃ ayaso osāpeti, sabbaṃ pasaṃsaṃ nindā osāpeti, sabbaṃ sukhaṃ dukkhaṃ osāpetīti – osāne tveva. Byāruddheti yobbaññakāmā sattā jarāya paṭiviruddhā, ārogyakāmā sattā byādhinā paṭiviruddhā, jīvitukāmā sattā maraṇena paṭiviruddhā, lābhakāmā sattā alābhena paṭiviruddhā, yasakāmā sattā ayasena paṭiviruddhā, pasaṃsakāmā sattā nindāya paṭiviruddhā, sukhakāmā sattā dukkhena paṭiviruddhā āhatā paccāhatā āghātitā paccāghātitāti – osāne tveva byāruddhe.
দিস্ৰা মে অরতী অহূতি। দিস্ৰাতি দিস্ৰা পস্সিত্ৰা তুলযিত্ৰা তীরযিত্ৰা ৰিভাৰযিত্ৰা ৰিভূতং কত্ৰাতি – দিস্ৰা। মে অরতীতি যা অরতি যা অনভিরতি যা অনভিরমনা যা উক্কণ্ঠিতা যা পরিতসিতা অহূতি – দিস্ৰা মে অরতী অহু।
Disvāme aratī ahūti. Disvāti disvā passitvā tulayitvā tīrayitvā vibhāvayitvā vibhūtaṃ katvāti – disvā. Me aratīti yā arati yā anabhirati yā anabhiramanā yā ukkaṇṭhitā yā paritasitā ahūti – disvā me aratī ahu.
অথেত্থ সল্লমদ্দক্খিন্তি। অথাতি পদসন্ধি…পে॰… পদানুপুব্বতাপেতং – অথাতি। এত্থাতি সত্তেসু। সল্লন্তি সত্ত সল্লানি – রাগসল্লং, দোসসল্লং, মোহসল্লং, মানসল্লং, দিট্ঠিসল্লং, সোকসল্লং, কথংকথাসল্লং। অদ্দক্খিন্তি অদ্দসং অদক্খিং অপস্সিং পটিৰিজ্ঝিন্তি – অথেত্থ সল্লমদ্দক্খিং।
Athettha sallamaddakkhinti. Athāti padasandhi…pe… padānupubbatāpetaṃ – athāti. Etthāti sattesu. Sallanti satta sallāni – rāgasallaṃ, dosasallaṃ, mohasallaṃ, mānasallaṃ, diṭṭhisallaṃ, sokasallaṃ, kathaṃkathāsallaṃ. Addakkhinti addasaṃ adakkhiṃ apassiṃ paṭivijjhinti – athettha sallamaddakkhiṃ.
দুদ্দসং হদযস্সিতন্তি। দুদ্দসন্তি দুদ্দসং দুদ্দক্খং দুপ্পস্সং দুব্বুজ্ঝং দুরনুবুজ্ঝং দুপ্পটিৰিজ্ঝন্তি – দুদ্দসং। হদযস্সিতন্তি হদযং ৰুচ্চতি চিত্তং। যং চিত্তং মনো মানসং হদযং পণ্ডরং মনো মনাযতনং মনিন্দ্রিযং ৰিঞ্ঞাণং ৰিঞ্ঞাণক্খন্ধো তজ্জা মনোৰিঞ্ঞাণধাতু। হদযস্সিতন্তি হদযনিস্সিতং চিত্তসিতং চিত্তনিস্সিতং চিত্তেন সহগতং সহজাতং সংসট্ঠং সম্পযুত্তং একুপ্পাদং একনিরোধং একৰত্থুকং একারম্মণন্তি – দুদ্দসং হদযস্সিতং।
Duddasaṃ hadayassitanti. Duddasanti duddasaṃ duddakkhaṃ duppassaṃ dubbujjhaṃ duranubujjhaṃ duppaṭivijjhanti – duddasaṃ. Hadayassitanti hadayaṃ vuccati cittaṃ. Yaṃ cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjā manoviññāṇadhātu. Hadayassitanti hadayanissitaṃ cittasitaṃ cittanissitaṃ cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti – duddasaṃ hadayassitaṃ.
তেনাহ ভগৰা –
Tenāha bhagavā –
‘‘ওসানে ত্ৰেৰ ব্যারুদ্ধে, দিস্ৰা মে অরতী অহু।
‘‘Osāne tveva byāruddhe, disvā me aratī ahu;
অথেত্থ সল্লমদ্দক্খিং, দুদ্দসং হদযস্সিত’’ন্তি॥
Athettha sallamaddakkhiṃ, duddasaṃ hadayassita’’nti.
১৭৪.
174.
যেন সল্লেন ওতিণ্ণো, দিসা সব্বা ৰিধাৰতি।
Yena sallena otiṇṇo, disā sabbā vidhāvati;
তমেৰ সল্লমব্বুয্হ, ন ধাৰতি ন সীদতি॥
Tameva sallamabbuyha, na dhāvati na sīdati.
যেন সল্লেন ওতিণ্ণো, দিসা সব্বা ৰিধাৰতীতি। সল্লন্তি। সত্ত সল্লানি – রাগসল্লং, দোসসল্লং, মোহসল্লং, মানসল্লং, দিট্ঠিসল্লং, সোকসল্লং, কথংকথাসল্লং। কতমং রাগসল্লং? যো রাগো সারাগো অনুনযো অনুরোধো নন্দিরাগো চিত্তস্স সারাগো…পে॰… অভিজ্ঝা লোভো অকুসলমূলং – ইদং রাগসল্লং।
Yenasallena otiṇṇo, disā sabbā vidhāvatīti. Sallanti. Satta sallāni – rāgasallaṃ, dosasallaṃ, mohasallaṃ, mānasallaṃ, diṭṭhisallaṃ, sokasallaṃ, kathaṃkathāsallaṃ. Katamaṃ rāgasallaṃ? Yo rāgo sārāgo anunayo anurodho nandirāgo cittassa sārāgo…pe… abhijjhā lobho akusalamūlaṃ – idaṃ rāgasallaṃ.
কতমং দোসসল্লং? ‘‘অনত্থং মে অচরী’’তি আঘাতো জাযতি ‘‘অনত্থং মে চরতী’’তি আঘাতো জাযতি, ‘‘অনত্থং মে চরিস্সতী’’তি আঘাতো জাযতি…পে॰… চণ্ডিক্কং অসুরোপো অনত্তমনতা চিত্তস্স – ইদং দোসসল্লং।
Katamaṃ dosasallaṃ? ‘‘Anatthaṃ me acarī’’ti āghāto jāyati ‘‘anatthaṃ me caratī’’ti āghāto jāyati, ‘‘anatthaṃ me carissatī’’ti āghāto jāyati…pe… caṇḍikkaṃ asuropo anattamanatā cittassa – idaṃ dosasallaṃ.
কতমং মোহসল্লং? দুক্খে অঞ্ঞাণং…পে॰… দুক্খনিরোধগামিনিযা পটিপদায অঞ্ঞাণং, পুব্বন্তে অঞ্ঞাণং, অপরন্তে অঞ্ঞাণং, পুব্বন্তাপরন্তে অঞ্ঞাণং , ইদপ্পচ্চযতাপটিচ্চসমুপ্পন্নেসু ধম্মেসু অঞ্ঞাণং। যং এৰরূপং অদস্সনং অনভিসমযো অননুবোধো অসম্বোধো অপ্পটিৰেধো অসঙ্গাহণা অপরিযোগাহণা 31 অসমপেক্খনা অপচ্চৰেক্খনা অপচ্চক্খকম্মং দুম্মেজ্ঝং বাল্যং মোহো পমোহো সম্মোহো অৰিজ্জা অৰিজ্জোঘো অৰিজ্জাযোগো অৰিজ্জানুসযো অৰিজ্জাপরিযুট্ঠানং অৰিজ্জালঙ্গী মোহো অকুসলমূলং – ইদং মোহসল্লং।
Katamaṃ mohasallaṃ? Dukkhe aññāṇaṃ…pe… dukkhanirodhagāminiyā paṭipadāya aññāṇaṃ, pubbante aññāṇaṃ, aparante aññāṇaṃ, pubbantāparante aññāṇaṃ , idappaccayatāpaṭiccasamuppannesu dhammesu aññāṇaṃ. Yaṃ evarūpaṃ adassanaṃ anabhisamayo ananubodho asambodho appaṭivedho asaṅgāhaṇā apariyogāhaṇā 32 asamapekkhanā apaccavekkhanā apaccakkhakammaṃ dummejjhaṃ bālyaṃ moho pamoho sammoho avijjā avijjogho avijjāyogo avijjānusayo avijjāpariyuṭṭhānaṃ avijjālaṅgī moho akusalamūlaṃ – idaṃ mohasallaṃ.
কতমং মানসল্লং? ‘‘সেয্যোহমস্মী’’তি মানো, ‘‘সদিসোহমস্মী’’তি মানো, ‘‘হীনোহমস্মী’’তি মানো। যো এৰরূপো মানো মঞ্ঞনা মঞ্ঞিতত্তং উন্নতি উন্নমো ধজো সম্পগ্গাহো কেতুকম্যতা চিত্তস্স – ইদং মানসল্লং।
Katamaṃ mānasallaṃ? ‘‘Seyyohamasmī’’ti māno, ‘‘sadisohamasmī’’ti māno, ‘‘hīnohamasmī’’ti māno. Yo evarūpo māno maññanā maññitattaṃ unnati unnamo dhajo sampaggāho ketukamyatā cittassa – idaṃ mānasallaṃ.
কতমং দিট্ঠিসল্লং? ৰীসতিৰত্থুকা সক্কাযদিট্ঠি, দসৰত্থুকা মিচ্ছাদিট্ঠি, দসৰত্থুকা অন্তগ্গাহিকা দিট্ঠি। যা এৰরূপা দিট্ঠি দিট্ঠিগতং দিট্ঠিগহনং দিট্ঠিকন্তারো দিট্ঠিৰিসূকাযিকং দিট্ঠিৰিপ্ফন্দিতং দিট্ঠিসঞ্ঞোজনং গাহো পটিগ্গাহো অভিনিৰেসো পরামাসো কুম্মগ্গো 33 মিচ্ছাপথো মিচ্ছত্তং তিত্থাযতনং ৰিপরিযাসগ্গাহো ৰিপরীতগ্গাহো ৰিপল্লাসগ্গাহো মিচ্ছাগাহো অযাথাৰকস্মিং ‘‘যাথাৰক’’ন্তি গাহো যাৰতা দ্ৰাসট্ঠি দিট্ঠিগতানি – ইদং দিট্ঠিসল্লং।
Katamaṃ diṭṭhisallaṃ? Vīsativatthukā sakkāyadiṭṭhi, dasavatthukā micchādiṭṭhi, dasavatthukā antaggāhikā diṭṭhi. Yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaññojanaṃ gāho paṭiggāho abhiniveso parāmāso kummaggo 34 micchāpatho micchattaṃ titthāyatanaṃ vipariyāsaggāho viparītaggāho vipallāsaggāho micchāgāho ayāthāvakasmiṃ ‘‘yāthāvaka’’nti gāho yāvatā dvāsaṭṭhi diṭṭhigatāni – idaṃ diṭṭhisallaṃ.
কতমং সোকসল্লং? ঞাতিব্যসনেন ৰা ফুট্ঠস্স রোগব্যসনেন ৰা ফুট্ঠস্স ভোগব্যসনেন ৰা ফুট্ঠস্স সীলব্যসনেন ৰা ফুট্ঠস্স দিট্ঠিব্যসনেন ৰা ফুট্ঠস্স অঞ্ঞতরঞ্ঞতরেন ব্যসনেন সমন্নাগতস্স অঞ্ঞতরঞ্ঞতরেন দুক্খধম্মেন ফুট্ঠস্স সোকো সোচনা সোচিতত্তং অন্তোসোকো অন্তোপরিসোকো অন্তোডাহো অন্তোপরিডাহো চেতসো পরিজ্ঝাযনা দোমনস্সং – ইদং সোকসল্লং।
Katamaṃ sokasallaṃ? Ñātibyasanena vā phuṭṭhassa rogabyasanena vā phuṭṭhassa bhogabyasanena vā phuṭṭhassa sīlabyasanena vā phuṭṭhassa diṭṭhibyasanena vā phuṭṭhassa aññataraññatarena byasanena samannāgatassa aññataraññatarena dukkhadhammena phuṭṭhassa soko socanā socitattaṃ antosoko antoparisoko antoḍāho antopariḍāho cetaso parijjhāyanā domanassaṃ – idaṃ sokasallaṃ.
কতমং কথংকথাসল্লং? দুক্খে কঙ্খা, দুক্খসমুদযে কঙ্খা, দুক্খনিরোধে কঙ্খা, দুক্খনিরোধগামিনিযা পটিপদায কঙ্খা, পুব্বন্তে কঙ্খা, অপরন্তে কঙ্খা, পুব্বন্তাপরন্তে কঙ্খা, ইদপ্পচ্চযতাপটিচ্চসমুপ্পন্নেসু ধম্মেসু কঙ্খা। যা এৰরূপা কঙ্খা কঙ্খাযনা কঙ্খাযিতত্তং ৰিমতি ৰিচিকিচ্ছা দ্ৰেল়্হকং দ্ৰেধাপথো সংসযো অনেকংসগ্গাহো আসপ্পনা পরিসপ্পনা অপরিযোগাহণা ছম্ভিতত্তং চিত্তস্স মনোৰিলেখো – ইদং কথংকথাসল্লং।
Katamaṃ kathaṃkathāsallaṃ? Dukkhe kaṅkhā, dukkhasamudaye kaṅkhā, dukkhanirodhe kaṅkhā, dukkhanirodhagāminiyā paṭipadāya kaṅkhā, pubbante kaṅkhā, aparante kaṅkhā, pubbantāparante kaṅkhā, idappaccayatāpaṭiccasamuppannesu dhammesu kaṅkhā. Yā evarūpā kaṅkhā kaṅkhāyanā kaṅkhāyitattaṃ vimati vicikicchā dveḷhakaṃ dvedhāpatho saṃsayo anekaṃsaggāho āsappanā parisappanā apariyogāhaṇā chambhitattaṃ cittassa manovilekho – idaṃ kathaṃkathāsallaṃ.
যেন সল্লেন ওতিণ্ণো, দিসা সব্বা ৰিধাৰতীতি। রাগসল্লেন ওতিণ্ণো ৰিদ্ধো ফুট্ঠো পরেতো সমোহিতো সমন্নাগতো কাযেন দুচ্চরিতং চরতি, ৰাচায দুচ্চরিতং চরতি, মনসা দুচ্চরিতং চরতি, পাণম্পি হনতি, অদিন্নম্পি আদিযতি, সন্ধিম্পি ছিন্দতি, নিল্লোপম্পি হরতি, একাগারিকম্পি করোতি, পরিপন্থেপি তিট্ঠতি, পরদারম্পি গচ্ছতি, মুসাপি ভণতি; এৰম্পি রাগসল্লেন ওতিণ্ণো ৰিদ্ধো ফুট্ঠো পরেতো সমোহিতো সমন্নাগতো ধাৰতি ৰিধাৰতি সন্ধাৰতি সংসরতি। অথ ৰা রাগসল্লেন ওতিণ্ণো ৰিদ্ধো ফুট্ঠো পরেতো সমোহিতো সমন্নাগতো ভোগে পরিযেসন্তো নাৰায মহাসমুদ্দং পক্খন্দতি। সীতস্স পুরক্খতো উণ্হস্স পুরক্খতো ডংসমকসৰাতাতপসরীসপসম্ফস্সেহি পীল়িযমানো 35 খুপ্পিপাসায মিয্যমানো তিগুম্বং গচ্ছতি, তক্কোলং গচ্ছতি, তক্কসীলং গচ্ছতি, কাল়মুখং গচ্ছতি, পুরপূরং গচ্ছতি, ৰেসুঙ্গং গচ্ছতি, ৰেরাপথং গচ্ছতি, জৰং গচ্ছতি, তামলিং গচ্ছতি, ৰঙ্কং গচ্ছতি, এল়বন্ধনং গচ্ছতি, সুৰণ্ণকূটং গচ্ছতি, সুৰণ্ণভূমিং গচ্ছতি, তম্বপণ্ণিং গচ্ছতি, সুপ্পাদকং 36 গচ্ছতি, ভারুকচ্ছং গচ্ছতি, সুরট্ঠং গচ্ছতি, ভঙ্গলোকং 37 গচ্ছতি, ভঙ্গণং 38 গচ্ছতি, পরমভঙ্গণং গচ্ছতি, যোনং গচ্ছতি, পরমযোনং গচ্ছতি, ৰিনকং গচ্ছতি, মূলপদং গচ্ছতি, মরুকন্তারং গচ্ছতি, জণ্ণুপথং গচ্ছতি, অজপথং গচ্ছতি , মেণ্ডপথং গচ্ছতি, সঙ্কুপথং গচ্ছতি, ছত্তপথং গচ্ছতি, ৰংসপথং গচ্ছতি, সকুণপথং গচ্ছতি, মূসিকপথং গচ্ছতি, দরিপথং গচ্ছতি, ৰেত্তাচারং গচ্ছতি; পরিযেসন্তো ন লভতি, অলাভমূলকম্পি দুক্খং দোমনস্সং পটিসংৰেদেতি, পরিযেসন্তো লভতি, লদ্ধা আরক্খমূলকম্পি দুক্খং দোমনস্সং পটিসংৰেদেতি ‘‘কিন্তি মে ভোগে নেৰ রাজানো হরেয্যুং ন চোরা হরেয্যুং ন অগ্গি দহেয্য ন উদকং ৰহেয্য ন অপ্পিযা দাযাদা হরেয্যু’’ন্তি। তস্স এৰং আরক্খতো গোপযতো তে ভোগা ৰিপ্পলুজ্জন্তি , সো ৰিপ্পযোগমূলকম্পি দুক্খং দোমনস্সং পটিসংৰেদেতি। এৰম্পি রাগসল্লেন ওতিণ্ণো ৰিদ্ধো ফুট্ঠো পরেতো সমোহিতো সমন্নাগতো ধাৰতি ৰিধাৰতি সন্ধাৰতি সংসরতি।
Yenasallena otiṇṇo, disā sabbā vidhāvatīti. Rāgasallena otiṇṇo viddho phuṭṭho pareto samohito samannāgato kāyena duccaritaṃ carati, vācāya duccaritaṃ carati, manasā duccaritaṃ carati, pāṇampi hanati, adinnampi ādiyati, sandhimpi chindati, nillopampi harati, ekāgārikampi karoti, paripanthepi tiṭṭhati, paradārampi gacchati, musāpi bhaṇati; evampi rāgasallena otiṇṇo viddho phuṭṭho pareto samohito samannāgato dhāvati vidhāvati sandhāvati saṃsarati. Atha vā rāgasallena otiṇṇo viddho phuṭṭho pareto samohito samannāgato bhoge pariyesanto nāvāya mahāsamuddaṃ pakkhandati. Sītassa purakkhato uṇhassa purakkhato ḍaṃsamakasavātātapasarīsapasamphassehi pīḷiyamāno 39 khuppipāsāya miyyamāno tigumbaṃ gacchati, takkolaṃ gacchati, takkasīlaṃ gacchati, kāḷamukhaṃ gacchati, purapūraṃ gacchati, vesuṅgaṃ gacchati, verāpathaṃ gacchati, javaṃ gacchati, tāmaliṃ gacchati, vaṅkaṃ gacchati, eḷabandhanaṃ gacchati, suvaṇṇakūṭaṃ gacchati, suvaṇṇabhūmiṃ gacchati, tambapaṇṇiṃ gacchati, suppādakaṃ 40 gacchati, bhārukacchaṃ gacchati, suraṭṭhaṃ gacchati, bhaṅgalokaṃ 41 gacchati, bhaṅgaṇaṃ 42 gacchati, paramabhaṅgaṇaṃ gacchati, yonaṃ gacchati, paramayonaṃ gacchati, vinakaṃ gacchati, mūlapadaṃ gacchati, marukantāraṃ gacchati, jaṇṇupathaṃ gacchati, ajapathaṃ gacchati , meṇḍapathaṃ gacchati, saṅkupathaṃ gacchati, chattapathaṃ gacchati, vaṃsapathaṃ gacchati, sakuṇapathaṃ gacchati, mūsikapathaṃ gacchati, daripathaṃ gacchati, vettācāraṃ gacchati; pariyesanto na labhati, alābhamūlakampi dukkhaṃ domanassaṃ paṭisaṃvedeti, pariyesanto labhati, laddhā ārakkhamūlakampi dukkhaṃ domanassaṃ paṭisaṃvedeti ‘‘kinti me bhoge neva rājāno hareyyuṃ na corā hareyyuṃ na aggi daheyya na udakaṃ vaheyya na appiyā dāyādā hareyyu’’nti. Tassa evaṃ ārakkhato gopayato te bhogā vippalujjanti , so vippayogamūlakampi dukkhaṃ domanassaṃ paṭisaṃvedeti. Evampi rāgasallena otiṇṇo viddho phuṭṭho pareto samohito samannāgato dhāvati vidhāvati sandhāvati saṃsarati.
দোসসল্লেন…পে॰… মোহসল্লেন… মানসল্লেন ওতিণ্ণো ৰিদ্ধো ফুট্ঠো পরেতো সমোহিতো সমন্নাগতো কাযেন দুচ্চরিতং চরতি, ৰাচায দুচ্চরিতং চরতি, মনসা দুচ্চরিতং চরতি, পাণম্পি হনতি, অদিন্নম্পি আদিযতি, সন্ধিম্পি ছিন্দতি, নিল্লোপম্পি হরতি, একাগারিকম্পি করোতি, পরিপন্থেপি তিট্ঠতি, পরদারম্পি গচ্ছতি, মুসাপি ভণতি। এৰং মানসল্লেন ওতিণ্ণো ৰিদ্ধো ফুট্ঠো পরেতো সমোহিতো সমন্নাগতো ধাৰতি ৰিধাৰতি সন্ধাৰতি সংসরতি।
Dosasallena…pe… mohasallena… mānasallena otiṇṇo viddho phuṭṭho pareto samohito samannāgato kāyena duccaritaṃ carati, vācāya duccaritaṃ carati, manasā duccaritaṃ carati, pāṇampi hanati, adinnampi ādiyati, sandhimpi chindati, nillopampi harati, ekāgārikampi karoti, paripanthepi tiṭṭhati, paradārampi gacchati, musāpi bhaṇati. Evaṃ mānasallena otiṇṇo viddho phuṭṭho pareto samohito samannāgato dhāvati vidhāvati sandhāvati saṃsarati.
দিট্ঠিসল্লেন ওতিণ্ণো ৰিদ্ধো ফুট্ঠো পরেতো সমোহিতো সমন্নাগতো অচেলকো হোতি মুত্তাচারো হত্থাপলেখনো 43, ন এহিভদন্তিকো , ন তিট্ঠভদন্তিকো; নাভিহটং, ন উদ্দিস্সকতং, ন নিমন্তনং সাদিযতি, সো ন কুম্ভিমুখা পটিগ্গণ্হাতি, ন কল়োপিমুখা 44 পটিগ্গণ্হাতি, ন এল়কমন্তরং, ন দণ্ডমন্তরং, ন মুসলমন্তরং, ন দ্ৰিন্নং ভুঞ্জমানানং, ন গব্ভিনিযা, ন পাযমানায, ন পুরিসন্তরগতায, ন সংকিত্তীসু, ন যত্থ সা উপট্ঠিতো হোতি, ন যত্থ মক্খিকা সণ্ডসণ্ডচারিনী। ন মচ্ছং ন মংসং ন সুরং ন মেরযং ন থুসোদকং পিৰতি। সো একাগারিকো ৰা হোতি একালোপিকো, দ্ৰাগারিকো ৰা হোতি দ্ৰালোপিকো…পে॰… সত্তাগারিকো ৰা হোতি সত্তালোপিকো। একিস্সাপি ভত্তিযা যাপেতি, দ্ৰীহিপি ভত্তীহি যাপেতি…পে॰… সত্তহিপি ভত্তীহি যাপেতি। একাহিকম্পি আহারং আহারেতি, দ্ৰীহিকম্পি আহারং আহারেতি…পে॰… সত্তাহিকম্পি আহারং আহারেতি। ইতি এৰরূপং অড্ঢমাসিকম্পি পরিযাযভত্তভোজনানুযোগমনুযুত্তো ৰিহরতি। এৰম্পি দিট্ঠিসল্লেন ওতিণ্ণো ৰিদ্ধো ফুট্ঠো পরেতো সমোহিতো সমন্নাগতো ধাৰতি ৰিধাৰতি সন্ধাৰতি সংসরতি।
Diṭṭhisallena otiṇṇo viddho phuṭṭho pareto samohito samannāgato acelako hoti muttācāro hatthāpalekhano 45, na ehibhadantiko , na tiṭṭhabhadantiko; nābhihaṭaṃ, na uddissakataṃ, na nimantanaṃ sādiyati, so na kumbhimukhā paṭiggaṇhāti, na kaḷopimukhā 46 paṭiggaṇhāti, na eḷakamantaraṃ, na daṇḍamantaraṃ, na musalamantaraṃ, na dvinnaṃ bhuñjamānānaṃ, na gabbhiniyā, na pāyamānāya, na purisantaragatāya, na saṃkittīsu, na yattha sā upaṭṭhito hoti, na yattha makkhikā saṇḍasaṇḍacārinī. Na macchaṃ na maṃsaṃ na suraṃ na merayaṃ na thusodakaṃ pivati. So ekāgāriko vā hoti ekālopiko, dvāgāriko vā hoti dvālopiko…pe… sattāgāriko vā hoti sattālopiko. Ekissāpi bhattiyā yāpeti, dvīhipi bhattīhi yāpeti…pe… sattahipi bhattīhi yāpeti. Ekāhikampi āhāraṃ āhāreti, dvīhikampi āhāraṃ āhāreti…pe… sattāhikampi āhāraṃ āhāreti. Iti evarūpaṃ aḍḍhamāsikampi pariyāyabhattabhojanānuyogamanuyutto viharati. Evampi diṭṭhisallena otiṇṇo viddho phuṭṭho pareto samohito samannāgato dhāvati vidhāvati sandhāvati saṃsarati.
অথ ৰা দিট্ঠিসল্লেন ওতিণ্ণো ৰিদ্ধো ফুট্ঠো পরেতো সমোহিতো সমন্নাগতো সো সাকভক্খো ৰা হোতি, সামাকভক্খো ৰা হোতি, নীৰারভক্খো ৰা হোতি, দদ্দুলভক্খো ৰা হোতি, হটভক্খো ৰা হোতি, কণভক্খো ৰা হোতি, আচামভক্খো ৰা হোতি, পিঞ্ঞাকভক্খো ৰা হোতি, তিলভক্খো ৰা হোতি, তিণভক্খো ৰা হোতি, গোমযভক্খো ৰা হোতি, ৰনমূলফলাহারো যাপেতি পৰত্তফলভোজনো। সো সাণানিপি ধারেতি, মসাণানিপি ধারেতি, ছৰদুস্সানিপি ধারেতি, পংসুকূলানিপি ধারেতি, তিরীটানিপি ধারেতি, অজিনানিপি ধারেতি, অজিনক্খিপম্পি ধারেতি, কুসচীরম্পি ধারেতি, ৰাকচীরম্পি ধারেতি, ফলকচীরম্পি ধারেতি, কেসকম্বলম্পি ধারেতি, উলূকপক্খম্পি ধারেতি, কেসমস্সুলোচকোপি হোতি, কেসমস্সুলোচনানুযোগমনুযুত্তো ৰিহরতি। উব্ভট্ঠকোপি হোতি আসনপটিক্খিত্তো, উক্কুটিকোপি হোতি উক্কুটিকপ্পধানমনুযুত্তো, কণ্টকাপস্সযিকো হোতি, কণ্টকাপস্সযে সেয্যং কপ্পেতি, ফলকসেয্যম্পি কপ্পেতি, থণ্ডিলসেয্যম্পি কপ্পেতি, একাপস্সযিকো হোতি রজোজল্লধরো, অব্ভোকাসিকোপি হোতি যথাসন্থতিকো, ৰেকটিকোপি হোতি ৰিকটভোজনানুযোগমনুযুত্তো, অপানকোপি হোতি অপানকত্তমনুযুত্তো, সাযততিযকম্পি উদকোরোহনানুযোগমনুযুত্তো ৰিহরতি। ইতি এৰরূপং অনেকৰিহিতং কাযস্স আতাপনপরিতাপনানুযোগমনুযুত্তো ৰিহরতি। এৰম্পি দিট্ঠিসল্লেন ওতিণ্ণো ৰিদ্ধো ফুট্ঠো পরেতো সমোহিতো সমন্নাগতো ধাৰতি ৰিধাৰতি সন্ধাৰতি সংসরতি।
Atha vā diṭṭhisallena otiṇṇo viddho phuṭṭho pareto samohito samannāgato so sākabhakkho vā hoti, sāmākabhakkho vā hoti, nīvārabhakkho vā hoti, daddulabhakkho vā hoti, haṭabhakkho vā hoti, kaṇabhakkho vā hoti, ācāmabhakkho vā hoti, piññākabhakkho vā hoti, tilabhakkho vā hoti, tiṇabhakkho vā hoti, gomayabhakkho vā hoti, vanamūlaphalāhāro yāpeti pavattaphalabhojano. So sāṇānipi dhāreti, masāṇānipi dhāreti, chavadussānipi dhāreti, paṃsukūlānipi dhāreti, tirīṭānipi dhāreti, ajinānipi dhāreti, ajinakkhipampi dhāreti, kusacīrampi dhāreti, vākacīrampi dhāreti, phalakacīrampi dhāreti, kesakambalampi dhāreti, ulūkapakkhampi dhāreti, kesamassulocakopi hoti, kesamassulocanānuyogamanuyutto viharati. Ubbhaṭṭhakopi hoti āsanapaṭikkhitto, ukkuṭikopi hoti ukkuṭikappadhānamanuyutto, kaṇṭakāpassayiko hoti, kaṇṭakāpassaye seyyaṃ kappeti, phalakaseyyampi kappeti, thaṇḍilaseyyampi kappeti, ekāpassayiko hoti rajojalladharo, abbhokāsikopi hoti yathāsanthatiko, vekaṭikopi hoti vikaṭabhojanānuyogamanuyutto, apānakopi hoti apānakattamanuyutto, sāyatatiyakampi udakorohanānuyogamanuyutto viharati. Iti evarūpaṃ anekavihitaṃ kāyassa ātāpanaparitāpanānuyogamanuyutto viharati. Evampi diṭṭhisallena otiṇṇo viddho phuṭṭho pareto samohito samannāgato dhāvati vidhāvati sandhāvati saṃsarati.
সোকসল্লেন ওতিণ্ণো ৰিদ্ধো ফুট্ঠো পরেতো সমোহিতো সমন্নাগতো সোচতি কিলমতি পরিদেৰতি উরত্তাল়িং কন্দতি সম্মোহং আপজ্জতি। ৰুত্তঞ্হেতং ভগৰতা –
Sokasallena otiṇṇo viddho phuṭṭho pareto samohito samannāgato socati kilamati paridevati urattāḷiṃ kandati sammohaṃ āpajjati. Vuttañhetaṃ bhagavatā –
‘‘ভূতপুব্বং, ব্রাহ্মণ, ইমিস্সাযেৰ সাৰত্থিযা অঞ্ঞতরিস্সা ইত্থিযা মাতা কালমকাসি। সা তস্সা কালং কিরিযায উম্মত্তিকা খিত্তচিত্তা রথিযায রথিযং, সিঙ্ঘাটকেন সিঙ্ঘাটকং উপসঙ্কমিত্ৰা এৰমাহ – ‘অপি মে মাতরং অদ্দস্সথ, অপি মে মাতরং অদ্দস্সথা’তি ।
‘‘Bhūtapubbaṃ, brāhmaṇa, imissāyeva sāvatthiyā aññatarissā itthiyā mātā kālamakāsi. Sā tassā kālaṃ kiriyāya ummattikā khittacittā rathiyāya rathiyaṃ, siṅghāṭakena siṅghāṭakaṃ upasaṅkamitvā evamāha – ‘api me mātaraṃ addassatha, api me mātaraṃ addassathā’ti .
‘‘ভূতপুব্বং, ব্রাহ্মণ, ইমিস্সাযেৰ সাৰত্থিযা অঞ্ঞতরিস্সা ইত্থিযা পিতা কালমকাসি… ভাতা কালমকাসি… ভগিনী কালমকাসি… পুত্তো কালমকাসি… ধীতা কালমকাসি… সামিকো কালমকাসি। সা তস্স কালং কিরিযায উম্মত্তিকা খিত্তচিত্তা রথিযায রথিযং, সিঙ্ঘাটকেন সিঙ্ঘাটকং উপসঙ্কমিত্ৰা এৰমাহ – ‘অপি মে সামিকং অদ্দস্সথ, অপি মে সামিকং অদ্দস্সথা’তি।
‘‘Bhūtapubbaṃ, brāhmaṇa, imissāyeva sāvatthiyā aññatarissā itthiyā pitā kālamakāsi… bhātā kālamakāsi… bhaginī kālamakāsi… putto kālamakāsi… dhītā kālamakāsi… sāmiko kālamakāsi. Sā tassa kālaṃ kiriyāya ummattikā khittacittā rathiyāya rathiyaṃ, siṅghāṭakena siṅghāṭakaṃ upasaṅkamitvā evamāha – ‘api me sāmikaṃ addassatha, api me sāmikaṃ addassathā’ti.
‘‘ভূতপুব্বং, ব্রাহ্মণ, ইমিস্সাযেৰ সাৰত্থিযা অঞ্ঞতরস্স পুরিসস্স মাতা কালমকাসি। সো তস্সা কালং কিরিযায উম্মত্তকো খিত্তচিত্তো রথিযায রথিযং, সিঙ্ঘাটকেন সিঙ্ঘাটকং উপসঙ্কমিত্ৰা এৰমাহ – ‘অপি মে মাতরং অদ্দস্সথ, অপি মে মাতরং অদ্দস্সথা’তি।
‘‘Bhūtapubbaṃ, brāhmaṇa, imissāyeva sāvatthiyā aññatarassa purisassa mātā kālamakāsi. So tassā kālaṃ kiriyāya ummattako khittacitto rathiyāya rathiyaṃ, siṅghāṭakena siṅghāṭakaṃ upasaṅkamitvā evamāha – ‘api me mātaraṃ addassatha, api me mātaraṃ addassathā’ti.
‘‘ভূতপুব্বং , ব্রাহ্মণ, ইমিস্সাযেৰ সাৰত্থিযা অঞ্ঞতরস্স পুরিসস্স পিতা কালমকাসি… ভাতা কালমকাসি… ভগিনী কালমকাসি… পুত্তো কালমকাসি… ধীতা কালমকাসি… পজাপতি কালমকাসি। সো তস্সা কালং কিরিযায উম্মত্তকো খিত্তচিত্তো রথিযায রথিযং, সিঙ্ঘাটকেন সিঙ্ঘাটকং উপসঙ্কমিত্ৰা এৰমাহ – ‘অপি মে পজাপতিং অদ্দস্সথ, অপি মে পজাপতিং অদ্দস্সথা’তি।
‘‘Bhūtapubbaṃ , brāhmaṇa, imissāyeva sāvatthiyā aññatarassa purisassa pitā kālamakāsi… bhātā kālamakāsi… bhaginī kālamakāsi… putto kālamakāsi… dhītā kālamakāsi… pajāpati kālamakāsi. So tassā kālaṃ kiriyāya ummattako khittacitto rathiyāya rathiyaṃ, siṅghāṭakena siṅghāṭakaṃ upasaṅkamitvā evamāha – ‘api me pajāpatiṃ addassatha, api me pajāpatiṃ addassathā’ti.
‘‘ভূতপুব্বং, ব্রাহ্মণ, ইমিস্সাযেৰ সাৰত্থিযা অঞ্ঞতরা ইত্থী ঞাতিকুলং অগমাসি। তস্সা তে ঞাতকা সামিকং অচ্ছিন্দিত্ৰা অঞ্ঞস্স দাতুকামা, সা চ নং ন ইচ্ছতি। অথ খো সা ইত্থী সামিকং এতদৰোচ – ‘ইমে, অয্যপুত্ত, ঞাতকা তৰ অচ্ছিন্দিত্ৰা অঞ্ঞস্স দাতুকামা, উভো মযং মরিস্সামা’তি। অথ খো সো পুরিসো তং ইত্থিং দ্ৰিধা ছেত্ৰা অত্তানং ওপাতেতি – ‘উভো পেচ্চ ভৰিস্সামা’’’তি। এৰং সোকসল্লেন ওতিণ্ণো ৰিদ্ধো ফুট্ঠো পরেতো সমোহিতো সমন্নাগতো ধাৰতি ৰিধাৰতি সন্ধাৰতি সংসরতি।
‘‘Bhūtapubbaṃ, brāhmaṇa, imissāyeva sāvatthiyā aññatarā itthī ñātikulaṃ agamāsi. Tassā te ñātakā sāmikaṃ acchinditvā aññassa dātukāmā, sā ca naṃ na icchati. Atha kho sā itthī sāmikaṃ etadavoca – ‘ime, ayyaputta, ñātakā tava acchinditvā aññassa dātukāmā, ubho mayaṃ marissāmā’ti. Atha kho so puriso taṃ itthiṃ dvidhā chetvā attānaṃ opāteti – ‘ubho pecca bhavissāmā’’’ti. Evaṃ sokasallena otiṇṇo viddho phuṭṭho pareto samohito samannāgato dhāvati vidhāvati sandhāvati saṃsarati.
কথংকথাসল্লেন ওতিণ্ণো ৰিদ্ধো ফুট্ঠো পরেতো সমোহিতো সমন্নাগতো সংসযপক্খন্দো হোতি ৰিমতিপক্খন্দো দ্ৰেল়্হকজাতো – ‘‘অহোসিং নু খো অহং অতীতমদ্ধানং, ননু খো অহোসিং অতীতমদ্ধানং, কিং নু খো অহোসিং অতীতমদ্ধানং, কথং নু খো অহোসিং অতীতমদ্ধানং , কিং হুত্ৰা কিং অহোসিং নু খো অতীতমদ্ধানং, ভৰিস্সামি নু খো অহং অনাগতমদ্ধানং, ননু খো ভৰিস্সামি অনাগতমদ্ধানং, কিং নু খো ভৰিস্সামি অনাগতমদ্ধানং, কথং নু খো ভৰিস্সামি অনাগতমদ্ধানং, কিং হুত্ৰা কিং ভৰিস্সামি নু খো অনাগতমদ্ধানং, এতরহি ৰা পচ্চুপ্পন্নং অদ্ধানং অজ্ঝত্তং কথংকথী হোতি, অহং নু খোস্মি, নো নু খোস্মি, কিং নু খোস্মি কথং নু খোস্মি, অযং নু খো সত্তো কুতো আগতো, সো কুহিং গামী ভৰিস্সতী’’তি। এৰং কথংকথাসল্লেন ওতিণ্ণো ৰিদ্ধো ফুট্ঠো পরেতো সমোহিতো সমন্নাগতো ধাৰতি ৰিধাৰতি সন্ধাৰতি সংসরতি।
Kathaṃkathāsallena otiṇṇo viddho phuṭṭho pareto samohito samannāgato saṃsayapakkhando hoti vimatipakkhando dveḷhakajāto – ‘‘ahosiṃ nu kho ahaṃ atītamaddhānaṃ, nanu kho ahosiṃ atītamaddhānaṃ, kiṃ nu kho ahosiṃ atītamaddhānaṃ, kathaṃ nu kho ahosiṃ atītamaddhānaṃ , kiṃ hutvā kiṃ ahosiṃ nu kho atītamaddhānaṃ, bhavissāmi nu kho ahaṃ anāgatamaddhānaṃ, nanu kho bhavissāmi anāgatamaddhānaṃ, kiṃ nu kho bhavissāmi anāgatamaddhānaṃ, kathaṃ nu kho bhavissāmi anāgatamaddhānaṃ, kiṃ hutvā kiṃ bhavissāmi nu kho anāgatamaddhānaṃ, etarahi vā paccuppannaṃ addhānaṃ ajjhattaṃ kathaṃkathī hoti, ahaṃ nu khosmi, no nu khosmi, kiṃ nu khosmi kathaṃ nu khosmi, ayaṃ nu kho satto kuto āgato, so kuhiṃ gāmī bhavissatī’’ti. Evaṃ kathaṃkathāsallena otiṇṇo viddho phuṭṭho pareto samohito samannāgato dhāvati vidhāvati sandhāvati saṃsarati.
তে সল্লে অভিসঙ্খরোতি; তে সল্লে অভিসঙ্খরোন্তো সল্লাভিসঙ্খারৰসেন পুরত্থিমং দিসং ধাৰতি, পচ্ছিমং দিসং ধাৰতি, উত্তরং দিসং ধাৰতি, দক্খিণং দিসং ধাৰতি। তে সল্লাভিসঙ্খারা অপ্পহীনা; সল্লাভিসঙ্খারানং অপ্পহীনত্তা গতিযা ধাৰতি, নিরযে ধাৰতি , তিরচ্ছানযোনিযা ধাৰতি, পেত্তিৰিসযে ধাৰতি, মনুস্সলোকে ধাৰতি, দেৰলোকে ধাৰতি, গতিযা গতিং, উপপত্তিযা উপপত্তিং, পটিসন্ধিযা পটিসন্ধিং, ভৰেন ভৰং, সংসারেন সংসারং, ৰট্টেন ৰট্টং ধাৰতি ৰিধাৰতি সন্ধাৰতি সংসরতীতি – যেন সল্লেন ওতিণ্ণো দিসা সব্বা ৰিধাৰতি।
Te salle abhisaṅkharoti; te salle abhisaṅkharonto sallābhisaṅkhāravasena puratthimaṃ disaṃ dhāvati, pacchimaṃ disaṃ dhāvati, uttaraṃ disaṃ dhāvati, dakkhiṇaṃ disaṃ dhāvati. Te sallābhisaṅkhārā appahīnā; sallābhisaṅkhārānaṃ appahīnattā gatiyā dhāvati, niraye dhāvati , tiracchānayoniyā dhāvati, pettivisaye dhāvati, manussaloke dhāvati, devaloke dhāvati, gatiyā gatiṃ, upapattiyā upapattiṃ, paṭisandhiyā paṭisandhiṃ, bhavena bhavaṃ, saṃsārena saṃsāraṃ, vaṭṭena vaṭṭaṃ dhāvati vidhāvati sandhāvati saṃsaratīti – yena sallena otiṇṇo disā sabbā vidhāvati.
তমেৰ সল্লমব্বুয্হ, ন ধাৰতি ন সীদতীতি। তমেৰ রাগসল্লং দোসসল্লং মোহসল্লং মানসল্লং দিট্ঠিসল্লং সোকসল্লং কথংকথাসল্লং অব্বুয্হ অব্বুহিত্ৰা উদ্ধরিত্ৰা সমুদ্ধরিত্ৰা উপ্পাটযিত্ৰা সমুপ্পাটযিত্ৰা 47 পজহিত্ৰা ৰিনোদেত্ৰা ব্যন্তিং করিত্ৰা অনভাৰং গমেত্ৰা নেৰ পুরত্থিমং দিসং ধাৰতি ন পচ্ছিমং দিসং ধাৰতি ন উত্তরং দিসং ধাৰতি ন দক্খিণং দিসং ধাৰতি। তে সল্লাভিসঙ্খারা পহীনা; সল্লাভিসঙ্খারানং পহীনত্তা গতিযা ন ধাৰতি, নিরযে ন ধাৰতি, তিরচ্ছানযোনিযা ন ধাৰতি, পেত্তিৰিসযে ন ধাৰতি, মনুস্সলোকে ন ধাৰতি, দেৰলোকে ন ধাৰতি, ন গতিযা গতিং, ন উপপত্তিযা উপপত্তিং, ন পটিসন্ধিযা পটিসন্ধিং, ন ভৰেন ভৰং, ন সংসারেন সংসারং, ন ৰট্টেন ৰট্টং ধাৰতি ৰিধাৰতি সন্ধাৰতি সংসরতীতি – তমেৰ সল্লমব্বুয্হ ন ধাৰতি। ন সীদতীতি কামোঘে ন সীদতি, ভৰোঘে ন সীদতি, দিট্ঠোঘে ন সীদতি, অৰিজ্জোঘে ন সীদতি, ন সংসীদতি ন ওসীদতি ন অৰসীদতি ন গচ্ছতি ন অৰগচ্ছতীতি – তমেৰ সল্লমব্বুয্হ, ন ধাৰতি ন সীদতি।
Tameva sallamabbuyha, na dhāvati na sīdatīti. Tameva rāgasallaṃ dosasallaṃ mohasallaṃ mānasallaṃ diṭṭhisallaṃ sokasallaṃ kathaṃkathāsallaṃ abbuyha abbuhitvā uddharitvā samuddharitvā uppāṭayitvā samuppāṭayitvā 48 pajahitvā vinodetvā byantiṃ karitvā anabhāvaṃ gametvā neva puratthimaṃ disaṃ dhāvati na pacchimaṃ disaṃ dhāvati na uttaraṃ disaṃ dhāvati na dakkhiṇaṃ disaṃ dhāvati. Te sallābhisaṅkhārā pahīnā; sallābhisaṅkhārānaṃ pahīnattā gatiyā na dhāvati, niraye na dhāvati, tiracchānayoniyā na dhāvati, pettivisaye na dhāvati, manussaloke na dhāvati, devaloke na dhāvati, na gatiyā gatiṃ, na upapattiyā upapattiṃ, na paṭisandhiyā paṭisandhiṃ, na bhavena bhavaṃ, na saṃsārena saṃsāraṃ, na vaṭṭena vaṭṭaṃ dhāvati vidhāvati sandhāvati saṃsaratīti – tameva sallamabbuyha na dhāvati. Na sīdatīti kāmoghe na sīdati, bhavoghe na sīdati, diṭṭhoghe na sīdati, avijjoghe na sīdati, na saṃsīdati na osīdati na avasīdati na gacchati na avagacchatīti – tameva sallamabbuyha, na dhāvati na sīdati.
তেনাহ ভগৰা –
Tenāha bhagavā –
‘‘যেন সল্লেন ওতিণ্ণো, দিসা সব্বা ৰিধাৰতি।
‘‘Yena sallena otiṇṇo, disā sabbā vidhāvati;
তমেৰ সল্লমব্বুয্হ, ন ধাৰতি ন সীদতী’’তি॥
Tameva sallamabbuyha, na dhāvati na sīdatī’’ti.
১৭৫.
175.
তত্থ সিক্খানুগীযন্তি, যানি লোকে গধিতানি।
Tatthasikkhānugīyanti, yāni loke gadhitāni;
ন তেসু পসুতো সিযা, নিব্বিজ্ঝ সব্বসো কামে।
Na tesu pasuto siyā, nibbijjha sabbaso kāme;
সিক্খে নিব্বানমত্তনো॥
Sikkhe nibbānamattano.
তত্থ সিক্খানুগীযন্তি, যানি লোকে গধিতানীতি। সিক্খাতি হত্থিসিক্খা অস্সসিক্খা রথসিক্খা ধনুসিক্খা সালাকিযং সল্লকত্তিযং কাযতিকিচ্ছং ভূতিযং কোমারভচ্চং 49। অনুগীযন্তীতি গীযন্তি নিগ্গীযন্তি কথীযন্তি ভণীযন্তি দীপীযন্তি ৰোহরীযন্তি। অথ ৰা গীযন্তি গণ্হীযন্তি উগ্গণ্হীযন্তি ধারীযন্তি উপধারীযন্তি উপলক্খীযন্তি গধিতপটিলাভায। গধিতা ৰুচ্চন্তি পঞ্চ কামগুণা – চক্খুৰিঞ্ঞেয্যা রূপা ইট্ঠা কন্তা মনাপা পিযরূপা কামূপসঞ্হিতা রজনীযা, সোতৰিঞ্ঞেয্যা সদ্দা…পে॰… ঘানৰিঞ্ঞেয্যা গন্ধা… জিৰ্হাৰিঞ্ঞেয্যা রসা… কাযৰিঞ্ঞেয্যা ফোট্ঠব্বা ইট্ঠা কন্তা মনাপা পিযরূপা কামূপসঞ্হিতা রজনীযা। কিংকারণা গধিতা ৰুচ্চন্তি পঞ্চ কামগুণা? যেভুয্যেন দেৰমনুস্সা পঞ্চ কামগুণে ইচ্ছন্তি সাদিযন্তি পত্থযন্তি পিহযন্তি অভিজপ্পন্তি তংকারণা গধিতা ৰুচ্চন্তি পঞ্চ কামগুণা। লোকেতি মনুস্সলোকেতি – তত্থ সিক্খানুগীযন্তি, যানি লোকে গধিতানি।
Tattha sikkhānugīyanti, yāni loke gadhitānīti. Sikkhāti hatthisikkhā assasikkhā rathasikkhā dhanusikkhā sālākiyaṃ sallakattiyaṃ kāyatikicchaṃ bhūtiyaṃ komārabhaccaṃ 50. Anugīyantīti gīyanti niggīyanti kathīyanti bhaṇīyanti dīpīyanti voharīyanti. Atha vā gīyanti gaṇhīyanti uggaṇhīyanti dhārīyanti upadhārīyanti upalakkhīyanti gadhitapaṭilābhāya. Gadhitā vuccanti pañca kāmaguṇā – cakkhuviññeyyā rūpā iṭṭhā kantā manāpā piyarūpā kāmūpasañhitā rajanīyā, sotaviññeyyā saddā…pe… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasañhitā rajanīyā. Kiṃkāraṇā gadhitā vuccanti pañca kāmaguṇā? Yebhuyyena devamanussā pañca kāmaguṇe icchanti sādiyanti patthayanti pihayanti abhijappanti taṃkāraṇā gadhitā vuccanti pañca kāmaguṇā. Loketi manussaloketi – tattha sikkhānugīyanti, yāni loke gadhitāni.
ন তেসু পসুতো সিযাতি। তাসু ৰা সিক্খাসু তেসু ৰা পঞ্চসু কামগুণেসু ন পসুতো সিযা, ন তন্নিন্নো অস্স, ন তপ্পোণো, ন তপ্পব্ভারো, ন তদধিমুত্তো, ন তদধিপতেয্যোতি – ন তেসু পসুতো সিযা।
Na tesu pasuto siyāti. Tāsu vā sikkhāsu tesu vā pañcasu kāmaguṇesu na pasuto siyā, na tanninno assa, na tappoṇo, na tappabbhāro, na tadadhimutto, na tadadhipateyyoti – na tesu pasuto siyā.
নিব্বিজ্ঝ সব্বসো কামেতি। নিব্বিজ্ঝাতি পটিৰিজ্ঝিত্ৰা। ‘‘সব্বে সঙ্খারা অনিচ্চা’’তি পটিৰিজ্ঝিত্ৰা, ‘‘সব্বে সঙ্খারা দুক্খা’’তি পটিৰিজ্ঝিত্ৰা…পে॰… ‘‘যং কিঞ্চি সমুদযধম্মং সব্বং তং নিরোধধম্ম’’ন্তি পটিৰিজ্ঝিত্ৰা। সব্বসোতি সব্বেন সব্বং সব্বথা সব্বং অসেসং নিস্সেসং পরিযাদিযনৰচনমেতং – সব্বসোতি। কামাতি উদ্দানতো দ্ৰে কামা – ৰত্থুকামা চ কিলেসকামা চ…পে॰… ইমে ৰুচ্চন্তি ৰত্থুকামা…পে॰… ইমে ৰুচ্চন্তি কিলেসকামাতি – নিব্বিজ্ঝ সব্বসো কামে।
Nibbijjhasabbaso kāmeti. Nibbijjhāti paṭivijjhitvā. ‘‘Sabbe saṅkhārā aniccā’’ti paṭivijjhitvā, ‘‘sabbe saṅkhārā dukkhā’’ti paṭivijjhitvā…pe… ‘‘yaṃ kiñci samudayadhammaṃ sabbaṃ taṃ nirodhadhamma’’nti paṭivijjhitvā. Sabbasoti sabbena sabbaṃ sabbathā sabbaṃ asesaṃ nissesaṃ pariyādiyanavacanametaṃ – sabbasoti. Kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā…pe… ime vuccanti kilesakāmāti – nibbijjha sabbaso kāme.
সিক্খে নিব্বানমত্তনোতি। সিক্খাতি তিস্সো সিক্খা – অধিসীলসিক্খা, অধিচিত্তসিক্খা, অধিপঞ্ঞাসিক্খা…পে॰… অযং অধিপঞ্ঞাসিক্খা। নিব্বানমত্তনোতি অত্তনো রাগস্স নিব্বাপনায দোসস্স নিব্বাপনায মোহস্স নিব্বাপনায…পে॰… সব্বাকুসলাভিসঙ্খারানং সমায উপসমায ৰূপসমায নিব্বাপনায পটিনিস্সগ্গায পটিপস্সদ্ধিযা অধিসীলম্পি সিক্খেয্য অধিচিত্তম্পি সিক্খেয্য অধিপঞ্ঞম্পি সিক্খেয্য, ইমা তিস্সো সিক্খাযো আৰজ্জন্তো সিক্খেয্য জানন্তো সিক্খেয্য…পে॰… সচ্ছিকাতব্বং সচ্ছিকরোন্তো সিক্খেয্য আচরেয্য সমাচরেয্য সমাদায ৰত্তেয্যাতি – সিক্খে নিব্বানমত্তনো।
Sikkhe nibbānamattanoti. Sikkhāti tisso sikkhā – adhisīlasikkhā, adhicittasikkhā, adhipaññāsikkhā…pe… ayaṃ adhipaññāsikkhā. Nibbānamattanoti attano rāgassa nibbāpanāya dosassa nibbāpanāya mohassa nibbāpanāya…pe… sabbākusalābhisaṅkhārānaṃ samāya upasamāya vūpasamāya nibbāpanāya paṭinissaggāya paṭipassaddhiyā adhisīlampi sikkheyya adhicittampi sikkheyya adhipaññampi sikkheyya, imā tisso sikkhāyo āvajjanto sikkheyya jānanto sikkheyya…pe… sacchikātabbaṃ sacchikaronto sikkheyya ācareyya samācareyya samādāya vatteyyāti – sikkhe nibbānamattano.
তেনাহ ভগৰা –
Tenāha bhagavā –
‘‘তত্থ সিক্খানুগীযন্তি, যানি লোকে গধিতানি।
‘‘Tattha sikkhānugīyanti, yāni loke gadhitāni;
ন তেসু পসুতো সিযা, নিব্বিজ্ঝ সব্বসো কামে।
Na tesu pasuto siyā, nibbijjha sabbaso kāme;
সিক্খে নিব্বানমত্তনো’’তি॥
Sikkhe nibbānamattano’’ti.
১৭৬.
176.
সচ্চো সিযা অপ্পগব্ভো, অমাযো রিত্তপেসুণো।
Saccosiyā appagabbho, amāyo rittapesuṇo;
অক্কোধনো লোভপাপং, ৰেৰিচ্ছং ৰিতরে মুনি॥
Akkodhano lobhapāpaṃ, vevicchaṃ vitare muni.
সচ্চো সিযা অপ্পগব্ভোতি। সচ্চো সিযাতি সচ্চৰাচায সমন্নাগতো সিযা, সম্মাদিট্ঠিযা সমন্নাগতো সিযা, অরিযেন অট্ঠঙ্গিকেন মগ্গেন সমন্নাগতো সিযাতি – সচ্চো সিযা। অপ্পগব্ভোতি তীণি পাগব্ভিযানি – কাযিকং পাগব্ভিযং, ৰাচসিকং পাগব্ভিযং, চেতসিকং পাগব্ভিযং…পে॰… ইদং চেতসিকং পাগব্ভিযং। যস্সিমানি তীণি পাগব্ভিযানি পহীনানি সমুচ্ছিন্নানি ৰূপসন্তানি পটিপস্সদ্ধানি অভব্বুপ্পত্তিকানি ঞাণগ্গিনা দড্ঢানি, সো ৰুচ্চতি অপ্পগব্ভোতি – সচ্চো সিযা অপ্পগব্ভো।
Sacco siyā appagabbhoti. Sacco siyāti saccavācāya samannāgato siyā, sammādiṭṭhiyā samannāgato siyā, ariyena aṭṭhaṅgikena maggena samannāgato siyāti – sacco siyā. Appagabbhoti tīṇi pāgabbhiyāni – kāyikaṃ pāgabbhiyaṃ, vācasikaṃ pāgabbhiyaṃ, cetasikaṃ pāgabbhiyaṃ…pe… idaṃ cetasikaṃ pāgabbhiyaṃ. Yassimāni tīṇi pāgabbhiyāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni, so vuccati appagabbhoti – sacco siyā appagabbho.
অমাযো রিত্তপেসুণোতি। মাযা ৰুচ্চতি ৰঞ্চনিকা চরিযা। ইধেকচ্চো কাযেন দুচ্চরিতং চরিত্ৰা ৰাচায দুচ্চরিতং চরিত্ৰা মনসা দুচ্চরিতং চরিত্ৰা তস্স পটিচ্ছাদনহেতু পাপিকং ইচ্ছং পণিদহতি, মা মং জঞ্ঞাতি ইচ্ছতি, মা মং জঞ্ঞাতি সঙ্কপ্পেতি, মা মং জঞ্ঞাতি ৰাচং ভাসতি, মা মং জঞ্ঞাতি কাযেন পরক্কমতি। যা এৰরূপা মাযা মাযাৰিতা অচ্চসরা ৰঞ্চনা নিকতি নিকিরণা পরিহরণা গূহনা পরিগূহনা ছাদনা পরিচ্ছাদনা অনুত্তানীকম্মং অনাৰিকম্মং ৰোচ্ছাদনা পাপকিরিযা – অযং ৰুচ্চতি মাযা। যস্সেসা মাযা পহীনা সমুচ্ছিন্না ৰূপসন্তা পটিপস্সদ্ধা অভব্বুপ্পত্তিকা ঞাণগ্গিনা দড্ঢা, সো ৰুচ্চতি অমাযো। রিত্তপেসুণোতি পেসুঞ্ঞন্তি ইধেকচ্চো পিসুণৰাচো হোতি…পে॰… এৰং ভেদাধিপ্পাযেন পেসুঞ্ঞং উপসংহরতি। যস্সেতং পেসুঞ্ঞং পহীনং সমুচ্ছিন্নং ৰূপসন্তং পটিপস্সদ্ধং অভব্বুপ্পত্তিকং ঞাণগ্গিনা দড্ঢং, সো ৰুচ্চতি রিত্তপেসুণো ৰিৰিত্তপেসুণো পৰিৰিত্তপেসুণোতি – অমাযো রিত্তপেসুণো।
Amāyo rittapesuṇoti. Māyā vuccati vañcanikā cariyā. Idhekacco kāyena duccaritaṃ caritvā vācāya duccaritaṃ caritvā manasā duccaritaṃ caritvā tassa paṭicchādanahetu pāpikaṃ icchaṃ paṇidahati, mā maṃ jaññāti icchati, mā maṃ jaññāti saṅkappeti, mā maṃ jaññāti vācaṃ bhāsati, mā maṃ jaññāti kāyena parakkamati. Yā evarūpā māyā māyāvitā accasarā vañcanā nikati nikiraṇā pariharaṇā gūhanā parigūhanā chādanā paricchādanā anuttānīkammaṃ anāvikammaṃ vocchādanā pāpakiriyā – ayaṃ vuccati māyā. Yassesā māyā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so vuccati amāyo. Rittapesuṇoti pesuññanti idhekacco pisuṇavāco hoti…pe… evaṃ bhedādhippāyena pesuññaṃ upasaṃharati. Yassetaṃ pesuññaṃ pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhaṃ, so vuccati rittapesuṇo vivittapesuṇo pavivittapesuṇoti – amāyo rittapesuṇo.
অক্কোধনো লোভপাপং, ৰেৰিচ্ছং ৰিতরে মুনীতি। অক্কোধনোতি হি খো ৰুত্তং, অপি চ কোধো তাৰ ৰত্তব্বো। দসহাকারেহি কোধো জাযতি। ‘‘অনত্থং মে অচরী’’তি কোধো জাযতি…পে॰… যস্সেসো কোধো পহীনো সমুচ্ছিন্নো ৰূপসন্তো পটিপস্সদ্ধো অভব্বুপ্পত্তিকো ঞাণগ্গিনা দড্ঢো, সো ৰুচ্চতি অক্কোধনো। কোধস্স পহীনত্তা অক্কোধনো, কোধৰত্থুস্স পরিঞ্ঞাতত্তা অক্কোধনো, কোধহেতুস্স উপচ্ছিন্নত্তা অক্কোধনো। লোভোতি যো লোভো লুব্ভনা লুব্ভিতত্তং…পে॰… অভিজ্ঝা লোভো অকুসলমূলং। ৰেৰিচ্ছং ৰুচ্চতি পঞ্চ মচ্ছরিযানি – আৰাসমচ্ছরিযং…পে॰… গাহো ৰুচ্চতি মচ্ছরিযং। মুনীতি। মোনং ৰুচ্চতি ঞাণং…পে॰… সঙ্গজালমতিচ্চ সো মুনি। অক্কোধনো লোভপাপং, ৰেৰিচ্ছং ৰিতরে মুনীতি। মুনি লোভপাপঞ্চ ৰেৰিচ্ছঞ্চ অতরি উত্তরি পতরি সমতিক্কমি ৰীতিৰত্তযীতি 51 – অক্কোধনো লোভপাপং, ৰেৰিচ্ছং ৰিতরে মুনি।
Akkodhano lobhapāpaṃ, vevicchaṃ vitare munīti. Akkodhanoti hi kho vuttaṃ, api ca kodho tāva vattabbo. Dasahākārehi kodho jāyati. ‘‘Anatthaṃ me acarī’’ti kodho jāyati…pe… yasseso kodho pahīno samucchinno vūpasanto paṭipassaddho abhabbuppattiko ñāṇagginā daḍḍho, so vuccati akkodhano. Kodhassa pahīnattā akkodhano, kodhavatthussa pariññātattā akkodhano, kodhahetussa upacchinnattā akkodhano. Lobhoti yo lobho lubbhanā lubbhitattaṃ…pe… abhijjhā lobho akusalamūlaṃ. Vevicchaṃ vuccati pañca macchariyāni – āvāsamacchariyaṃ…pe… gāho vuccati macchariyaṃ. Munīti. Monaṃ vuccati ñāṇaṃ…pe… saṅgajālamaticca so muni. Akkodhano lobhapāpaṃ, vevicchaṃ vitare munīti. Muni lobhapāpañca vevicchañca atari uttari patari samatikkami vītivattayīti 52 – akkodhano lobhapāpaṃ, vevicchaṃ vitare muni.
তেনাহ ভগৰা –
Tenāha bhagavā –
‘‘সচ্চো সিযা অপ্পগব্ভো, অমাযো রিত্তপেসুণো।
‘‘Sacco siyā appagabbho, amāyo rittapesuṇo;
অক্কোধনো লোভপাপং, ৰেৰিচ্ছং ৰিতরে মুনী’’তি॥
Akkodhano lobhapāpaṃ, vevicchaṃ vitare munī’’ti.
১৭৭.
177.
নিদ্দং তন্দিং সহে থীনং, পমাদেন ন সংৰসে।
Niddaṃtandiṃ sahe thīnaṃ, pamādena na saṃvase;
অতিমানে ন তিট্ঠেয্য, নিব্বানমনসো নরো॥
Atimāne na tiṭṭheyya, nibbānamanaso naro.
নিদ্দং তন্দিং সহে থীনন্তি। নিদ্দাতি যা কাযস্স অকল্যতা অকম্মঞ্ঞতা ওনাহো পরিযোনাহো অন্তোসমোরোধো মিদ্ধং সুপ্পং পচলাযিকা সুপ্পং সুপ্পনা সুপ্পিতত্তং। তন্দিন্তি যা তন্দী 53 তন্দিযনা তন্দিযিতত্তং তন্দিমনকতা আলস্যং আলস্যাযতা আলস্যাযিতত্তং। থীনন্তি যা চিত্তস্স অকল্যতা অকম্মঞ্ঞতা ওলীযনা সল্লীযনা লীনং লীযনা লীযিতত্তং, থিনং থিযনা থিযিতত্তং চিত্তস্স। নিদ্দং তন্দিং সহে থীনন্তি। নিদ্দঞ্চ তন্দিঞ্চ থিনঞ্চ সহে সহেয্য পরিসহেয্য অভিভৰেয্য অজ্ঝোত্থরেয্য পরিযাদিযেয্য মদ্দেয্যাতি – নিদ্দং তন্দিং সহে থীনং।
Niddaṃ tandiṃ sahe thīnanti. Niddāti yā kāyassa akalyatā akammaññatā onāho pariyonāho antosamorodho middhaṃ suppaṃ pacalāyikā suppaṃ suppanā suppitattaṃ. Tandinti yā tandī 54 tandiyanā tandiyitattaṃ tandimanakatā ālasyaṃ ālasyāyatā ālasyāyitattaṃ. Thīnanti yā cittassa akalyatā akammaññatā olīyanā sallīyanā līnaṃ līyanā līyitattaṃ, thinaṃ thiyanā thiyitattaṃ cittassa. Niddaṃ tandiṃ sahe thīnanti. Niddañca tandiñca thinañca sahe saheyya parisaheyya abhibhaveyya ajjhotthareyya pariyādiyeyya maddeyyāti – niddaṃ tandiṃ sahe thīnaṃ.
পমাদেন ন সংৰসেতি। পমাদো ৰত্তব্বো কাযদুচ্চরিতে ৰা ৰচীদুচ্চরিতে ৰা মনোদুচ্চরিতে ৰা পঞ্চসু ৰা কামগুণেসু। চিত্তস্স ৰোসগ্গো ৰোসগ্গানুপ্পাদনং 55 ৰা কুসলানং ৰা ধম্মানং ভাৰনায অসক্কচ্চকিরিযতা অসাতচ্চকিরিযতা অনট্ঠিতকিরিযতা ওলীনৰুত্তিতা নিক্খিত্তচ্ছন্দতা নিক্খিত্তধুরতা অনাসেৰনা অভাৰনা অবহুলীকম্মং অনধিট্ঠানং অননুযোগো পমাদো। যো এৰরূপো পমাদো পমজ্জনা পমজ্জিতত্তং – অযং ৰুচ্চতি পমাদো। পমাদেন ন সংৰসেতি পমাদেন ন ৰসেয্য ন সংৰসেয্য ন আৰসেয্য ন পরিৰসেয্য, পমাদং পজহেয্য ৰিনোদেয্য ব্যন্তিং করেয্য অনভাৰং গমেয্য, পমাদা আরতো অস্স ৰিরতো পটিৰিরতো নিক্খন্তো নিস্সটো ৰিপ্পমুত্তো ৰিসঞ্ঞুত্তো ৰিমরিযাদিকতেন চেতসা ৰিহরেয্যাতি – পমাদেন ন সংৰসে।
Pamādena na saṃvaseti. Pamādo vattabbo kāyaduccarite vā vacīduccarite vā manoduccarite vā pañcasu vā kāmaguṇesu. Cittassa vosaggo vosaggānuppādanaṃ 56 vā kusalānaṃ vā dhammānaṃ bhāvanāya asakkaccakiriyatā asātaccakiriyatā anaṭṭhitakiriyatā olīnavuttitā nikkhittacchandatā nikkhittadhuratā anāsevanā abhāvanā abahulīkammaṃ anadhiṭṭhānaṃ ananuyogo pamādo. Yo evarūpo pamādo pamajjanā pamajjitattaṃ – ayaṃ vuccati pamādo. Pamādena na saṃvaseti pamādena na vaseyya na saṃvaseyya na āvaseyya na parivaseyya, pamādaṃ pajaheyya vinodeyya byantiṃ kareyya anabhāvaṃ gameyya, pamādā ārato assa virato paṭivirato nikkhanto nissaṭo vippamutto visaññutto vimariyādikatena cetasā vihareyyāti – pamādena na saṃvase.
অতিমানে ন তিট্ঠেয্যাতি। অতিমানোতি ইধেকচ্চো পরং অতিমঞ্ঞতি জাতিযা ৰা গোত্তেন ৰা…পে॰… অঞ্ঞতরঞ্ঞতরেন ৰা ৰত্থুনা। যো এৰরূপো মানো মঞ্ঞনা মঞ্ঞিতত্তং উন্নতি উন্নমো ধজো সম্পগ্গাহো কেতুকম্যতা চিত্তস্স – অযং ৰুচ্চতি অতিমানো। অতিমানে ন তিট্ঠেয্যাতি। অতিমানে ন তিট্ঠেয্য ন সংতিট্ঠেয্য, অতিমানং পজহেয্য ৰিনোদেয্য ব্যন্তিং করেয্য অনভাৰং গমেয্য, অতিমানা আরতো অস্স ৰিরতো পটিৰিরতো নিক্খন্তো নিস্সটো ৰিপ্পমুত্তো ৰিসঞ্ঞুত্তো ৰিমরিযাদিকতেন চেতসা ৰিহরেয্যাতি – অতিমানে ন তিট্ঠেয্য।
Atimānena tiṭṭheyyāti. Atimānoti idhekacco paraṃ atimaññati jātiyā vā gottena vā…pe… aññataraññatarena vā vatthunā. Yo evarūpo māno maññanā maññitattaṃ unnati unnamo dhajo sampaggāho ketukamyatā cittassa – ayaṃ vuccati atimāno. Atimāne na tiṭṭheyyāti. Atimāne na tiṭṭheyya na saṃtiṭṭheyya, atimānaṃ pajaheyya vinodeyya byantiṃ kareyya anabhāvaṃ gameyya, atimānā ārato assa virato paṭivirato nikkhanto nissaṭo vippamutto visaññutto vimariyādikatena cetasā vihareyyāti – atimāne na tiṭṭheyya.
নিব্বানমনসো নরোতি। ইধেকচ্চো দানং দেন্তো সীলং সমাদিযন্তো উপোসথকম্মং করোন্তো পানীযং পরিভোজনীযং উপট্ঠপেন্তো পরিৰেণং সম্মজ্জন্তো চেতিযং ৰন্দন্তো চেতিযে গন্ধমালং আরোপেন্তো চেতিযং পদক্খিণং করোন্তো যং কিঞ্চি তেধাতুকং কুসলাভিসঙ্খারং অভিসঙ্খরোন্তো ন গতিহেতু ন উপপত্তিহেতু ন পটিসন্ধিহেতু ন ভৰহেতু ন সংসারহেতু ন ৰট্টহেতু, সব্বং তং ৰিসংযোগাধিপ্পাযো নিব্বাননিন্নো নিব্বানপোণো নিব্বানপব্ভারো অভিসঙ্খরোতীতি। এৰম্পি নিব্বানমনসো নরো। অথ ৰা সব্বসঙ্খারধাতুযা চিত্তং পটিৰাপেত্ৰা 57 অমতায ধাতুযা চিত্তং উপসংহরতি – ‘‘এতং সন্তং এতং পণীতং যদিদং সব্বসঙ্খারসমথো সব্বূপধিপটিনিস্সগ্গো তণ্হক্খযো ৰিরাগো নিরোধো নিব্বান’’ন্তি। এৰম্পি নিব্বানমনসো নরো।
Nibbānamanaso naroti. Idhekacco dānaṃ dento sīlaṃ samādiyanto uposathakammaṃ karonto pānīyaṃ paribhojanīyaṃ upaṭṭhapento pariveṇaṃ sammajjanto cetiyaṃ vandanto cetiye gandhamālaṃ āropento cetiyaṃ padakkhiṇaṃ karonto yaṃ kiñci tedhātukaṃ kusalābhisaṅkhāraṃ abhisaṅkharonto na gatihetu na upapattihetu na paṭisandhihetu na bhavahetu na saṃsārahetu na vaṭṭahetu, sabbaṃ taṃ visaṃyogādhippāyo nibbānaninno nibbānapoṇo nibbānapabbhāro abhisaṅkharotīti. Evampi nibbānamanaso naro. Atha vā sabbasaṅkhāradhātuyā cittaṃ paṭivāpetvā 58 amatāya dhātuyā cittaṃ upasaṃharati – ‘‘etaṃ santaṃ etaṃ paṇītaṃ yadidaṃ sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbāna’’nti. Evampi nibbānamanaso naro.
‘‘ন পণ্ডিতা উপধিসুখস্স হেতু, দদন্তি দানানি পুনব্ভৰায।
‘‘Na paṇḍitā upadhisukhassa hetu, dadanti dānāni punabbhavāya;
কামঞ্চ তে উপধিপরিক্খযায, দদন্তি দানং অপুনব্ভৰায॥
Kāmañca te upadhiparikkhayāya, dadanti dānaṃ apunabbhavāya.
‘‘ন পণ্ডিতা উপধিসুখস্স হেতু, ভাৰেন্তি ঝানানি পুনব্ভৰায।
‘‘Na paṇḍitā upadhisukhassa hetu, bhāventi jhānāni punabbhavāya;
কামঞ্চ তে উপধিপরিক্খযায, ভাৰেন্তি ঝানং অপুনব্ভৰায॥
Kāmañca te upadhiparikkhayāya, bhāventi jhānaṃ apunabbhavāya.
নজ্জো যথা সাগরমজ্ঝুপেতা 63, ভৰন্তি নিব্বানপরাযনা তে’’তি॥
Najjo yathā sāgaramajjhupetā 64, bhavanti nibbānaparāyanā te’’ti.
নিব্বানমনসো নরো। তেনাহ ভগৰা –
Nibbānamanaso naro. Tenāha bhagavā –
‘‘নিদ্দং তন্দি সহে থীনং, পমাদেন ন সংৰসে।
‘‘Niddaṃ tandi sahe thīnaṃ, pamādena na saṃvase;
অতিমানে ন তিট্ঠেয্য, নিব্বানমনসো নরো’’তি॥
Atimāne na tiṭṭheyya, nibbānamanaso naro’’ti.
১৭৮.
178.
মানঞ্চ পরিজানেয্য, সাহসা ৰিরতো চরে॥
Mānañca parijāneyya, sāhasā virato care.
মোসৰজ্জে ন নিয্যেথাতি। মোসৰজ্জং ৰুচ্চতি মুসাৰাদো। ইধেকচ্চো সভগ্গতো ৰা পরিসগ্গতো ৰা ঞাতিমজ্ঝগতো ৰা পূগমজ্ঝগতো ৰা রাজকুলমজ্ঝগতো ৰা অভিনীতো সক্খিপুট্ঠো – ‘‘এহম্ভো পুরিস, যং জানাসি তং ৰদেহী’’তি, সো অজানং ৰা আহ – ‘‘জানামী’’তি, জানং ৰা আহ – ‘‘ন জানামী’’তি, অপস্সং ৰা আহ – ‘‘পস্সামী’’তি, পস্সং ৰা আহ – ‘‘ন পস্সামী’’তি। ইতি অত্তহেতু ৰা পরহেতু ৰা আমিসকিঞ্চিক্খহেতু ৰা সম্পজানমুসা ভাসিতা হোতি – ইদং ৰুচ্চতি মোসৰজ্জং। অপি চ তীহাকারেহি…পে॰… চতূহাকারেহি… পঞ্চহাকারেহি… ছহাকারেহি… সত্তহাকারেহি… অট্ঠহাকারেহি…পে॰… ইমেহি অট্ঠহাকারেহি মুসাৰাদো হোতি। মোসৰজ্জে ন নিয্যেথাতি। মোসৰজ্জে ন যাযেয্য ন নিয্যাযেয্য ন ৰহেয্য ন সংহরেয্য, মোসৰজ্জং পজহেয্য ৰিনোদেয্য ব্যন্তিং করেয্য অনভাৰং গমেয্য, মোসৰজ্জা আরতো অস্স ৰিরতো পটিৰিরতো নিক্খন্তো নিস্সটো ৰিপ্পমুত্তো ৰিসঞ্ঞুত্তো ৰিমরিযাদিকতেন চেতসা ৰিহরেয্যাতি – মোসৰজ্জে ন নিয্যেথ।
Mosavajjena niyyethāti. Mosavajjaṃ vuccati musāvādo. Idhekacco sabhaggato vā parisaggato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho – ‘‘ehambho purisa, yaṃ jānāsi taṃ vadehī’’ti, so ajānaṃ vā āha – ‘‘jānāmī’’ti, jānaṃ vā āha – ‘‘na jānāmī’’ti, apassaṃ vā āha – ‘‘passāmī’’ti, passaṃ vā āha – ‘‘na passāmī’’ti. Iti attahetu vā parahetu vā āmisakiñcikkhahetu vā sampajānamusā bhāsitā hoti – idaṃ vuccati mosavajjaṃ. Api ca tīhākārehi…pe… catūhākārehi… pañcahākārehi… chahākārehi… sattahākārehi… aṭṭhahākārehi…pe… imehi aṭṭhahākārehi musāvādo hoti. Mosavajje na niyyethāti. Mosavajje na yāyeyya na niyyāyeyya na vaheyya na saṃhareyya, mosavajjaṃ pajaheyya vinodeyya byantiṃ kareyya anabhāvaṃ gameyya, mosavajjā ārato assa virato paṭivirato nikkhanto nissaṭo vippamutto visaññutto vimariyādikatena cetasā vihareyyāti – mosavajje na niyyetha.
রূপে স্নেহং ন কুব্বযেতি। রূপন্তি চত্তারো চ মহাভূতা , চতুন্নঞ্চ মহাভূতানং উপাদায রূপং। রূপে স্নেহং ন কুব্বযেতি। রূপে স্নেহং ন করেয্য ছন্দং ন করেয্য পেমং ন করেয্য রাগং ন করেয্য ন জনেয্য ন সঞ্জনেয্য ন নিব্বত্তেয্য নাভিনিব্বত্তেয্যাতি – রূপে স্নেহং ন কুব্বযে।
Rūpesnehaṃ na kubbayeti. Rūpanti cattāro ca mahābhūtā , catunnañca mahābhūtānaṃ upādāya rūpaṃ. Rūpe snehaṃ na kubbayeti. Rūpe snehaṃ na kareyya chandaṃ na kareyya pemaṃ na kareyya rāgaṃ na kareyya na janeyya na sañjaneyya na nibbatteyya nābhinibbatteyyāti – rūpe snehaṃ na kubbaye.
মানঞ্চ পরিজানেয্যাতি। মানোতি একৰিধেন মানো – যা চিত্তস্স উন্নতি। দুৰিধেন মানো – অত্তুক্কংসনমানো, পরৰম্ভনমানো। তিৰিধেন মানো – ‘‘সেয্যোহমস্মী’’তি মানো, ‘‘সদিসোহমস্মী’’তি মানো, ‘‘হীনোহমস্মী’’তি মানো। চতুৰিধেন মানো – লাভেন মানং জনেতি, যসেন মানং জনেতি, পসংসায মানং জনেতি, সুখেন মানং জনেতি। পঞ্চৰিধেন মানো – ‘‘লাভিম্হি মনাপিকানং রূপান’’ন্তি মানং জনেতি, ‘‘লাভিম্হি মনাপিকানং সদ্দানং…পে॰… গন্ধানং… রসানং… ফোট্ঠব্বান’’ন্তি মানং জনেতি। ছব্বিধেন মানো – চক্খুসম্পদায মানং জনেতি, সোতসম্পদায…পে॰… ঘানসম্পদায… জিৰ্হাসম্পদায… কাযসম্পদায… মনোসম্পদায মানং জনেতি। সত্তৰিধেন মানো – অতিমানো, মানাতিমানো, ওমানো, সদিসমানো, অধিমানো, অস্মিমানো, মিচ্ছামানো। অট্ঠৰিধেন মানো – লাভেন মানং জনেতি, অলাভেন ওমানং জনেতি, যসেন মানং জনেতি, অযসেন ওমানং জনেতি, পসংসায মানং জনেতি, নিন্দায ওমানং জনেতি, সুখেন মানং জনেতি, দুক্খেন ওমানং জনেতি। নৰৰিধেন মানো – সেয্যস্স ‘‘সেয্যোহমস্মী’’তি মানো, সেয্যস্স ‘‘সদিসোহমস্মী’’তি মানো, সেয্যস্স ‘‘হীনোহমস্মী’’তি মানো, সদিসস্স ‘‘সেয্যোহমস্মী’’তি মানো, সদিসস্স ‘‘সদিসোহমস্মী’’তি মানো, সদিসস্স ‘‘হীনোহমস্মী’’তি মানো, হীনস্স ‘‘সেয্যোহমস্মী’’তি মানো, হীনস্স ‘‘সদিসোহমস্মী’’তি মানো, হীনস্স ‘‘হীনোহমস্মী’’তি মানো। দসৰিধেন মানো – ইধেকচ্চো মানং জনেতি জাতিযা ৰা গোত্তেন ৰা…পে॰… অঞ্ঞতরঞ্ঞতরেন ৰা ৰত্থুনা। যো এৰরূপো মানো মঞ্ঞনা মঞ্ঞিতত্তং উন্নতি উন্নমো ধজো সম্পগ্গাহো কেতুকম্যতা চিত্তস্স – অযং ৰুচ্চতি মানো।
Mānañcaparijāneyyāti. Mānoti ekavidhena māno – yā cittassa unnati. Duvidhena māno – attukkaṃsanamāno, paravambhanamāno. Tividhena māno – ‘‘seyyohamasmī’’ti māno, ‘‘sadisohamasmī’’ti māno, ‘‘hīnohamasmī’’ti māno. Catuvidhena māno – lābhena mānaṃ janeti, yasena mānaṃ janeti, pasaṃsāya mānaṃ janeti, sukhena mānaṃ janeti. Pañcavidhena māno – ‘‘lābhimhi manāpikānaṃ rūpāna’’nti mānaṃ janeti, ‘‘lābhimhi manāpikānaṃ saddānaṃ…pe… gandhānaṃ… rasānaṃ… phoṭṭhabbāna’’nti mānaṃ janeti. Chabbidhena māno – cakkhusampadāya mānaṃ janeti, sotasampadāya…pe… ghānasampadāya… jivhāsampadāya… kāyasampadāya… manosampadāya mānaṃ janeti. Sattavidhena māno – atimāno, mānātimāno, omāno, sadisamāno, adhimāno, asmimāno, micchāmāno. Aṭṭhavidhena māno – lābhena mānaṃ janeti, alābhena omānaṃ janeti, yasena mānaṃ janeti, ayasena omānaṃ janeti, pasaṃsāya mānaṃ janeti, nindāya omānaṃ janeti, sukhena mānaṃ janeti, dukkhena omānaṃ janeti. Navavidhena māno – seyyassa ‘‘seyyohamasmī’’ti māno, seyyassa ‘‘sadisohamasmī’’ti māno, seyyassa ‘‘hīnohamasmī’’ti māno, sadisassa ‘‘seyyohamasmī’’ti māno, sadisassa ‘‘sadisohamasmī’’ti māno, sadisassa ‘‘hīnohamasmī’’ti māno, hīnassa ‘‘seyyohamasmī’’ti māno, hīnassa ‘‘sadisohamasmī’’ti māno, hīnassa ‘‘hīnohamasmī’’ti māno. Dasavidhena māno – idhekacco mānaṃ janeti jātiyā vā gottena vā…pe… aññataraññatarena vā vatthunā. Yo evarūpo māno maññanā maññitattaṃ unnati unnamo dhajo sampaggāho ketukamyatā cittassa – ayaṃ vuccati māno.
মানঞ্চ পরিজানেয্যাতি। মানং তীহি পরিঞ্ঞাহি পরিজানেয্য – ঞাতপরিঞ্ঞায, তীরণপরিঞ্ঞায, পহানপরিঞ্ঞায। কতমা ঞাতপরিঞ্ঞা? মানং জানাতি অযং একৰিধেন মানো – যা চিত্তস্স উন্নতি। অযং দুৰিধেন মানো – অত্তুক্কংসনমানো পরৰম্ভনমানো…পে॰… অযং দসৰিধেন মানো – ইধেকচ্চো মানং জনেতি জাতিযা ৰা গোত্তেন ৰা…পে॰… অঞ্ঞতরঞ্ঞতরেন ৰা ৰত্থুনাতি জানাতি পস্সতি – অযং ঞাতপরিঞ্ঞা।
Mānañca parijāneyyāti. Mānaṃ tīhi pariññāhi parijāneyya – ñātapariññāya, tīraṇapariññāya, pahānapariññāya. Katamā ñātapariññā? Mānaṃ jānāti ayaṃ ekavidhena māno – yā cittassa unnati. Ayaṃ duvidhena māno – attukkaṃsanamāno paravambhanamāno…pe… ayaṃ dasavidhena māno – idhekacco mānaṃ janeti jātiyā vā gottena vā…pe… aññataraññatarena vā vatthunāti jānāti passati – ayaṃ ñātapariññā.
কতমা তীরণপরিঞ্ঞা? এতং ঞাতং কত্ৰা মানং তীরেতি অনিচ্চতো দুক্খতো…পে॰… নিস্সরণতো তীরেতি – অযং তীরণপরিঞ্ঞা।
Katamā tīraṇapariññā? Etaṃ ñātaṃ katvā mānaṃ tīreti aniccato dukkhato…pe… nissaraṇato tīreti – ayaṃ tīraṇapariññā.
কতমা পহানপরিঞ্ঞা? এৰং তীরযিত্ৰা মানং পজহতি ৰিনোদেতি ব্যন্তিং করোতি অনভাৰং গমেতি – অযং পহানপরিঞ্ঞা। মানঞ্চ পরিজানেয্যাতি মানং ইমাহি তীহি পরিঞ্ঞাহি পরিজানেয্যাতি – মানঞ্চ পরিজানেয্য।
Katamā pahānapariññā? Evaṃ tīrayitvā mānaṃ pajahati vinodeti byantiṃ karoti anabhāvaṃ gameti – ayaṃ pahānapariññā. Mānañca parijāneyyāti mānaṃ imāhi tīhi pariññāhi parijāneyyāti – mānañca parijāneyya.
সাহসা ৰিরতো চরেতি। কতমা সাহসা চরিযা? রত্তস্স রাগচরিযা সাহসা চরিযা, দুট্ঠস্স দোসচরিযা সাহসা চরিযা, মূল়্হস্স মোহচরিযা সাহসা চরিযা, ৰিনিবদ্ধস্স মানচরিযা সাহসা চরিযা, পরামট্ঠস্স দিট্ঠিচরিযা সাহসা চরিযা, ৰিক্খেপগতস্স উদ্ধচ্চচরিযা সাহসা চরিযা, অনিট্ঠঙ্গতস্স ৰিচিকিচ্ছাচরিযা সাহসা চরিযা, থামগতস্স অনুসযচরিযা সাহসা চরিযা – অযং সাহসা চরিযা। সাহসা ৰিরতো চরেতি সাহসা চরিযায আরতো অস্স ৰিরতো পটিৰিরতো নিক্খন্তো নিস্সটো ৰিপ্পমুত্তো ৰিসঞ্ঞুত্তো ৰিমরিযাদিকতেন চেতসা ৰিহরেয্য চরেয্য ৰিচরেয্য ইরিযেয্য ৰত্তেয্য পালেয্য যপেয্য যাপেয্যাতি – সাহসা ৰিরতো চরে।
Sāhasā virato careti. Katamā sāhasā cariyā? Rattassa rāgacariyā sāhasā cariyā, duṭṭhassa dosacariyā sāhasā cariyā, mūḷhassa mohacariyā sāhasā cariyā, vinibaddhassa mānacariyā sāhasā cariyā, parāmaṭṭhassa diṭṭhicariyā sāhasā cariyā, vikkhepagatassa uddhaccacariyā sāhasā cariyā, aniṭṭhaṅgatassa vicikicchācariyā sāhasā cariyā, thāmagatassa anusayacariyā sāhasā cariyā – ayaṃ sāhasā cariyā. Sāhasā viratocareti sāhasā cariyāya ārato assa virato paṭivirato nikkhanto nissaṭo vippamutto visaññutto vimariyādikatena cetasā vihareyya careyya vicareyya iriyeyya vatteyya pāleyya yapeyya yāpeyyāti – sāhasā virato care.
তেনাহ ভগৰা –
Tenāha bhagavā –
‘‘মোসৰজ্জে ন নিয্যেথ, রূপে স্নেহং ন কুব্বযে।
‘‘Mosavajje na niyyetha, rūpe snehaṃ na kubbaye;
মানঞ্চ পরিজানেয্য, সাহসা ৰিরতো চরে’’তি॥
Mānañca parijāneyya, sāhasā virato care’’ti.
১৭৯.
179.
পুরাণং নাভিনন্দেয্যাতি। পুরাণং ৰুচ্চতি অতীতা রূপৰেদনাসঞ্ঞাসঙ্খারৰিঞ্ঞাণা। অতীতে সঙ্খারে তণ্হাৰসেন দিট্ঠিৰসেন নাভিনন্দেয্য নাভিৰদেয্য ন অজ্ঝোসেয্য, অভিনন্দনং অভিৰদনং অজ্ঝোসানং গাহং পরামাসং অভিনিৰেসং পজহেয্য ৰিনোদেয্য ব্যন্তিং করেয্য অনভাৰং গমেয্যাতি – পুরাণং নাভিনন্দেয্য।
Purāṇaṃnābhinandeyyāti. Purāṇaṃ vuccati atītā rūpavedanāsaññāsaṅkhāraviññāṇā. Atīte saṅkhāre taṇhāvasena diṭṭhivasena nābhinandeyya nābhivadeyya na ajjhoseyya, abhinandanaṃ abhivadanaṃ ajjhosānaṃ gāhaṃ parāmāsaṃ abhinivesaṃ pajaheyya vinodeyya byantiṃ kareyya anabhāvaṃ gameyyāti – purāṇaṃ nābhinandeyya.
নৰে খন্তিং ন কুব্বযেতি। নৰা ৰুচ্চতি পচ্চুপ্পন্না রূপৰেদনাসঞ্ঞাসঙ্খারৰিঞ্ঞাণা। পচ্চুপ্পন্নে সঙ্খারে তণ্হাৰসেন দিট্ঠিৰসেন খন্তিং ন করেয্য ছন্দং ন করেয্য পেমং ন করেয্য রাগং ন করেয্য ন জনেয্য ন সঞ্জনেয্য ন নিব্বত্তেয্য নাভিনিব্বত্তেয্যাতি – নৰে খন্তিং ন কুব্বযে।
Nave khantiṃ na kubbayeti. Navā vuccati paccuppannā rūpavedanāsaññāsaṅkhāraviññāṇā. Paccuppanne saṅkhāre taṇhāvasena diṭṭhivasena khantiṃ na kareyya chandaṃ na kareyya pemaṃ na kareyya rāgaṃ na kareyya na janeyya na sañjaneyya na nibbatteyya nābhinibbatteyyāti – nave khantiṃ na kubbaye.
হীযমানে ন সোচেয্যাতি। হীযমানে হাযমানে পরিহাযমানে ৰেমানে ৰিগচ্ছমানে অন্তরধাযমানে ন সোচেয্য ন কিলমেয্য ন পরামসেয্য ন পরিদেৰেয্য ন উরত্তাল়িং কন্দেয্য ন সম্মোহং আপজ্জেয্য। চক্খুস্মিং হীযমানে হাযমানে পরিহাযমানে ৰেমানে ৰিগচ্ছমানে অন্তরধাযমানে, সোতস্মিং…পে॰… ঘানস্মিং… জিৰ্হায… কাযস্মিং… রূপস্মিং… সদ্দস্মিং… গন্ধস্মিং… রসস্মিং… ফোট্ঠব্বস্মিং… কুলস্মিং… গণস্মিং… আৰাসস্মিং… লাভস্মিং… যসস্মিং… পসংসায… সুখস্মিং… চীৰরস্মিং… পিণ্ডপাতস্মিং… সেনাসনস্মিং… গিলানপচ্চযভেসজ্জপরিক্খারস্মিং হীযমানে হাযমানে পরিহাযমানে ৰেমানে ৰিগচ্ছমানে অন্তরধাযমানে ন সোচেয্য ন কিলমেয্য ন পরামসেয্য ন পরিদেৰেয্য ন উরত্তাল়িং কন্দেয্য ন সম্মোহং আপজ্জেয্যাতি – হীযমানে ন সোচেয্য।
Hīyamānena soceyyāti. Hīyamāne hāyamāne parihāyamāne vemāne vigacchamāne antaradhāyamāne na soceyya na kilameyya na parāmaseyya na parideveyya na urattāḷiṃ kandeyya na sammohaṃ āpajjeyya. Cakkhusmiṃ hīyamāne hāyamāne parihāyamāne vemāne vigacchamāne antaradhāyamāne, sotasmiṃ…pe… ghānasmiṃ… jivhāya… kāyasmiṃ… rūpasmiṃ… saddasmiṃ… gandhasmiṃ… rasasmiṃ… phoṭṭhabbasmiṃ… kulasmiṃ… gaṇasmiṃ… āvāsasmiṃ… lābhasmiṃ… yasasmiṃ… pasaṃsāya… sukhasmiṃ… cīvarasmiṃ… piṇḍapātasmiṃ… senāsanasmiṃ… gilānapaccayabhesajjaparikkhārasmiṃ hīyamāne hāyamāne parihāyamāne vemāne vigacchamāne antaradhāyamāne na soceyya na kilameyya na parāmaseyya na parideveyya na urattāḷiṃ kandeyya na sammohaṃ āpajjeyyāti – hīyamāne na soceyya.
আকাসং ন সিতো সিযাতি। আকাসং ৰুচ্চতি তণ্হা। যো রাগো সারাগো…পে॰… অভিজ্ঝা লোভো অকুসলমূলং। কিংকারণা আকাসং ৰুচ্চতি তণ্হা? যায তণ্হায রূপং আকস্সতি সমাকস্সতি গণ্হাতি পরামসতি অভিনিৰিসতি, ৰেদনং…পে॰… সঞ্ঞং… সঙ্খারে… ৰিঞ্ঞাণং… গতিং… উপপত্তিং… পটিসন্ধিং… ভৰং… সংসারং… ৰট্টং আকস্সতি সমাকস্সতি গণ্হাতি পরামসতি অভিনিৰিসতি; তংকারণা আকাসং ৰুচ্চতি তণ্হা। আকাসং ন সিতো সিযাতি। তণ্হানিস্সিতো ন সিযা। তণ্হং পজহেয্য ৰিনোদেয্য ব্যন্তিং করেয্য অনভাৰং গমেয্য, তণ্হায আরতো অস্স ৰিরতো পটিৰিরতো নিক্খন্তো নিস্সটো ৰিপ্পমুত্তো ৰিসঞ্ঞুত্তো ৰিমরিযাদিকতেন চেতসা ৰিহরেয্যাতি – আকাসং ন সিতো সিযা।
Ākāsaṃ na sito siyāti. Ākāsaṃ vuccati taṇhā. Yo rāgo sārāgo…pe… abhijjhā lobho akusalamūlaṃ. Kiṃkāraṇā ākāsaṃ vuccati taṇhā? Yāya taṇhāya rūpaṃ ākassati samākassati gaṇhāti parāmasati abhinivisati, vedanaṃ…pe… saññaṃ… saṅkhāre… viññāṇaṃ… gatiṃ… upapattiṃ… paṭisandhiṃ… bhavaṃ… saṃsāraṃ… vaṭṭaṃ ākassati samākassati gaṇhāti parāmasati abhinivisati; taṃkāraṇā ākāsaṃ vuccati taṇhā. Ākāsaṃ na sito siyāti. Taṇhānissito na siyā. Taṇhaṃ pajaheyya vinodeyya byantiṃ kareyya anabhāvaṃ gameyya, taṇhāya ārato assa virato paṭivirato nikkhanto nissaṭo vippamutto visaññutto vimariyādikatena cetasā vihareyyāti – ākāsaṃ na sito siyā.
তেনাহ ভগৰা –
Tenāha bhagavā –
‘‘পুরাণং নাভিনন্দেয্য, নৰে খন্তিং ন কুব্বযে।
‘‘Purāṇaṃ nābhinandeyya, nave khantiṃ na kubbaye;
হীযমানে ন সোচেয্য, আকাসং ন সিতো সিযা’’তি॥
Hīyamāne na soceyya, ākāsaṃ na sito siyā’’ti.
১৮০.
180.
গেধং ব্রূমি মহোঘোতীতি। গেধো ৰুচ্চতি তণ্হা। যো রাগো সারাগো…পে॰… অভিজ্ঝা লোভো অকুসলমূলং। মহোঘো ৰুচ্চতি তণ্হা। যো রাগো সারাগো…পে॰… অভিজ্ঝা লোভো অকুসলমূলং। গেধং ব্রূমি মহোঘোতীতি। গেধং ‘‘মহোঘো’’তি ব্রূমি আচিক্খামি দেসেমি পঞ্ঞপেমি পট্ঠপেমি ৰিৰরামি ৰিভজামি উত্তানীকরোমি পকাসেমীতি – গেধং ব্রূমি মহোঘোতি।
Gedhaṃ brūmi mahoghotīti. Gedho vuccati taṇhā. Yo rāgo sārāgo…pe… abhijjhā lobho akusalamūlaṃ. Mahogho vuccati taṇhā. Yo rāgo sārāgo…pe… abhijjhā lobho akusalamūlaṃ. Gedhaṃ brūmi mahoghotīti. Gedhaṃ ‘‘mahogho’’ti brūmi ācikkhāmi desemi paññapemi paṭṭhapemi vivarāmi vibhajāmi uttānīkaromi pakāsemīti – gedhaṃ brūmi mahoghoti.
আজৰং ব্রূমি জপ্পনন্তি। আজৰা ৰুচ্চতি তণ্হা। যো রাগো সারাগো…পে॰… অভিজ্ঝা লোভো অকুসলমূলং। জপ্পনাপি ৰুচ্চতি তণ্হা। যো রাগো সারাগো…পে॰… অভিজ্ঝা লোভো অকুসলমূলং। আজৰং ব্রূমি জপ্পনন্তি আজৰং ‘‘জপ্পনা’’তি ব্রূমি আচিক্খামি…পে॰… উত্তানীকরোমি পকাসেমীতি – আজৰং ব্রূমি জপ্পনং।
Ājavaṃbrūmi jappananti. Ājavā vuccati taṇhā. Yo rāgo sārāgo…pe… abhijjhā lobho akusalamūlaṃ. Jappanāpi vuccati taṇhā. Yo rāgo sārāgo…pe… abhijjhā lobho akusalamūlaṃ. Ājavaṃ brūmi jappananti ājavaṃ ‘‘jappanā’’ti brūmi ācikkhāmi…pe… uttānīkaromi pakāsemīti – ājavaṃ brūmi jappanaṃ.
আরম্মণং পকম্পনন্তি। আরম্মণম্পি ৰুচ্চতি তণ্হা। যো রাগো সারাগো…পে॰… অভিজ্ঝা লোভো অকুসলমূলং। পকম্পনাপি ৰুচ্চতি তণ্হা। যো রাগো সারাগো…পে॰… অভিজ্ঝা লোভো অকুসলমূলন্তি – আরম্মণং পকম্পনং।
Ārammaṇaṃ pakampananti. Ārammaṇampi vuccati taṇhā. Yo rāgo sārāgo…pe… abhijjhā lobho akusalamūlaṃ. Pakampanāpi vuccati taṇhā. Yo rāgo sārāgo…pe… abhijjhā lobho akusalamūlanti – ārammaṇaṃ pakampanaṃ.
কামপঙ্কো দুরচ্চযোতি। কামপঙ্কো কামকদ্দমো কামকিলেসো কামপলিপো কামপলিবোধো 75 দুরচ্চযো দুরতিৰত্তো দুত্তরো দুপ্পতরো দুস্সমতিক্কমো দুব্বীতিৰত্তোতি – কামপঙ্কো দুরচ্চযো।
Kāmapaṅko duraccayoti. Kāmapaṅko kāmakaddamo kāmakileso kāmapalipo kāmapalibodho 76 duraccayo durativatto duttaro duppataro dussamatikkamo dubbītivattoti – kāmapaṅko duraccayo.
তেনাহ ভগৰা –
Tenāha bhagavā –
‘‘গেধং ব্রূমি মহোঘোতি, আজৰং ব্রূমি জপ্পনং।
‘‘Gedhaṃ brūmi mahoghoti, ājavaṃ brūmi jappanaṃ;
আরম্মণং পকম্পনং, কামপঙ্কো দুরচ্চযো’’তি॥
Ārammaṇaṃ pakampanaṃ, kāmapaṅko duraccayo’’ti.
১৮১.
181.
সচ্চা অৰোক্কমং মুনি, থলে তিট্ঠতি ব্রাহ্মণো।
Saccā avokkamaṃ muni, thale tiṭṭhati brāhmaṇo;
সব্বং সো পটিনিস্সজ্জ, স ৰে সন্তোতি ৰুচ্চতি॥
Sabbaṃ so paṭinissajja, sa ve santoti vuccati.
সচ্চা অৰোক্কমং মুনীতি। সচ্চৰাচায অৰোক্কমন্তো, সম্মাদিট্ঠিযা অৰোক্কমন্তো, অরিযা অট্ঠঙ্গিকা মগ্গা অৰোক্কমন্তো। মুনীতি। মোনং ৰুচ্চতি ঞাণং…পে॰… সঙ্গজালমতিচ্চ সো মুনীতি – সচ্চা অৰোক্কমং মুনি।
Saccā avokkamaṃ munīti. Saccavācāya avokkamanto, sammādiṭṭhiyā avokkamanto, ariyā aṭṭhaṅgikā maggā avokkamanto. Munīti. Monaṃ vuccati ñāṇaṃ…pe… saṅgajālamaticca so munīti – saccā avokkamaṃ muni.
থলে তিট্ঠতি ব্রাহ্মণোতি। থলং ৰুচ্চতি অমতং নিব্বানং। যো সো সব্বসঙ্খারসমথো সব্বূপধিপটিনিস্সগ্গো তণ্হক্খযো ৰিরাগো নিরোধো নিব্বানং। ব্রাহ্মণোতি সত্তন্নং ধম্মানং বাহিতত্তা ব্রাহ্মণো…পে॰… অসিতো তাদি পৰুচ্চতে স ব্রহ্মা। থলে তিট্ঠতি ব্রাহ্মণোতি। থলে তিট্ঠতি দীপে তিট্ঠতি তাণে তিট্ঠতি লেণে তিট্ঠতি সরণে তিট্ঠতি অভযে তিট্ঠতি অচ্চুতে তিট্ঠতি অমতে তিট্ঠতি নিব্বানে তিট্ঠতীতি – থলে তিট্ঠতি ব্রাহ্মণো।
Thaletiṭṭhati brāhmaṇoti. Thalaṃ vuccati amataṃ nibbānaṃ. Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Brāhmaṇoti sattannaṃ dhammānaṃ bāhitattā brāhmaṇo…pe… asito tādi pavuccate sa brahmā. Thale tiṭṭhati brāhmaṇoti. Thale tiṭṭhati dīpe tiṭṭhati tāṇe tiṭṭhati leṇe tiṭṭhati saraṇe tiṭṭhati abhaye tiṭṭhati accute tiṭṭhati amate tiṭṭhati nibbāne tiṭṭhatīti – thale tiṭṭhati brāhmaṇo.
সব্বং সো পটিনিস্সজ্জাতি। সব্বং ৰুচ্চতি দ্ৰাদসাযতনানি – চক্খু চেৰ রূপা চ …পে॰… মনো চেৰ ধম্মা চ। যতো অজ্ঝত্তিকবাহিরেসু আযতনেসু ছন্দরাগো পহীনো হোতি উচ্ছিন্নমূলো তালাৰত্থুকতো অনভাৰংকতো আযতিং অনুপ্পাদধম্মো, এত্তাৰতাপি সব্বং চত্তং হোতি ৰন্তং মুত্তং পহীনং পটিনিস্সট্ঠং। যতো তণ্হা চ দিট্ঠি চ মানো চ পহীনা হোন্তি উচ্ছিন্নমূলা তালাৰত্থুকতা অনভাৰংকতা আযতিং অনুপ্পাদধম্মা, এত্তাৰতাপি সব্বং চত্তং হোতি ৰন্তং মুত্তং পহীনং পটিনিস্সট্ঠং। যতো পুঞ্ঞাভিসঙ্খারো চ অপুঞ্ঞাভিসঙ্খারো চ আনেঞ্জাভিসঙ্খারো চ পহীনা হোন্তি উচ্ছিন্নমূলা তালাৰত্থুকতা অনভাৰংকতা আযতিং অনুপ্পাদধম্মা , এত্তাৰতাপি সব্বং চত্তং হোতি ৰন্তং মুত্তং পহীনং পটিনিস্সট্ঠন্তি – সব্বং সো পটিনিস্সজ্জ।
Sabbaṃ so paṭinissajjāti. Sabbaṃ vuccati dvādasāyatanāni – cakkhu ceva rūpā ca …pe… mano ceva dhammā ca. Yato ajjhattikabāhiresu āyatanesu chandarāgo pahīno hoti ucchinnamūlo tālāvatthukato anabhāvaṃkato āyatiṃ anuppādadhammo, ettāvatāpi sabbaṃ cattaṃ hoti vantaṃ muttaṃ pahīnaṃ paṭinissaṭṭhaṃ. Yato taṇhā ca diṭṭhi ca māno ca pahīnā honti ucchinnamūlā tālāvatthukatā anabhāvaṃkatā āyatiṃ anuppādadhammā, ettāvatāpi sabbaṃ cattaṃ hoti vantaṃ muttaṃ pahīnaṃ paṭinissaṭṭhaṃ. Yato puññābhisaṅkhāro ca apuññābhisaṅkhāro ca āneñjābhisaṅkhāro ca pahīnā honti ucchinnamūlā tālāvatthukatā anabhāvaṃkatā āyatiṃ anuppādadhammā , ettāvatāpi sabbaṃ cattaṃ hoti vantaṃ muttaṃ pahīnaṃ paṭinissaṭṭhanti – sabbaṃ so paṭinissajja.
স ৰে সন্তোতি ৰুচ্চতীতি। সো সন্তো উপসন্তো ৰূপসন্তো নিব্বুতো পটিপস্সদ্ধোতি ৰুচ্চতি কথীযতি ভণীযতি দীপীযতি ৰোহরীযতীতি – স ৰে সন্তোতি ৰুচ্চতি।
Sa ve santoti vuccatīti. So santo upasanto vūpasanto nibbuto paṭipassaddhoti vuccati kathīyati bhaṇīyati dīpīyati voharīyatīti – sa ve santoti vuccati.
তেনাহ ভগৰা –
Tenāha bhagavā –
‘‘সচ্চা অৰোক্কমং মুনি, থলে তিট্ঠতি ব্রাহ্মণো।
‘‘Saccā avokkamaṃ muni, thale tiṭṭhati brāhmaṇo;
সব্বং সো পটিনিস্সজ্জ, স ৰে সন্তোতি ৰুচ্চতী’’তি॥
Sabbaṃ so paṭinissajja, sa ve santoti vuccatī’’ti.
১৮২.
182.
সম্মা সো লোকে ইরিযানো, ন পিহেতীধ কস্সচি॥
Sammā so loke iriyāno, na pihetīdha kassaci.
স ৰে ৰিদ্ৰা স ৰেদগূতি। ৰিদ্ৰাতি ৰিদ্ৰা ৰিজ্জাগতো ঞাণী ৰিভাৰী মেধাৰী। ৰেদগূতি। ৰেদা ৰুচ্চন্তি চতূসু মগ্গেসু ঞাণং…পে॰… সব্বৰেদনাসু ৰীতরাগো সব্বৰেদমতিচ্চ ৰেদগূ সোতি – স ৰে ৰিদ্ৰা স ৰেদগূ।
Sa ve vidvā sa vedagūti. Vidvāti vidvā vijjāgato ñāṇī vibhāvī medhāvī. Vedagūti. Vedā vuccanti catūsu maggesu ñāṇaṃ…pe… sabbavedanāsu vītarāgo sabbavedamaticca vedagū soti – sa ve vidvā sa vedagū.
ঞত্ৰা ধম্মং অনিস্সিতোতি। ঞত্ৰাতি ঞত্ৰা জানিত্ৰা তুলযিত্ৰা তীরযিত্ৰা ৰিভাৰযিত্ৰা ৰিভূতং কত্ৰা। ‘‘সব্বে সঙ্খারা অনিচ্চা’’তি ঞত্ৰা জানিত্ৰা তুলযিত্ৰা তীরযিত্ৰা ৰিভাৰযিত্ৰা ৰিভূতং কত্ৰা, ‘‘সব্বে সঙ্খারা দুক্খা’’তি…পে॰… ‘‘যং কিঞ্চি সমুদযধম্মং সব্বং তং নিরোধধম্ম’’ন্ত্ন্ত্তি ঞত্ৰা জানিত্ৰা তুলযিত্ৰা তীরযিত্ৰা ৰিভাৰযিত্ৰা ৰিভূতং কত্ৰা। অনিস্সিতোতি দ্ৰে নিস্সযা – তণ্হানিস্সযো চ দিট্ঠিনিস্সযো চ…পে॰… অযং তণ্হানিস্সযো…পে॰… অযং দিট্ঠিনিস্সযো। তণ্হানিস্সযং পহায দিট্ঠিনিস্সযং পটিনিস্সজ্জিত্ৰা চক্খুং অনিস্সিতো… সোতং অনিস্সিতো… ঘানং অনিস্সিতো…পে॰… দিট্ঠসুতমুতৰিঞ্ঞাতব্বে ধম্মে অনিস্সিতো অনল্লীনো অনুপগতো অনজ্ঝোসিতো অনধিমুত্তো নিক্খন্তো নিস্সটো ৰিপ্পমুত্তো ৰিসঞ্ঞুত্তো ৰিমরিযাদিকতেন চেতসা ৰিহরতীতি – ঞত্ৰা ধম্মং অনিস্সিতো।
Ñatvādhammaṃ anissitoti. Ñatvāti ñatvā jānitvā tulayitvā tīrayitvā vibhāvayitvā vibhūtaṃ katvā. ‘‘Sabbe saṅkhārā aniccā’’ti ñatvā jānitvā tulayitvā tīrayitvā vibhāvayitvā vibhūtaṃ katvā, ‘‘sabbe saṅkhārā dukkhā’’ti…pe… ‘‘yaṃ kiñci samudayadhammaṃ sabbaṃ taṃ nirodhadhamma’’ntntti ñatvā jānitvā tulayitvā tīrayitvā vibhāvayitvā vibhūtaṃ katvā. Anissitoti dve nissayā – taṇhānissayo ca diṭṭhinissayo ca…pe… ayaṃ taṇhānissayo…pe… ayaṃ diṭṭhinissayo. Taṇhānissayaṃ pahāya diṭṭhinissayaṃ paṭinissajjitvā cakkhuṃ anissito… sotaṃ anissito… ghānaṃ anissito…pe… diṭṭhasutamutaviññātabbe dhamme anissito anallīno anupagato anajjhosito anadhimutto nikkhanto nissaṭo vippamutto visaññutto vimariyādikatena cetasā viharatīti – ñatvā dhammaṃ anissito.
সম্মা সো লোকে ইরিযানোতি। যতো অজ্ঝত্তিকবাহিরেসু আযতনেসু ছন্দরাগো পহীনো হোতি উচ্ছিন্নমূলো তালাৰত্থুকতো অনভাৰংকতো আযতিং অনুপ্পাদধম্মো, এত্তাৰতাপি সম্মা সো লোকে চরতি ৰিহরতি ইরিযতি ৰত্ততি পালেতি যপেতি যাপেতি…পে॰… যতো পুঞ্ঞাভিসঙ্খারো চ অপুঞ্ঞাভিসঙ্খারো চ আনেঞ্জাভিসঙ্খারো চ পহীনা হোন্তি উচ্ছিন্নমূলা তালাৰত্থুকতা অনভাৰংকতা আযতিং অনুপ্পাদধম্মা, এত্তাৰতাপি সম্মা সো লোকে চরতি ৰিহরতি ইরিযতি ৰত্ততি পালেতি যপেতি যাপেতীতি – সম্মা সো লোকে ইরিযানো।
Sammā so loke iriyānoti. Yato ajjhattikabāhiresu āyatanesu chandarāgo pahīno hoti ucchinnamūlo tālāvatthukato anabhāvaṃkato āyatiṃ anuppādadhammo, ettāvatāpi sammā so loke carati viharati iriyati vattati pāleti yapeti yāpeti…pe… yato puññābhisaṅkhāro ca apuññābhisaṅkhāro ca āneñjābhisaṅkhāro ca pahīnā honti ucchinnamūlā tālāvatthukatā anabhāvaṃkatā āyatiṃ anuppādadhammā, ettāvatāpi sammā so loke carati viharati iriyati vattati pāleti yapeti yāpetīti – sammā so loke iriyāno.
ন পিহেতীধ কস্সচীতি। পিহা ৰুচ্চতি তণ্হা। যো রাগো সারাগো…পে॰… অভিজ্ঝা লোভো অকুসলমূলং। যস্সেসা পিহা তণ্হা পহীনা সমুচ্ছিন্না ৰূপসন্তা পটিপস্সদ্ধা অভব্বুপ্পত্তিকা ঞাণগ্গিনা দড্ঢা, সো কস্সচি ন পিহেতি খত্তিযস্স ৰা ব্রাহ্মণস্স ৰা ৰেস্সস্স ৰা সুদ্দস্স ৰা গহট্ঠস্স ৰা পব্বজিতস্স ৰা দেৰস্স ৰা মনুস্সস্স ৰাতি – ন পিহেতীধ কস্সচি।
Na pihetīdha kassacīti. Pihā vuccati taṇhā. Yo rāgo sārāgo…pe… abhijjhā lobho akusalamūlaṃ. Yassesā pihā taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so kassaci na piheti khattiyassa vā brāhmaṇassa vā vessassa vā suddassa vā gahaṭṭhassa vā pabbajitassa vā devassa vā manussassa vāti – na pihetīdha kassaci.
তেনাহ ভগৰা –
Tenāha bhagavā –
‘‘স ৰে ৰিদ্ৰা স ৰেদগূ, ঞত্ৰা ধম্মং অনিস্সিতো।
‘‘Sa ve vidvā sa vedagū, ñatvā dhammaṃ anissito;
সম্মা সো লোকে ইরিযানো, ন পিহেতীধ কস্সচী’’তি॥
Sammā so loke iriyāno, na pihetīdha kassacī’’ti.
১৮৩.
183.
যোধ কামে অচ্চতরি, সঙ্গং লোকে দুরচ্চযং।
Yodha kāme accatari, saṅgaṃ loke duraccayaṃ;
ন সো সোচতি নাজ্ঝেতি, ছিন্নসোতো অবন্ধনো॥
Na so socati nājjheti, chinnasoto abandhano.
যোধ কামে অচ্চতরি, সঙ্গং লোকে দুরচ্চযন্তি। যোতি যো যাদিসো যথাযুত্তো যথাৰিহিতো যথাপকারো যং ঠানপ্পত্তো যং ধম্মসমন্নাগতো খত্তিযো ৰা ব্রাহ্মণো ৰা ৰেস্সো ৰা সুদ্দো ৰা গহট্ঠো ৰা পব্বজিতো ৰা দেৰো ৰা মনুস্সো ৰা। কামাতি উদ্দানতো দ্ৰে কামা – ৰত্থুকামা চ কিলেসকামা চ…পে॰… ইমে ৰুচ্চন্তি ৰত্থুকামা…পে॰… ইমে ৰুচ্চন্তি কিলেসকামা। সঙ্গাতি সত্ত সঙ্গা – রাগসঙ্গো, দোসসঙ্গো, মোহসঙ্গো, মানসঙ্গো, দিট্ঠিসঙ্গো, কিলেসসঙ্গো, দুচ্চরিতসঙ্গো। লোকেতি অপাযলোকে মনুস্সলোকে দেৰলোকে খন্ধলোকে ধাতুলোকে আযতনলোকে। সঙ্গং লোকে দুরচ্চযন্তি। যো কামে চ সঙ্গে চ লোকে দুরচ্চযে দুরতিৰত্তে দুত্তরে দুপ্পতরে দুস্সমতিক্কমে দুব্বীতিৰত্তে অতরি উত্তরি পতরি সমতিক্কমি ৰীতিৰত্তযীতি – যোধ কামে অচ্চতরি, সঙ্গং লোকে দুরচ্চযং।
Yodhakāme accatari, saṅgaṃ loke duraccayanti. Yoti yo yādiso yathāyutto yathāvihito yathāpakāro yaṃ ṭhānappatto yaṃ dhammasamannāgato khattiyo vā brāhmaṇo vā vesso vā suddo vā gahaṭṭho vā pabbajito vā devo vā manusso vā. Kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā…pe… ime vuccanti kilesakāmā. Saṅgāti satta saṅgā – rāgasaṅgo, dosasaṅgo, mohasaṅgo, mānasaṅgo, diṭṭhisaṅgo, kilesasaṅgo, duccaritasaṅgo. Loketi apāyaloke manussaloke devaloke khandhaloke dhātuloke āyatanaloke. Saṅgaṃ loke duraccayanti. Yo kāme ca saṅge ca loke duraccaye durativatte duttare duppatare dussamatikkame dubbītivatte atari uttari patari samatikkami vītivattayīti – yodha kāme accatari, saṅgaṃ loke duraccayaṃ.
ন সো সোচতি নাজ্ঝেতীতি। ৰিপরিণতং ৰা ৰত্থুং ন সোচতি, ৰিপরিণতস্মিং ৰা ৰত্থুস্মিং ন সোচতি। ‘‘চক্খু মে ৰিপরিণত’’ন্তি ন সোচতি…পে॰… সোতং মে… ঘানং মে… জিৰ্হা মে… কাযো মে… রূপা মে… সদ্দা মে… গন্ধা মে… রসা মে… ফোট্ঠব্বা মে… কুলং মে… গণো মে… আৰাসো মে… লাভো মে… যসো মে… পসংসা মে… সুখং মে… চীৰরং মে… পিণ্ডপাতো মে… সেনাসনং মে… গিলানপচ্চযভেসজ্জপরিক্খারা মে… মাতা মে… পিতা মে… ভাতা মে… ভগিনী মে… পুত্তো মে… ধীতা মে… মিত্তা মে… অমচ্চা মে… ঞাতী মে… ‘‘সালোহিতা মে ৰিপরিণতা’’তি ন সোচতি ন কিলমতি ন পরিদেৰতি ন উরত্তাল়িং কন্দতি ন সম্মোহং আপজ্জতীতি – ন সোচতি। নাজ্ঝেতীতি নজ্ঝেতি ন অজ্ঝেতি ন উপনিজ্ঝাযতি ন নিজ্ঝাযতি ন পজ্ঝাযতি। অথ ৰা ন জাযতি ন জিয্যতি ন মিয্যতি ন চৰতি ন উপপজ্জতীতি – নাজ্ঝেতীতি – ন সো সোচতি নাজ্ঝেতি।
Naso socati nājjhetīti. Vipariṇataṃ vā vatthuṃ na socati, vipariṇatasmiṃ vā vatthusmiṃ na socati. ‘‘Cakkhu me vipariṇata’’nti na socati…pe… sotaṃ me… ghānaṃ me… jivhā me… kāyo me… rūpā me… saddā me… gandhā me… rasā me… phoṭṭhabbā me… kulaṃ me… gaṇo me… āvāso me… lābho me… yaso me… pasaṃsā me… sukhaṃ me… cīvaraṃ me… piṇḍapāto me… senāsanaṃ me… gilānapaccayabhesajjaparikkhārā me… mātā me… pitā me… bhātā me… bhaginī me… putto me… dhītā me… mittā me… amaccā me… ñātī me… ‘‘sālohitā me vipariṇatā’’ti na socati na kilamati na paridevati na urattāḷiṃ kandati na sammohaṃ āpajjatīti – na socati. Nājjhetīti najjheti na ajjheti na upanijjhāyati na nijjhāyati na pajjhāyati. Atha vā na jāyati na jiyyati na miyyati na cavati na upapajjatīti – nājjhetīti – na so socati nājjheti.
ছিন্নসোতো অবন্ধনোতি। সোতং ৰুচ্চতি তণ্হা। যো রাগো সারাগো…পে॰… অভিজ্ঝা লোভো অকুসলমূলং। যস্সেসা সোতা তণ্হা পহীনা সমুচ্ছিন্না…পে॰… ঞাণগ্গিনা দড্ঢা, সো ৰুচ্চতি ছিন্নসোতো। অবন্ধনোতি রাগবন্ধনং দোসবন্ধনং মোহবন্ধনং মানবন্ধনং দিট্ঠিবন্ধনং কিলেসবন্ধনং দুচ্চরিতবন্ধনং, যস্সেতে বন্ধনা পহীনা সমুচ্ছিন্না…পে॰… ঞাণগ্গিনা দড্ঢা, সো ৰুচ্চতি অবন্ধনোতি – ছিন্নসোতো অবন্ধনো।
Chinnasoto abandhanoti. Sotaṃ vuccati taṇhā. Yo rāgo sārāgo…pe… abhijjhā lobho akusalamūlaṃ. Yassesā sotā taṇhā pahīnā samucchinnā…pe… ñāṇagginā daḍḍhā, so vuccati chinnasoto. Abandhanoti rāgabandhanaṃ dosabandhanaṃ mohabandhanaṃ mānabandhanaṃ diṭṭhibandhanaṃ kilesabandhanaṃ duccaritabandhanaṃ, yassete bandhanā pahīnā samucchinnā…pe… ñāṇagginā daḍḍhā, so vuccati abandhanoti – chinnasoto abandhano.
তেনাহ ভগৰা –
Tenāha bhagavā –
‘‘যোধ কামে অচ্চতরি, সঙ্গং লোকে দুরচ্চযং।
‘‘Yodha kāme accatari, saṅgaṃ loke duraccayaṃ;
ন সো সোচতি নাজ্ঝেতি, ছিন্নসোতো অবন্ধনো’’তি॥
Na so socati nājjheti, chinnasoto abandhano’’ti.
১৮৪.
184.
যং পুব্বে তং ৰিসোসেহি, পচ্ছা তে মাহু কিঞ্চনং।
Yaṃ pubbe taṃ visosehi, pacchā te māhu kiñcanaṃ;
মজ্ঝে চে নো গহেস্সসি, উপসন্তো চরিস্সসি॥
Majjhe ce no gahessasi, upasanto carissasi.
যং পুব্বে তং ৰিসোসেহীতি। অতীতে সঙ্খারে আরব্ভ যে কিলেসা উপ্পজ্জেয্যুং তে কিলেসে সোসেহি ৰিসোসেহি সুক্খাপেহি ৰিসুক্খাপেহি অবীজং করোহি পজহ ৰিনোদেহি ব্যন্তিং করোহি অনভাৰং গমেহীতি। এৰম্পি যং পুব্বে তং ৰিসোসেহি। অথ ৰা যে অতীতা কম্মাভিসঙ্খারা অৰিপক্কৰিপাকা তে কম্মাভিসঙ্খারে সোসেহি ৰিসোসেহি সুক্খাপেহি ৰিসুক্খাপেহি অবীজং করোহি পজহ ৰিনোদেহি ব্যন্তিং করোহি অনভাৰং গমেহীতি। এৰম্পি যং পুব্বে তং ৰিসোসেহি।
Yaṃpubbe taṃ visosehīti. Atīte saṅkhāre ārabbha ye kilesā uppajjeyyuṃ te kilese sosehi visosehi sukkhāpehi visukkhāpehi abījaṃ karohi pajaha vinodehi byantiṃ karohi anabhāvaṃ gamehīti. Evampi yaṃ pubbe taṃ visosehi. Atha vā ye atītā kammābhisaṅkhārā avipakkavipākā te kammābhisaṅkhāre sosehi visosehi sukkhāpehi visukkhāpehi abījaṃ karohi pajaha vinodehi byantiṃ karohi anabhāvaṃ gamehīti. Evampi yaṃ pubbe taṃ visosehi.
পচ্ছা তে মাহু কিঞ্চনন্তি। পচ্ছা ৰুচ্চতি অনাগতং। অনাগতে সঙ্খারে আরব্ভ যানি উপ্পজ্জেয্যুং রাগকিঞ্চনং দোসকিঞ্চনং মোহকিঞ্চনং মানকিঞ্চনং দিট্ঠিকিঞ্চনং কিলেসকিঞ্চনং দুচ্চরিতকিঞ্চনং, ইমানি কিঞ্চনানি 79 তুয্হং মা অহু মা অকাসি মা জনেসি মা সঞ্জনেসি মা নিব্বত্তেসি মা অভিনিব্বত্তেসি পজহ ৰিনোদেহি ব্যন্তিং করোহি অনভাৰং গমেহীতি – পচ্ছা তে মাহু কিঞ্চনং।
Pacchā te māhu kiñcananti. Pacchā vuccati anāgataṃ. Anāgate saṅkhāre ārabbha yāni uppajjeyyuṃ rāgakiñcanaṃ dosakiñcanaṃ mohakiñcanaṃ mānakiñcanaṃ diṭṭhikiñcanaṃ kilesakiñcanaṃ duccaritakiñcanaṃ, imāni kiñcanāni 80 tuyhaṃ mā ahu mā akāsi mā janesi mā sañjanesi mā nibbattesi mā abhinibbattesi pajaha vinodehi byantiṃ karohi anabhāvaṃ gamehīti – pacchā te māhu kiñcanaṃ.
মজ্ঝে চে নো গহেস্সসীতি। মজ্ঝং ৰুচ্চতি পচ্চুপ্পন্না রূপৰেদনাসঞ্ঞাসঙ্খারৰিঞ্ঞাণা। পচ্চুপ্পন্নে সঙ্খারে তণ্হাৰসেন দিট্ঠিৰসেন ন গহেস্সসি ন উগ্গহেস্সসি ন গণ্হিস্সসি ন পরামসিস্সসি নাভিনন্দিস্সসি নাভিচরিস্সসি ন অজ্ঝোসিস্সসি, অভিনন্দনং অভিৰদনং অজ্ঝোসানং গাহং পরামাসং অভিনিৰেসং পজহিস্সসি ৰিনোদেস্সসি ব্যন্তিং করিস্সসি অনভাৰং গমেস্সসীতি – মজ্ঝে চে নো গহেস্সসি।
Majjhe ce no gahessasīti. Majjhaṃ vuccati paccuppannā rūpavedanāsaññāsaṅkhāraviññāṇā. Paccuppanne saṅkhāre taṇhāvasena diṭṭhivasena na gahessasi na uggahessasi na gaṇhissasi na parāmasissasi nābhinandissasi nābhicarissasi na ajjhosissasi, abhinandanaṃ abhivadanaṃ ajjhosānaṃ gāhaṃ parāmāsaṃ abhinivesaṃ pajahissasi vinodessasi byantiṃ karissasi anabhāvaṃ gamessasīti – majjhe ce no gahessasi.
উপসন্তো চরিস্সসীতি। রাগস্স সন্তত্তা সমিতত্তা উপসমিতত্তা, দোসস্স সন্তত্তা সমিতত্তা উপসমিতত্তা…পে॰… সব্বাকুসলাভিসঙ্খারানং সন্তত্তা সমিতত্তা উপসমিতত্তা ৰূপসমিতত্তা ৰিজ্ঝাতত্তা নিব্বুতত্তা ৰিগতত্তা পটিপস্সদ্ধত্তা সন্তো উপসন্তো ৰূপসন্তো নিব্বুতো পটিপস্সদ্ধো চরিস্সসি ৰিহরিস্সসি ইরিযিস্সসি ৰত্তিস্সসি পালিস্সসি যপিস্সসি যাপিস্সসীতি – উপসন্তো চরিস্সসি।
Upasanto carissasīti. Rāgassa santattā samitattā upasamitattā, dosassa santattā samitattā upasamitattā…pe… sabbākusalābhisaṅkhārānaṃ santattā samitattā upasamitattā vūpasamitattā vijjhātattā nibbutattā vigatattā paṭipassaddhattā santo upasanto vūpasanto nibbuto paṭipassaddho carissasi viharissasi iriyissasi vattissasi pālissasi yapissasi yāpissasīti – upasanto carissasi.
তেনাহ ভগৰা –
Tenāha bhagavā –
‘‘যং পুব্বে তং ৰিসোসেহি, পচ্ছা তে মাহু কিঞ্চনং।
‘‘Yaṃ pubbe taṃ visosehi, pacchā te māhu kiñcanaṃ;
মজ্ঝে চে নো গহেস্সসি, উপসন্তো চরিস্সসী’’তি॥
Majjhe ce no gahessasi, upasanto carissasī’’ti.
১৮৫.
185.
সব্বসো নামরূপস্মিং, যস্স নত্থি মমাযিতং।
Sabbasonāmarūpasmiṃ, yassa natthi mamāyitaṃ;
অসতা চ ন সোচতি, স ৰে লোকে ন জীযতি॥
Asatā ca na socati, sa ve loke na jīyati.
সব্বসো নামরূপস্মিং, যস্স নত্থি মমাযিতন্তি। সব্বসোতি সব্বেন সব্বং সব্বথা সব্বং অসেসং নিস্সেসং পরিযাদিযনৰচনমেতং – সব্বসোতি। নামন্তি চত্তারো অরূপিনো খন্ধা। রূপন্তি চত্তারো চ মহাভূতা, চতুন্নঞ্চ মহাভূতানং উপাদায রূপং। যস্সাতি অরহতো খীণাসৰস্স। মমাযিতন্তি দ্ৰে মমত্তা – তণ্হামমত্তঞ্চ দিট্ঠিমমত্তঞ্চ…পে॰… ইদং তণ্হামমত্তং…পে॰… ইদং দিট্ঠিমমত্তং। সব্বসো নামরূপস্মিং, যস্স নত্থি মমাযিতন্তি সব্বসো নামরূপস্মিং মমত্তা যস্স নত্থি ন সন্তি ন সংৰিজ্জন্তি নুপলব্ভন্তি, পহীনা সমুচ্ছিন্না ৰূপসন্তা পটিপস্সদ্ধা অভব্বুপ্পত্তিকা ঞাণগ্গিনা দড্ঢাতি – সব্বসো নামরূপস্মিং, যস্স নত্থি মমাযিতং।
Sabbaso nāmarūpasmiṃ, yassa natthi mamāyitanti. Sabbasoti sabbena sabbaṃ sabbathā sabbaṃ asesaṃ nissesaṃ pariyādiyanavacanametaṃ – sabbasoti. Nāmanti cattāro arūpino khandhā. Rūpanti cattāro ca mahābhūtā, catunnañca mahābhūtānaṃ upādāya rūpaṃ. Yassāti arahato khīṇāsavassa. Mamāyitanti dve mamattā – taṇhāmamattañca diṭṭhimamattañca…pe… idaṃ taṇhāmamattaṃ…pe… idaṃ diṭṭhimamattaṃ. Sabbaso nāmarūpasmiṃ, yassa natthi mamāyitanti sabbaso nāmarūpasmiṃ mamattā yassa natthi na santi na saṃvijjanti nupalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti – sabbaso nāmarūpasmiṃ, yassa natthi mamāyitaṃ.
অসতা চ ন সোচতীতি। ৰিপরিণতং ৰা ৰত্থুং ন সোচতি, ৰিপরিণতস্মিং ৰা ৰত্থুস্মিং ন সোচতি। ‘‘চক্খু মে ৰিপরিণত’’ন্তি ন সোচতি, সোতং মে… ঘানং মে… জিৰ্হা মে… কাযো মে… রূপা মে… সদ্দা মে… গন্ধা মে… রসা মে… ফোট্ঠব্বা মে… কুলং মে… গণো মে… আৰাসো মে… লাভো মে…পে॰… ‘‘সালোহিতা মে ৰিপরিণতা’’তি ন সোচতি ন কিলমতি ন পরিদেৰতি ন উরত্তাল়িং কন্দতি ন সম্মোহং আপজ্জতীতি। এৰম্পি অসতা চ ন সোচতি।
Asatā ca na socatīti. Vipariṇataṃ vā vatthuṃ na socati, vipariṇatasmiṃ vā vatthusmiṃ na socati. ‘‘Cakkhu me vipariṇata’’nti na socati, sotaṃ me… ghānaṃ me… jivhā me… kāyo me… rūpā me… saddā me… gandhā me… rasā me… phoṭṭhabbā me… kulaṃ me… gaṇo me… āvāso me… lābho me…pe… ‘‘sālohitā me vipariṇatā’’ti na socati na kilamati na paridevati na urattāḷiṃ kandati na sammohaṃ āpajjatīti. Evampi asatā ca na socati.
অথ ৰা অসতায দুক্খায ৰেদনায ফুট্ঠো পরেতো সমোহিতো সমন্নাগতো ন সোচতি ন কিলমতি ন পরিদেৰতি ন উরত্তাল়িং কন্দতি ন সম্মোহং আপজ্জতীতি। এৰম্পি অসতা চ ন সোচতি। অথ ৰা চক্খুরোগেন ফুট্ঠো পরেতো…পে॰… ডংসমকসৰাতাতপসরীসপসম্ফস্সেন ফুট্ঠো পরেতো সমোহিতো সমন্নাগতো ন সোচতি ন কিলমতি ন পরিদেৰতি ন উরত্তাল়িং কন্দতি ন সম্মোহং আপজ্জতীতি। এৰম্পি অসতা চ ন সোচতি। অথ ৰা অসন্তে অসংৰিজ্জমানে অনুপলব্ভমানে ‘‘অহু ৰত মে, তং ৰত মে নত্থি , সিযা ৰত মে, তং ৰতাহং ন লভামী’’তি ন সোচতি ন কিলমতি ন পরিদেৰতি ন উরত্তাল়িং কন্দতি ন সম্মোহং আপজ্জতীতি। এৰম্পি অসতা চ ন সোচতি।
Atha vā asatāya dukkhāya vedanāya phuṭṭho pareto samohito samannāgato na socati na kilamati na paridevati na urattāḷiṃ kandati na sammohaṃ āpajjatīti. Evampi asatā ca na socati. Atha vā cakkhurogena phuṭṭho pareto…pe… ḍaṃsamakasavātātapasarīsapasamphassena phuṭṭho pareto samohito samannāgato na socati na kilamati na paridevati na urattāḷiṃ kandati na sammohaṃ āpajjatīti. Evampi asatā ca na socati. Atha vā asante asaṃvijjamāne anupalabbhamāne ‘‘ahu vata me, taṃ vata me natthi , siyā vata me, taṃ vatāhaṃ na labhāmī’’ti na socati na kilamati na paridevati na urattāḷiṃ kandati na sammohaṃ āpajjatīti. Evampi asatā ca na socati.
স ৰে লোকে ন জীযতীতি। যস্স ‘‘ময্হং ৰা ইদং পরেসং ৰা ইদ’’ন্তি কিঞ্চি রূপগতং ৰেদনাগতং সঞ্ঞাগতং সঙ্খারগতং ৰিঞ্ঞাণগতং গহিতং পরামট্ঠং অভিনিৰিট্ঠং অজ্ঝোসিতং অধিমুত্তং অত্থি, তস্স জানি অত্থি।
Sa ve loke na jīyatīti. Yassa ‘‘mayhaṃ vā idaṃ paresaṃ vā ida’’nti kiñci rūpagataṃ vedanāgataṃ saññāgataṃ saṅkhāragataṃ viññāṇagataṃ gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ atthi, tassa jāni atthi.
ভাসিতম্পি হেতং –
Bhāsitampi hetaṃ –
সব্বেসু ভোগেসু অসেৰিতেসু, কস্মা ন সন্তপ্পসি সোককালে॥
Sabbesu bhogesu asevitesu, kasmā na santappasi sokakāle.
‘‘পুব্বেৰ মচ্চং ৰিজহন্তি ভোগা, মচ্চো ধনে পুব্বতরং জহাসি।
‘‘Pubbeva maccaṃ vijahanti bhogā, macco dhane pubbataraṃ jahāsi;
অসস্সতা 85 ভাৰিনো কামকামী, তস্মা ন সোচামহং সোককালে॥
Asassatā 86 bhāvino kāmakāmī, tasmā na socāmahaṃ sokakāle.
‘‘উদেতি আপূরতি ৰেতি চন্দো, অন্ধং তপেত্ৰান 87 পলেতি সূরিযো।
‘‘Udeti āpūrati veti cando, andhaṃ tapetvāna 88 paleti sūriyo;
ৰিদিতা মযা সত্তুক লোকধম্মা, তস্মা ন সোচামহং সোককালে’’তি॥
Viditā mayā sattuka lokadhammā, tasmā na socāmahaṃ sokakāle’’ti.
যস্স ‘‘ময্হং ৰা ইদং পরেসং ৰা ইদ’’ন্তি কিঞ্চি রূপগতং ৰেদনাগতং সঞ্ঞাগতং সঙ্খারগতং ৰিঞ্ঞাণগতং গহিতং পরামট্ঠং অভিনিৰিট্ঠং অজ্ঝোসিতং অধিমুত্তং নত্থি, তস্স জানি নত্থি। ভাসিতম্পি হেতং – ‘‘‘নন্দসি, সমণা’তি। ‘কিং লদ্ধা, আৰুসো’তি? ‘তেন হি, সমণ, সোচসী’তি। ‘কিং জীযিত্থ, আৰুসো’তি? ‘তেন হি, সমণ, নেৰ নন্দসি ন সোচসী’তি। ‘এৰমাৰুসো’’’তি।
Yassa ‘‘mayhaṃ vā idaṃ paresaṃ vā ida’’nti kiñci rūpagataṃ vedanāgataṃ saññāgataṃ saṅkhāragataṃ viññāṇagataṃ gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ natthi, tassa jāni natthi. Bhāsitampi hetaṃ – ‘‘‘nandasi, samaṇā’ti. ‘Kiṃ laddhā, āvuso’ti? ‘Tena hi, samaṇa, socasī’ti. ‘Kiṃ jīyittha, āvuso’ti? ‘Tena hi, samaṇa, neva nandasi na socasī’ti. ‘Evamāvuso’’’ti.
‘‘চিরস্সং ৰত পস্সাম, ব্রাহ্মণং পরিনিব্বুতং।
‘‘Cirassaṃ vata passāma, brāhmaṇaṃ parinibbutaṃ;
অনন্দিং অনীঘং ভিক্খুং, তিণ্ণং লোকে ৰিসত্তিক’’ন্তি॥
Anandiṃ anīghaṃ bhikkhuṃ, tiṇṇaṃ loke visattika’’nti.
স ৰে লোকে ন জীযতি। তেনাহ ভগৰা –
Sa ve loke na jīyati. Tenāha bhagavā –
‘‘সব্বসো নামরূপস্মিং, যস্স নত্থি মমাযিতং।
‘‘Sabbaso nāmarūpasmiṃ, yassa natthi mamāyitaṃ;
অসতা চ ন সোচতি, স ৰে লোকে ন জীযতী’’তি॥
Asatā ca na socati, sa ve loke na jīyatī’’ti.
১৮৬.
186.
যস্স নত্থি ইদং মেতি, পরেসং ৰাপি কিঞ্চনং।
Yassa natthi idaṃ meti, paresaṃ vāpi kiñcanaṃ;
মমত্তং সো অসংৰিন্দং, নত্থি মেতি ন সোচতি॥
Mamattaṃ so asaṃvindaṃ, natthi meti na socati.
যস্স নত্থি ইদং মেতি, পরেসং ৰাপি কিঞ্চনন্তি। যস্সাতি অরহতো খীণাসৰস্স। যস্স ‘‘ময্হং ৰা ইদং পরেসং ৰা ইদ’’ন্তি কিঞ্চি রূপগতং ৰেদনাগতং সঞ্ঞাগতং সঙ্খারগতং ৰিঞ্ঞাণগতং গহিতং পরামট্ঠং অভিনিৰিট্ঠং অজ্ঝোসিতং অধিমুত্তং নত্থি ন সন্তি ন সংৰিজ্জতি নুপলব্ভতি, পহীনং সমুচ্ছিন্নং ৰূপসন্তং পটিপস্সদ্ধং অভব্বুপ্পত্তিকং ঞাণগ্গিনা দড্ঢন্তি। এৰম্পি যস্স নত্থি ইদং মেতি, পরেসং ৰাপি কিঞ্চনং।
Yassanatthi idaṃ meti, paresaṃ vāpi kiñcananti. Yassāti arahato khīṇāsavassa. Yassa ‘‘mayhaṃ vā idaṃ paresaṃ vā ida’’nti kiñci rūpagataṃ vedanāgataṃ saññāgataṃ saṅkhāragataṃ viññāṇagataṃ gahitaṃ parāmaṭṭhaṃ abhiniviṭṭhaṃ ajjhositaṃ adhimuttaṃ natthi na santi na saṃvijjati nupalabbhati, pahīnaṃ samucchinnaṃ vūpasantaṃ paṭipassaddhaṃ abhabbuppattikaṃ ñāṇagginā daḍḍhanti. Evampi yassa natthi idaṃ meti, paresaṃ vāpi kiñcanaṃ.
ৰুত্তঞ্হেতং ভগৰতা – ‘‘নাযং, ভিক্খৰে, কাযো তুম্হাকং, নপি অঞ্ঞেসং। পুরাণমিদং, ভিক্খৰে, কম্মং অভিসঙ্খতং অভিসঞ্চেতযিতং ৰেদনীযং দট্ঠব্বং। তত্র, ভিক্খৰে, সুতৰা অরিযসাৰকো পটিচ্চসমুপ্পাদংযেৰ সাধুকং যোনিসো মনসিকরোতি – ‘ইতি ইমস্মিং সতি ইদং হোতি ইমস্সুপ্পাদা ইদং উপ্পজ্জতি, ইমস্মিং অসতি ইদং ন হোতি ইমস্স নিরোধা ইদং নিরুজ্ঝতি, যদিদং অৰিজ্জাপচ্চযা সঙ্খারা, সঙ্খারপচ্চযা ৰিঞ্ঞাণং…পে॰… এৰমেতস্স কেৰলস্স দুক্খক্খন্ধস্স সমুদযো হোতি। অৰিজ্জাযত্ৰেৰ অসেসৰিরাগনিরোধা সঙ্খারনিরোধো…পে॰… এৰমেতস্স কেৰলস্স দুক্খক্খন্ধস্স নিরোধো হোতী’’’তি। এৰম্পি যস্স নত্থি ইদং মেতি, পরেসং ৰাপি কিঞ্চনং।
Vuttañhetaṃ bhagavatā – ‘‘nāyaṃ, bhikkhave, kāyo tumhākaṃ, napi aññesaṃ. Purāṇamidaṃ, bhikkhave, kammaṃ abhisaṅkhataṃ abhisañcetayitaṃ vedanīyaṃ daṭṭhabbaṃ. Tatra, bhikkhave, sutavā ariyasāvako paṭiccasamuppādaṃyeva sādhukaṃ yoniso manasikaroti – ‘iti imasmiṃ sati idaṃ hoti imassuppādā idaṃ uppajjati, imasmiṃ asati idaṃ na hoti imassa nirodhā idaṃ nirujjhati, yadidaṃ avijjāpaccayā saṅkhārā, saṅkhārapaccayā viññāṇaṃ…pe… evametassa kevalassa dukkhakkhandhassa samudayo hoti. Avijjāyatveva asesavirāganirodhā saṅkhāranirodho…pe… evametassa kevalassa dukkhakkhandhassa nirodho hotī’’’ti. Evampi yassa natthi idaṃ meti, paresaṃ vāpi kiñcanaṃ.
ৰুত্তম্পি হেতং ভগৰতা –
Vuttampi hetaṃ bhagavatā –
‘‘সুঞ্ঞতো লোকং অৰেক্খস্সু, মোঘরাজ সদা সতো।
‘‘Suññato lokaṃ avekkhassu, mogharāja sadā sato;
এৰং লোকং অৰেক্খন্তং, মচ্চুরাজা ন পস্সতী’’তি॥
Evaṃ lokaṃ avekkhantaṃ, maccurājā na passatī’’ti.
এৰম্পি যস্স নত্থি ইদং মেতি, পরেসং ৰাপি কিঞ্চনং।
Evampi yassa natthi idaṃ meti, paresaṃ vāpi kiñcanaṃ.
ৰুত্তম্পি হেতং ভগৰতা – ‘‘যং, ভিক্খৰে, ন তুম্হাকং, তং পজহথ। তং ৰো পহীনং দীঘরত্তং হিতায সুখায ভৰিস্সতি। কিঞ্চ, ভিক্খৰে, ন তুম্হাকং? রূপং, ভিক্খৰে, ন তুম্হাকং, তং পজহথ। তং ৰো পহীনং দীঘরত্তং হিতায সুখায ভৰিস্সতি। ৰেদনা… সঞ্ঞা… সঙ্খারা… ৰিঞ্ঞাণং ন তুম্হাকং, তং পজহথ। তং ৰো পহীনং দীঘরত্তং হিতায সুখায ভৰিস্সতি। তং কিং মঞ্ঞথ, ভিক্খৰে, যং ইমস্মিং জেতৰনে তিণকট্ঠসাখাপলাসং, তং জনো হরেয্য ৰা ডহেয্য 91 ৰা যথাপচ্চযং ৰা করেয্য, অপি নু তুম্হাকং এৰমস্স – ‘অম্হে জনো হরতি ৰা ডহতি ৰা যথাপচ্চযং ৰা করোতী’’তি? ‘‘নো হেতং, ভন্তে’’। ‘‘তং কিস্স হেতু’’? ‘‘ন হি নো এতং, ভন্তে, অত্তা ৰা অত্তনিযং ৰা’’তি। ‘‘এৰমেৰ খো, ভিক্খৰে, যং ন তুম্হাকং, তং পজহথ। তং ৰো পহীনং দীঘরত্তং হিতায সুখায ভৰিস্সতি। কিঞ্চ, ভিক্খৰে, ন তুম্হাকং? রূপং, ভিক্খৰে, ন তুম্হাকং, তং পজহথ। তং ৰো পহীনং দীঘরত্তং হিতায সুখায ভৰিস্সতি। ৰেদনা… সঞ্ঞা… সঙ্খারা… ৰিঞ্ঞাণং ন তুম্হাকং, তং পজহথ। তং ৰো পহীনং দীঘরত্তং হিতায সুখায ভৰিস্সতী’’তি। এৰম্পি যস্স নত্থি ইদং মেতি, পরেসং ৰাপি কিঞ্চনং। ভাসিতম্পি হেতং –
Vuttampi hetaṃ bhagavatā – ‘‘yaṃ, bhikkhave, na tumhākaṃ, taṃ pajahatha. Taṃ vo pahīnaṃ dīgharattaṃ hitāya sukhāya bhavissati. Kiñca, bhikkhave, na tumhākaṃ? Rūpaṃ, bhikkhave, na tumhākaṃ, taṃ pajahatha. Taṃ vo pahīnaṃ dīgharattaṃ hitāya sukhāya bhavissati. Vedanā… saññā… saṅkhārā… viññāṇaṃ na tumhākaṃ, taṃ pajahatha. Taṃ vo pahīnaṃ dīgharattaṃ hitāya sukhāya bhavissati. Taṃ kiṃ maññatha, bhikkhave, yaṃ imasmiṃ jetavane tiṇakaṭṭhasākhāpalāsaṃ, taṃ jano hareyya vā ḍaheyya 92 vā yathāpaccayaṃ vā kareyya, api nu tumhākaṃ evamassa – ‘amhe jano harati vā ḍahati vā yathāpaccayaṃ vā karotī’’ti? ‘‘No hetaṃ, bhante’’. ‘‘Taṃ kissa hetu’’? ‘‘Na hi no etaṃ, bhante, attā vā attaniyaṃ vā’’ti. ‘‘Evameva kho, bhikkhave, yaṃ na tumhākaṃ, taṃ pajahatha. Taṃ vo pahīnaṃ dīgharattaṃ hitāya sukhāya bhavissati. Kiñca, bhikkhave, na tumhākaṃ? Rūpaṃ, bhikkhave, na tumhākaṃ, taṃ pajahatha. Taṃ vo pahīnaṃ dīgharattaṃ hitāya sukhāya bhavissati. Vedanā… saññā… saṅkhārā… viññāṇaṃ na tumhākaṃ, taṃ pajahatha. Taṃ vo pahīnaṃ dīgharattaṃ hitāya sukhāya bhavissatī’’ti. Evampi yassa natthi idaṃ meti, paresaṃ vāpi kiñcanaṃ. Bhāsitampi hetaṃ –
‘‘সুদ্ধধম্মসমুপ্পাদং, সুদ্ধসঙ্খারসন্ততিং।
‘‘Suddhadhammasamuppādaṃ, suddhasaṅkhārasantatiṃ;
পস্সন্তস্স যথাভূতং, ন ভযং হোতি গামণি॥
Passantassa yathābhūtaṃ, na bhayaṃ hoti gāmaṇi.
‘‘তিণকট্ঠসমং লোকং, যদা পঞ্ঞায পস্সতি।
‘‘Tiṇakaṭṭhasamaṃ lokaṃ, yadā paññāya passati;
নাঞ্ঞং পত্থযতে কিঞ্চি, অঞ্ঞত্র অপ্পটিসন্ধিযা’’তি 93॥
Nāññaṃ patthayate kiñci, aññatra appaṭisandhiyā’’ti 94.
এৰম্পি যস্স নত্থি ইদং মেতি, পরেসং ৰাপি কিঞ্চনং। ৰজিরা ভিক্খুনী মারং পাপিমন্তং এতদৰোচ –
Evampi yassa natthi idaṃ meti, paresaṃ vāpi kiñcanaṃ. Vajirā bhikkhunī māraṃ pāpimantaṃ etadavoca –
‘‘কং নু সত্তোতি পচ্চেসি, মার দিট্ঠিগতং নু তে।
‘‘Kaṃ nu sattoti paccesi, māra diṭṭhigataṃ nu te;
সুদ্ধসঙ্খারপুঞ্জোযং, নযিধ সত্তুপলব্ভতি॥
Suddhasaṅkhārapuñjoyaṃ, nayidha sattupalabbhati.
‘‘দুক্খমেৰ হি সম্ভোতি, দুক্খং তিট্ঠতি ৰেতি চ।
‘‘Dukkhameva hi sambhoti, dukkhaṃ tiṭṭhati veti ca;
নাঞ্ঞত্র দুক্খা সম্ভোতি, নাঞ্ঞং দুক্খা নিরুজ্ঝতী’’তি॥
Nāññatra dukkhā sambhoti, nāññaṃ dukkhā nirujjhatī’’ti.
এৰম্পি যস্স নত্থি ইদং মেতি, পরেসং ৰাপি কিঞ্চনং। ৰুত্তংঞ্হেতং ভগৰতা
Evampi yassa natthi idaṃ meti, paresaṃ vāpi kiñcanaṃ. Vuttaṃñhetaṃ bhagavatā
‘‘এৰমেৰ খো, ভিক্খৰে, ভিক্খু রূপং সমন্নেসতি যাৰতা রূপস্স গতি, ৰেদনং… সঞ্ঞং… সঙ্খারে… ৰিঞ্ঞাণং সমন্নেসতি যাৰতা ৰিঞ্ঞাণস্স গতি। তস্স রূপং সমন্নেসতো যাৰতা রূপস্স গতি, ৰেদনং… সঞ্ঞং… সঙ্খারে… ৰিঞ্ঞাণং সমন্নেসতো যাৰতা ৰিঞ্ঞাণস্স গতি , যম্পিস্স তং হোতি ‘অহ’ন্তি ৰা ‘মম’ন্তি ৰা, ‘অস্মী’তি ৰা, তম্পি তস্স ন হোতী’’তি। এৰম্পি যস্স নত্থি ইদং মেতি, পরেসং ৰাপি কিঞ্চনং।
‘‘Evameva kho, bhikkhave, bhikkhu rūpaṃ samannesati yāvatā rūpassa gati, vedanaṃ… saññaṃ… saṅkhāre… viññāṇaṃ samannesati yāvatā viññāṇassa gati. Tassa rūpaṃ samannesato yāvatā rūpassa gati, vedanaṃ… saññaṃ… saṅkhāre… viññāṇaṃ samannesato yāvatā viññāṇassa gati , yampissa taṃ hoti ‘aha’nti vā ‘mama’nti vā, ‘asmī’ti vā, tampi tassa na hotī’’ti. Evampi yassa natthi idaṃ meti, paresaṃ vāpi kiñcanaṃ.
আযস্মা, আনন্দো, ভগৰন্তং এতদৰোচ – ‘‘‘সুঞ্ঞো লোকো, সুঞ্ঞো লোকো’তি, ভন্তে, ৰুচ্চতি। কিত্তাৰতা নু খো, ভন্তে, সুঞ্ঞো লোকোতি ৰুচ্চতী’’তি? ‘‘যস্মা খো, আনন্দ, সুঞ্ঞং অত্তেন ৰা অত্তনিযেন ৰা, তস্মা সুঞ্ঞো লোকোতি ৰুচ্চতি। কিঞ্চানন্দ, সুঞ্ঞং অত্তেন ৰা অত্তনিযেন ৰা? চক্খু খো, আনন্দ, সুঞ্ঞং অত্তেন ৰা অত্তনিযেন ৰা। রূপা সুঞ্ঞা, চক্খুৰিঞ্ঞাণং সুঞ্ঞং, চক্খুসম্ফস্সো সুঞ্ঞো, যদিদং চক্খুসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা তম্পি সুঞ্ঞং… সোতং সুঞ্ঞং… সদ্দা সুঞ্ঞা… ঘানং সুঞ্ঞং… গন্ধা সুঞ্ঞা… জিৰ্হা সুঞ্ঞা… রসা সুঞ্ঞা… কাযো সুঞ্ঞো… ফোট্ঠব্বা সুঞ্ঞা… মনো সুঞ্ঞো… ধম্মা সুঞ্ঞা… মনোৰিঞ্ঞাণং সুঞ্ঞং… মনোসম্ফস্সো সুঞ্ঞো, যদিদং মনোসম্ফস্সপচ্চযা উপ্পজ্জতি ৰেদযিতং সুখং ৰা দুক্খং ৰা অদুক্খমসুখং ৰা তম্পি সুঞ্ঞং অত্তেন ৰা অত্তনিযেন ৰা। যস্মা খো, আনন্দ, সুঞ্ঞং অত্তেন ৰা অত্তনিযেন ৰা, তস্মা সুঞ্ঞো লোকোতি ৰুচ্চতী’’তি। এৰম্পি যস্স নত্থি ইদং মেতি, পরেসং ৰাপি কিঞ্চনং।
Āyasmā, ānando, bhagavantaṃ etadavoca – ‘‘‘suñño loko, suñño loko’ti, bhante, vuccati. Kittāvatā nu kho, bhante, suñño lokoti vuccatī’’ti? ‘‘Yasmā kho, ānanda, suññaṃ attena vā attaniyena vā, tasmā suñño lokoti vuccati. Kiñcānanda, suññaṃ attena vā attaniyena vā? Cakkhu kho, ānanda, suññaṃ attena vā attaniyena vā. Rūpā suññā, cakkhuviññāṇaṃ suññaṃ, cakkhusamphasso suñño, yadidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi suññaṃ… sotaṃ suññaṃ… saddā suññā… ghānaṃ suññaṃ… gandhā suññā… jivhā suññā… rasā suññā… kāyo suñño… phoṭṭhabbā suññā… mano suñño… dhammā suññā… manoviññāṇaṃ suññaṃ… manosamphasso suñño, yadidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi suññaṃ attena vā attaniyena vā. Yasmā kho, ānanda, suññaṃ attena vā attaniyena vā, tasmā suñño lokoti vuccatī’’ti. Evampi yassa natthi idaṃ meti, paresaṃ vāpi kiñcanaṃ.
মমত্তং সো অসংৰিন্দন্তি। মমত্তাতি দ্ৰে মমত্তা – তণ্হামমত্তঞ্চ দিট্ঠিমমত্তঞ্চ…পে॰… ইদং তণ্হামমত্তং…পে॰… ইদং দিট্ঠিমমত্তং। তণ্হামমত্তং পহায দিট্ঠিমমত্তং পটিনিস্সজ্জিত্ৰা মমত্তং অৰিন্দন্তো অসংৰিন্দন্তো অনধিগচ্ছন্তো অপ্পটিলভন্তোতি – মমত্তং সো অসংৰিন্দং।
Mamattaṃ so asaṃvindanti. Mamattāti dve mamattā – taṇhāmamattañca diṭṭhimamattañca…pe… idaṃ taṇhāmamattaṃ…pe… idaṃ diṭṭhimamattaṃ. Taṇhāmamattaṃ pahāya diṭṭhimamattaṃ paṭinissajjitvā mamattaṃ avindanto asaṃvindanto anadhigacchanto appaṭilabhantoti – mamattaṃ so asaṃvindaṃ.
নত্থি মেতি ন সোচতীতি। ৰিপরিণতং ৰা ৰত্থুং ন সোচতি, ৰিপরিণতস্মিং ৰা ৰত্থুস্মিং ন সোচতি। ‘‘চক্খু মে ৰিপরিণত’’ন্তি ন সোচতি, ‘‘সোতং মে…পে॰… সালোহিতা মে ৰিপরিণতা’’তি ন সোচতি ন কিলমতি ন পরিদেৰতি ন উরত্তাল়িং কন্দতি ন সম্মোহং আপজ্জতীতি – নত্থি মেতি ন সোচতি।
Natthi meti na socatīti. Vipariṇataṃ vā vatthuṃ na socati, vipariṇatasmiṃ vā vatthusmiṃ na socati. ‘‘Cakkhu me vipariṇata’’nti na socati, ‘‘sotaṃ me…pe… sālohitā me vipariṇatā’’ti na socati na kilamati na paridevati na urattāḷiṃ kandati na sammohaṃ āpajjatīti – natthi meti na socati.
তেনাহ ভগৰা –
Tenāha bhagavā –
‘‘যস্স নত্থি ইদং মেতি, পরেসং ৰাপি কিঞ্চনং।
‘‘Yassa natthi idaṃ meti, paresaṃ vāpi kiñcanaṃ;
মমত্তং সো অসংৰিন্দং, নত্থি মেতি ন সোচতী’’তি॥
Mamattaṃ so asaṃvindaṃ, natthi meti na socatī’’ti.
১৮৭.
187.
অনিট্ঠুরী অননুগিদ্ধো, অনেজো সব্বধী সমো।
Aniṭṭhurīananugiddho, anejo sabbadhī samo;
তমানিসংসং পব্রূমি, পুচ্ছিতো অৰিকম্পিনং॥
Tamānisaṃsaṃ pabrūmi, pucchito avikampinaṃ.
অনিট্ঠুরী অননুগিদ্ধো অনেজো সব্বধী সমোতি। কতমং নিট্ঠুরিযং? ইধেকচ্চো নিট্ঠুরিযো হোতি, পরলাভসক্কারগরুকারমাননৰন্দনপূজনাসু ইস্সতি উসূযতি 99 ইস্সং বন্ধতি। যং এৰরূপং নিট্ঠুরিযং নিট্ঠুরিযকম্মং ইস্সা ইস্সাযনা ইস্সাযিতত্তং উসূযা উসূযনা উসূযিতত্তং – ইদং ৰুচ্চতি নিট্ঠুরিযং। যস্সেতং নিট্ঠুরিযং পহীনং সমুচ্ছিন্নং…পে॰… ঞাণগ্গিনা দড্ঢং, সো ৰুচ্চতি অনিট্ঠুরীতি। অননুগিদ্ধোতি। গেধো ৰুচ্চতি তণ্হা। যো রাগো সারাগো…পে॰… অভিজ্ঝা লোভো অকুসলমূলং। যস্সেসো গেধো পহীনো সমুচ্ছিন্নো…পে॰… ঞাণগ্গিনা দড্ঢো, সো ৰুচ্চতি অননুগিদ্ধো। সো রূপে অগিদ্ধো সদ্দে…পে॰… দিট্ঠসুতমুতৰিঞ্ঞাতব্বেসু ধম্মেসু অগিদ্ধো অগধিতো অমুচ্ছিতো অনজ্ঝোসন্নো, ৰীতগেধো ৰিগতগেধো চত্তগেধো ৰন্তগেধো মুত্তগেধো পহীনগেধো পটিনিস্সট্ঠগেধো, ৰীতরাগো ৰিগতরাগো চত্তরাগো ৰন্তরাগো মুত্তরাগো পহীনরাগো পটিনিস্সট্ঠরাগো, নিচ্ছাতো নিব্বুতো সীতিভূতো সুখপ্পটিসংৰেদী ব্রহ্মভূতেন অত্তনা ৰিহরতীতি – অনিট্ঠুরী অননুগিদ্ধো।
Aniṭṭhurī ananugiddho anejo sabbadhī samoti. Katamaṃ niṭṭhuriyaṃ? Idhekacco niṭṭhuriyo hoti, paralābhasakkāragarukāramānanavandanapūjanāsu issati usūyati 100 issaṃ bandhati. Yaṃ evarūpaṃ niṭṭhuriyaṃ niṭṭhuriyakammaṃ issā issāyanā issāyitattaṃ usūyā usūyanā usūyitattaṃ – idaṃ vuccati niṭṭhuriyaṃ. Yassetaṃ niṭṭhuriyaṃ pahīnaṃ samucchinnaṃ…pe… ñāṇagginā daḍḍhaṃ, so vuccati aniṭṭhurīti. Ananugiddhoti. Gedho vuccati taṇhā. Yo rāgo sārāgo…pe… abhijjhā lobho akusalamūlaṃ. Yasseso gedho pahīno samucchinno…pe… ñāṇagginā daḍḍho, so vuccati ananugiddho. So rūpe agiddho sadde…pe… diṭṭhasutamutaviññātabbesu dhammesu agiddho agadhito amucchito anajjhosanno, vītagedho vigatagedho cattagedho vantagedho muttagedho pahīnagedho paṭinissaṭṭhagedho, vītarāgo vigatarāgo cattarāgo vantarāgo muttarāgo pahīnarāgo paṭinissaṭṭharāgo, nicchāto nibbuto sītibhūto sukhappaṭisaṃvedī brahmabhūtena attanā viharatīti – aniṭṭhurī ananugiddho.
অনেজো সব্বধী সমোতি। এজা ৰুচ্চতি তণ্হা। যো রাগো সারাগো…পে॰… অভিজ্ঝা লোভো অকুসলমূলং। যস্সেসা এজা তণ্হা পহীনা সমুচ্ছিন্না…পে॰… ঞাণগ্গিনা দড্ঢা, সো ৰুচ্চতি অনেজো। এজায পহীনত্তা অনেজো। সো লাভেপি ন ইঞ্জতি, অলাভেপি ন ইঞ্জতি, যসেপি ন ইঞ্জতি, অযসেপি ন ইঞ্জতি, পসংসাযপি ন ইঞ্জতি, নিন্দাযপি ন ইঞ্জতি, সুখেপি ন ইঞ্জতি, দুক্খেপি ন ইঞ্জতি, ন চলতি ন ৰেধতি নপ্পৰেধতি ন সম্পৰেধতীতি – অনেজো। সব্বধী সমোতি সব্বং ৰুচ্চতি দ্ৰাদসাযতনানি। চক্খু চেৰ রূপা চ…পে॰… মনো চেৰ ধম্মা চ। যতো অজ্ঝত্তিকবাহিরেসু আযতনেসু ছন্দরাগো পহীনো হোতি উচ্ছিন্নমূলো তালাৰত্থুকতো অনভাৰংকতো আযতিং অনুপ্পাদধম্মো, সো ৰুচ্চতি সব্বধি সমো। সো সব্বত্থ তাদি সব্বত্থ মজ্ঝত্তো সব্বত্থ উপেক্খকোতি – অনেজো সব্বধী সমো।
Anejo sabbadhī samoti. Ejā vuccati taṇhā. Yo rāgo sārāgo…pe… abhijjhā lobho akusalamūlaṃ. Yassesā ejā taṇhā pahīnā samucchinnā…pe… ñāṇagginā daḍḍhā, so vuccati anejo. Ejāya pahīnattā anejo. So lābhepi na iñjati, alābhepi na iñjati, yasepi na iñjati, ayasepi na iñjati, pasaṃsāyapi na iñjati, nindāyapi na iñjati, sukhepi na iñjati, dukkhepi na iñjati, na calati na vedhati nappavedhati na sampavedhatīti – anejo. Sabbadhī samoti sabbaṃ vuccati dvādasāyatanāni. Cakkhu ceva rūpā ca…pe… mano ceva dhammā ca. Yato ajjhattikabāhiresu āyatanesu chandarāgo pahīno hoti ucchinnamūlo tālāvatthukato anabhāvaṃkato āyatiṃ anuppādadhammo, so vuccati sabbadhi samo. So sabbattha tādi sabbattha majjhatto sabbattha upekkhakoti – anejo sabbadhī samo.
তমানিসংসং পব্রূমি, পুচ্ছিতো অৰিকম্পিনন্তি। অৰিকম্পিনং পুগ্গলং পুট্ঠো পুচ্ছিতো যাচিতো অজ্ঝেসিতো পসাদিতো ইমে চত্তারো আনিসংসে পব্রূমি। যো সো অনিট্ঠুরী অননুগিদ্ধো অনেজো সব্বধি সমোতি ব্রূমি আচিক্খামি…পে॰… পকাসেমীতি – তমানিসংসং পব্রূমি পুচ্ছিতো অৰিকম্পিনং।
Tamānisaṃsaṃpabrūmi, pucchito avikampinanti. Avikampinaṃ puggalaṃ puṭṭho pucchito yācito ajjhesito pasādito ime cattāro ānisaṃse pabrūmi. Yo so aniṭṭhurī ananugiddho anejo sabbadhi samoti brūmi ācikkhāmi…pe… pakāsemīti – tamānisaṃsaṃ pabrūmi pucchito avikampinaṃ.
তেনাহ ভগৰা –
Tenāha bhagavā –
‘‘অনিট্ঠুরী অননুগিদ্ধো, অনেজো সব্বধী সমো।
‘‘Aniṭṭhurī ananugiddho, anejo sabbadhī samo;
তমানিসংসং পব্রূমি, পুচ্ছিতো অৰিকম্পিন’’ন্তি॥
Tamānisaṃsaṃ pabrūmi, pucchito avikampina’’nti.
১৮৮.
188.
অনেজস্স ৰিজানতোতি। এজা ৰুচ্চতি তণ্হা। যো রাগো সারাগো…পে॰… অভিজ্ঝা লোভো অকুসলমূলং। যস্সেসা এজা তণ্হা পহীনা সমুচ্ছিন্না…পে॰… ঞাণগ্গিনা দড্ঢা, সো ৰুচ্চতি অনেজো। এজায পহীনত্তা অনেজো। সো লাভেপি ন ইঞ্জতি, অলাভেপি ন ইঞ্জতি, যসেপি ন ইঞ্জতি, অযসেপি ন ইঞ্জতি, পসংসাযপি ন ইঞ্জতি, নিন্দাযপি ন ইঞ্জতি, সুখেপি ন ইঞ্জতি, দুক্খেপি ন ইঞ্জতি ন চলতি ন ৰেধতি নপ্পৰেধতি ন সম্পৰেধতীতি – অনেজস্স। ৰিজানতোতি জানতো আজানতো ৰিজানতো পটিৰিজানতো পটিৰিজ্ঝতো। ‘‘সব্বে সঙ্খারা অনিচ্চা’’তি জানতো আজানতো ৰিজানতো পটিৰিজানতো পটিৰিজ্ঝতো, ‘‘সব্বে সঙ্খারা দুক্খা’’তি…পে॰… ‘‘যং কিঞ্চি সমুদযধম্মং সব্বং তং নিরোধধম্ম’’ন্ত্ন্ত্তি জানতো আজানতো ৰিজানতো পটিৰিজানতো পটিৰিজ্ঝতোতি – অনেজস্স ৰিজানতো।
Anejassa vijānatoti. Ejā vuccati taṇhā. Yo rāgo sārāgo…pe… abhijjhā lobho akusalamūlaṃ. Yassesā ejā taṇhā pahīnā samucchinnā…pe… ñāṇagginā daḍḍhā, so vuccati anejo. Ejāya pahīnattā anejo. So lābhepi na iñjati, alābhepi na iñjati, yasepi na iñjati, ayasepi na iñjati, pasaṃsāyapi na iñjati, nindāyapi na iñjati, sukhepi na iñjati, dukkhepi na iñjati na calati na vedhati nappavedhati na sampavedhatīti – anejassa. Vijānatoti jānato ājānato vijānato paṭivijānato paṭivijjhato. ‘‘Sabbe saṅkhārā aniccā’’ti jānato ājānato vijānato paṭivijānato paṭivijjhato, ‘‘sabbe saṅkhārā dukkhā’’ti…pe… ‘‘yaṃ kiñci samudayadhammaṃ sabbaṃ taṃ nirodhadhamma’’ntntti jānato ājānato vijānato paṭivijānato paṭivijjhatoti – anejassa vijānato.
নত্থি কাচি নিসঙ্খতীতি। নিসঙ্খতিযাএ ৰুচ্চন্তি পুঞ্ঞাভিসঙ্খারো অপুঞ্ঞাভিসঙ্খারো আনেঞ্জাভিসঙ্খারো। যতো পুঞ্ঞাভিসঙ্খারো চ অপুঞ্ঞাভিসঙ্খারো চ আনেঞ্জাভিসঙ্খারো চ পহীনা হোন্তি উচ্ছিন্নমূলা তালাৰত্থুকতা অনভাৰংকতা আযতিং অনুপ্পাদধম্মা, এত্তাৰতা নিসঙ্খতিযো নত্থি ন সন্তি ন সংৰিজ্জন্তি নুপলব্ভন্তি, পহীনা সমুচ্ছিন্না ৰূপসন্তা পটিপস্সদ্ধা অভব্বুপ্পত্তিকা ঞাণগ্গিনা দড্ঢাতি – নত্থি কাচি নিসঙ্খতি।
Natthi kāci nisaṅkhatīti. Nisaṅkhatiyāe vuccanti puññābhisaṅkhāro apuññābhisaṅkhāro āneñjābhisaṅkhāro. Yato puññābhisaṅkhāro ca apuññābhisaṅkhāro ca āneñjābhisaṅkhāro ca pahīnā honti ucchinnamūlā tālāvatthukatā anabhāvaṃkatā āyatiṃ anuppādadhammā, ettāvatā nisaṅkhatiyo natthi na santi na saṃvijjanti nupalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti – natthi kāci nisaṅkhati.
ৰিরতো সো ৰিযারব্ভাতি। ৰিযারব্ভো ৰুচ্চতি পুঞ্ঞাভিসঙ্খারো অপুঞ্ঞাভিসঙ্খারো আনেঞ্জাভিসঙ্খারো। যতো পুঞ্ঞাভিসঙ্খারো চ অপুঞ্ঞাভিসঙ্খারো চ আনেঞ্জাভিসঙ্খারো চ পহীনা হোন্তি উচ্ছিন্নমূলা তালাৰত্থুকতা অনভাৰংকতা আযতিং অনুপ্পাদধম্মা, এত্তাৰতা আরব্ভা ৰিযারব্ভা আরতো অস্স ৰিরতো পটিৰিরতো নিক্খন্তো নিস্সটো ৰিপ্পমুত্তো ৰিসঞ্ঞুত্তো ৰিমরিযাদিকতেন চেতসা ৰিহরতীতি – ৰিরতো সো ৰিযারব্ভা।
Virato so viyārabbhāti. Viyārabbho vuccati puññābhisaṅkhāro apuññābhisaṅkhāro āneñjābhisaṅkhāro. Yato puññābhisaṅkhāro ca apuññābhisaṅkhāro ca āneñjābhisaṅkhāro ca pahīnā honti ucchinnamūlā tālāvatthukatā anabhāvaṃkatā āyatiṃ anuppādadhammā, ettāvatā ārabbhā viyārabbhā ārato assa virato paṭivirato nikkhanto nissaṭo vippamutto visaññutto vimariyādikatena cetasā viharatīti – virato so viyārabbhā.
খেমং পস্সতি সব্বধীতি। ভযকরো রাগো ভযকরো দোসো ভযকরো মোহো…পে॰… ভযকরা কিলেসা। ভযকরস্স রাগস্স পহীনত্তা…পে॰… ভযকরানং কিলেসানং পহীনত্তা সব্বত্থ খেমং পস্সতি সব্বত্থ অভযং পস্সতি সব্বত্থ অনীতিকং পস্সতি সব্বত্থ অনুপদ্দৰং পস্সতি সব্বত্থ অনুপসগ্গং পস্সতি সব্বত্থ অনুপসট্ঠত্তং 105 পস্সতীতি – খেমং পস্সতি সব্বধি।
Khemaṃpassati sabbadhīti. Bhayakaro rāgo bhayakaro doso bhayakaro moho…pe… bhayakarā kilesā. Bhayakarassa rāgassa pahīnattā…pe… bhayakarānaṃ kilesānaṃ pahīnattā sabbattha khemaṃ passati sabbattha abhayaṃ passati sabbattha anītikaṃ passati sabbattha anupaddavaṃ passati sabbattha anupasaggaṃ passati sabbattha anupasaṭṭhattaṃ 106 passatīti – khemaṃ passati sabbadhi.
তেনাহ ভগৰা –
Tenāha bhagavā –
‘‘অনেজস্স ৰিজানতো, নত্থি কাচি নিসঙ্খতি।
‘‘Anejassa vijānato, natthi kāci nisaṅkhati;
ৰিরতো সো ৰিযারব্ভা, খেমং পস্সতি সব্বধী’’তি॥
Virato so viyārabbhā, khemaṃ passati sabbadhī’’ti.
১৮৯.
189.
ন সমেসু ন ওমেসু, ন উস্সেসু ৰদতে মুনি।
Na samesu na omesu, na ussesu vadate muni;
সন্তো সো ৰীতমচ্ছরো, 107 নাদেতি ন নিরস্সতি॥ [ইতি ভগৰা]
Santo so vītamaccharo,108nādeti na nirassati. [iti bhagavā]
ন সমেসু ন ওমেসু, ন উস্সেসু ৰদতে মুনীতি। মুনীতি। মোনং ৰুচ্চতি ঞাণং…পে॰… সঙ্গজালমতিচ্চ সো মুনি। ‘‘সেয্যোহমস্মী’’তি ৰা ‘‘সদিসোহমস্মী’’তি ৰা ‘‘হীনোহমস্মী’’তি ৰা ন ৰদতি ন কথেতি ন ভণতি ন দীপযতি ন ৰোহরতীতি – ন সমেসু ন ওমেসু, ন উস্সেসু ৰদতে মুনি।
Na samesu na omesu, na ussesu vadate munīti. Munīti. Monaṃ vuccati ñāṇaṃ…pe… saṅgajālamaticca so muni. ‘‘Seyyohamasmī’’ti vā ‘‘sadisohamasmī’’ti vā ‘‘hīnohamasmī’’ti vā na vadati na katheti na bhaṇati na dīpayati na voharatīti – na samesu na omesu, na ussesu vadate muni.
সন্তো সো ৰীতমচ্ছরোতি। সন্তোতি রাগস্স সন্তত্তা সমিতত্তা সন্তো, দোসস্স…পে॰… মোহস্স… সব্বাকুসলাভিসঙ্খারানং সন্তত্তা সমিতত্তা ৰূপসমিতত্তা ৰিজ্ঝাতত্তা নিব্বুতত্তা ৰিগতত্তা পটিপস্সদ্ধত্তা সন্তো উপসন্তো ৰূপসন্তো নিব্বুতো পটিপস্সদ্ধোতি – সন্তো। সো ৰীতমচ্ছরোতি। পঞ্চ মচ্ছরিযানি আৰাসমচ্ছরিযং…পে॰… গাহো ৰুচ্চতি মচ্ছরিযং। যস্সেতং মচ্ছরিযং পহীনং সমুচ্ছিন্নং…পে॰… ঞাণগ্গিনা দড্ঢং, সো ৰুচ্চতি ৰীতমচ্ছরো ৰিগতমচ্ছরো চত্তমচ্ছরো ৰন্তমচ্ছরো মুত্তমচ্ছরো পহীনমচ্ছরো পটিনিস্সট্ঠমচ্ছরোতি – সন্তো সো ৰীতমচ্ছরো।
Santo so vītamaccharoti. Santoti rāgassa santattā samitattā santo, dosassa…pe… mohassa… sabbākusalābhisaṅkhārānaṃ santattā samitattā vūpasamitattā vijjhātattā nibbutattā vigatattā paṭipassaddhattā santo upasanto vūpasanto nibbuto paṭipassaddhoti – santo. So vītamaccharoti. Pañca macchariyāni āvāsamacchariyaṃ…pe… gāho vuccati macchariyaṃ. Yassetaṃ macchariyaṃ pahīnaṃ samucchinnaṃ…pe… ñāṇagginā daḍḍhaṃ, so vuccati vītamaccharo vigatamaccharo cattamaccharo vantamaccharo muttamaccharo pahīnamaccharo paṭinissaṭṭhamaccharoti – santo so vītamaccharo.
নাদেতি ন নিরস্সতি, ইতি ভগৰাতি। নাদেতীতি রূপং নাদিযতি ন উপাদিযতি ন গণ্হাতি ন পরামসতি নাভিনিৰিসতি, ৰেদনং… সঞ্ঞং… সঙ্খারে… ৰিঞ্ঞাণং… গতিং… উপপত্তিং… পটিসন্ধিং… ভৰং… সংসারং… ৰট্টং নাদিযতি ন উপাদিযতি ন গণ্হাতি ন পরামসতি নাভিনিৰিসতীতি – নাদেতি। ন নিরস্সতীতি রূপং ন পজহতি ন ৰিনোদেতি ন ব্যন্তিং করোতি ন অনভাৰং গমেতি, ৰেদনং… সঞ্ঞং… সঙ্খারে… ৰিঞ্ঞাণং… গতিং… উপপত্তিং … পটিসন্ধিং… ভৰং… সংসারং… ৰট্টং ন পজহতি ন ৰিনোদেতি ন ব্যন্তিং করোতি ন অনভাৰং গমেতি। ভগৰাতি গারৰাধিৰচনং…পে॰… সচ্ছিকা পঞ্ঞত্তি যদিদং ভগৰাতি।
Nādetina nirassati, iti bhagavāti. Nādetīti rūpaṃ nādiyati na upādiyati na gaṇhāti na parāmasati nābhinivisati, vedanaṃ… saññaṃ… saṅkhāre… viññāṇaṃ… gatiṃ… upapattiṃ… paṭisandhiṃ… bhavaṃ… saṃsāraṃ… vaṭṭaṃ nādiyati na upādiyati na gaṇhāti na parāmasati nābhinivisatīti – nādeti. Na nirassatīti rūpaṃ na pajahati na vinodeti na byantiṃ karoti na anabhāvaṃ gameti, vedanaṃ… saññaṃ… saṅkhāre… viññāṇaṃ… gatiṃ… upapattiṃ … paṭisandhiṃ… bhavaṃ… saṃsāraṃ… vaṭṭaṃ na pajahati na vinodeti na byantiṃ karoti na anabhāvaṃ gameti. Bhagavāti gāravādhivacanaṃ…pe… sacchikā paññatti yadidaṃ bhagavāti.
তেনাহ ভগৰা –
Tenāha bhagavā –
‘‘ন সমেসু ন ওমেসু, ন উস্সেসু ৰদতে মুনি।
‘‘Na samesu na omesu, na ussesu vadate muni;
সন্তো সো ৰীতমচ্ছরো, নাদেতি ন নিরস্সতি’’॥ [ইতি ভগৰা]
Santo so vītamaccharo, nādeti na nirassati’’. [iti bhagavā]
অত্তদণ্ডসুত্তনিদ্দেসো পন্নরসমো।
Attadaṇḍasuttaniddeso pannarasamo.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / মহানিদ্দেস-অট্ঠকথা • Mahāniddesa-aṭṭhakathā / ১৫. অত্তদণ্ডসুত্তনিদ্দেসৰণ্ণনা • 15. Attadaṇḍasuttaniddesavaṇṇanā
